ബൈബിൾ വിധി​യി​ലുള്ള വിശ്വാ​സം പഠിപ്പി​ക്കു​ന്നു​വോ?

അപവാദം! ഏഷണി! ഒരു വ്യാജ റിപ്പോർട്ടു നിമിത്തം തന്റെ പേരി​നോ പ്രശസ്‌തി​ക്കോ കോട്ടം​ത​ട്ടി​യ​താ​യി സമുദാ​യ​ത്തി​ലെ ഒരു ആദരണീയ വ്യക്തി വിശ്വ​സി​ക്കു​മ്പോൾ കാര്യാ​ദി​കൾ നേരെ​യാ​ക്കാൻ അദ്ദേഹം നിർബ​ന്ധി​ത​നാ​യി​ത്തീ​രു​ന്നു. അപവാ​ദ​ത്തിന്‌ ഉത്തരവാ​ദി​ക​ളാ​യ​വർക്കെ​തി​രെ അദ്ദേഹം നിയമ​ന​ട​പ​ടി​പോ​ലും സ്വീക​രി​ച്ചെ​ന്നു​വ​രാം.

കൊള്ളാം, വിധി​വി​ശ്വാ​സം വാസ്‌ത​വ​ത്തിൽ സർവശ​ക്ത​നായ ദൈവ​ത്തി​നെ​തി​രെ​യുള്ള ഏഷണി​യാണ്‌. മനുഷ്യ​വർഗത്തെ ദുരി​ത​ത്തി​ലാ​ഴ്‌ത്തുന്ന സകല ദുരന്ത​ങ്ങൾക്കും ആപത്തു​കൾക്കും വ്യക്തി​പ​ര​മാ​യി ദൈവ​മാ​ണു കാരണ​ക്കാ​രൻ എന്ന്‌ ആ സിദ്ധാന്തം അവകാ​ശ​പ്പെ​ടു​ന്നു. വിധി​യിൽ വിശ്വ​സി​ക്കു​ന്ന​പക്ഷം, സാർവ​ത്രിക പരമാ​ധി​കാ​രി ഏതാണ്ടു പിൻവ​രുന്ന വിധത്തിൽ വായി​ക്ക​പ്പെ​ടുന്ന ഒരു അജൻഡ തയ്യാറാ​ക്കി​യി​രി​ക്കു​ന്ന​താ​യി നിങ്ങൾക്കു വിഭാവന ചെയ്യാ​വു​ന്ന​താണ്‌: ‘ഇന്ന്‌, ഒരു കാറപ​ക​ട​ത്തിൽ ജോണി​നു പരി​ക്കേൽക്കും, ഫാട്ടൂ​വി​നു മലമ്പനി പിടി​പെ​ടും, മാമാ​ഡൂ​വി​ന്റെ വീട്‌ ഒരു കൊടു​ങ്കാ​റ്റിൽ നശിപ്പി​ക്ക​പ്പെ​ടും’! അത്തര​മൊ​രു ദൈവത്തെ സേവി​ക്കാൻ നിങ്ങൾ പ്രേരി​ത​നാ​കു​മോ?

‘എന്നാൽ നമ്മുടെ അത്യാ​ഹി​ത​ങ്ങൾക്കു ദൈവമല്ല ഉത്തരവാ​ദി​യെ​ങ്കിൽ, പിന്നെ​യാ​രാണ്‌?’ എന്നു വിധി​യിൽ വിശ്വ​സി​ക്കു​ന്നവർ ചോദി​ക്കു​ന്നു. മുൻ ലേഖന​ത്തിൽ പരാമർശിച്ച ഊസ്‌മാൻ എന്ന യുവാ​വു​ത​ന്നെ​യും ഇതി​നെ​ക്കു​റി​ച്ചു ജിജ്ഞാ​സു​വാ​യി. എന്നാൽ സത്യം കണ്ടെത്താൻ അവൻ ഊഹാ​പോ​ഹ​മോ അനുമാ​ന​മോ നടത്തേ​ണ്ട​തി​ല്ലാ​യി​രു​ന്നു. ദൈവം തന്റെ നിശ്വസ്‌ത വചനമായ ബൈബി​ളിൽ കാണ​പ്പെ​ടുന്ന പഠിപ്പി​ക്ക​ലു​കൾ മുഖേന ഈ ഏഷണി​യിൽനി​ന്നു വിമു​ക്ത​നാ​യി​രി​ക്കു​ന്നു​വെന്ന്‌ അവൻ മനസ്സി​ലാ​ക്കി. (2 തിമൊ​ഥെ​യൊസ്‌ 3:16)  അപ്പോൾ, ഈ വിഷയ​ത്തെ​ക്കു​റി​ച്ചു ബൈബിൾ പറയു​ന്ന​തെ​ന്താ​ണെന്നു നമുക്കു പരിചി​ന്തി​ക്കാം.

