ദേഹി അമർത്ത്യ​മോ?

തുറന്നു​വെച്ച ആ ശവപ്പെ​ട്ടി​യു​ടെ അടുത്തു​കൂ​ടി സ്‌നേ​ഹി​ത​രും കുടും​ബാം​ഗ​ങ്ങ​ളും സാവധാ​നം നടന്നു​നീ​ങ്ങു​ന്നു. 17 വയസ്സു​കാ​ര​നായ ആ യുവാ​വി​ന്റെ ശവശരീ​ര​ത്തി​ലേക്ക്‌ അവർ ഉറ്റു​നോ​ക്കു​ന്നു. സ്‌കൂ​ളി​ലെ അവന്റെ സുഹൃ​ത്തു​ക്കൾക്ക്‌ അവനെ തിരി​ച്ച​റി​യാൻ വളരെ പ്രയാസം. രാസചി​കിത്സ നിമിത്തം അവന്റെ മുടി​യി​ല​ധി​ക​വും കൊഴി​ഞ്ഞു​പോ​യി​രി​ക്കു​ന്നു, കാൻസർ മൂലം അവന്റെ തൂക്കം വളരെ കുറഞ്ഞു​പോ​യി​രി​ക്കു​ന്നു. വാസ്‌ത​വ​ത്തിൽ ഇതുത​ന്നെ​യാ​ണോ അവരുടെ സ്‌നേ​ഹി​തൻ? ഏതാനും ആഴ്‌ച​കൾക്കു മുമ്പ്‌, ആശയങ്ങ​ളും ചോദ്യ​ങ്ങ​ളും ഊർജ​വും ജീവനും തുടി​ച്ചു​നിന്ന ഒരുവ​നാ​യി​രു​ന്നു അവൻ! ആ കുട്ടി​യു​ടെ മാതാവ്‌ കണ്ണീ​രോ​ടെ ഇങ്ങനെ ആവർത്തി​ച്ചു പറയുന്നു: “ടോമി ഇപ്പോൾ കൂടുതൽ സന്തോ​ഷ​വാ​നാണ്‌. ടോമി തന്റെ കൂടെ സ്വർഗ​ത്തിൽ ഉണ്ടായി​രി​ക്കാൻ ദൈവം ആഗ്രഹി​ച്ചു.”

ഹൃദയം തകർന്ന ആ മാതാവ്‌ തന്റെ പുത്രൻ ഏതായാ​ലും ഇപ്പോ​ഴും ജീവി​ച്ചി​രി​ക്കു​ന്നു എന്ന ആശയത്തിൽ തെല്ലൊ​രു ആശ്വാ​സ​വും സാന്ത്വ​ന​വും കണ്ടെത്തു​ന്നു. ദേഹി അമർത്ത്യ​മാ​ണെന്ന്‌, അതു വ്യക്തി​ത്വ​ത്തി​ന്റെ​യും ചിന്തക​ളു​ടെ​യും ഓർമ​ക​ളു​ടെ​യും—“അഹ”ത്തിന്റെ—ഇരിപ്പി​ട​മാ​ണെന്നു സഭയിൽ അവളെ പഠിപ്പി​ച്ചി​രു​ന്നു. തന്റെ മകന്റെ ദേഹി മരിച്ചി​ട്ടേ​യില്ല; കാരണം, അതു ജീവി​ച്ചി​രി​ക്കുന്ന ഒരു ആത്മവ്യ​ക്തി​യാ​യ​തി​നാൽ, മരണത്തി​ങ്കൽ ശരീരത്തെ വിട്ട്‌ ദൈവ​ത്തി​ന്റെ​യും ദൂതന്മാ​രു​ടെ​യും കൂടെ​യാ​യി​രി​ക്കാൻ സ്വർഗ​ത്തി​ലേക്കു പോ​യെന്ന്‌ അവൾ വിശ്വ​സി​ക്കു​ന്നു.

