യഹോവ—നീതി​യും ന്യായ​വും ഇഷ്ടപ്പെ​ടു​ന്ന​വൻ

സാര​യെ​വോ​യി​ലുള്ള ഒരു കൊച്ചു പെൺകു​ട്ടി, തന്റെ നഗരത്തി​ലെ കുട്ടികൾ ഇത്രയ​ധി​കം ദുരിതം സഹി​ക്കേ​ണ്ടി​വ​രു​ന്നത്‌ എന്തു​കൊ​ണ്ടെന്നു സ്വയം ചോദി​ക്കു​ന്നു. “ഞങ്ങൾ ഒന്നും ചെയ്‌തി​ട്ടില്ല. നിഷ്‌ക​ള​ങ്ക​രാ​ണു ഞങ്ങൾ,” അവൾ പറയുന്നു. പരി​ഭ്രാ​ന്ത​രായ അർജൻറീ​നി​യൻ മാതാക്കൾ തങ്ങളുടെ പുത്ര​ന്മാ​രു​ടെ തിരോ​ധാ​ന​ത്തിൽ പ്രതി​ഷേ​ധിച്ച്‌ ഏതാണ്ട്‌ 15 വർഷ​ത്തോ​ള​മാ​യി ബ്യൂണസ്‌ അയേഴ്‌സി​ലെ പൊതു തെരു​വിൽ പ്രകട​നങ്ങൾ നടത്തി​യി​ട്ടുണ്ട്‌. വംശീയ അക്രമം പൊട്ടി​പ്പു​റ​പ്പെ​ട്ട​പ്പോൾ തന്റെ അമ്മയും മൂന്നു സഹോ​ദ​രി​മാ​രും മൃഗീ​യ​മാ​യി കൊല​ചെ​യ്യ​പ്പെട്ട ഇമ്മാനു​വേൽ എന്നു പേരുള്ള ഒരു ആഫ്രി​ക്ക​ക്കാ​രൻ ഇങ്ങനെ തറപ്പി​ച്ചു​പ​റ​യു​ന്നു: “ഓരോ​രു​ത്തർക്കും ന്യായ​മായ പ്രതി​ഫലം ലഭിക്കണം . . . ഞങ്ങൾക്കു ന്യായം വേണം.”

യഹോ​വ​യു​ടെ മുഖ്യ ഗുണങ്ങ​ളിൽ ഒന്നാണ്‌ നീതി. “അവന്റെ വഴികൾ ഒക്കെയും ന്യായം” എന്നു ബൈബിൾ പറയുന്നു. തീർച്ച​യാ​യും, യഹോവ “നീതി​യും ന്യായ​വും ഇഷ്ടപ്പെ​ടുന്ന”വനാണ്‌. (ആവർത്ത​ന​പു​സ്‌തകം 32:4; സങ്കീർത്തനം 33:5) ദൈവത്തെ നന്നായി അറിയു​ന്ന​തിന്‌, നീതി സംബന്ധിച്ച്‌ അവനുള്ള അവബോ​ധ​ത്തെ​ക്കു​റി​ച്ചു നാം മനസ്സി​ലാ​ക്കു​ക​യും അത്‌ അനുക​രി​ക്കാൻ പഠിക്കു​ക​യും വേണം.—ഹോശേയ 2:19, 20; എഫെസ്യർ 5:1.

നീതി സംബന്ധി​ച്ചു നമുക്കുള്ള ധാരണ, മനുഷ്യർ ഈ ഗുണത്തെ എന്തായി കരുതു​ന്നു​വോ അതിനാൽ രൂപ​പ്പെ​ട്ട​താ​യി​രി​ക്കാ​നി​ട​യുണ്ട്‌. ലോക​ത്തി​ന്റെ ചില ഭാഗങ്ങ​ളിൽ, ഒരു വാളും ഒരു തുലാ​സും കയ്യിൽ പിടി​ച്ചി​രി​ക്കുന്ന, കണ്ണു മൂടി​ക്കെ​ട്ടി​യി​രി​ക്കുന്ന ഒരു സ്‌ത്രീ​യാ​യി നീതിയെ ചിത്രീ​ക​രി​ക്കു​ന്നുണ്ട്‌. മനുഷ്യ​നീ​തി മുഖപ​ക്ഷ​മി​ല്ലാ​ത്ത​താ​യി​രി​ക്കാൻ, അതായത്‌ സമ്പത്തോ സ്വാധീ​ന​മോ സംബന്ധിച്ച്‌ അന്ധമാ​യി​രി​ക്കാൻ ഉദ്ദേശി​ക്ക​പ്പെ​ടു​ന്നു. പ്രതി​യു​ടെ കുറ്റമോ നിഷ്‌ക​ള​ങ്ക​ത​യോ അതു ശ്രദ്ധാ​പൂർവം തുലാ​സിൽ തൂക്കി​നോ​ക്കണം. ഈ വാളു​കൊണ്ട്‌, നീതി നിഷ്‌ക​ള​ങ്കരെ സംരക്ഷി​ക്കു​ക​യും കുറ്റം ചെയ്‌ത​വരെ ശിക്ഷി​ക്കു​ക​യും ചെയ്യുന്നു.