ആരാണു കുറ്റക്കാ​രൻ?

പ്രളയങ്ങൾ, കൊടു​ങ്കാ​റ്റു​കൾ, ഭൂകമ്പങ്ങൾ—അത്തരം മഹാവി​പ​ത്തു​കളെ മിക്ക​പ്പോ​ഴും ദൈവ​ത്തി​ന്റെ പ്രവൃ​ത്തി​ക​ളെന്നു വിളി​ക്കു​ന്നു. എന്നാൽ, ദൈവ​മാണ്‌ അത്തരം വിപത്തു​കൾ വരുത്തു​ന്ന​തെന്നു ബൈബിൾ സൂചി​പ്പി​ക്കു​ന്നില്ല. നൂറ്റാ​ണ്ടു​കൾക്കു മുമ്പു മധ്യപൂർവ​ദേ​ശത്തു നടന്ന ഒരു ദാരു​ണ​സം​ഭ​വ​ത്തെ​ക്കു​റി​ച്ചു പരിചി​ന്തി​ക്കുക. ആ വിപത്തി​ന്റെ ഏക അതിജീ​വകൻ ഇങ്ങനെ റിപ്പോർട്ടു ചെയ്‌ത​താ​യി ബൈബിൾ നമ്മോടു പറയുന്നു: “ദൈവ​ത്തി​ന്റെ തീ [മിക്ക​പ്പോ​ഴും മിന്നൽ എന്ന്‌ അർഥമുള്ള എബ്രായ പദപ്ര​യോ​ഗം] ആകാശ​ത്തു​നി​ന്നു വീണു കത്തി, ആടുക​ളും വേലക്കാ​രും അതിന്നു ഇരയാ​യ്‌പോ​യി.”—ഇയ്യോബ്‌ 1:16.

തീ വീഴാൻ കാരണ​ക്കാ​രൻ ദൈവ​മാ​ണെന്നു ചകിത​നായ ഈ മനുഷ്യൻ വിചാ​രി​ച്ചു​വെ​ന്നതു സ്‌പഷ്ട​മാ​ണെ​ങ്കി​ലും അതിന്‌ ഉത്തരവാ​ദി ദൈവ​മ​ല്ലാ​യി​രു​ന്നു​വെന്നു ബൈബിൾ പ്രകട​മാ​ക്കു​ന്നു. ഇയ്യോബ്‌ 1:7-12 നിങ്ങൾതന്നെ വായി​ക്കുക. മിന്നൽ വരുത്തി​യതു ദൈവ​മാ​യി​രു​ന്നില്ല മറിച്ച്‌, അവന്റെ പ്രതി​യോ​ഗി​യായ പിശാ​ചായ സാത്താ​നാ​യി​രു​ന്നു​വെന്നു നിങ്ങൾ മനസ്സി​ലാ​ക്കും! എല്ലാ കെടു​തി​ക​ളും സാത്താന്റെ നേരി​ട്ടുള്ള പ്രവർത്ത​ന​മാ​ണെന്നല്ല. എന്നാൽ വ്യക്തമാ​യും, ദൈവത്തെ കുറ്റ​പ്പെ​ടു​ത്തു​ന്ന​തി​നു യാതൊ​രു കാരണ​വു​മില്ല.

