അക്വി​ലാ​യും പ്രിസ്‌കി​ല്ല​യും—ഒരു മാതൃ​കാ​ദ​മ്പ​തി​കൾ

“ക്രിസ്‌തു​യേ​ശു​വിൽ എന്റെ കൂട്ടു​വേ​ല​ക്കാ​രായ പ്രിസ്‌ക​യെ​യും അക്വി​ലാ​വെ​യും വന്ദനം​ചെ​യ്‌വിൻ. അവർ എന്റെ പ്രാണന്നു വേണ്ടി തങ്ങളുടെ കഴുത്തു വെച്ചു​കൊ​ടു​ത്ത​വ​രാ​കു​ന്നു; അവർക്കു ഞാൻ മാത്രമല്ല, ജാതി​ക​ളു​ടെ സകലസ​ഭ​ക​ളും​കൂ​ടെ നന്ദിപ​റ​യു​ന്നു.”—റോമർ 16:3, 4.

റോമി​ലെ ക്രിസ്‌തീയ സഭയ്‌ക്കു പൗലൊസ്‌ അപ്പോ​സ്‌തലൻ എഴുതിയ ഈ വാക്കുകൾ ആ വിവാഹ ദമ്പതി​ക​ളെ​പ്രതി അവനു​ണ്ടാ​യി​രുന്ന ആഴമായ ആദരവും ഊഷ്‌മ​ള​മായ പരിഗ​ണ​ന​യും വിളി​ച്ചോ​തു​ന്നു. അവരുടെ സഭയ്‌ക്ക്‌ എഴുതവേ, താൻ അവരെ അവഗണി​ച്ചി​ല്ലെന്ന്‌ അവൻ ഉറപ്പു വരുത്തി. എന്നാൽ, പൗലൊ​സി​ന്റെ ഈ രണ്ടു ‘കൂട്ടു​വേ​ല​ക്കാർ’ ആരായി​രു​ന്നു? അവർ, അവനും സഭകൾക്കും വളരെ പ്രിയ​പ്പെ​ട്ട​വ​രാ​യി​രു​ന്നത്‌ എന്തു​കൊ​ണ്ടാണ്‌?—2 തിമൊ​ഥെ​യൊസ്‌ 4:19.

അക്വിലാ, പരദേ​ശ​വാ​സി​യായ യഹൂദ​നും (ചിതറി​പ്പോയ യഹൂദർ) വടക്കൻ ഏഷ്യാ​മൈ​ന​റി​ലെ പോന്റസ്‌ ദേശത്തെ നിവാ​സി​യു​മാ​യി​രു​ന്നു. അവനും ഭാര്യ പ്രിസ്‌കി​ല്ല​യും (പ്രിസ്‌ക) റോമിൽ താമസ​മാ​ക്കി. പൊ.യു. 63-ൽ പോംപി യെരു​ശ​ലേം പിടി​ച്ച​ട​ക്കി​യ​തോ​ടെ അസംഖ്യം തടവു​കാ​രെ റോമി​ലേക്ക്‌ അടിമ​ക​ളാ​യി കൊണ്ടു​പോ​യി. ചുരു​ങ്ങി​യ​പക്ഷം, അന്നുമു​ത​ലെ​ങ്കി​ലും ആ നഗരത്തിൽ സാമാ​ന്യം വലുപ്പ​മുള്ള ഒരു യഹൂദ സമുദാ​യ​മു​ണ്ടാ​യി​രു​ന്നു. വാസ്‌ത​വ​ത്തിൽ, ആ പുരാതന നഗരത്തിൽ ഒരു ഡസനോ അതില​ധി​ക​മോ സിന​ഗോ​ഗു​കൾ നിലവി​ലു​ണ്ടാ​യി​രു​ന്ന​താ​യി റോമൻ ലിഖി​തങ്ങൾ വെളി​പ്പെ​ടു​ത്തു​ന്നു. റോമിൽനി​ന്നുള്ള നിരവധി യഹൂദർ പൊ.യു. 33-ലെ പെന്ത​ക്കോ​സ്‌തിൽ സന്നിഹി​ത​രാ​യി​രു​ന്നു. ആ സമയത്താണ്‌ അവർ സുവാർത്ത ശ്രവി​ച്ചത്‌. ഒരുപക്ഷേ, റോമാ സാമ്രാ​ജ്യ​ത്തി​ന്റെ തലസ്ഥാ​നത്ത്‌ ആദ്യമാ​യി ക്രിസ്‌തീയ സന്ദേശം എത്തിയത്‌ അവർ മുഖാ​ന്ത​ര​മാ​കാം.—പ്രവൃ​ത്തി​കൾ 2:10.