“നീതി നിയമ​ത്തോ​ടും കടപ്പാ​ടി​നോ​ടും അവകാ​ശ​ങ്ങ​ളോ​ടും കടമക​ളോ​ടും ബന്ധപ്പെ​ട്ടി​രി​ക്കു​ക​യും സമത്വം അല്ലെങ്കിൽ യോഗ്യത അനുസ​രിച്ച്‌ അതിന്റെ തീർപ്പു പ്രാബ​ല്യ​ത്തിൽ വരുത്തു​ക​യും ചെയ്യുന്നു” എന്ന്‌ അവകാ​ശ​വും ന്യായ​ബോ​ധ​വും—സിദ്ധാ​ന്ത​ത്തി​ലും ആചാര​ത്തി​ലു​മുള്ള സദാചാ​ര​മൂ​ല്യ​ങ്ങൾ (ഇംഗ്ലീഷ്‌) എന്ന ഗ്രന്ഥം പറയുന്നു. എന്നാൽ യഹോ​വ​യു​ടെ നീതി അതി​നെ​ക്കാൾ വളരെ കവിഞ്ഞു​പോ​കു​ന്നു. ഏറെയും തന്റെ സ്വർഗീയ പിതാ​വി​നെ​പ്പോ​ലെ​യാ​യി​രി​ക്കുന്ന യേശു​ക്രി​സ്‌തു​വി​ന്റെ ചെയ്‌തി​ക​ളും ഗുണങ്ങ​ളും പരിചി​ന്തി​ക്കു​ക​വഴി നമുക്ക്‌ അതു കാണാൻ കഴിയും.—എബ്രായർ 1:3.

യെശയ്യാ​വു 42:3-ലെ വാക്കുകൾ സുവി​ശേഷ എഴുത്തു​കാ​ര​നായ മത്തായി യേശു​വിൽ ബാധക​മാ​ക്കു​ക​യു​ണ്ടാ​യി. അവൻ ഇങ്ങനെ പ്രസ്‌താ​വി​ച്ചു: “ചതഞ്ഞ ഓട [“ഈറൽ,” NW] അവൻ ഒടിച്ചു​ക​ള​ക​യില്ല; പുകയുന്ന തിരി കെടു​ത്തു​ക​ള​ക​യില്ല; അവൻ ന്യായ​വി​ധി [“നീതി,” NW] ജയത്തോ​ളം നടത്തും.” വളഞ്ഞു​പോയ, ചതഞ്ഞ ഈറൽപോ​ലു​ള്ള​വ​രും ചവിട്ടി​മെ​തി​ക്ക​പ്പെ​ട്ട​വ​രു​മായ ആളുക​ളോ​ടു യേശു ആശ്വാ​സ​ത്തി​ന്റെ ഒരു സന്ദേശം പ്രഘോ​ഷി​ച്ചു. അവർ ഒരു വിളക്കി​ലെ പുകയുന്ന തിരി​പോ​ലെ​യാ​യി​രു​ന്നു. അവരുടെ ജീവന്റെ അവസാ​നത്തെ നാളവും ഏതാണ്ട്‌ അണയാ​റാ​യ​തു​പോ​ലെ​യാ​യി​രു​ന്നു. ചതഞ്ഞ ഈറലു​കളെ പ്രതീ​കാ​ത്മ​ക​മാ​യി ഒടിക്കു​ക​യും പുകയുന്ന തിരികൾ കെടു​ത്തി​ക്ക​ള​യു​ക​യും ചെയ്യു​ന്ന​തി​നു​പ​കരം, യേശു​വി​നു കഷ്ടപ്പെ​ടു​ന്ന​വ​രോ​ടു സഹതാപം തോന്നു​ക​യും അവരെ പഠിപ്പി​ക്കു​ക​യും സൗഖ്യ​മാ​ക്കു​ക​യും ചെയ്‌തു. മാത്രമല്ല, യഹോ​വ​യാം ദൈവ​ത്തി​ന്റെ നീതി അവർക്കു വ്യക്തമാ​ക്കി​ക്കൊ​ടു​ക്കു​ക​യും ചെയ്‌തു. (മത്തായി 12:10-21) യെശയ്യാ​വി​ന്റെ പ്രവചനം മൂൻകൂ​ട്ടി​പ്പ​റ​ഞ്ഞ​തു​പോ​ലെ, അത്തരം നീതി പ്രത്യാശ പകരു​ക​യു​ണ്ടാ​യി.