വാസ്‌ത​വ​ത്തിൽ, കാര്യങ്ങൾ പിശകു​മ്പോൾ മിക്ക​പ്പോ​ഴും ആളുക​ളെ​യാ​ണു കുറ്റ​പ്പെ​ടു​ത്തേ​ണ്ടത്‌. സ്‌കൂ​ളി​ലോ ജോലി​സ്ഥ​ല​ത്തോ സാമൂ​ഹിക ബന്ധങ്ങളി​ലോ പരാജ​യങ്ങൾ സംഭവി​ക്കു​ന്നതു ശ്രമത്തി​ന്റെ​യും നല്ല പരിശീ​ല​ന​ത്തി​ന്റെ​യും കുറവു​മൂ​ല​മാ​യി​രി​ക്കാം. അല്ലെങ്കിൽ ഒരുപക്ഷേ, മറ്റുള്ള​വ​രോ​ടുള്ള പരിഗ​ണ​ന​യു​ടെ കുറവു​മൂ​ല​മാ​കാം. സമാന​മാ​യി, രോഗങ്ങൾ, അപകടങ്ങൾ, മരണങ്ങൾ എന്നിവ അനാസ്ഥ​യു​ടെ ഫലമാ​യി​രു​ന്നേ​ക്കാം. എന്തിന്‌, കാർ ഓടി​ക്കു​മ്പോൾ സീറ്റ്‌ ബെൽറ്റ്‌ ഇടുന്ന​തു​പോ​ലും ഒരുവൻ കാർ അപകട​ത്തിൽ കൊല്ല​പ്പെ​ടു​ന്ന​തി​നുള്ള സാധ്യ​തകൾ വലിയ തോതിൽ കുറയ്‌ക്കു​ന്നു. മാറ്റം​വ​രു​ത്താ​നാ​വാത്ത “വിധി”യാണു കാര്യ​ങ്ങളെ നിയ​ന്ത്രി​ക്കു​ന്ന​തെ​ങ്കിൽ സീറ്റ്‌ ബെൽറ്റ്‌ ഇടുന്ന​തു​കൊ​ണ്ടു യാതൊ​രു നേട്ടവു​മില്ല. ഉചിത​മായ വൈദ്യ സംരക്ഷ​ണ​വും ശുചീ​ക​ര​ണ​വും അകാല​മ​ര​ണ​ങ്ങ​ളു​ടെ എണ്ണത്തിൽ ശ്രദ്ധേ​യ​മായ കുറവു വരുത്തു​ന്നു. “ദൈവ​ത്തി​ന്റെ പ്രവൃ​ത്തി​കൾ” എന്നു പൊതു​വേ മുദ്ര​യ​ടി​ക്ക​പ്പെ​ടുന്ന ചില വിപത്തു​കൾപോ​ലും വാസ്‌ത​വ​ത്തിൽ മനുഷ്യ​ന്റെ പ്രവൃ​ത്തി​യാണ്‌—ഭൂമിയെ തെറ്റായി കൈകാ​ര്യം ചെയ്യു​ന്ന​തി​ന്റെ ശോച​നീയ പരിണ​ത​ഫലം.—വെളി​പ്പാ​ടു 11:18 താരത​മ്യം ചെയ്യുക.

“കാലവും മുൻകൂ​ട്ടി​ക്കാ​ണാത്ത സംഭവ​ങ്ങ​ളും”

കാരണങ്ങൾ വ്യക്തമ​ല്ലാത്ത ദുഃഖ​ക​ര​മായ ഒട്ടേറെ സംഭവ​ങ്ങ​ളു​ണ്ടെ​ന്നതു ശരിതന്നെ. എന്നാൽ സഭാ​പ്ര​സം​ഗി 9:11-ൽ [NW] ബൈബിൾ പറയു​ന്ന​തെ​ന്താ​ണെന്നു ശ്രദ്ധിക്കൂ: “പിന്നെ സൂര്യനു കീഴെ, വേഗത​യു​ള്ളവർ ഓട്ടത്തി​ലോ വീരൻമാർ യുദ്ധത്തി​ലോ നേടു​ന്നി​ല്ലെ​ന്നും ജ്ഞാനി​കൾക്ക്‌ ആഹാര​മോ വിവേ​കി​കൾക്കു സമ്പത്തോ പരിജ്ഞാ​നി​കൾക്കു പ്രീതി​യോ ലഭിക്കു​ന്നി​ല്ലെ​ന്നും കാണാൻ ഞാൻ തിരി​കെ​ച്ചെന്നു. കാരണം കാലവും മുൻകൂ​ട്ടി​ക്കാ​ണാത്ത സംഭവ​ങ്ങ​ളും അവർക്കെ​ല്ലാം നേരി​ടു​ന്നു.” അതു​കൊണ്ട്‌, അപകട​ങ്ങൾക്കു കാരണം സ്രഷ്ടാ​വാ​ണെ​ന്നോ അപകട​ങ്ങൾക്കി​ര​യാ​യവർ ഏതെങ്കി​ലും വിധത്തിൽ ശിക്ഷി​ക്ക​പ്പെ​ടു​ക​യാ​ണെ​ന്നോ വിശ്വ​സി​ക്കു​ന്ന​തി​നു യാതൊ​രു കാരണ​വു​മില്ല.

