എല്ലാ മതങ്ങളും ദൈവത്തെ പ്രീതി​പ്പെ​ടു​ത്തു​ന്നു​വോ?

എല്ലാ മതങ്ങളും ദൈവത്തെ പ്രീതി​പ്പെ​ടു​ത്തു​ന്നു​വെന്നു നിങ്ങൾക്കു തോന്നു​ന്നു​ണ്ടോ? നിങ്ങൾക്ക​റി​യാ​വുന്ന ഏതൊരു ആരാധ​നാ​രീ​തി​യും ഒരു പരിധി​വ​രെ​യെ​ങ്കി​ലും നല്ല നടത്തയെ പ്രോ​ത്സാ​ഹി​പ്പി​ക്കു​ന്നു​ണ്ടാ​വും. എന്നാൽ ദൈവത്തെ പ്രീതി​പ്പെ​ടു​ത്തു​വാൻ അതു മാത്രം മതിയോ?

 ‘ആരാധ​ന​യിൽ ആത്മാർഥ​ത​യു​ള്ള​വ​രാ​യി​രി​ക്കുക, ദൈവം പ്രീതി​പ്പെ​ടും. എല്ലാ മതങ്ങളി​ലും നന്മയുണ്ട്‌’ എന്നെല്ലാം ചിലർ പറയുന്നു. ഉദാഹ​ര​ണ​ത്തിന്‌, ബഹായ്‌ മതത്തിന്‌ ഈ വീക്ഷണ​ഗ​തി​യാ​ണു​ള്ളത്‌. അത്‌ അതിന്റെ വിശ്വാ​സ​ത്തി​ലേക്കു ലോക​ത്തി​ലെ ഒമ്പതു പ്രധാന മതങ്ങ​ളെ​വരെ കൈ​ക്കൊ​ണ്ടി​രി​ക്കു​ന്നു. അവയെ​ല്ലാം ദിവ്യ ഉറവിൽനിന്ന്‌ ഉണ്ടായ​താ​ണെ​ന്നും ഒരേ സത്യത്തി​ന്റെ വിവിധ വശങ്ങളാ​ണെ​ന്നും ആ മതവി​ഭാ​ഗം വിശ്വ​സി​ക്കു​ന്നു. അതെങ്ങനെ അപ്രകാ​ര​മാ​യി​രി​ക്കാൻ കഴിയും?

കൂടാതെ, അനേകരെ കൊല്ലാൻ സാധി​ക്കു​മാ​റു പൊതു സ്ഥലങ്ങളിൽ നാഡീ​വാ​തകം നിക്ഷേ​പി​ക്കാൻ അംഗങ്ങ​ളോ​ടു കൽപ്പി​ക്കുന്ന ഒരു മതത്തിന്‌ എങ്ങനെ ദൈവത്തെ പ്രീതി​പ്പെ​ടു​ത്താ​നാ​വും എന്നു ചിന്തി​ക്കാൻ നിങ്ങൾക്ക്‌ അവകാ​ശ​മുണ്ട്‌. ജപ്പാനി​ലെ ഒരു മതവി​ഭാ​ഗ​ത്തി​നെ​തി​രെ ആ കുറ്റം ചുമത്ത​പ്പെ​ട്ടി​രി​ക്കു​ന്നു. അല്ലെങ്കിൽ, അംഗങ്ങൾ ആത്മഹത്യ ചെയ്യാൻ ഇടയാ​ക്കുന്ന ഒരു മതത്തിൽ ദൈവം പ്രീതി​പ്പെ​ടു​ന്നു​വോ? ഏതാനും വർഷങ്ങൾക്കു​മുമ്പ്‌ ജിം ജോൺസ്‌ എന്ന ഒരു മതനേ​താ​വി​ന്റെ അനുഗാ​മി​കൾക്ക്‌ അതാണു സംഭവി​ച്ചത്‌.

മുൻകാ​ല​ങ്ങ​ളി​ലേക്കു പിന്തി​രി​ഞ്ഞു​നോ​ക്കു​മ്പോൾ നാം ഉചിത​മാ​യും ഇങ്ങനെ ചോദി​ച്ചേ​ക്കാം: 1618 മുതൽ 1648 വരെ നടന്ന മുപ്പതു സംവത്സര യുദ്ധത്തി​ന്റെ കാര്യ​ത്തി​ലെ​ന്ന​പോ​ലെ, മതങ്ങൾ യുദ്ധം ഇളക്കി​വി​ടുന്ന സ്ഥിതിക്ക്‌ അവയ്‌ക്കു ദൈവത്തെ പ്രീതി​പ്പെ​ടു​ത്താ​നാ​വു​മോ? ലോക​ത്തി​ന്റെ സാർവ​ത്രിക ചരിത്രം (ഇംഗ്ലീഷ്‌) പറയു​ന്ന​ത​നു​സ​രിച്ച്‌, കത്തോ​ലി​ക്കർക്കും പ്രൊ​ട്ട​സ്റ്റ​ന്റു​കാർക്കും ഇടയി​ലു​ണ്ടായ ആ മതപോ​രാ​ട്ടം “യൂറോ​പ്യൻ ചരി​ത്ര​ത്തി​ലെ ഏറ്റവും ഘോര​മായ യുദ്ധങ്ങ​ളി​ലൊ​ന്നാ”യിരുന്നു.