എന്നാൽ, പൊ.യു. 49-ലോ 50-ന്റെ ആരംഭ​ത്തി​ലോ ക്ലൗദ്യോസ്‌ ചക്രവർത്തി​യു​ടെ ആജ്ഞാനു​സ​രണം യഹൂദർ റോമിൽനി​ന്നു നിഷ്‌കാ​സനം ചെയ്യ​പ്പെട്ടു. തന്മൂലം, ഗ്രീക്കു നഗരമായ കൊരി​ന്തിൽവെ​ച്ചാ​ണു പൗലൊസ്‌ അപ്പോ​സ്‌തലൻ അക്വി​ലാ​യെ​യും പ്രിസ്‌കി​ല്ല​യെ​യും കണ്ടുമു​ട്ടി​യത്‌. പൗലൊസ്‌ കൊരി​ന്തിൽ എത്തിയ​പ്പോൾ അക്വി​ലാ​യും പ്രിസ്‌കി​ല്ല​യും അവനു ദയാപു​ര​സ്സരം ആതിഥ്യ​മ​രു​ളുക മാത്രമല്ല, തൊഴി​ലും നൽകി. കാരണം, ഒരേ തൊഴി​ലാ​യി​രു​ന്നു അവരു​ടേത്‌—കൂടാ​ര​പ്പണി.—പ്രവൃ​ത്തി​കൾ 18:2, 3.

കൂടാ​ര​പ്പ​ണി​ക്കാർ

അത്‌ അത്ര എളുപ്പ​മുള്ള തൊഴി​ലാ​യി​രു​ന്നില്ല. കട്ടിയായ, പരുപ​രുത്ത വസ്‌തു​ക്ക​ളു​ടെ​യോ തുകലി​ന്റെ​യോ കഷണങ്ങൾ മുറി​ച്ചെ​ടുത്ത്‌ കൂട്ടി​ത്തു​ന്നു​ന്നത്‌ അതിൽ ഉൾപ്പെ​ട്ടി​രു​ന്നു. ചരി​ത്ര​കാ​ര​നായ ഫെർനാ​ണ്ടോ ബേയാ പറയു​ന്ന​ത​നു​സ​രിച്ച്‌, കൂടാ​ര​പ്പ​ണി​ക്കാർക്കു “വൈദ​ഗ്‌ധ്യ​വും ശ്രദ്ധയും ആവശ്യ​മാ​യി​രുന്ന ഒരു തൊഴി​ലാ”യിരുന്നു അത്‌. “യാത്ര​യിൽ വെയി​ലിൽനി​ന്നും മഴയിൽനി​ന്നും സംരക്ഷ​ണ​മേ​കു​ന്ന​തി​നു തമ്പടി​ക്കാൻ അല്ലെങ്കിൽ കപ്പലു​ക​ളി​ലെ ചരക്കറ​യി​ലെ സാധനങ്ങൾ പായ്‌ക്കു ചെയ്യാൻ ഉപയോ​ഗി​ച്ചി​രുന്ന പരുപ​രുത്ത, വഴക്കമി​ല്ലാത്ത തുണി​ത്ത​രങ്ങൾ” കൊണ്ടാ​യി​രു​ന്നു കൂടാ​ര​പ്പ​ണി​ക്കാർ അതു നിർമി​ച്ചി​രു​ന്നത്‌.