ദുരന്ത​സ​മ​യത്ത്‌, പ്രത്യാ​ശ​യു​ടെ എന്തെങ്കി​ലു​മൊ​രു കിരണ​മു​ണ്ടെ​ങ്കിൽ മനുഷ്യ​ഹൃ​ദയം അതി​നോ​ടു പറ്റി​ച്ചേ​രും. അതു​കൊണ്ട്‌, ഈ വിശ്വാ​സം വളരെ ആകർഷ​ക​മാ​യി​രി​ക്കു​ന്നത്‌ എന്തു​കൊ​ണ്ടെന്നു കാണുക പ്രയാ​സമല്ല. ഉദാഹ​ര​ണ​ത്തിന്‌, ദൈവ​ശാ​സ്‌ത്ര​ജ്ഞ​നായ ജെ. പാറ്റേ​ഴ്‌സൺ-സ്‌​മൈത്ത്‌ പരലോക സുവി​ശേ​ഷ​ത്തിൽ (ഇംഗ്ലീഷ്‌) പറയു​ന്നതു പരിചി​ന്തി​ക്കുക: “മരണ​ശേഷം സംഭവി​ക്കു​ന്ന​തി​നോ​ടുള്ള—മരണം നമ്മെ ആനയി​ക്കുന്ന അത്യന്തം അത്ഭുത​ക​ര​മായ ആ ലോക​ത്തോ​ടുള്ള—താരത​മ്യ​ത്തിൽ മരണം വളരെ നിസ്സാ​ര​മായ ഒരു കാര്യ​മാണ്‌.”

ലോക​ത്തി​നു ചുറ്റും പല മതങ്ങളി​ലും സംസ്‌കാ​ര​ങ്ങ​ളി​ലും, മമനു​ഷ്യ​ന്റെ ഉള്ളിൽ മരിക്കാത്ത ഒരു ദേഹി, ശരീര​ത്തി​ന്റെ മരണ​ശേ​ഷ​വും ജീവി​ച്ചി​രി​ക്കുന്ന ബോധ​മുള്ള ഒരു ആത്മാവ്‌ ഉണ്ടെന്ന്‌ ആളുകൾ വിശ്വ​സി​ക്കു​ന്നു. ക്രൈ​സ്‌ത​വ​ലോ​ക​ത്തി​ലെ ആയിര​ക്ക​ണ​ക്കി​നു മതങ്ങളി​ലും മതവി​ഭാ​ഗ​ങ്ങ​ളി​ലും ഈ വിശ്വാ​സം ഏറെക്കു​റെ സാർവ​ത്രി​ക​മാണ്‌. അതു യഹൂദ​മ​ത​ത്തി​ലെ​യും ഒരു ഔദ്യോ​ഗിക ഉപദേ​ശ​മാണ്‌. കാലാ​രം​ഭ​ത്തിൽ സൃഷ്ടി​ക്ക​പ്പെട്ട ആത്മാവ്‌ അഥവാ ദേഹി ജനനത്തി​ങ്കൽ ശരീര​ത്തിൽ തടവി​ലാ​ക്ക​പ്പെ​ടു​ന്നു​വെ​ന്നും മരിക്കു​മ്പോൾ അതു തുടർച്ച​യായ പുനര​വ​താര ചക്രത്തിൽ മറ്റൊരു ശരീര​ത്തി​ലേക്കു നീങ്ങു​ന്നു​വെ​ന്നും ഹിന്ദുക്കൾ വിശ്വ​സി​ക്കു​ന്നു. ജനിക്കു​മ്പോൾ ദേഹി അസ്‌തി​ത്വ​ത്തി​ലേക്കു വരുന്നു​വെ​ന്നും ശരീര​ത്തി​ന്റെ മരണ​ശേഷം അതു തുടർന്നു ജീവി​ക്കു​ന്നു​വെ​ന്നും മുസ്ലീങ്ങൾ വിശ്വ​സി​ക്കു​ന്നു. മറ്റു മതവി​ശ്വാ​സ​ങ്ങ​ളും—ആഫ്രി​ക്ക​യി​ലെ സർവാ​ത്മ​വാ​ദി​യും ഷിന്റോ​മ​ത​ക്കാ​ര​നും ബുദ്ധമ​ത​ക്കാ​രൻ പോലും—അതേ കാര്യം​തന്നെ പല വിധങ്ങ​ളിൽ പഠിപ്പി​ക്കു​ന്നു.