വിധി​വി​ശ്വാ​സാ​ധി​ഷ്‌ഠിത ന്യായ​വാ​ദ​ത്തി​നെ​തി​രെ യേശു​ക്രി​സ്‌തു​ത​ന്നെ​യും വാദി​ക്കു​ക​യു​ണ്ടാ​യി. തന്റെ ശ്രോ​താ​ക്കൾക്കു സുപരി​ചി​ത​മാ​യി​രുന്ന ഒരു ദുരന്തത്തെ പരാമർശി​ച്ചു​കൊണ്ട്‌ യേശു ഇങ്ങനെ ചോദി​ച്ചു: “ശീലോ​ഹാ​മി​ലെ ഗോപു​രം വീണു മരിച്ചു​പോയ ആ പതി​നെ​ട്ടു​പേർ യെരൂ​ശ​ലേ​മിൽ പാർക്കുന്ന സകല മനുഷ്യ​രി​ലും കുററ​ക്കാർ ആയിരു​ന്നു എന്നു തോന്നു​ന്നു​വോ? അല്ലല്ല.” (ലൂക്കൊസ്‌ 13:4, 5) ദൈവ​ത്തി​ന്റെ ഇടപെടൽ നിമി​ത്തമല്ല. മറിച്ച്‌, “കാലവും മുൻകൂ​ട്ടി​ക്കാ​ണാത്ത സംഭവ​ങ്ങ​ളും” നിമി​ത്ത​മാണ്‌ ആ വിപത്തു സംഭവി​ച്ച​തെന്ന്‌ യേശു വ്യക്തമാ​ക്കി.

അപൂർണ​ത​യു​ടെ കെടു​തി​കൾ

എങ്കിലും, കാരണം വിശദ​മ​ല്ലാത്ത മരണങ്ങ​ളും രോഗ​ങ്ങ​ളും സംബന്ധി​ച്ചെന്ത്‌? മനുഷ്യാ​വ​സ്ഥ​യെ​ക്കു​റി​ച്ചു ബൈബിൾ ഇങ്ങനെ തുറന്നു​പ​റ​യു​ന്നു: ‘ആദാമിൽ എല്ലാവ​രും മരിക്കു​ന്നു.’ (1 കൊരി​ന്ത്യർ 15:22) നമ്മുടെ പൂർവ​പി​താ​വായ ആദാം അനുസ​ര​ണ​ക്കേ​ടി​ന്റെ പാതയി​ലൂ​ടെ ചുവടു​വെ​ച്ച​തു​മു​തൽ മരണം മനുഷ്യ​വർഗത്തെ ബാധി​ച്ചി​രി​ക്കു​ന്നു. ദൈവം മുന്നറി​യി​പ്പു നൽകി​യി​രു​ന്ന​തു​പോ​ലെ​തന്നെ ആദാം തന്റെ സന്തതി​കൾക്കു മരണം ഒസ്യത്താ​യി നൽകി. (ഉല്‌പത്തി 2:17; റോമർ 5:12) അപ്പോൾ, ആത്യന്തി​ക​മാ​യി സകല രോഗ​ങ്ങ​ളു​ടെ​യും വേരു​തേ​ടി​പ്പോ​യാൽ അതു നമ്മുടെ പൊതു പൂർവി​ക​നായ ആദാമി​ന്റെ പക്കൽ എത്തും. നാം ജീവി​ത​ത്തിൽ അനുഭ​വി​ക്കുന്ന നിരാ​ശ​കൾക്കും പരാജ​യ​ങ്ങൾക്കും കാരണം ഏറിയ​പ​ങ്കും നമ്മുടെ അവകാ​ശ​പ്പെ​ടു​ത്തിയ ബലഹീ​ന​ത​ക​ളാണ്‌.—സങ്കീർത്തനം 51:5.