ഇതൊരു ചോദ്യം ഉന്നയി​ക്കു​ന്നു. വരും​കാ​ല​ങ്ങ​ളിൽ അന്തസ്സുറ്റ ജീവി​ത​വൃ​ത്തി​യിൽ ഏർപ്പെ​ട​ത്ത​ക്ക​വണ്ണം താൻ ‘ഗമാലി​യേ​ലി​ന്റെ കാല്‌ക്കൽ ഇരുന്ന്‌ അഭ്യസി​ച്ച​വനാ’ണെന്നു പൗലൊസ്‌ പറഞ്ഞില്ലേ? (പ്രവൃ​ത്തി​കൾ 22:3) അതു ശരിതന്നേ. എന്നാൽ, ഉന്നത വിദ്യാ​ഭ്യാ​സം ലഭിക്കു​ന്നു​വെ​ന്നു​വ​രു​കി​ലും ഒരു കുട്ടിയെ ഒരു തൊഴിൽ പഠിപ്പി​ക്കു​ന്നത്‌ ഉത്‌കൃ​ഷ്ട​മായ സംഗതി​യാ​യി ഒന്നാം നൂറ്റാ​ണ്ടി​ലെ യഹൂദർ കരുതി​യി​രു​ന്നു. തന്മൂലം, അക്വി​ലാ​യും പൗലൊ​സും ചെറു​പ്പ​ത്തി​ലേ​തന്നെ കൂടാ​ര​പ്പ​ണി​യിൽ വൈദ​ഗ്‌ധ്യം നേടി​യി​രി​ക്കാ​നാ​ണു സാധ്യത. ആ അനുഭ​വ​ജ്ഞാ​നം പിൽക്കാ​ലത്തു വളരെ​യ​ധി​കം പ്രയോ​ജ​ന​പ്ര​ദ​മെന്നു തെളിഞ്ഞു. എന്നാൽ ക്രിസ്‌ത്യാ​നി​ക​ളെന്ന നിലയിൽ അത്തരം ലൗകിക ജോലി​യാ​യി​രു​ന്നില്ല അവർക്കു സർവസ്വ​വും. അക്വി​ലാ​യോ​ടും പ്രിസ്‌കി​ല്ല​യോ​ടു​മൊ​പ്പം താൻ കൊരി​ന്തിൽ ചെയ്‌തി​രുന്ന വേല തന്റെ മുഖ്യ പ്രവർത്ത​നത്തെ, അതായത്‌ സുവാർത്താ​പ്ര​ഖ്യാ​പ​നത്തെ, പിന്തു​ണ​യ്‌ക്കുന്ന ഒന്നു മാത്ര​മാ​യി​രു​ന്നു​വെന്നു പൗലൊസ്‌ വിശദീ​ക​രി​ച്ചു. അങ്ങനെ ആർക്കും ‘ഭാരമാ​യി​ത്തീ​രാ​തെ’ അവനു സുവാർത്താ​പ്ര​സം​ഗം നിർവ​ഹി​ക്കാ​നാ​കു​മാ​യി​രു​ന്നു.—2 തെസ്സ​ലൊ​നീ​ക്യർ 3:8; 1 കൊരി​ന്ത്യർ 9:18; 2 കൊരി​ന്ത്യർ 11:7.

പൗലൊ​സി​ന്റെ മിഷനറി സേവനം എളുപ്പമാക്കി ത്തീർക്കു​ന്ന​തി​നു തങ്ങളാ​ലാ​കു​ന്നതു ചെയ്യു​ന്ന​തിൽ അക്വി​ലാ​യും പ്രിസ്‌കി​ല്ല​യും സന്തോ​ഷ​മു​ള്ള​വ​രാ​യി​രു​ന്നു​വെന്നു വ്യക്തം. പതിവ്‌ ഇടപാ​ടു​കാർക്കോ വഴി​പോ​ക്കർക്കോ അനൗപ​ചാ​രിക സാക്ഷ്യം നൽകു​ന്ന​തിന്‌ ആ മൂന്നു സുഹൃ​ത്തു​ക്ക​ളും പല തവണ തങ്ങളുടെ വേല നിർത്തി​യി​രി​ക്കണം! കൂടാ​ര​പ്പണി തരംതാ​ഴ്‌ന്ന​തും ക്ഷീണി​പ്പി​ക്കു​ന്ന​തു​മായ ഒരു തൊഴി​ലാ​യി​രു​ന്നെ​ങ്കി​ലും, ദൈവ​താ​ത്‌പ​ര്യ​ങ്ങ​ളു​ടെ ഉന്നമന​ത്തി​നാ​യി “രാവും പകലും” അതു ചെയ്യു​ന്ന​തിൽ അവർക്കു സന്തോ​ഷമേ ഉണ്ടായി​രു​ന്നു​ള്ളൂ. അതു​പോ​ലെ​തന്നെ, ആധുനിക നാളിലെ നിരവധി ക്രിസ്‌ത്യാ​നി​ക​ളും തങ്ങളുടെ ശേഷിച്ച സമയത്തി​ല​ധി​ക​വും സുവാർത്ത ശ്രവി​ക്കാൻ മറ്റുള്ള​വർക്കു സഹായ​മേ​കു​ന്ന​തിന്‌ അംശകാല വേലയി​ലോ കാലോ​ചിത വേലയി​ലോ ഏർപ്പെ​ടു​ന്നു.—1 തെസ്സ​ലൊ​നീ​ക്യർ 2:9; മത്തായി 24:14; 1 തിമൊ​ഥെ​യൊസ്‌ 6:6.