കുഴപ്പി​ക്കുന്ന ചില ചോദ്യ​ങ്ങൾ

അമർത്ത്യ ദേഹിയെ സംബന്ധി​ച്ചുള്ള വിശ്വാ​സം തള്ളിക്ക​ള​യാ​നാ​വാ​ത്ത​തും സാർവ​ത്രി​ക​മാ​യി ആകർഷ​ക​ത്വ​മു​ള്ള​തു​മാ​ണെ​ങ്കി​ലും അസ്വസ്ഥ​മാ​ക്കുന്ന ചില ചോദ്യ​ങ്ങൾ അത്‌ ഉയർത്തി​വി​ടു​ന്നു. ഉദാഹ​ര​ണ​ത്തിന്‌, പ്രിയ​പ്പെട്ട ഒരു വ്യക്തി മാതൃ​കാ​യോ​ഗ്യ​മായ ജീവി​തമല്ല നയിച്ചി​ട്ടു​ള്ള​തെ​ങ്കിൽ അയാളു​ടെ ദേഹി എവിടെ പോകു​ന്നു എന്നു പലരും ചിന്തി​ക്കാ​റുണ്ട്‌. മറ്റേ​തെ​ങ്കി​ലും താഴ്‌ന്ന ജീവരൂ​പ​മാ​യി അവൻ അവതരി​ക്കു​മോ? അതോ, സ്വർഗ​ത്തി​ലേക്കു പോകാൻ യോഗ്യത നേടു​ന്ന​തു​വരെ തീകൊ​ണ്ടുള്ള ഏതോ പ്രക്രി​യ​യാൽ ശുദ്ധീ​ക​രി​ക്ക​പ്പെ​ടു​ന്ന​തിന്‌ അവനെ ശുദ്ധീ​ക​ര​ണ​സ്ഥ​ല​ത്തേക്ക്‌ അയച്ചി​രി​ക്കു​ന്നു​വോ? അതിലും മോശ​മാ​യി, കത്തിജ്വ​ലി​ക്കുന്ന ഒരു നരകത്തിൽ അവൻ എന്നേക്കും പീഡി​പ്പി​ക്ക​പ്പെ​ടേ​ണ്ട​താ​ണോ? അതോ, പല സർവാ​ത്മ​വാ​ദി മതങ്ങളും പഠിപ്പി​ക്കു​ന്ന​തു​പോ​ലെ, പ്രസാ​ദി​പ്പി​ക്ക​പ്പെ​ടേണ്ട ഒരു ആത്മാവാ​ണോ അവൻ?

അത്തരം വിശ്വാ​സങ്ങൾ ജീവി​ച്ചി​രി​ക്കു​ന്ന​വർക്കു ഭാരിച്ച പ്രതീ​ക്ഷ​ക​ളാണ്‌ ഉളവാ​ക്കു​ന്നത്‌. നമ്മുടെ മരിച്ചു​പോയ പ്രിയ​പ്പെ​ട്ട​വ​രു​ടെ ആത്മാക്കൾ നമ്മു​ടെ​മേൽ പ്രതി​കാ​രം നടത്താ​തി​രി​ക്കാൻ നാം അവയെ പ്രസാ​ദി​പ്പി​ക്ക​ണ​മോ? ഏതെങ്കി​ലും ഭയങ്കര​മായ ശുദ്ധീ​ക​ര​ണ​സ്ഥ​ല​ത്തു​നി​ന്നു രക്ഷപ്പെ​ടാൻ നാം അവരെ സഹായി​ക്ക​ണ​മോ? അതോ അവർ നരകത്തിൽ കഷ്ടപ്പെ​ടു​ന്നു​വെന്ന ചിന്തയിൽ നിസ്സഹാ​യ​മായ ഭീതി നിമിത്തം നാം വിറച്ചു​നിൽക്ക​ണ​മോ? അതുമ​ല്ലെ​ങ്കിൽ, മരിച്ചു​പോ​യ​വ​രു​ടെ ദേഹി​കളെ പേറു​ന്ന​വ​യാ​യി നാം ചില മൃഗങ്ങളെ വീക്ഷി​ക്ക​ണ​മോ?