ദാരി​ദ്ര്യം എന്ന പ്രശ്‌ന​മെ​ടു​ക്കുക. വിധി​യി​ലുള്ള വിശ്വാ​സം ദാരി​ദ്ര്യ​മ​നു​ഭ​വി​ക്കു​ന്ന​വരെ മിക്ക​പ്പോ​ഴും തങ്ങളുടെ ദുഷ്‌ക​ര​മായ ജീവി​ത​ത്തിൽ ഒതുങ്ങി​ക്കൂ​ടാൻ പ്രോ​ത്സാ​ഹി​പ്പി​ച്ചി​രി​ക്കു​ന്നു. ‘ഇതു ഞങ്ങളുടെ വിധി​യാണ്‌,’ അവർ വിശ്വ​സി​ക്കു​ന്നു. എന്നാൽ വിധി​യെയല്ല, മനുഷ്യ അപൂർണ​ത​യെ​യാ​ണു കുറ്റ​പ്പെ​ടു​ത്തേ​ണ്ട​തെന്നു ബൈബിൾ പ്രകട​മാ​ക്കു​ന്നു. മടിയോ വിഭവങ്ങൾ തെറ്റായ രീതി​യിൽ കൈകാ​ര്യം ചെയ്യു​ന്ന​തോ നിമിത്തം “വിതെ​ക്കു​ന്നതു തന്നേ കൊയ്യു”ന്നതിലൂ​ടെ ചിലർ ദരി​ദ്ര​രാ​യി​ത്തീ​രു​ന്നു. (ഗലാത്യർ 6:7; സദൃശ​വാ​ക്യ​ങ്ങൾ 6:10, 11) അധികാ​ര​ത്തി​ലി​രി​ക്കുന്ന അത്യാ​ഗ്ര​ഹി​ക​ളായ  പുരു​ഷ​ന്മാർക്ക്‌ ഇരയാ​യി​രി​ക്കു​ന്നതു നിമിത്തം അസംഖ്യം കോടി​കൾ ദാരി​ദ്ര്യ​ത്തിൽ കഴിയു​ന്നു. (യാക്കോബ്‌ 2:6 താരത​മ്യം ചെയ്യുക.) “മനുഷ്യ​ന്നു മനുഷ്യ​ന്റെ​മേൽ അവന്റെ ദോഷ​ത്തി​ന്നാ​യി അധികാ​ര​മുള്ള”തു സംബന്ധി​ച്ചു ബൈബിൾ പറയുന്നു. (സഭാ​പ്ര​സം​ഗി 8:9) ദാരി​ദ്ര്യ​മെ​ല്ലാം ദൈവ​മോ വിധി​യോ നിമി​ത്ത​മാ​ണെന്നു പറയാൻ യാതൊ​രു തെളി​വും നിലവി​ലില്ല.

വിധി​യി​ലുള്ള വിശ്വാ​സം—അതിന്റെ ഹാനി​ക​ര​മായ ഫലങ്ങൾ

വിധി​വി​ശ്വാ​സ​ത്തിന്‌ അതിന്റെ വിശ്വാ​സി​ക​ളിൽ ഉളവാ​ക്കാ​വുന്ന ഫലങ്ങളാ​ണു വിധി​യി​ലുള്ള വിശ്വാ​സ​ത്തി​നെ​തി​രെ​യുള്ള പ്രേര​ണാ​ത്മ​ക​മായ മറ്റൊരു വാദം. “നല്ല വൃക്ഷം ഒക്കെയും നല്ല ഫലം കായ്‌ക്കു​ന്നു; ആകാത്ത വൃക്ഷമോ ആകാത്ത ഫലം കായ്‌ക്കു​ന്നു” എന്ന്‌ യേശു​ക്രി​സ്‌തു പറഞ്ഞു. (മത്തായി 7:17) വിധി​വി​ശ്വാ​സ​ത്തി​ന്റെ ഒരു “ഫല”ത്തെക്കു​റിച്ച്‌—അത്‌ ആളുക​ളു​ടെ ഉത്തരവാ​ദി​ത്വ​ബോ​ധത്തെ ബാധി​ക്കുന്ന വിധ​ത്തെ​ക്കു​റിച്ച്‌—നമുക്കു പരിചി​ന്തി​ക്കാം.