അതിഥി​സ​ത്‌കാ​ര​ത്തി​ന്റെ മാതൃ​ക​കൾ

കൊരി​ന്തിൽ താമസിച്ച 18 മാസം പൗലൊസ്‌ തന്റെ മിഷനറി പ്രവർത്ത​ന​ത്തി​നുള്ള കേന്ദ്ര​മാ​യി അക്വി​ലാ​യു​ടെ വീട്‌ ഉപയോ​ഗി​ച്ചി​രി​ക്കാ​നാ​ണു സാധ്യത. (പ്രവൃ​ത്തി​കൾ 18:3, 11) സാധ്യ​ത​യ​നു​സ​രിച്ച്‌, മക്കെ​ദോ​ന്യ​യിൽനി​ന്നു വന്ന ശീലാ​സി​നെ​യും (സില്വാ​നൊസ്‌) തിമൊ​ഥെ​യൊ​സി​നെ​യും അതിഥി​ക​ളാ​യി സ്വീക​രി​ക്കു​ന്ന​തിൽ അക്വി​ലാ​യും പ്രിസ്‌കി​ല്ല​യും സന്തോ​ഷ​മു​ള്ള​വ​രാ​യി​രു​ന്നി​രി​ക്കണം. (പ്രവൃ​ത്തി​കൾ 18:5) തെസ്സ​ലൊ​നീ​ക്യർക്ക്‌ എഴുതിയ, പിൽക്കാ​ലത്തു ബൈബിൾ കാനോ​ന്റെ ഭാഗമാ​യി​ത്തീർന്ന പൗലൊ​സി​ന്റെ രണ്ടു ലേഖനങ്ങൾ അപ്പോ​സ്‌തലൻ അക്വി​ലാ​യോ​ടും പ്രിസ്‌കി​ല്ല​യോ​ടു​മൊ​പ്പം താമസി​ച്ചി​രു​ന്ന​പ്പോ​ഴാ​യി​രി​ക്കണം എഴുതി​യത്‌.