11-ാം നൂറ്റാ​ണ്ടു​മു​തൽ 13-ാം നൂറ്റാ​ണ്ടു​വരെ നടന്ന മത കുരി​ശു​യു​ദ്ധ​ങ്ങ​ളും ഭയാന​ക​മായ രക്തച്ചൊ​രി​ച്ചി​ലിൽ കലാശി​ച്ചു. ഉദാഹ​ര​ണ​ത്തിന്‌, ഒന്നാമത്തെ കുരി​ശു​യു​ദ്ധ​ത്തിൽ ക്രിസ്‌ത്യാ​നി​ക​ളെന്നു പറയ​പ്പെ​ടുന്ന കുരി​ശു​യു​ദ്ധ​ക്കാർ യെരു​ശ​ലേ​മിൽ താമസി​ച്ചി​രുന്ന മുസ്ലി​ങ്ങ​ളെ​യും യഹൂദ​രെ​യും നിഷ്‌ക​രു​ണം അരു​ങ്കൊല ചെയ്‌തു.

13-ാം നൂറ്റാ​ണ്ടിൽ തുടങ്ങി ഏതാണ്ട്‌ 600 വർഷം നീണ്ടു​നിന്ന മതവി​ചാ​ര​ണ​ക്കാ​ലത്തു  സംഭവി​ച്ച​തെ​ന്താ​ണെ​ന്നും പരിചി​ന്തി​ക്കുക. മതനേ​താ​ക്ക​ന്മാ​രു​ടെ കൽപ്പന​പ്ര​കാ​രം ആയിര​ക്ക​ണ​ക്കി​നാ​ളു​കളെ പീഡി​പ്പി​ച്ചു ചുട്ടെ​രി​ച്ചു. ക്രിസ്‌തു​വി​ന്റെ വികാ​രി​മാർ—പാപ്പാ​ധി​പ​ത്യ​ത്തി​ന്റെ ഇരുണ്ട വശം (ഇംഗ്ലീഷ്‌) എന്ന തന്റെ ഗ്രന്ഥത്തിൽ പീറ്റർ ഡെ റോസ ഇങ്ങനെ പ്രസ്‌താ​വി​ക്കു​ന്നു: “പാപ്പാ​യു​ടെ നാമത്തിൽ [മനുഷ്യ]വർഗത്തി​ന്റെ ചരി​ത്ര​ത്തിൽ മാനു​ഷ​സ​ഭ്യ​ത​യു​ടെ​മേൽ നടത്തിയ അങ്ങേയറ്റം മൃഗീ​യ​വും നീണ്ടു​നി​ന്ന​തു​മായ ആക്രമ​ണ​ത്തി​നു [മതവി​ചാ​ര​ണ​ക്കാർ] ഉത്തരവാ​ദി​ക​ളാ​യി​രു​ന്നു.” സ്‌പെ​യി​നി​ലെ ഡൊമി​നി​ക്കൻ മതവി​ചാ​ര​ണ​ക്കാ​ര​നായ റ്റോർക്ക​മാ​ഡ​യെ​ക്കു​റിച്ച്‌ ഡെ റോസ ഇങ്ങനെ പറയുന്നു: “1483-ൽ നിയു​ക്ത​നായ അയാൾ പതിന​ഞ്ചു​വർഷം മർദക​ഭ​രണം നടത്തി. 1,14,000-ത്തിലധി​കം​പോന്ന അയാളു​ടെ ഇരകളിൽ 10,220 പേരെ ചുട്ടെ​രി​ക്കു​ക​യാ​യി​രു​ന്നു.”

തീർച്ച​യാ​യും, ക്രൈ​സ്‌ത​വ​ലോ​ക​ത്തി​ലെ മതങ്ങൾ മാത്രമല്ല രക്തപാ​തകം വഹിക്കു​ന്നത്‌. പാൻസേ എന്ന ഗ്രന്ഥത്തിൽ ഫ്രഞ്ചു തത്ത്വചി​ന്ത​ക​നായ ബ്ലാസ്‌ പാസ്‌കൽ ഇങ്ങനെ പ്രസ്‌താ​വി​ച്ചു: “മതവി​ശ്വാ​സ​ത്താൽ പ്രേരി​ത​രാ​യി തിന്മ പ്രവർത്തി​ക്കു​ന്ന​തു​പോ​ലെ സമ്പൂർണ​വും സന്തോ​ഷ​പൂർവ​ക​വു​മാ​യി മനുഷ്യർ മറ്റൊ​രി​ക്ക​ലും തിന്മ പ്രവർത്തി​ക്കു​ന്നില്ല.”

അവരുടെ ഫലത്താൽ തിരി​ച്ച​റി​യ​പ്പെ​ടു​ന്നു

ദൈവ​ത്തി​ന്റെ വീക്ഷണ​ത്തിൽ, ഒരു മതത്തിന്റെ സ്വീകാ​ര്യത ഒരൊറ്റ വസ്‌തു​തയെ മാത്രം ആശ്രയി​ച്ചി​രി​ക്കു​ന്നില്ല. ഒരു മതം അവനു സ്വീകാ​ര്യ​യോ​ഗ്യ​മാ​യി​രി​ക്കുന്ന​തിന്‌ അതിന്റെ പഠിപ്പി​ക്ക​ലു​ക​ളും പ്രവർത്ത​ന​ങ്ങ​ളും അവന്റെ ലിഖിത സത്യവ​ച​ന​മായ ബൈബി​ളി​നു ചേർച്ച​യിൽ ആയിരി​ക്കണം. (സങ്കീർത്തനം 119:160; യോഹ​ന്നാൻ 17:17) ദൈവാം​ഗീ​കൃത ആരാധ​ന​യു​ടെ ഫലങ്ങൾ യഹോ​വ​യാം ദൈവ​ത്തി​ന്റെ നിലവാ​ര​ങ്ങ​ളു​മാ​യി ഒത്തു​പോ​കണം.