ആരോ​ഗ്യാ​വ​ഹ​മായ ഒരു വ്യക്തിഗത ഉത്തരവാ​ദി​ത്വ​ബോ​ധം പ്രധാ​ന​മാണ്‌. അതു മാതാ​പി​താ​ക്കളെ തങ്ങളുടെ കുടും​ബ​ങ്ങൾക്കു​വേണ്ടി കരുതു​വാ​നും ജോലി​ക്കാ​രെ മനസ്സാ​ക്ഷി​പൂർവം തങ്ങളുടെ വേല നിർവ​ഹി​ക്കു​വാ​നും ഉത്‌പാ​ദ​കരെ ഗുണ​മേ​ന്മ​യുള്ള ഉത്‌പ​ന്ന​മു​ണ്ടാ​ക്കു​വാ​നും പ്രേരി​പ്പി​ക്കുന്ന കാര്യ​ങ്ങ​ളിൽ ഒന്നാണ്‌. വിധി​യി​ലുള്ള വിശ്വാ​സം ആ ബോധത്തെ മരവി​പ്പി​ച്ചേ​ക്കാം. ഉദാഹ​ര​ണ​ത്തിന്‌ ഒരു വ്യക്തി​യു​ടെ കാറിന്റെ സ്റ്റിയറി​ങ്ങിന്‌ ഒരു തകരാ​റു​ണ്ടെ​ന്നി​രി​ക്കട്ടെ. അയാൾക്കു സൂക്ഷ്‌മ​മായ ഉത്തരവാ​ദി​ത്വ​ബോ​ധ​മു​ണ്ടെ​ങ്കിൽ തന്റെയും സഹയാ​ത്ര​ക്കാ​രു​ടെ​യും ജീവ​നെ​പ്രതി അയാൾ അതിന്റെ കേടു​പാ​ടു പോക്കു​ന്നു. നേരേ​മ​റിച്ച്‌, വിധി​യിൽ വിശ്വ​സി​ക്കുന്ന ഒരുവൻ, ‘ദൈവ​ഹിത’മാണെ​ങ്കിൽ മാത്രമേ തകരാറു ഭവിക്കു​ക​യു​ള്ളു എന്നു ന്യായ​വാ​ദം ചെയ്‌തു​കൊണ്ട്‌ അപകട​സാ​ധ്യ​തയെ അവഗണി​ച്ചേ​ക്കാം!

അതേ, വിധി​യി​ലുള്ള വിശ്വാ​സം അശ്രദ്ധ, മടി, ഒരുവന്റെ പ്രവൃ​ത്തി​ക്കുള്ള ഉത്തരവാ​ദി​ത്വ​മേ​റ്റെ​ടു​ക്കാൻ പരാജ​യ​പ്പെടൽ എന്നിവ​യും മറ്റനവധി നിഷേ​ധാ​ത്മക സ്വഭാ​വ​ങ്ങ​ളും അനായാ​സം വളർത്തി​യേ​ക്കാം.

ദൈവ​വു​മാ​യുള്ള നമ്മുടെ ബന്ധത്തിനു പ്രതി​ബ​ന്ധ​മോ?

എല്ലാറ്റി​ലും ദ്രോ​ഹ​ക​ര​മാ​യി, വിധി​യി​ലുള്ള വിശ്വാ​സ​ത്തി​നു ദൈവ​ത്തോ​ടുള്ള ഒരുവന്റെ ഉത്തരവാ​ദി​ത്വ​ബോ​ധത്തെ അല്ലെങ്കിൽ ചുമത​ലാ​ബോ​ധത്തെ ഇല്ലായ്‌മ ചെയ്യാൻ കഴിയും. (സഭാ​പ്ര​സം​ഗി 12:13) “യഹോവ നല്ലവ​നെന്നു രുചി​ച്ച​റി​വിൻ” എന്നു സങ്കീർത്ത​ന​ക്കാ​രൻ മുഴു മനുഷ്യ​വർഗ​ത്തെ​യും ഉദ്‌ബോ​ധി​പ്പി​ക്കു​ന്നു. (സങ്കീർത്തനം 34:8) തന്റെ നന്മ ആസ്വദി​ക്കേ​ണ്ട​വർക്കു ദൈവം ചില നിബന്ധ​നകൾ വെക്കുന്നു.—സങ്കീർത്തനം 15:1-5.