ആ സമയം അക്വി​ലാ​യു​ടെ​യും പ്രിസ്‌കി​ല്ല​യു​ടെ​യും വീട്‌ ദിവ്യാ​ധി​പത്യ പ്രവർത്ത​ന​ത്തി​ന്റെ കേന്ദ്ര​മാ​യി​രു​ന്നു​വെന്നു വിഭാവന ചെയ്യു​ന്നത്‌ എളുപ്പ​മാണ്‌. പ്രിയ​പ്പെട്ട സുഹൃ​ത്തു​ക്ക​ളി​ല​നേകർ—പൗലൊസ്‌ സ്‌നാനം കഴിപ്പിച്ച, അഖായ പ്രവി​ശ്യ​യി​ലെ ആദ്യ ക്രിസ്‌ത്യാ​നി​ക​ളായ സ്‌തെ​ഫ​നാ​സും കുടും​ബ​വും; പ്രസം​ഗങ്ങൾ നടത്താൻ തന്റെ വീട്‌ ഉപയോ​ഗി​ക്കു​ന്ന​തി​നു പൗലൊ​സിന്‌ അനുവാ​ദം നൽകിയ തീത്തൊസ്‌ യുസ്‌തൊസ്‌; കുടും​ബ​സ​മേതം സത്യം സ്വീക​രിച്ച, സിന​ഗോഗ്‌ പ്രമാ​ണി​യാ​യി​രുന്ന ക്രിസ്‌പൊസ്‌ എന്നിവർ—കൂടെ​ക്കൂ​ടെ അവിടം സന്ദർശി​ച്ചി​രി​ക്കാൻ ഇടയുണ്ട്‌. (പ്രവൃ​ത്തി​കൾ 18:7, 8; 1 കൊരി​ന്ത്യർ 1:16) അവർക്കു പുറമേ, ഫൊർത്തു​നാ​തൊ​സും അഖായി​ക്കൊ​സും; സഭാ​യോ​ഗങ്ങൾ നടത്തി​യി​രുന്ന വീടിന്റെ ഉടമ ഗായൊസ്‌; പട്ടണത്തി​ന്റെ ഭണ്ഡാര​വി​ചാ​ര​ക​നായ എരസ്‌തൊസ്‌; റോമർക്കുള്ള തന്റെ ലേഖനം എഴുതാൻ പൗലൊസ്‌ സെക്ര​ട്ട​റി​യാ​യി ഉപയോ​ഗിച്ച തെർതൊസ്‌; സാധ്യ​ത​യ​നു​സ​രി​ച്ചു കൊരി​ന്തിൽനി​ന്നു റോമി​ലേക്കു ലേഖനം കൊണ്ടു​പോയ, തൊട്ട​ടു​ത്തുള്ള കെം​ക്രെ​യ​സ​ഭ​യി​ലെ വിശ്വസ്‌ത സഹോ​ദ​രി​യാ​യി​രുന്ന ഫേബ എന്നിവ​രു​മു​ണ്ടാ​യി​രു​ന്നു.—റോമർ 16:1, 22, 23; 1 കൊരി​ന്ത്യർ 16:17.

ഒരു സഞ്ചാര ശുശ്രൂ​ഷ​കന്‌ ആതിഥ്യ​മേ​കാൻ അവസരം ലഭിച്ചി​ട്ടുള്ള യഹോ​വ​യു​ടെ ആധുനിക ദാസർക്ക​റി​യാം അത്‌ എത്ര പ്രോ​ത്സാ​ഹ​ജ​ന​ക​വും സ്‌മര​ണാർഥ​ക​വു​മാ​ണെന്ന്‌. അത്തരം സന്ദർഭ​ങ്ങ​ളിൽ പങ്കിടുന്ന അനുഭ​വങ്ങൾ ഏവർക്കും ആത്മീയ നവോ​ന്മേഷം പകരു​ന്ന​തി​നുള്ള ഒരു യഥാർഥ സ്രോ​ത​സ്സാ​യി​രി​ക്കാൻ കഴിയും. (റോമർ 1:11, 12) മാത്രമല്ല, അക്വി​ലാ​യെ​യും പ്രിസ്‌കി​ല്ല​യെ​യും​പോ​ലെ യോഗങ്ങൾ, ഒരുപക്ഷേ സഭാപു​സ്‌ത​കാ​ധ്യ​യനം നടത്താൻ തങ്ങളുടെ വീടുകൾ ലഭ്യമാ​ക്കു​ന്ന​വർക്കു സത്യാ​രാ​ധ​ന​യു​ടെ ഉന്നമന​ത്തിന്‌ ആ വിധത്തിൽ സംഭാവന ചെയ്യു​ന്ന​തി​ലുള്ള സംതൃ​പ്‌തി​യുണ്ട്‌.