ദൈവത്തെ പ്രതി​നി​ധാ​നം ചെയ്യു​ന്ന​താ​യി വ്യാജ​മാ​യി അവകാ​ശ​പ്പെ​ടുന്ന പ്രവാ​ച​ക​ന്മാർ ഉണ്ടായി​രി​ക്കു​മെന്നു യേശു​ക്രി​സ്‌തു തന്റെ ഗിരി​പ്ര​ഭാ​ഷ​ണ​ത്തിൽ സൂചി​പ്പി​ച്ചു. അവൻ ഇങ്ങനെ പറഞ്ഞു: “കള്ളപ്ര​വാ​ച​ക​ന്മാ​രെ സൂക്ഷി​ച്ചു​കൊൾവിൻ; അവർ ആടുക​ളു​ടെ വേഷം പൂണ്ടു നിങ്ങളു​ടെ അടുക്കൽ വരുന്നു; അകമെ​യോ കടിച്ചു​കീ​റുന്ന ചെന്നാ​യ്‌ക്കൾ ആകുന്നു. അവരുടെ ഫലങ്ങളാൽ നിങ്ങൾക്കു അവരെ തിരി​ച്ച​റി​യാം; മുള്ളു​ക​ളിൽനി​ന്നു മുന്തി​രി​പ്പ​ഴ​വും ഞെരി​ഞ്ഞി​ലു​ക​ളിൽനി​ന്നു അത്തിപ്പ​ഴ​വും പറിക്കു​മാ​റു​ണ്ടോ? നല്ല വൃക്ഷം ഒക്കെയും നല്ല ഫലം കായ്‌ക്കു​ന്നു; ആകാത്ത വൃക്ഷമോ ആകാത്ത ഫലം കായ്‌ക്കു​ന്നു. നല്ല വൃക്ഷത്തി​ന്നു ആകാത്ത ഫലവും ആകാത്ത വൃക്ഷത്തി​ന്നു നല്ല ഫലവും കായ്‌പാൻ കഴിക​യില്ല. നല്ല ഫലം കായ്‌ക്കാത്ത വൃക്ഷം ഒക്കെയും വെട്ടി തീയിൽ ഇടുന്നു. ആകയാൽ അവരുടെ ഫലത്താൽ നിങ്ങൾ അവരെ തിരി​ച്ച​റി​യും.” (മത്തായി 7:15-20) ആത്മീയ​മാ​യി നാം ജാഗരൂ​ക​രാ​യി​രി​ക്ക​ണ​മെന്ന്‌ ഈ വാക്കുകൾ സൂചി​പ്പി​ക്കു​ന്നു. ഒരു മതനേ​താ​വി​നെ​യോ മതവി​ഭാ​ഗ​ത്തെ​യോ ദൈവ​വും ക്രിസ്‌തു​വും അംഗീ​ക​രി​ക്കു​ന്നു​വെന്നു നാം കരുതി​യേ​ക്കാം, എന്നാൽ നാം തെറ്റി​ദ്ധ​രി​ക്ക​പ്പെ​ടു​ക​യാ​കും.

ജാഗരൂ​ക​രാ​യി​രി​ക്കേ​ണ്ട​തി​ന്റെ ആവശ്യം

ഒരു മതം ദൈവാം​ഗീ​കാ​രം ഉണ്ടെന്ന്‌ അവകാ​ശ​പ്പെ​ടു​ക​യും അതിന്റെ ശുശ്രൂ​ഷകർ ബൈബി​ളിൽനി​ന്നുള്ള ഭാഗങ്ങൾ വായി​ക്കു​ക​യും ചെയ്യു​ന്നു​ണ്ടെ​ങ്കി​ലും അതു ദൈവത്തെ പ്രീതി​പ്പെ​ടു​ത്തുന്ന ആരാധനാ രൂപമാ​ണെന്ന്‌ അർഥമില്ല. അതിന്റെ നേതാക്കൾ ദൈവം തങ്ങളി​ലൂ​ടെ പ്രവർത്തി​ക്കു​ക​യാ​യി​രു​ന്നു​വെന്നു തോന്നി​ക്കുന്ന മതിപ്പു​ള​വാ​ക്കുന്ന കാര്യങ്ങൾ ചെയ്യു​ന്നു​വെ​ന്നു​പോ​ലും വരാം. എന്നുവ​രി​കി​ലും, അപ്പോ​ഴും അതു ദൈവ​ത്തി​നു സ്വീകാ​ര്യ​മായ ഫലം പുറ​പ്പെ​ടു​വി​ക്കാത്ത വ്യാജ​മ​ത​മാ​യി​രി​ക്കാ​വു​ന്ന​താണ്‌. മോശ​യു​ടെ നാളിൽ ഈജി​പ്‌തി​ലെ ജാലവി​ദ്യാ പരിശീ​ല​ക​രായ പുരോ​ഹി​ത​ന്മാർക്ക്‌ മതിപ്പു​ള​വാ​ക്കുന്ന കാര്യങ്ങൾ ചെയ്യാൻ കഴിഞ്ഞു. എന്നാൽ തീർച്ച​യാ​യും അവർക്കു ദൈവാം​ഗീ​കാ​ര​മി​ല്ലാ​യി​രു​ന്നു.—പുറപ്പാ​ടു 7:8-22.