കരുണ​യും യഹോ​വ​യു​ടെ നീതി​യും

കരുണ ദൈവ​ത്തി​ന്റെ നീതി​യു​ടെ ഒരു അനിവാ​ര്യ ഘടകമാണ്‌. യേശു ഭൂമി​യി​ലാ​യി​രു​ന്ന​പ്പോൾ അതു മുൻപ​ന്തി​യി​ലേക്കു വന്നു. നീതി​യും ന്യായ​വും സംബന്ധിച്ച ദൈവ​ത്തി​ന്റെ നിലവാ​ര​ങ്ങളെ അവൻ പൂർണ​മാ​യി പ്രതി​ഫ​ലി​പ്പി​ച്ചു. എന്നിരു​ന്നാ​ലും, വഴക്കമി​ല്ലാത്ത, അധിക​വും തങ്ങളു​ടെ​തന്നെ നിർമി​തി​യായ ഒരു നിയമ​സം​ഹിത പിൻപ​റ്റി​ക്കൊ​ണ്ടു നീതി പ്രാപി​ക്കാൻ യഹൂദാ ശാസ്‌ത്രി​മാ​രും പരീശ​ന്മാ​രും ശ്രമിച്ചു. അവരുടെ നിയമ​പ​ര​മായ നീതി സാധാ​ര​ണ​മാ​യി കരുണയെ പുറം​തള്ളി. യേശു​വും പരീശ​ന്മാ​രും ഉൾപ്പെട്ട അനേകം ഏറ്റുമു​ട്ട​ലു​ക​ളും, യഥാർഥ നീതി​യും ന്യായ​വും എന്താണ്‌ എന്ന വിവാ​ദ​വി​ഷ​യത്തെ ചൊല്ലി​യു​ള്ള​താ​യി​രു​ന്നു.—മത്തായി 9:10-13; മർക്കൊസ്‌ 3:1-5; ലൂക്കൊസ്‌ 7:36-47.

 നീതി​നി​ഷ്‌ഠ​വും ന്യായ​വു​മായ ഒരു വിധത്തിൽ മറ്റുള്ള​വ​രോട്‌ എങ്ങനെ ഇടപെ​ട​ണ​മെന്നു യേശു ചിത്രീ​ക​രി​ച്ചു. നിത്യ​ജീ​വൻ അവകാ​ശ​മാ​ക്കു​വാൻ എന്താണ്‌ ആവശ്യ​മാ​യി​രി​ക്കു​ന്ന​തെന്ന്‌ ന്യായ​പ്ര​മാ​ണ​ത്തിൽ പ്രവീ​ണ​നായ ഒരു മനുഷ്യൻ ഒരിക്കൽ യേശു​വി​നോ​ടു ചോദി​ച്ചു. അതിനു പ്രതി​ക​ര​ണ​മാ​യി, യേശു അയാ​ളോട്‌ ഒരു ചോദ്യം ചോദി​ച്ചു. ഏറ്റവും മുഖ്യ രണ്ടു നിയമങ്ങൾ ഒരുവൻ തന്റെ പൂർണ ഹൃദയ​ത്തോ​ടും ദേഹി​യോ​ടും മനസ്സോ​ടും ശക്തി​യോ​ടും കൂടെ ദൈവത്തെ സ്‌നേ​ഹി​ക്കു​ന്ന​തും തന്നെ​പ്പോ​ലെ​തന്നെ തന്റെ അയൽക്കാ​രനെ സ്‌നേ​ഹി​ക്കു​ന്ന​തും ആണെന്നു മറുപടി പറഞ്ഞ​പ്പോൾ യേശു അയാളെ അനു​മോ​ദി​ക്കു​ക​യാ​ണു ചെയ്‌തത്‌. “യഥാർഥ​ത്തിൽ ആരാണു എന്റെ അയൽക്കാ​രൻ?” എന്ന്‌ ആ മനുഷ്യൻ അപ്പോൾ തിരിച്ചു ചോദി​ച്ചു. സൗഹാർദ​നായ ശമര്യാ​ക്കാ​രന്റെ ദൃഷ്ടാന്തം വിവരി​ച്ചു​കൊ​ണ്ടു യേശു മറുപടി നൽകി.—ലൂക്കൊസ്‌ 10:25-37.