പൊ.യു. 52-ന്റെ വസന്തത്തിൽ പൗലൊസ്‌ കൊരി​ന്തിൽനി​ന്നു പോകു​മ്പോൾ അക്വി​ലാ​യും പ്രിസ്‌കി​ല്ല​യും എഫെ​സൊ​സു​വരെ അവനെ അനുഗ​മി​ച്ചത്‌ അവർക്ക്‌ അവനു​മാ​യി വളരെ അടുപ്പ​മു​ള്ള​തു​കൊ​ണ്ടാ​യി​രു​ന്നു. (പ്രവൃ​ത്തി​കൾ 18:18-21) അവർ ആ  നഗരത്തിൽ താമസിച്ച്‌ അപ്പോ​സ്‌ത​ലന്റെ അടുത്ത സന്ദർശ​ന​ത്തിന്‌ അസ്‌തി​വാ​ര​മി​ട്ടു. അവി​ടെ​വെ​ച്ചാ​ണു സുവാർത്ത​യു​ടെ ആ അനുഗൃ​ഹീത ഉപദേ​ഷ്ടാ​ക്കൾ വാ​ഗ്വൈ​ഭ​വ​മു​ണ്ടാ​യി​രുന്ന അപ്പൊ​ല്ലോ​സി​നെ തങ്ങളോ​ടൊ​പ്പം ‘ചേർത്തത്‌.’ ‘ദൈവ​ത്തി​ന്റെ മാർഗ്ഗം അധികം സ്‌പഷ്ട​മാ​യി തെളി​യി​ച്ചു​കൊ​ടു​ക്കാൻ’ അവനെ സഹായി​ക്കു​ന്ന​തി​ലുള്ള സന്തോ​ഷ​വും അവർക്കു​ണ്ടാ​യി. (പ്രവൃ​ത്തി​കൾ 18:24-26) പൊ.യു. 52/53-ലെ വസന്ത​ത്തോ​ട​ടുത്ത്‌ തന്റെ മൂന്നാ​മത്തെ മിഷനറി യാത്ര​യിൽ പൗലൊസ്‌ വീണ്ടും എഫെ​സൊ​സു സന്ദർശി​ച്ച​പ്പോൾ, ഊർജ​സ്വ​ല​രായ ആ ദമ്പതികൾ നട്ടുവ​ളർത്തിയ വയൽ വിള​വെ​ടു​പ്പി​നു പാകമാ​യി​രി​ക്കു​ക​യാ​യി​രു​ന്നു. മൂന്നു വർഷ​ത്തോ​ളം പൗലൊസ്‌ “ഈ മാർഗ്ഗത്തെ”പ്പറ്റി പ്രസം​ഗി​ക്കു​ക​യും പഠിപ്പി​ക്കു​ക​യും ചെയ്‌തു. ആ സമയം അക്വി​ലാ​യു​ടെ വീട്ടി​ലാ​യി​രു​ന്നു എഫെ​സൊ​സി​ലെ സഭ യോഗങ്ങൾ നടത്തി​യി​രു​ന്നത്‌.—പ്രവൃ​ത്തി​കൾ 19:1-20, 26; 20:31; 1 കൊരി​ന്ത്യർ 16:8, 19.

പിന്നീട്‌, അവർ റോമി​ലേക്കു മടങ്ങി​യ​പ്പോൾ, പൗലൊ​സി​ന്റെ ആ രണ്ടു സുഹൃ​ത്തു​ക്ക​ളും തങ്ങളുടെ ഭവനം ക്രിസ്‌തീയ യോഗ​ങ്ങൾക്കു ലഭ്യമാ​ക്കി​ക്കൊണ്ട്‌ “അതിഥി​സ​ല്‌ക്കാ​രം ആചരി”ച്ചുപോ​ന്നു.—റോമർ 12:13; 16:3-5.

പൗലൊ​സി​നു​വേണ്ടി ‘തങ്ങളുടെ കഴുത്തു വെച്ചു​കൊ​ടു​ത്തു’

ഒരുപക്ഷേ, എഫെ​സൊ​സി​ലാ​യി​രു​ന്ന​പ്പോ​ഴും പൗലൊസ്‌ അക്വി​ലാ​യു​ടെ​യും പ്രിസ്‌കി​ല്ല​യു​ടെ​യും വീട്ടി​ലാ​യി​രി​ക്കാം താമസി​ച്ചത്‌. തട്ടാന്മാർ കലഹമു​ണ്ടാ​ക്കിയ സമയത്ത്‌ അവൻ അവരോ​ടൊ​പ്പ​മാ​യി​രു​ന്നോ താമസി​ച്ചത്‌? പ്രവൃ​ത്തി​കൾ 19:23-31-ലെ വൃത്താ​ന്ത​മ​നു​സ​രിച്ച്‌, ക്ഷേത്ര​രൂ​പ​ങ്ങളെ തീർക്കുന്ന കരകൗ​ശ​ല​പ്പ​ണി​ക്കാർ സുവാർത്താ​പ്ര​സം​ഗത്തെ എതിർത്ത​പ്പോൾ ജനക്കൂ​ട്ട​ത്തി​നു മുമ്പാകെ ചെന്നു ജീവൻ അപായ​പ്പെ​ടു​ത്താൻ തുനിഞ്ഞ പൗലൊ​സി​നെ സഹോ​ദ​ര​ങ്ങൾക്കു തടഞ്ഞു​നിർത്തേ​ണ്ടി​വന്നു. പൗലൊസ്‌, ‘ജീവ​നോ​ടി​രി​ക്കു​മോ എന്നു നിരാശ തോന്നു​മാറ്‌’ അത്രകണ്ട്‌ ആപത്‌ക​ര​മായ ഒരു സാഹച​ര്യ​ത്തി​ലാ​യി​രി​ക്കണം അക്വി​ലാ​യും പ്രിസ്‌കി​ല്ല​യും ഏതോ വിധത്തിൽ ഇടപെട്ട്‌ ‘തങ്ങളുടെ കഴുത്തു വെച്ചു​കൊ​ടു​ക്കാൻ’ മുതിർന്നത്‌ എന്നാണു ചില ബൈബിൾ ഭാഷ്യ​കാ​ര​ന്മാ​രു​ടെ മതം.—2 കൊരി​ന്ത്യർ 1:8; റോമർ 16:3, 4.