പണ്ടത്തെ​പ്പോ​ലെ ഇന്നും അനേക മതങ്ങളും  സത്യ​മെന്നു ദൈവം പ്രഖ്യാ​പി​ക്കുന്ന കാര്യ​ങ്ങ​ളോ​ടു പറ്റിനിൽക്കു​ന്ന​തി​നു പകരം മാനു​ഷിക ആശയങ്ങ​ളും തത്ത്വശാ​സ്‌ത്ര​ങ്ങ​ളും ഉന്നമി​പ്പി​ക്കു​ന്നു. ആ സ്ഥിതിക്കു ബൈബി​ളി​ന്റെ ഈ മുന്നറി​യി​പ്പു വിശേ​ഷി​ച്ചും ഉചിത​മാണ്‌: “തത്വജ്ഞാ​ന​വും വെറും വഞ്ചനയും​കൊ​ണ്ടു ആരും നിങ്ങളെ കവർന്നു​ക​ള​യാ​തി​രി​പ്പാൻ സൂക്ഷി​പ്പിൻ; അതു മനുഷ്യ​രു​ടെ സമ്പ്രദാ​യ​ത്തി​ന്നു ഒത്തവണ്ണം, ലോക​ത്തി​ന്റെ ആദ്യപാ​ഠ​ങ്ങൾക്കു ഒത്തവണ്ണം അല്ലാതെ ക്രിസ്‌തു​വി​ന്നു ഒത്തവണ്ണ​മു​ള്ളതല്ല.”—കൊ​ലൊ​സ്സ്യർ 2:8.

നല്ലതും തീയതു​മായ ഫലങ്ങ​ളെ​ക്കു​റി​ച്ചു സംസാ​രി​ച്ച​ശേഷം യേശു ഇങ്ങനെ പറഞ്ഞു: “എന്നോടു കർത്താവേ, കർത്താവേ, എന്നു പറയു​ന്നവൻ ഏവനുമല്ല, സ്വർഗ്ഗ​സ്ഥ​നായ എന്റെ പിതാ​വി​ന്റെ ഇഷ്ടം ചെയ്യു​ന്നവൻ അത്രേ സ്വർഗ്ഗ​രാ​ജ്യ​ത്തിൽ കടക്കു​ന്നതു. കർത്താവേ, കർത്താവേ, നിന്റെ നാമത്തിൽ ഞങ്ങൾ പ്രവചി​ക്ക​യും നിന്റെ നാമത്തിൽ ഭൂതങ്ങളെ പുറത്താ​ക്കു​ക​യും നിന്റെ നാമത്തിൽ വളരെ വീര്യ​പ്ര​വൃ​ത്തി​കൾ പ്രവർത്തി​ക്ക​യും ചെയ്‌തി​ല്ല​യോ എന്നു പലരും ആ നാളിൽ എന്നോടു പറയും. അന്നു ഞാൻ അവരോ​ടു: ഞാൻ ഒരുനാ​ളും നിങ്ങളെ അറിഞ്ഞി​ട്ടില്ല; അധർമ്മം പ്രവർത്തി​ക്കു​ന്ന​വരേ, എന്നെ വിട്ടു പോകു​വിൻ എന്നു തീർത്തു​പ​റ​യും.”—മത്തായി 7:21-23.

ഫലങ്ങൾ പരി​ശോ​ധി​ക്കു​ക

അപ്പോൾപ്പി​ന്നെ വ്യക്തമാ​യും, ഒരു മതം ദൈവ​ത്തി​നു സ്വീകാ​ര്യ​മാ​ണെന്നു നിഗമനം ചെയ്യു​ന്ന​തി​നു​മുമ്പ്‌ അതിന്റെ ഫലങ്ങൾ പരി​ശോ​ധി​ക്കു​ന്നത്‌ അത്യന്താ​പേ​ക്ഷി​ത​മാണ്‌. ഉദാഹ​ര​ണ​ത്തിന്‌, ആ മതം രാഷ്‌ട്രീ​യ​ത്തിൽ ഉൾപ്പെ​ടു​ന്നു​ണ്ടോ? അങ്ങനെ​യെ​ങ്കിൽ യാക്കോബ്‌ 4:4-ൽ രേഖ​പ്പെ​ടു​ത്തി​യി​ട്ടുള്ള ഈ വാക്കുകൾ ശ്രദ്ധി​ക്കുക: “ലോക​ത്തി​ന്റെ സ്‌നേ​ഹി​തൻ ആകുവാൻ ഇച്ഛിക്കു​ന്ന​വ​നെ​ല്ലാം ദൈവ​ത്തി​ന്റെ ശത്രു​വാ​യി​ത്തീ​രു​ന്നു.” കൂടാതെ, യേശു തന്റെ യഥാർഥ അനുഗാ​മി​ക​ളെ​ക്കു​റിച്ച്‌ ഇങ്ങനെ പറഞ്ഞു: “ഞാൻ ലൌകി​ക​ന​ല്ലാ​ത്ത​തു​പോ​ലെ അവരും ലൌകി​ക​ന്മാ​രല്ല.” (യോഹ​ന്നാൻ 17:16) ദൈവ​ദൃ​ഷ്ടി​യിൽ നല്ല മതം, അദൃശ്യ ആത്മജീ​വി​യായ പിശാ​ചായ സാത്താൻ എന്ന “ദുഷ്ടന്റെ അധീന​ത​യിൽ കിടക്കുന്ന” ഈ ലോക​ത്തി​ന്റെ രാഷ്‌ട്രീ​യ​ത്തിൽ ഉൾപ്പെ​ടു​ന്നില്ല. (1 യോഹ​ന്നാൻ 5:19) മറിച്ച്‌, ദൈവാം​ഗീ​കാ​ര​മുള്ള മതം യേശു​ക്രി​സ്‌തു​വിൻ കീഴി​ലുള്ള അവന്റെ രാജ്യത്തെ വിശ്വ​സ്‌ത​താ​പൂർവം പ്രകീർത്തി​ക്കു​ക​യും ആ സ്വർഗീയ ഗവൺമെൻറി​നെ​ക്കു​റി​ച്ചുള്ള സുവാർത്ത പ്രഖ്യാ​പി​ക്കു​ക​യും ചെയ്യുന്നു.—മർക്കൊസ്‌ 13:10.