യഹോ​വ​യു​ടെ ന്യായ​വും കരുണാ​പൂർവ​മായ നീതി​യും ശമര്യാ​ക്കാ​ര​നെ​ക്കു​റി​ച്ചുള്ള യേശു​വി​ന്റെ ദൃഷ്ടാ​ന്ത​ത്താൽ ചിത്രീ​ക​രി​ക്ക​പ്പെട്ടു. തനിക്കു പരിച​യ​മി​ല്ലാഞ്ഞ, പരുക്കേറ്റ ഒരു മനുഷ്യ​നെ സഹായി​ക്കു​ക​വഴി ശമര്യാ​ക്കാ​രൻ നേരുള്ള, നീതി​നി​ഷ്‌ഠ​മായ, കരുണാ​പ​ര​മായ ഒരു കാര്യ​മാ​ണു ചെയ്‌തത്‌. ഭൂമി​യി​ലാ​യി​രു​ന്ന​പ്പോൾ യേശു​ത​ന്നെ​യും അതേ മനോ​ഭാ​വം പ്രകട​മാ​ക്കു​ക​യു​ണ്ടാ​യി. അവൻ നീതി​മാ​നും ന്യായ​മു​ള്ള​വ​നു​മാ​യി​രു​ന്നു. മാത്രമല്ല, സഹായ​മാ​വ​ശ്യ​മു​ണ്ടാ​യി​രുന്ന ആളുകൾക്കാ​യി, കഷ്ടപ്പാ​ടി​നും രോഗ​ത്തി​നും മരണത്തി​നും അടി​പ്പെ​ട്ട​വ​രാ​യി​രുന്ന പാപി​ക​ളായ അപൂർണ മനുഷ്യർക്കാ​യി, യേശു തന്റെ ജീവൻ നൽകി. അപ്പോ​സ്‌ത​ല​നായ പൗലോസ്‌ നീതിയെ മറുവി​ലാ​ക​രു​ത​ലു​മാ​യി ബന്ധപ്പെ​ടു​ത്തി. അവൻ ഇങ്ങനെ എഴുതി: “അങ്ങനെ ഏകലം​ഘ​ന​ത്താൽ സകലമ​നു​ഷ്യർക്കും ശിക്ഷാ​വി​ധി വന്നതു​പോ​ലെ ഏകനീ​തി​യാൽ [അല്ലെങ്കിൽ, “നീതി​നി​ഷ്‌ഠ​മായ ഒരു പ്രവൃ​ത്തി​യാൽ,” NW അടിക്കു​റിപ്പ്‌] സകലമ​നു​ഷ്യർക്കും ജീവകാ​ര​ണ​മായ നീതീ​ക​ര​ണ​വും വന്നു.” (റോമർ 5:18) ഈ “നീതി​നി​ഷ്‌ഠ​മായ ഒരു പ്രവൃത്തി,” തങ്ങൾ നേരിട്ട്‌ ഉത്തരവാ​ദി​ക​ള​ല്ലാ​തി​രുന്ന, ആദാമി​ന്റെ പാപത്തി​ന്റെ വിപത്‌ക​ര​മായ അനന്തര​ഫ​ല​ങ്ങ​ളിൽനിന്ന്‌ അനുസ​ര​ണ​മുള്ള മനുഷ്യ​വർഗത്തെ രക്ഷിക്കു​ന്ന​തി​നുള്ള ദൈവ​ത്തി​ന്റെ വഴിയാ​യി​രു​ന്നു.