“കലഹം ശമിച്ച”പ്പോൾ പൗലൊസ്‌ ജ്ഞാനപൂർവം ആ നഗരം വിട്ടു. (പ്രവൃ​ത്തി​കൾ 20:1) അക്വി​ലാ​യും പ്രിസ്‌കി​ല്ല​യും എതിർപ്പും പരിഹാ​സ​വും നേരി​ട്ടു​വെ​ന്ന​തി​നു സംശയ​മില്ല. അത്‌ അവരെ നിരാ​ശ​പ്പെ​ടു​ത്തി​യോ? നേരേ​മ​റിച്ച്‌, അക്വി​ലാ​യും പ്രിസ്‌കി​ല്ല​യും സധൈ​ര്യം തങ്ങളുടെ ക്രിസ്‌തീയ ഉദ്യമ​ങ്ങ​ളിൽ തുടർന്നു.

ഉറ്റബന്ധ​മുള്ള ദമ്പതികൾ

ക്ലൗദ്യോ​സി​ന്റെ ഭരണം അവസാ​നി​ച്ച​ശേഷം അക്വി​ലാ​യും പ്രിസ്‌കി​ല്ല​യും റോമി​ലേക്കു മടങ്ങി. (റോമർ 16:3-15) എന്നാൽ, ബൈബി​ളിൽ അവരെ​പ്പറ്റി അവസാ​ന​കു​റി പരാമർശി​ക്കു​മ്പോൾ അവർ എഫെ​സൊ​സിൽ തിരി​ച്ചെ​ത്തി​യ​താ​യി നാം കാണുന്നു. (2 തിമൊ​ഥെ​യൊസ്‌ 4:19) ആ ഭാര്യാ​ഭർത്താ​ക്ക​ന്മാ​രെ​ക്കു​റിച്ച്‌, തിരു​വെ​ഴു​ത്തി​ലെ മറ്റെല്ലാ പരാമർശ​ങ്ങ​ളി​ലെ​യും​പോ​ലെ, വീണ്ടും ഒരുമി​ച്ചാ​ണു പരാമർശി​ക്കു​ന്നത്‌. എത്ര ഉറ്റബന്ധ​മുള്ള, ഐക്യ​മുള്ള ദമ്പതികൾ! അക്വിലാ എന്ന പ്രിയ സഹോ​ദ​രനെ അവന്റെ ഭാര്യ​യു​ടെ വിശ്വസ്‌ത സഹകരണം അനുസ്‌മ​രി​ക്കാ​തെ പരാമർശി​ക്കു​ന്നതു പൗലൊ​സി​നു ചിന്തി​ക്കാൻ കഴിഞ്ഞില്ല. ഇന്നത്തെ ക്രിസ്‌തീയ ദമ്പതി​കൾക്ക്‌ എത്ര നല്ല മാതൃക! ഒരു അർപ്പിത ഇണയുടെ വിശ്വസ്‌ത സഹായം “കർത്താ​വി​ന്റെ വേലയിൽ” വളരെ​യ​ധി​കം—ചില​പ്പോ​ഴൊ​ക്കെ, ഒരു അവിവാ​ഹിത വ്യക്തി എന്നനി​ല​യിൽ ചെയ്യാൻ കഴിയു​മാ​യി​രു​ന്ന​തി​നെ​ക്കാൾ അധികം—ചെയ്യാൻ ഒരു വ്യക്തിയെ അനുവ​ദി​ക്കും.—1 കൊരി​ന്ത്യർ 15:58.