ഒരു മതം ഗവൺമെൻറി​നെ​തി​രെ അക്രമ​ര​ഹിത സമര​പ്ര​സ്ഥാ​ന​ത്തിന്‌ ആഹ്വാനം ചെയ്യു​ന്നു​വെ​ങ്കിൽ അതു ദൈവ​ത്തി​നു സ്വീകാ​ര്യ​മാ​യി​രി​ക്കു​മോ? പൗലോസ്‌ അപ്പോ​സ്‌ത​ലന്റെ പിൻവ​രുന്ന ബുദ്ധ്യു​പ​ദേശം നാം പിൻപ​റ്റു​ന്നെ​ങ്കിൽ ഉത്തരം വ്യക്തമാണ്‌: “വാഴ്‌ച​കൾക്കും അധികാ​ര​ങ്ങൾക്കും കീഴടങ്ങി അനുസ​രി​പ്പാ​നും സകലസൽപ്ര​വൃ​ത്തി​ക്കും ഒരുങ്ങി​യി​രി​പ്പാ​നും . . . അവരെ ഓർമ്മ​പ്പെ​ടു​ത്തുക.” (തീത്തൊസ്‌ 3:1, 2) തീർച്ച​യാ​യും, തന്റെ അനുഗാ​മി​കൾ “കൈസർക്കു​ള്ളതു കൈസർക്കും ദൈവ​ത്തി​ന്നു​ള്ളതു  ദൈവ​ത്തി​ന്നും കൊടു”ക്കണമെന്ന്‌ യേശു വ്യക്തമാ​ക്കി.—മർക്കൊസ്‌ 12:17.

ഒരു മതം രാഷ്‌ട്ര​ങ്ങ​ളു​ടെ യുദ്ധത്തി​ലുള്ള പങ്കുപ​റ്റ​ലി​നെ പ്രോ​ത്സാ​ഹി​പ്പി​ക്കു​ന്നു​വെ​ന്നി​രി​ക്കട്ടെ. ‘ഗുണം ചെയ്‌ക​യും സമാധാ​നം അന്വേ​ഷി​ച്ചു പിന്തു​ട​രു​ക​യും ചെയ്യാൻ’ ഒന്നു പത്രൊസ്‌ 3:11 നമ്മെ ഉദ്‌ബോ​ധി​പ്പി​ക്കു​ന്നു. ഒരു മതത്തിലെ അംഗങ്ങൾ മറ്റൊരു രാജ്യ​ത്തി​ലെ തങ്ങളുടെ സഹ ആരാധ​കരെ യുദ്ധത്തിൽ കൊ​ന്നൊ​ടു​ക്കാൻ മനസ്സൊ​രു​ക്കം കാട്ടു​ന്ന​പക്ഷം അതിന്‌ എങ്ങനെ ദൈവത്തെ പ്രീതി​പ്പെ​ടു​ത്താ​നാ​വും? ദൈവാം​ഗീ​കാ​ര​മുള്ള മതത്തിലെ അംഗങ്ങൾ അവന്റെ പ്രധാന ഗുണം—സ്‌നേഹം—പ്രതി​ഫ​ലി​പ്പി​ക്കു​ന്നു. മാത്രമല്ല, യേശു ഇങ്ങനെ പറഞ്ഞു: “നിങ്ങൾക്കു തമ്മിൽ തമ്മിൽ സ്‌നേഹം ഉണ്ടെങ്കിൽ നിങ്ങൾ എന്റെ ശിഷ്യ​ന്മാർ എന്നു എല്ലാവ​രും അറിയും.” (യോഹ​ന്നാൻ 13:35) രാഷ്‌ട്ര​ങ്ങ​ളു​ടെ യുദ്ധങ്ങ​ളിൽ ഊട്ടി​വ​ളർത്ത​പ്പെ​ടുന്ന അക്രമാ​സ​ക്ത​മായ വിദ്വേ​ഷ​വു​മാ​യി ആ സ്‌നേ​ഹ​ത്തി​നു യാതൊ​രു സാമ്യ​വു​മില്ല.