അത്തര​മൊ​രു നിബന്ധ​ന​യാണ്‌ അനുതാ​പം. (പ്രവൃ​ത്തി​കൾ 3:19; 17:30) നമ്മുടെ തെറ്റുകൾ സമ്മതി​ക്കു​ന്ന​തും ആവശ്യ​മായ മാറ്റങ്ങൾ വരുത്തു​ന്ന​തും അതിൽ ഉൾപ്പെ​ടു​ന്നു. അപൂർണ​മ​നു​ഷ്യർ എന്നനി​ല​യിൽ നമു​ക്കെ​ല്ലാം അനുതാ​പം ആവശ്യ​മുള്ള നിരവധി കാര്യ​ങ്ങ​ളുണ്ട്‌. എന്നാൽ താൻ വിധി​യു​ടെ നിസ്സഹായ ഇരയാ​ണെന്ന്‌ ഒരു വ്യക്തി വിശ്വ​സി​ക്കു​ന്ന​പക്ഷം അനുത​പി​ക്കേ​ണ്ട​തി​ന്റെ ആവശ്യ​മു​ള്ള​താ​യി തോന്നു​ന്ന​തോ തന്റെ തെറ്റു​കൾക്ക്‌ ഉത്തരവാ​ദി​ത്വ​മേ​റ്റെ​ടു​ക്കു​ന്ന​തോ അയാൾക്കു ദുഷ്‌ക​ര​മാണ്‌.

“നിന്റെ ദയ ജീവ​നെ​ക്കാൾ നല്ലതാ​കു​ന്നു” എന്നു സങ്കീർത്ത​ന​ക്കാ​രൻ ദൈവ​ത്തെ​ക്കു​റി​ച്ചു പറഞ്ഞു. (സങ്കീർത്തനം 63:3) എന്നാൽ, ദൈവ​മാ​ണു തങ്ങളുടെ കഷ്ടപ്പാ​ടു​കൾക്കു കാരണ​മെന്നു വിധി​യി​ലുള്ള വിശ്വാ​സം ജനകോ​ടി​കളെ ബോധ്യ​പ്പെ​ടു​ത്തി​യി​രി​ക്കു​ന്നു. സ്വാഭാ​വി​ക​മാ​യും, അനേകർക്കും ദൈവ​ത്തോ​ടു നീരസം തോന്നു​ന്ന​തി​നും സ്രഷ്ടാ​വു​മാ​യി യഥാർഥ​ത്തിൽ ഒരു ഉറ്റ ബന്ധം ഉണ്ടായി​രി​ക്കാ​നുള്ള അവസരം കളഞ്ഞു​കു​ളി​ക്കു​ന്ന​തി​നും അത്‌ ഇടയാ​ക്കി​യി​രി​ക്കു​ന്നു. എന്താ​ണെ​ങ്കി​ലും, നിങ്ങളു​ടെ സകല പ്രശ്‌ന​ങ്ങൾക്കും പീഡന​ങ്ങൾക്കും കാരണ​ക്കാ​ര​നെന്നു നിങ്ങൾ കരുതുന്ന ഒരുവ​നോ​ടു നിങ്ങൾക്കെ​ങ്ങനെ സ്‌നേഹം തോന്നാ​നാണ്‌? അങ്ങനെ, വിധി​വി​ശ്വാ​സം ദൈവ​ത്തി​നും മനുഷ്യ​നു​മി​ട​യിൽ ഒരു പ്രതി​ബന്ധം സൃഷ്ടി​ക്കു​ന്നു.

വിധി​യു​ടെ കരാള​ഹ​സ്‌ത​ങ്ങ​ളിൽനി​ന്നു വിടു​വി​ക്ക​പ്പെ​ട്ടു

തുടക്ക​ത്തിൽ സൂചി​പ്പിച്ച ഊസ്‌മാൻ ഒരിക്കൽ വിധി​വി​ശ്വാ​സ​ത്തിന്‌ അടിമ​യാ​യി​രു​ന്നു. എന്നാൽ, ബൈബി​ളി​ന്റെ വെളി​ച്ച​ത്തിൽ ചിന്താ​ഗ​തി​യെ വിലയി​രു​ത്താൻ യഹോ​വ​യു​ടെ സാക്ഷികൾ ഊസ്‌മാ​നെ സഹായി​ച്ച​പ്പോൾ വിധി​യി​ലുള്ള വിശ്വാ​സം പരിത്യ​ജി​ക്കാൻ അവൻ പ്രേരി​ത​നാ​യി. വളരെ​യ​ധി​കം ആശ്വാ​സ​വും ജീവി​ത​ത്തെ​ക്കു​റി​ച്ചു പുതിയ, ക്രിയാ​ത്മക മനോ​ഭാ​വ​വു​മാ​യി​രു​ന്നു ഫലങ്ങൾ. ഏറെ പ്രധാ​ന​മാ​യി, യഹോവ എന്ന ദൈവം “കരുണ​യും കൃപയു​മു​ള്ളവൻ; ദീർഘ​ക്ഷ​മ​യും മഹാദ​യ​യും വിശ്വ​സ്‌ത​ത​യു​മു​ള്ളവ”നാണെന്ന്‌ അവൻ അറിയാൻ ഇടയായി.—പുറപ്പാ​ടു 34:6.