അക്വി​ലാ​യും പ്രിസ്‌കി​ല്ല​യും പല സഭകളിൽ സേവന​മ​നു​ഷ്‌ഠി​ച്ചു. അവരെ​പ്പോ​ലെ, ആധുനി​ക​നാ​ളി​ലെ തീക്ഷ്‌ണ​ത​യുള്ള നിരവധി ക്രിസ്‌ത്യാ​നി​കൾ ആവശ്യം അധിക​മു​ള്ളി​ട​ത്തേക്കു മാറു​വാൻ സ്വയം ലഭ്യമാ​ക്കി​യി​രി​ക്കു​ന്നു. മാത്രമല്ല, രാജ്യ​താ​ത്‌പ​ര്യ​ങ്ങൾ വളരു​ന്നതു കാണു​ന്ന​തി​ലും ഊഷ്‌മ​ള​മായ, വില​യേ​റിയ ക്രിസ്‌തീയ സൗഹൃദം നട്ടുവ​ളർത്താൻ കഴിയു​ന്ന​തി​ലും അവർ സന്തോ​ഷ​വും സംതൃ​പ്‌തി​യും അനുഭ​വി​ക്കു​ന്നു.

തങ്ങളുടെ ക്രിസ്‌തീയ സ്‌നേ​ഹ​ത്തി​ന്റെ ഉജ്ജ്വല മാതൃ​ക​യി​ലൂ​ടെ അക്വി​ലാ​യും പ്രിസ്‌കി​ല്ല​യും പൗലൊ​സി​ന്റെ​യും മറ്റുള്ള​വ​രു​ടെ​യും വിലമ​തി​പ്പു നേടി​യെ​ടു​ത്തു. എന്നാൽ അതിലും പ്രധാ​ന​മാ​യി, അവർ യഹോ​വ​യു​ടെ പക്കൽ ഒരു സത്‌പേര്‌ ഉളവാക്കി. “ദൈവം നിങ്ങളു​ടെ പ്രവൃ​ത്തി​യും വിശു​ദ്ധ​ന്മാ​രെ ശുശ്രൂ​ഷി​ച്ച​തി​നാ​ലും ശുശ്രൂ​ഷി​ക്കു​ന്ന​തി​നാ​ലും തന്റെ നാമ​ത്തോ​ടു കാണിച്ച സ്‌നേ​ഹ​വും മറന്നു​ക​ള​വാൻ തക്കവണ്ണം അനീതി​യു​ള്ള​വനല്ല” എന്നു തിരു​വെ​ഴു​ത്തു നമുക്ക്‌ ഉറപ്പേ​കു​ന്നു.—എബ്രായർ 6:10.

അക്വി​ലാ​യും പ്രിസ്‌കി​ല്ല​യും പ്രവർത്തി​ച്ച​തി​നോ​ടു സമാന​മായ വിധത്തിൽ പ്രവർത്തി​ക്കാൻ നമുക്ക്‌ അവസരം ലഭി​ച്ചെന്നു വരില്ല. എങ്കിലും, നമുക്ക​വ​രു​ടെ ഉത്‌കൃഷ്ട മാതൃക അനുക​രി​ക്കാ​നാ​വും. നമ്മുടെ ഊർജ​വും ജീവി​ത​വും വിശുദ്ധ സേവന​ത്തി​നാ​യി അർപ്പി​ക്കു​മ്പോൾ നമുക്ക്‌ ആഴമായ സംതൃ​പ്‌തി​യു​ണ്ടാ​യി​രി​ക്കും. “നന്മചെ​യ്‌വാ​നും കൂട്ടാ​യ്‌മ​കാ​ണി​പ്പാ​നും” ഒരിക്ക​ലും മറക്കാ​തി​രി​ക്കാം. “ഈവക യാഗത്തി​ല​ല്ലോ ദൈവം പ്രസാ​ദി​ക്കു​ന്നതു.”—എബ്രായർ 13:15, 16.