യേശു​വി​നെ​ക്കു​റി​ച്ചുള്ള സത്യം

യേശു ആരായി​രു​ന്നു, അവൻ എന്തു നേടി എന്നെല്ലാം സംബന്ധി​ച്ചുള്ള സിദ്ധാ​ന്ത​ങ്ങൾക്കും ഊഹാ​പോ​ഹ​ങ്ങൾക്കും യാതൊ​രു അറുതി​യു​മു​ള്ള​താ​യി തോന്നു​ന്നില്ല. എന്നാൽ ബൈബിൾതന്നെ എടുത്താ​ലോ? യേശു​ക്രി​സ്‌തു​വി​നെ​ക്കു​റിച്ച്‌ അതെന്താ​ണു പറയു​ന്നത്‌?

ബൈബിൾ പറയു​ന്നത്‌

ശ്രദ്ധാ​പൂർവം ബൈബിൾ വായി​ക്കു​ന്ന​പക്ഷം, പിൻവ​രുന്ന പ്രധാന വസ്‌തു​തകൾ നിങ്ങൾ കണ്ടെത്തും:

◻ യേശു ദൈവ​ത്തി​ന്റെ ഏകജാത പുത്ര​നും സർവ സൃഷ്ടി​ക്കും ആദ്യജാ​ത​നു​മാണ്‌.—യോഹ​ന്നാൻ 3:16; കൊ​ലൊ​സ്സ്യർ 1:15.

◻ ഏതാണ്ടു രണ്ടു സഹസ്രാ​ബ്ദം മുമ്പ്‌, മനുഷ്യ​നാ​യി പിറക്കു​ന്ന​തിന്‌ യേശു​വി​ന്റെ ജീവൻ ദൈവം ഒരു യഹൂദ കന്യക​യു​ടെ ഗർഭാ​ശ​യ​ത്തി​ലേക്കു മാറ്റി.—മത്തായി 1:18; യോഹ​ന്നാൻ 1:14.

◻ യേശു ഒരു നല്ല മനുഷ്യൻ മാത്ര​മാ​യി​രു​ന്നില്ല. അവൻ എല്ലാ അർഥത്തി​ലും തന്റെ പിതാ​വായ യഹോ​വ​യാം ദൈവ​ത്തി​ന്റെ ഹൃദ്യ​മായ വ്യക്തി​ത്വ​ത്തി​ന്റെ വിശ്വ​സ​നീയ പ്രതി​ഫ​ല​ന​മാ​യി​രു​ന്നു.—യോഹ​ന്നാൻ 14:9, 10; എബ്രായർ 1:3.

◻ തന്റെ ഭൗമിക ശുശ്രൂ​ഷ​ക്കാ​ലത്ത്‌ യേശു മർദി​ത​രു​ടെ ആവശ്യ​ങ്ങ​ളിൽ സ്‌നേ​ഹ​നിർഭ​ര​മായ ശ്രദ്ധ​ചെ​ലു​ത്തി. അവൻ രോഗി​കളെ അത്ഭുത​ക​ര​മാ​യി സൗഖ്യ​മാ​ക്കുക മാത്രമല്ല മരിച്ച​വരെ ഉയിർപ്പി​ക്കു​ക​യും ചെയ്‌തു.—മത്തായി 11:4-6; യോഹ​ന്നാൻ 11:5-45.

◻ ഹതാശ​രായ മനുഷ്യ​വർഗ​ത്തി​നുള്ള ഏക പ്രത്യാശ ദൈവ​രാ​ജ്യ​മാ​ണെന്ന്‌ യേശു പ്രഘോ​ഷി​ക്കു​ക​യും ആ പ്രസം​ഗ​വേല തുടരാൻ തന്റെ ശിഷ്യ​ന്മാ​രെ പരിശീ​ലി​പ്പി​ക്കു​ക​യും ചെയ്‌തു.—മത്തായി 4:17; 10:5-7; 28:19, 20.

◻ പൊ.യു. (പൊതു​യു​ഗം) 33 നീസാൻ 14-ന്‌ (ഏതാണ്ട്‌, ഏപ്രിൽ 1-ന്‌) രാജ്യ​ദ്രോ​ഹ​കു​റ്റം വ്യാജ​മാ​യി ചുമത്തി യേശു​വി​നെ അറസ്റ്റു​ചെ​യ്‌തു വിചാ​ര​ണ​യ്‌ക്കു​ശേഷം ശിക്ഷാർഥം വധിച്ചു.—മത്തായി 26:18-20, മത്തായി 26:48–27:50.