പാപി​ക​ളാ​യ മനുഷ്യ​രെ വീണ്ടെ​ടു​ക്കാ​നും അതേസ​മയം നീതി​നി​ഷ്‌ഠ​മായ തത്ത്വങ്ങളെ ഉയർത്തി​പ്പി​ടി​ക്കാ​നും ദൈവ​നീ​തി ശ്രമിച്ചു. പാപത്തെ അവഗണി​ക്കുക ന്യായ​ര​ഹി​ത​വും സ്‌നേ​ഹ​ര​ഹി​ത​വു​മാ​യി​രി​ക്കു​മാ​യി​രു​ന്നു. കാരണം അതു നിയമ​രാ​ഹി​ത്യ​ത്തെ പ്രോ​ത്സാ​ഹി​പ്പി​ക്കു​മാ​യി​രു​ന്നു. നേരേ​മ​റിച്ച്‌, ഒരു പ്രതി​ഫ​ല​മോ ശിക്ഷയോ കൊടു​ക്കാൻ മാത്ര​മാ​യി ദൈവ​ത്തി​ന്റെ നീതി പരിമി​ത​പ്പെ​ട്ടി​രു​ന്നെ​ങ്കിൽ, മനുഷ്യ​വർഗ​ത്തി​ന്റെ സ്ഥിതി പ്രത്യാ​ശ​യ​റ്റ​താ​യി​ത്തീ​രു​മാ​യി​രു​ന്നു. ബൈബിൾ പറയു​ന്ന​ത​നു​സ​രിച്ച്‌, “പാപത്തി​ന്റെ ശമ്പളം മരണമ​ത്രേ,” മാത്രമല്ല “നീതി​മാൻ ആരുമില്ല. ഒരുത്തൻപോ​ലു​മില്ല.” (റോമർ 3:10; 6:23) തനിക്കും തന്റെ പ്രിയ പുത്ര​നും വ്യക്തി​പ​ര​മാ​യി വലിയ നഷ്ടം വരുത്തി​വെ​ച്ചു​കൊണ്ട്‌, യഹോവ പാപങ്ങൾക്കാ​യി പ്രായ​ശ്ചി​ത്ത​യാ​ഗം പ്രദാനം ചെയ്‌തു.—1 യോഹ​ന്നാൻ 2:1, 2.

ദിവ്യ​നീ​തി തത്ത്വാ​ധി​ഷ്‌ഠിത സ്‌നേ​ഹ​വു​മാ​യി (ഗ്രീക്ക്‌, അഗാപെ) ഇഴചേർന്നി​രി​ക്കു​ന്ന​താ​യി മറുവില കാട്ടി​ത്ത​രു​ന്നു. തീർച്ച​യാ​യും, ദൈവ​ത്തി​ന്റെ നീതി അവന്റെ നീതി​നി​ഷ്‌ഠ​മായ തത്ത്വങ്ങ​ളു​ടെ പൂർത്തീ​ക​ര​ണ​മാണ്‌—അവൻ ധാർമി​ക​മാ​യി എന്തിനു വേണ്ടി നില​കൊ​ള്ളു​ന്നു​വോ അതിന്റെ ഒരു പ്രതി​ഫ​ലനം. അതു​കൊണ്ട്‌ ദൈവം അഗാപെ പ്രകട​മാ​ക്കു​മ്പോൾ അതു ദിവ്യ​നീ​തി അടിസ്ഥാ​ന​പ്പെ​ട്ടി​രി​ക്കുന്ന സ്‌നേ​ഹ​മാണ്‌. (മത്തായി 5:43-48) അങ്ങനെ നാം യഹോ​വ​യു​ടെ നീതിയെ ശരിക്കും ഗ്രഹി​ക്കു​ക​യാ​ണെ​ങ്കിൽ, അവന്റെ ന്യായ​ത്തീർപ്പു​ക​ളിൽ നമുക്കു സമ്പൂർണ​മായ ആശ്രയ​ത്വ​മു​ണ്ടാ​യി​രി​ക്കും. “സർവ്വ ഭൂമി​ക്കും ന്യായാ​ധി​പ​തി​യാ​യവൻ” എന്നനി​ല​യിൽ, അവൻ എല്ലായ്‌പോ​ഴും ശരിയാ​യതു ചെയ്യുന്നു.—ഉല്‌പത്തി 18:25; സങ്കീർത്തനം 119:75.