നമ്മുടെ ജീവി​ത​ത്തി​ന്റെ ഓരോ വിശദാം​ശ​ങ്ങ​ളും ദൈവം ആസൂ​ത്രണം ചെയ്യു​ന്നി​ല്ലെ​ങ്കി​ലും അവനു ഭാവി സംബന്ധിച്ച്‌ ഒരു​ദ്ദേ​ശ്യ​മു​ണ്ടെ​ന്നും ഊസ്‌മാൻ തിരി​ച്ച​റി​യാ​നി​ട​യാ​യി. a “നാം അവന്റെ വാഗ്‌ദ​ത്ത​പ്ര​കാ​രം നീതി വസിക്കുന്ന പുതിയ ആകാശ​ത്തി​ന്നും പുതിയ ഭൂമിക്കു മായിട്ടു കാത്തി​രി​ക്കു​ന്നു” എന്നു 2 പത്രൊസ്‌ 3:13 പറയുന്നു. വാഗ്‌ദത്തം ചെയ്യ​പ്പെ​ട്ടി​രി​ക്കുന്ന ആ “പുതിയ ഭൂമി”യുടെ ഭാഗമാ​യി എന്നേക്കും ജീവി​ക്കാ​നുള്ള പ്രത്യാശ നട്ടുവ​ളർത്താൻ യഹോ​വ​യു​ടെ സാക്ഷികൾ ലക്ഷങ്ങളെ സഹായി​ച്ചി​ട്ടുണ്ട്‌. നിങ്ങളെ സഹായി​ക്കു​വാ​നും അവർക്കു താത്‌പ​ര്യ​മുണ്ട്‌.

നിങ്ങളു​ടെ ഭാവി നിങ്ങൾക്കു നിയ​ന്ത്രി​ക്കാ​നാ​വാത്ത ഏതോ മുൻനി​ശ്ച​യി​ക്ക​പ്പെട്ട വിധിയെ ആശ്രയി​ച്ചി​രി​ക്കു​ന്നില്ല എന്നു ബൈബി​ളി​ന്റെ സൂക്ഷ്‌മ​പ​രി​ജ്ഞാ​ന​ത്തിൽ വളരവേ നിങ്ങൾ മനസ്സി​ലാ​ക്കും. “ജീവനും മരണവും, അനു​ഗ്ര​ഹ​വും ശാപവും നിങ്ങളു​ടെ മുമ്പിൽ വെച്ചി​രി​ക്കു​ന്നു . . . ; അതു​കൊ​ണ്ടു നീയും നിന്റെ സന്തതി​യും ജീവി​ച്ചി​രി​ക്കേ​ണ്ട​തി​ന്നും . . . നിന്റെ ദൈവ​മായ യഹോ​വയെ സ്‌നേ​ഹി​ക്ക​യും അവന്റെ വാക്കു കേട്ടനു​സ​രി​ക്ക​യും അവനോ​ടു ചേർന്നി​രി​ക്കു​ക​യും ചെയ്യേ​ണ്ട​തി​ന്നും ജീവനെ തിര​ഞ്ഞെ​ടു​ത്തു​കൊൾക” എന്ന ഇസ്രാ​യേ​ല്യ​രോ​ടുള്ള മോശ​യു​ടെ വാക്കുകൾ തീർച്ച​യാ​യും ബാധക​മാണ്‌. (ആവർത്ത​ന​പു​സ്‌തകം 30:19, 20) ഉവ്വ്‌, നിങ്ങളു​ടെ ഭാവി നിങ്ങൾക്കു തിര​ഞ്ഞെ​ടു​ക്കാ​നാ​വും. അതു വിധി​യു​ടെ കരങ്ങളി​ലല്ല.

[അടിക്കു​റിപ്പ]

[6, 7 പേജു​ക​ളി​ലെ ചിത്രങ്ങൾ]

ഈ വിപത്തു​കൾ ‘ദൈവ​ത്തി​ന്റെ പ്രവൃ​ത്തി​കള’ല്ലായി​രു​ന്നു

[കടപ്പാട്‌]

U.S. Coast Guard photo

WHO

UN PHOTO 186208/M. Grafman