സത്യമതം യുദ്ധത​ത്‌പ​രരെ സമാധാ​ന​കാം​ക്ഷി​ക​ളാ​ക്കി മാറ്റുന്നു. അതു പിൻവ​രുന്ന വാക്കു​ക​ളിൽ മുൻകൂ​ട്ടി പറയ​പ്പെ​ട്ടി​രു​ന്നു: “അവർ തങ്ങളുടെ വാളു​കളെ കൊഴു​ക്ക​ളാ​യും കുന്തങ്ങളെ വാക്കത്തി​ക​ളാ​യും അടിച്ചു​തീർക്കും; ജാതി ജാതിക്കു നേരെ വാളോ​ങ്ങു​ക​യില്ല; അവർ ഇനി യുദ്ധം അഭ്യസി​ക്ക​യും ഇല്ല.” (യെശയ്യാ​വു 2:4) വിദ്വേഷ വാക്കുകൾ ചൊരി​യു​ന്ന​തി​നു പകരം, സത്യാ​രാ​ധന ആചരി​ക്കു​ന്നവർ ഈ കൽപ്പന അനുസ​രി​ക്കു​ന്നു: “കൂട്ടു​കാ​രനെ നിന്നെ​പ്പോ​ലെ തന്നേ സ്‌നേ​ഹി​ക്കേണം.”—മത്തായി 22:39.

സത്യമതം ആചരി​ക്കു​ന്നവർ അധാർമിക ജീവി​ത​രീ​തി നിരാ​ക​രി​ച്ചു​കൊ​ണ്ടു യഹോ​വ​യാം ദൈവ​ത്തി​ന്റെ ഉയർന്ന നിലവാ​ര​ങ്ങൾക്കൊ​ത്ത​വണ്ണം ജീവി​ക്കാൻ കിണഞ്ഞു പരി​ശ്ര​മി​ക്കു​ന്നു. “അന്യായം ചെയ്യു​ന്നവർ ദൈവ​രാ​ജ്യം അവകാ​ശ​മാ​ക്കു​ക​യില്ല എന്നു അറിയു​ന്നി​ല്ല​യോ? നിങ്ങ​ളെ​ത്തന്നേ വഞ്ചിക്കാ​തി​രി​പ്പിൻ; ദുർന്ന​ട​പ്പു​കാർ, വിഗ്ര​ഹാ​രാ​ധി​കൾ, വ്യഭി​ചാ​രി​കൾ, സ്വയ​ഭോ​ഗി​കൾ, പുരു​ഷ​കാ​മി​കൾ, കള്ളന്മാർ, അത്യാ​ഗ്ര​ഹി​കൾ, മദ്യപ​ന്മാർ, വാവി​ഷ്‌ഠാ​ണ​ക്കാർ, പിടി​ച്ചു​പ​റി​ക്കാർ എന്നിവർ ദൈവ​രാ​ജ്യം അവകാ​ശ​മാ​ക്കു​ക​യില്ല. നിങ്ങളും ചിലർ ഈ വകക്കാ​രാ​യി​രു​ന്നു; എങ്കിലും നിങ്ങൾ കർത്താ​വായ യേശു​ക്രി​സ്‌തു​വി​ന്റെ നാമത്തി​ലും നമ്മുടെ ദൈവ​ത്തി​ന്റെ ആത്മാവി​നാ​ലും നിങ്ങ​ളെ​ത്തന്നേ കഴുകി ശുദ്ധീ​ക​ര​ണ​വും നീതീ​ക​ര​ണ​വും പ്രാപി​ച്ചി​രി​ക്കു​ന്നു” എന്നു ദൈവ​വ​ചനം പ്രസ്‌താ​വി​ക്കു​ന്നു.—1 കൊരി​ന്ത്യർ 6:9-11.

നിർണാ​യക നടപടി​ക്കുള്ള ഒരു സമയം

വ്യാജാ​രാ​ധ​ന​യും സത്യമ​ത​വും തമ്മിലുള്ള വ്യത്യാ​സങ്ങൾ വിവേ​ചി​ച്ച​റി​യു​ന്നത്‌ അത്യന്താ​പേ​ക്ഷി​ത​മാണ്‌. വെളി​പ്പാ​ടു പുസ്‌ത​ക​ത്തിൽ വ്യാജ​മ​ത​ലോ​ക​സാ​മ്രാ​ജ്യ​ത്തെ, “ഭൂമി​യി​ലെ രാജാ​ക്ക​ന്മാ​രോ​ടു വേശ്യാ​വൃ​ത്തി ചെയ്‌ത” ഒരു പ്രതീ​കാ​ത്മക വേശ്യ​യായ “മഹതി​യാം ബാബി​ലോൻ” ആയി തിരി​ച്ച​റി​യി​ക്കു​ന്നു. രക്തപാ​ത​ക​മുള്ള അവൾ “തന്റെ വേശ്യാ​വൃ​ത്തി​യു​ടെ മ്ലേച്ഛത​യും അശുദ്ധി​യും നിറഞ്ഞ” ഒരു സ്വർണ പാനപാ​ത്രം കയ്യിൽ പിടി​ച്ചി​രി​ക്കു​ന്നു. (വെളി​പ്പാ​ടു 17:1-6) ദൈവത്തെ സംബന്ധി​ച്ചി​ട​ത്തോ​ളം അവളിൽ സ്വീകാ​ര്യ​യോ​ഗ്യ​മായ യാതൊ​ന്നു​മില്ല.