യഹോ​വ​യു​ടെ നീതി അനുക​രി​ക്കു​ക

‘ദൈവത്തെ അനുക​രി​പ്പാൻ’ ബൈബിൾ നമ്മെ ഉദ്‌ബോ​ധി​പ്പി​ക്കു​ന്നു. (എഫെസ്യർ 5:1) അതിന്റെ അർഥം അവന്റെ നീതി​യെ​യും അതു​പോ​ലെ​തന്നെ സ്‌നേ​ഹ​ത്തെ​യും അനുക​രി​ക്കുക എന്നാണ്‌. എന്നിരു​ന്നാ​ലും നാം അപൂർണ​രാ​യി​രി​ക്കു​ന്ന​തി​നാൽ, നമ്മുടെ വഴികൾ യഹോ​വ​യാം ദൈവ​ത്തി​ന്റെ വഴികൾപോ​ലെ ഉന്നതമല്ല. (യെശയ്യാ​വു 55:8, 9; യെഹെ​സ്‌കേൽ 18:25) അതു​കൊണ്ട്‌ നീതി​യും ന്യായ​വും സ്‌നേ​ഹി​ക്കു​ന്ന​വ​രാ​ണെന്നു നമു​ക്കെ​ങ്ങനെ തെളി​യി​ക്കാൻ സാധി​ക്കും? “സത്യത്തി​ന്റെ ഫലമായ നീതി​യി​ലും വിശു​ദ്ധി​യി​ലും ദൈവാ​നു​രൂ​പ​മാ​യി സൃഷ്ടി​ക്ക​പ്പെട്ട പുതു​മ​നു​ഷ്യ​നെ [“പുതിയ വ്യക്തി​ത്വം,” NW] ധരിച്ചു​കൊ”ണ്ട്‌ നമുക്ക്‌ അതു സാധി​ക്കും. (എഫെസ്യർ 4:24) അപ്പോൾ നാം ദൈവം സ്‌നേ​ഹി​ക്കു​ന്ന​തി​നെ സ്‌നേ​ഹി​ക്കു​ക​യും അവൻ വെറു​ക്കു​ന്ന​തി​നെ വെറു​ക്കു​ക​യും ചെയ്യും. യഥാർഥ “നീതി” അക്രമം, അധാർമി​കത, അശുദ്ധി, വിശ്വാ​സ​ത്യാ​ഗം തുടങ്ങിയ കാര്യ​ങ്ങളെ തള്ളിക്ക​ള​യു​ന്നു, കാരണം വിശു​ദ്ധ​മാ​യ​തി​നെ ലംഘി​ക്കുന്ന കാര്യ​ങ്ങ​ളാണ്‌ അവ. (സങ്കീർത്തനം 11:5; എഫെസ്യർ 5:3-5; 2 തിമൊ​ഥെ​യൊസ്‌ 2:16, 17) മറ്റുള്ള​വ​രിൽ യഥാർഥ​മായ താത്‌പ​ര്യം പ്രകട​മാ​ക്കാൻ ദൈവി​ക​നീ​തി നമ്മെ പ്രചോ​ദി​പ്പി​ക്കു​ക​യും ചെയ്യുന്നു.—സങ്കീർത്തനം 37:21; റോമർ 15:1-3.