ദൈവ​ത്തെ​ക്കു​റി​ച്ചു​തന്നെ ഉദിക്കുന്ന ചോദ്യ​ങ്ങ​ളും തെല്ലും ആശ്വാസം നൽകു​ന്ന​വയല്ല. ഉദാഹ​ര​ണ​ത്തിന്‌, തുടക്ക​ത്തിൽ പരാമർശിച്ച മാതാ​വി​നെ​പ്പോ​ലെ പല മാതാ​പി​താ​ക്ക​ളും, തന്റെ കൂടെ ആയിരി​ക്കാൻ ദൈവം തങ്ങളുടെ കുട്ടി​യു​ടെ അമർത്ത്യ​ദേ​ഹി​യെ സ്വർഗ​ത്തി​ലേക്ക്‌ “എടുത്തു” എന്ന ആശയത്തിൽ ആദ്യം ആശ്വാസം കണ്ടെത്തു​ന്നു. എന്നിരു​ന്നാ​ലും ഉടൻതന്നെ,  സമയത്തി​നു മുമ്പേ കുട്ടിയെ സ്വർഗ​ത്തി​ലേക്കു നീക്കു​ന്ന​തി​നു​വേണ്ടി മാത്രം നിഷ്‌ക​ള​ങ്ക​നായ കുട്ടിക്ക്‌ നിഗൂ​ഢ​മായ ഏതോ രോഗം വരുത്തി, ഹൃദയം തകർന്ന മാതാ​പി​താ​ക്ക​ളിൽനിന്ന്‌ ആ പ്രിയനെ വേർപെ​ടു​ത്തു​ന്നത്‌ ഏതുതരം ദൈവ​മാ​യി​രി​ക്കു​മെന്നു പലരും ചിന്തി​ച്ചു​തു​ട​ങ്ങു​ന്നു. അത്തര​മൊ​രു ദൈവ​ത്തിൽ എവി​ടെ​യാ​ണു നീതി​യും സ്‌നേ​ഹ​വും കരുണ​യു​മൊ​ക്കെ? അത്തരത്തി​ലുള്ള ഒരു ദൈവ​ത്തി​ന്റെ ജ്ഞാനത്തെ ചിലർ ചോദ്യം ചെയ്യു​ക​പോ​ലും ചെയ്യുന്നു. ഈ ദേഹി​ക​ളെ​ല്ലാം ഒടുവിൽ സ്വർഗ​ത്തിൽ ചെല്ലാ​നാണ്‌ ഉദ്ദേശി​ക്ക​പ്പെ​ട്ടി​രു​ന്ന​തെ​ങ്കിൽ ജ്ഞാനി​യായ ദൈവം ആദ്യം​തന്നെ അവരെ എന്തിനാ​ണു ഭൂമി​യിൽ ആക്കി​വെ​ച്ചത്‌? എന്ന്‌ അവർ ചോദി​ക്കു​ന്നു. അങ്ങനെ​യെ​ങ്കിൽ ഭൂമിയെ സൃഷ്ടി​ച്ചത്‌ ഒരു വൻ പാഴ്‌വേ​ല​യാ​ണെന്നു വരില്ലേ?—ആവർത്ത​ന​പു​സ്‌തകം 32:4-ഉം സങ്കീർത്തനം 103:8-ഉം യെശയ്യാ​വു 45:18-ഉം 1 യോഹ​ന്നാൻ 4:8-ഉം താരത​മ്യം ചെയ്യുക.

അപ്പോൾ വ്യക്തമാ​യും, മനുഷ്യ​ദേ​ഹി​യു​ടെ അമർത്ത്യത എന്ന ഉപദേശം, ഏതു രൂപത്തിൽ അതു പഠിപ്പി​ച്ചാൽ തന്നെയും, അസ്വസ്ഥ​മാ​ക്കുന്ന ചോദ്യ​ങ്ങ​ളും പൊരു​ത്ത​ക്കേ​ടു​കൾപോ​ലും ഉയർത്തു​ന്നു. എന്തു​കൊണ്ട്‌? ഈ കുഴപ്പ​ങ്ങ​ളി​ല​ധി​ക​വും ഈ പഠിപ്പി​ക്ക​ലി​ന്റെ ഉത്ഭവ​ത്തോ​ടു ബന്ധമു​ള്ള​വ​യാണ്‌. ഈ ഉത്ഭവം ചുരു​ക്ക​മാ​യി പര്യ​വേ​ക്ഷണം ചെയ്യു​ന്നത്‌ പ്രബു​ദ്ധ​മാ​ക്കു​ന്ന​താ​ണെന്നു നിങ്ങൾ കണ്ടെത്തി​യേ​ക്കാം; ദേഹി​യെ​ക്കു​റി​ച്ചു ബൈബിൾ പറയുന്ന കാര്യങ്ങൾ പഠിക്കു​ന്നതു നിങ്ങളെ അമ്പരപ്പി​ച്ചേ​ക്കാം. ലോക​മ​തങ്ങൾ സാധാരണ പഠിപ്പി​ക്കു​ന്ന​തി​നെ​ക്കാൾ വളരെ​യേറെ മെച്ചമായ ഒരു മരണാ​നന്തര ജീവി​ത​പ്ര​തീ​ക്ഷ​യാണ്‌ അതു പ്രദാനം ചെയ്യു​ന്നത്‌.