നിർണാ​യക നടപടി​ക്കുള്ള സമയമാ​ണിത്‌. ഇപ്പോ​ഴും മഹാബാ​ബി​ലോ​നി​ലുള്ള ആത്മാർഥ​രായ ജനങ്ങൾക്കു നമ്മുടെ സ്‌നേ​ഹ​വാ​നായ സ്രഷ്ടാവ്‌ ഈ ക്ഷണം നൽകുന്നു: “എന്റെ ജനമാ​യു​ള്ളോ​രേ, അവളുടെ പാപങ്ങ​ളിൽ കൂട്ടാ​ളി​ക​ളാ​കാ​തെ​യും അവളുടെ ബാധക​ളിൽ ഓഹരി​ക്കാ​രാ​കാ​തെ​യു​മി​രി​പ്പാൻ അവളെ വിട്ടു​പോ​രു​വിൻ.”—വെളി​പ്പാ​ടു 18:4.

ദൈവത്തെ പ്രീതി​പ്പെ​ടു​ത്തുന്ന മതം ആചരി​ക്കാൻ നിങ്ങൾ ആഗ്രഹി​ക്കു​ന്ന​പക്ഷം യഹോ​വ​യു​ടെ സാക്ഷി​ക​ളു​മാ​യി കൂടുതൽ പരിചി​ത​രാ​ക​രു​തോ? കൂടെ​ക്കൊ​ടു​ത്തി​രി​ക്കുന്ന ചാർട്ട്‌ അവരുടെ വിശ്വാ​സ​ങ്ങ​ളിൽ ചിലതു തിരു​വെ​ഴു​ത്തു​പ​ര​മായ കാരണങ്ങൾ സഹിതം പട്ടിക​പ്പെ​ടു​ത്തി​യി​രി​ക്കു​ന്നു. സാക്ഷി​ക​ളു​ടെ വിശ്വാ​സം ദൈവ​വ​ച​ന​വു​മാ​യി ഒത്തു​പോ​കു​ന്നു​വോ എന്നു നിങ്ങളു​ടെ ബൈബി​ളിൽ പരി​ശോ​ധി​ക്കുക. സത്യാ​രാ​ധ​ന​യിൽനി​ന്നു നിങ്ങൾ പ്രതീ​ക്ഷി​ക്കു​ന്ന​തരം ഫലങ്ങൾ അവരുടെ മതം ഉളവാ​ക്കു​ന്നു​ണ്ടോ​യെന്ന്‌ അന്വേ​ഷി​ച്ചു കണ്ടെത്തുക. ഉണ്ടെന്നു നിങ്ങൾ കണ്ടെത്തു​ന്ന​പക്ഷം ദൈവത്തെ പ്രീതി​പ്പെ​ടു​ത്തുന്ന മതം നിങ്ങൾ കണ്ടെത്തി​യി​രി​ക്കും.

 [5-ാം പേജിലെ ചതുരം]

യഹോവയുടെ സാക്ഷികൾ വിശ്വ​സി​ക്കു​ന്നത്‌

വിശ്വാ​സം ബൈബിൾ അടിസ്ഥാ​നം

ദൈവത്തിന്റെ പേര്‌ യഹോവ എന്നാണ്‌ പുറപ്പാ​ടു 6:3; സങ്കീർത്തനം 83:18

ബൈബിൾ ദൈവ​വ​ച​ന​മാണ്‌ യോഹ​ന്നാൻ 17:17; 2 തിമൊ​ഥെ​യൊസ്‌ 3:16, 17

യേശുക്രിസ്‌തു ദൈവ​പു​ത്ര​നാണ്‌ മത്തായി 3:16, 17; യോഹ​ന്നാൻ 14:28

മനുഷ്യവർഗം പരിണ​മി​ച്ചതല്ല മറിച്ച്‌, ഉല്‌പത്തി 1:27; 2:7

സൃഷ്ടി​ക്ക​പ്പെ​ട്ട​താണ്‌

മനുഷ്യമരണത്തിനു കാരണം റോമർ 5:12

ആദ്യമ​നു​ഷ്യ​ന്റെ പാപമാണ്‌

ദേഹി മരണ​ത്തോ​ടെ ഇല്ലാതാ​കു​ന്നു സഭാ​പ്ര​സം​ഗി 9:5, 10;

യെഹെ​സ്‌കേൽ 18:4

നരകം മനുഷ്യ​വർഗ​ത്തി​ന്റെ ഇയ്യോബ്‌ 14:13; വെളി​പ്പാ​ടു 20:13,

പൊതു ശവക്കു​ഴി​യാണ്‌ ജയിംസ്‌ രാജാ​വി​ന്റെ ഭാഷാ​ന്ത​രം

മരിച്ചവർക്കുള്ള പ്രത്യാശ യോഹ​ന്നാൻ 5:28, 29; 11:25;

പുനരു​ത്ഥാ​ന​മാണ്‌ പ്രവൃ​ത്തി​കൾ 24:15

ക്രിസ്‌തു തന്റെ ഭൗമിക ജീവൻ അനുസ​ര​ണ​മുള്ള മത്തായി 20:28; 1 പത്രൊസ്‌ 2:24;

മനുഷ്യർക്കു മറുവി​ല​യാ​യി നൽകി 1 യോഹ​ന്നാൻ 2:1, 2

പ്രാർഥനകൾ ക്രിസ്‌തു​വി​ലൂ​ടെ മത്തായി 6:9;