മാത്രമല്ല, ദൈവ​നീ​തി​യു​ടെ കരുണാർദ്ര​മായ സ്വഭാവം നാം വിലമ​തി​ക്കു​ന്നെ​ങ്കിൽ, ആത്മീയ സഹോ​ദ​രീ​സ​ഹോ​ദ​ര​ന്മാ​രെ വിധി​ക്കാൻ നാം ചായ്‌വു കാണിക്കു കയില്ല. യഹോവ അവരെ മനസ്സി​ലാ​ക്കു​ന്ന​തു​പോ​ലെ നമുക്ക്‌ അവരെ എങ്ങനെ മനസ്സി​ലാ​ക്കാൻ കഴിയും? മുൻവി​ധി കലർന്ന നമ്മുടെ സ്വന്തം വീക്ഷണ​ത്തിൽനി​ന്നാ​യി​രി​ക്കി​ല്ലേ നാം അവരെ വിധി​ക്കു​ന്നത്‌? അതു​കൊണ്ട്‌ യേശു ഇങ്ങനെ മുന്നറി​യി​പ്പു നൽകി: “നിങ്ങൾ വിധി​ക്ക​പ്പെ​ടാ​തി​രി​ക്കേ​ണ്ട​തി​ന്നു വിധി​ക്ക​രു​തു. നിങ്ങൾ വിധി​ക്കുന്ന വിധി​യാൽ നിങ്ങ​ളെ​യും വിധി​ക്കും; നിങ്ങൾ അളക്കുന്ന അളവി​നാൽ നിങ്ങൾക്കും അളന്നു കിട്ടും. എന്നാൽ സ്വന്തക​ണ്ണി​ലെ കോൽ ഓർക്കാ​തെ സഹോ​ദ​രന്റെ കണ്ണിലെ കരടു നോക്കു​ന്നതു എന്തു? അല്ല, സ്വന്തക​ണ്ണിൽ കോൽ ഇരിക്കെ നീ സഹോ​ദ​ര​നോ​ടു: നില്ലു, നിന്റെ കണ്ണിൽനി​ന്നു കരടു എടുത്തു​ക​ള​യട്ടെ, എന്നു പറയു​ന്നതു എങ്ങനെ? കപടഭ​ക്തി​ക്കാ​രാ, മുമ്പെ സ്വന്തക​ണ്ണിൽനി​ന്നു കോൽ എടുത്തു​കളക; പിന്നെ സഹോ​ദ​രന്റെ കണ്ണിൽനി​ന്നു കരടു എടുത്തു​ക​ള​വാൻ വെടി​പ്പാ​യി കാണും.” (മത്തായി 7:1-5) നമ്മുടെ സ്വന്തം അപൂർണ​തകൾ സംബന്ധിച്ച ഒരു വിലയി​രു​ത്തൽ, യഹോവ നീതി​ര​ഹി​ത​മെന്നു കരുതുന്ന വിധികൾ നടത്തു​ന്ന​തിൽനി​ന്നു നമ്മെ തടയും.

ഗുരു​ത​ര​മാ​യ ദുഷ്‌പ്ര​വൃ​ത്തി ഉൾപ്പെട്ട കേസു​ക​ളിൽ വിധി നടത്താൻ നിയമിത സഭാമൂ​പ്പ​ന്മാർക്കു കടപ്പാ​ടുണ്ട്‌. (1 കൊരി​ന്ത്യർ 5:12, 13) അങ്ങനെ ചെയ്യു​മ്പോൾ, ദൈവ​നീ​തി, സാധ്യ​മാ​യി​രി​ക്കു​ന്നി​ടത്തു കരുണ കാട്ടാൻ ശ്രമി​ക്കു​ന്ന​താ​യി അവർ ഓർക്കു​ന്നു. അതിനു യാതൊ​രു അടിസ്ഥാ​ന​വു​മി​ല്ലെ​ങ്കിൽ—അനുതാ​പ​മി​ല്ലാത്ത പാപി​ക​ളു​ടെ കാര്യ​ത്തി​ലെ​ന്ന​പോ​ലെ—കരുണ കാട്ടാ​നാ​വില്ല. എന്നാൽ, പ്രതി​കാ​ര​മ​നോ​ഭാ​വം നിമിത്തം അത്തര​മൊ​രു ദുഷ്‌പ്ര​വൃ​ത്തി​ക്കാ​രനെ മൂപ്പന്മാർ സഭയിൽനി​ന്നു പുറം​ത​ള്ളു​ന്നില്ല. പുറത്താ​ക്കൽ നടപടി അയാളെ തന്റെ സുബോ​ധ​ത്തി​ലേക്കു കൊണ്ടു​വ​രു​മെന്ന്‌ അവർ പ്രതീ​ക്ഷി​ക്കു​ന്നു. (യെഹെ​സ്‌കേൽ 18:23 താരത​മ്യം ചെയ്യുക.) ക്രിസ്‌തു​വി​ന്റെ ശിരഃ​സ്ഥാ​ന​ത്തിൻ കീഴിൽ, നീതി​താ​ത്‌പ​ര്യ​ങ്ങൾക്കു വേണ്ടി മൂപ്പന്മാർ സേവി​ക്കു​ന്നു. ‘കാറ്റിന്നു ഒരു മറവാ’യിരി​ക്കു​ന്ന​തും അതിൽ ഉൾപ്പെ​ടു​ന്നു. (യെശയ്യാ​വു 32:1, 2) അതു​കൊണ്ട്‌ അവർ മുഖപ​ക്ഷ​മി​ല്ലാ​യ്‌മ​യും ന്യായ​യു​ക്ത​ത​യും കാണി​ക്കണം.—ആവർത്ത​ന​പു​സ്‌തകം 1:16, 17.