യഹോ​വ​യ്‌ക്കു മാത്രമേ അർപ്പി​ക്കാ​വൂ യോഹ​ന്നാൻ 14:6, 13, 14

ധാർമികത സംബന്ധിച്ച ബൈബിൾ 1 കൊരി​ന്ത്യർ 6:9, 10

നിയമങ്ങൾ അനുസ​രി​ക്ക​ണം

ആരാധനയിൽ പ്രതി​മകൾ ഉപയോ​ഗി​ക്ക​രുത്‌ പുറപ്പാ​ടു 20:4-6; 1 കൊരി​ന്ത്യർ 10:14

ആത്മവിദ്യ ഉപേക്ഷി​ക്കണം ആവർത്ത​ന​പു​സ്‌തകം 18:10-12; ഗലാത്യർ 5:19-21

ശരീരത്തിലേക്കു രക്തം സ്വീക​രി​ക്ക​രുത്‌ ഉല്‌പത്തി 9:3, 4; പ്രവൃ​ത്തി​കൾ 15:28, 29

യേശുവിന്റെ യഥാർഥ അനുഗാ​മി​കൾ യോഹ​ന്നാൻ 15:19; 17:16; യാക്കോബ്‌ 1:27; 4:4

ലോക​ത്തിൽനി​ന്നു വേർപെ​ട്ടി​രി​ക്കു​ന്നു

ക്രിസ്‌തീയ സാക്ഷികൾ യെശയ്യാ​വു 43:10-12;

സുവാർത്ത പ്രഖ്യാ​പി​ക്കു​ന്നു മത്തായി 24:14; 28:19, 20

സമ്പൂർണ ജലനി​മ​ജ്ജ​ന​ത്താ​ലുള്ള സ്‌നാ​പനം മർക്കൊസ്‌ 1:9, 10; യോഹ​ന്നാൻ 3:22;

ദൈവ​ത്തോ​ടുള്ള സമർപ്പ​ണത്തെ പ്രതീ​ക​പ്പെ​ടു​ത്തു​ന്നു പ്രവൃ​ത്തി​കൾ 19:4, 5

മതപരമായ സ്ഥാന​പ്പേ​രു​കൾ ഇയ്യോബ്‌ 32:21, 22; മത്തായി തിരു​വെ​ഴു​ത്തു​വി​രു​ദ്ധ​മാണ്‌ 23:8-12

നാം “അന്ത്യകാല”ത്താണു ജീവി​ക്കു​ന്നത്‌ ദാനീ​യേൽ 12:4; മത്തായി 24:3-14; 2 തിമൊ​ഥെ​യൊസ്‌ 3:1-5

ക്രിസ്‌തുവിന്റെ സാന്നി​ധ്യം അദൃശ്യ​മാണ്‌ മത്തായി 24:3; യോഹ​ന്നാൻ 14:19;

1 പത്രൊസ്‌ 3:18

സാത്താനാണ്‌ ഈ ലോക​ത്തി​ന്റെ യോഹ​ന്നാൻ 12:31; 1 യോഹ​ന്നാൻ 5:19

അദൃശ്യ ഭരണാ​ധി​പൻ

ദൈവം ഇപ്പോ​ഴത്തെ ദുഷ്ടവ്യ​വ​സ്ഥി​തി​യെ ദാനീ​യേൽ 2:44;

നശിപ്പിക്കും വെളി​പ്പാ​ടു 16:14, 16; 18:1-8

ക്രിസ്‌തുവിന്റെ കീഴി​ലുള്ള ദൈവ​രാ​ജ്യം യെശയ്യാ​വു 9:6, 7; ദാനീ​യേൽ 7:13, 14;

ഭൂമിയിൽ നീതി​യിൽ ഭരണം നടത്തും മത്തായി 6:10

സ്വർഗത്തിൽ ക്രിസ്‌തു​വി​നോ​ടൊ​പ്പം ഒരു ലൂക്കൊസ്‌ 12:32; വെളി​പ്പാ​ടു 14: ‘ചെറിയ ആട്ടിൻകൂ​ട്ടം’ ഭരണം നടത്തും 1-4; 20:4

ദൈവാംഗീകാരമുള്ള മറ്റുള്ളവർ ഒരു ലൂക്കൊസ്‌ 23:43; യോഹ​ന്നാൻ പറുദീ​സാ ഭൂമി​യിൽ 3:16;

നിത്യജീവൻ അവകാ​ശ​മാ​ക്കും വെളി​പ്പാ​ടു 21:1-5

[4-ാം പേജിലെ ചിത്രം]

മതവിചാരണക്കാലത്ത്‌ ആയിരങ്ങൾ കൊല​ചെ​യ്യ​പ്പെ​ട്ടു

[6-ാം പേജിലെ ചിത്രം]

കുരിശുയുദ്ധം ഭയാന​ക​മായ രക്തച്ചൊ​രി​ച്ചി​ലിൽ കലാശി​ച്ചു

[7-ാം പേജിലെ ചിത്രം]

സത്യമതം അതിന്റെ നല്ല ഫലങ്ങളാൽ അറിയ​പ്പെ​ടു​ന്നു

 [2-ാം പേജിലെ ചിത്ര​ത്തിന്‌ കടപ്പാട]

Cover: Garo Nalbandian