നീതി​യിൽ വിത്തുകൾ വിതയ്‌ക്കു​ക

ദൈവ​ത്തി​ന്റെ നീതി​യുള്ള പുതിയ ലോക​ത്തി​നാ​യി നാം കാത്തി​രി​ക്കു​മ്പോൾ, ദിവ്യ പ്രീതി ആസ്വദി​ക്കു​ന്ന​തി​നു “നീതി അന്വേഷി”ക്കേണ്ടതു​ണ്ടു നാം. (സെഫന്യാ​വു 2:3; 2 പത്രൊസ്‌ 3:13) ഈ ആശയം ഹോശേയ 10:12-ൽ കാണുന്ന വാക്കു​ക​ളിൽ മനോ​ഹ​ര​മാ​യി പ്രകടി​പ്പി​ച്ചി​രി​ക്കു​ന്നു: “നീതി​യിൽ വിതെ​പ്പിൻ; ദയെ​ക്കൊ​ത്ത​വണ്ണം കൊയ്യു​വിൻ; നിങ്ങളു​ടെ തരിശു​നി​ലം ഉഴുവിൻ; യഹോവ വന്നു നിങ്ങളു​ടെ മേൽ നീതി വർഷി​പ്പി​ക്കേ​ണ്ട​തി​ന്നു അവനെ അന്വേ​ഷി​പ്പാ​നുള്ള കാലം ആകുന്നു​വ​ല്ലോ.”

അയൽസ്‌നേ​ഹ​മു​ണ്ടാ​യി​രുന്ന ശമര്യാ​ക്കാ​രന്റെ ഉപമയി​ലൂ​ടെ യേശു വ്യക്തമാ​ക്കി​യ​തു​പോ​ലെ, നമ്മുടെ ദൈനം​ദിന ജീവി​ത​ത്തിൽ ‘നീതി​യിൽ വിതെ​പ്പാൻ’ നമുക്ക്‌ അനേകം അവസര​ങ്ങ​ളുണ്ട്‌. നാം “ദയെ​ക്കൊ​ത്ത​വണ്ണം കൊയ്യു”ന്നുവെന്നു യഹോവ ഉറപ്പു വരുത്തും. നാം “നീതി​പാത”യിൽ തുടർന്നും നടക്കു​ന്നു​വെ​ങ്കിൽ, രാജ്യ​ഭ​ര​ണ​ത്തിൻ കീഴിൽ നമുക്കു നീതി​യിൽ പ്രബോ​ധനം ലഭിക്കും. (യെശയ്യാ​വു 40:14, NW) കാലം കടന്നു​പോ​കവേ, യഹോവ നീതി​യും ന്യായ​വും ഇഷ്ടപ്പെ​ടുന്ന ഒരുവ​നാ​ണെന്നു കൂടുതൽ തിക​വോ​ടെ സംശയ​ലേ​ശ​മെ​ന്യേ നാം മനസ്സി​ലാ​ക്കാൻ ഇടയാ​യി​ത്തീ​രും.—സങ്കീർത്തനം 33:4, 5.

[23-ാം പേജിലെ ചിത്രം]

സൗഹാർദനായ ശമര്യാ​ക്കാ​രൻ യഹോ​വ​യു​ടെ നീതിയെ ദൃഷ്ടാ​ന്തീ​ക​രി​ച്ചു

[23-ാം പേജിലെ ചിത്രം]

ചതഞ്ഞ ഈറൽ പോലെ, കഷ്ടതയ​നു​ഭ​വി​ച്ചി​രുന്ന ജനത്തോ​ടു യേശു​വി​നു സഹതാപം തോന്നി