◻ ഒരു മറുവി​ല​യാ​യി ഉതകുന്ന യേശു​വി​ന്റെ മരണം വിശ്വാ​സ​മുള്ള മനുഷ്യ​വർഗത്തെ തങ്ങളുടെ പാപപൂ​രിത അവസ്ഥയിൽനി​ന്നു വിടു​വി​ക്കു​ന്നു. അങ്ങനെ, അവനിൽ വിശ്വാ​സം പ്രകട​മാ​ക്കുന്ന ഏവർക്കും അതു നിത്യ​ജീ​വ​നി​ലേക്കു വഴി തുറക്കു​ന്നു.—റോമർ 3:23, 24; 1 യോഹ​ന്നാൻ 2:2.

◻ നീസാൻ 16-ന്‌ യേശു ഉയിർപ്പി​ക്ക​പ്പെട്ടു. അതിനു​ശേഷം അധികം താമസി​യാ​തെ, തന്റെ പൂർണ മനുഷ്യ​ജീ​വന്റെ മോച​ന​വില പിതാ​വി​നെ ഏൽപ്പി​ക്കു​വാൻ അവൻ തിരികെ സ്വർഗ​ത്തി​ലേക്ക്‌ ആരോ​ഹണം ചെയ്‌തു.—മർക്കൊസ്‌ 16:1-8; ലൂക്കൊസ്‌ 24:50-53; പ്രവൃ​ത്തി​കൾ 1:6-9.

◻ യഹോ​വ​യു​ടെ നിയുക്ത രാജാ​വെന്ന നിലയിൽ, പുനരു​ത്ഥാ​നം പ്രാപിച്ച യേശു​വി​നു മനുഷ്യ​നെ സംബന്ധിച്ച ദൈവ​ത്തി​ന്റെ ആദി​മോ​ദ്ദേ​ശ്യം നിവർത്തി​ക്കാ​നുള്ള മുഴു അധികാ​ര​വു​മുണ്ട്‌.—യെശയ്യാ​വു 9:6, 7; ലൂക്കൊസ്‌ 1:32, 33.

അങ്ങനെ, ദൈ​വോ​ദ്ദേ​ശ്യ​ങ്ങ​ളു​ടെ പൂർത്തീ​ക​ര​ണ​ത്തിൽ മുഖ്യ​പാ​ത്ര​മാ​യി ബൈബിൾ യേശു​വി​നെ അവതരി​പ്പി​ക്കു​ന്നു. എന്നാൽ ഇത്‌ യഥാർഥ യേശു​വാ​ണെന്ന്‌—ഏതാണ്ട്‌ 2,000 വർഷം മുമ്പു ബേത്‌ല​ഹേ​മിൽ ജനിച്ച, ഭൂമി​യിൽ ജീവിച്ച, ചരി​ത്ര​പു​രു​ഷ​നായ യേശു​വാ​ണെന്ന്‌—നിങ്ങൾക്കെ​ങ്ങനെ ഉറപ്പു​ണ്ടാ​യി​രി​ക്കാ​നാ​കും?

ദൃഢവി​ശ്വാ​സ​ത്തിന്‌ അടിസ്ഥാ​നം

മുൻവി​ധി കൂടാതെ ക്രിസ്‌തീയ ഗ്രീക്കു തിരു​വെ​ഴു​ത്തു​കൾ വായി​ക്കു​ന്ന​തു​കൊ​ണ്ടു മാത്രം നിരവധി സംശയങ്ങൾ ദൂരീ​ക​രി​ക്കാ​നാ​വും. അങ്ങനെ ചെയ്യു​മ്പോൾ, പുരാ​വൃ​ത്ത​ങ്ങ​ളി​ലെ​പ്പോ​ലെ സംഭവ​ങ്ങ​ളെ​ക്കു​റി​ച്ചുള്ള അസ്‌പഷ്ട വർണനയല്ല ബൈബിൾവൃ​ത്താ​ന്ത​മെന്നു നിങ്ങൾ കണ്ടെത്തും. പ്രത്യുത, പേരു​ക​ളും നിർദിഷ്ട കാലയ​ള​വും കൃത്യ​മായ സ്ഥലങ്ങളും പ്രതി​പാ​ദി​ച്ചി​രി​ക്കു​ന്നു. (ഉദാഹ​ര​ണ​ത്തിന്‌, ലൂക്കൊസ്‌ 3:1, 2 കാണുക.) കൂടാതെ, അസാമാ​ന്യ സത്യസ​ന്ധ​ത​യു​ള്ള​വ​രാ​യി, വായന​ക്കാ​ര​നിൽ ആത്മവി​ശ്വാ​സം നട്ടുവ​ളർത്തുന്ന നിഷ്‌ക​പ​ട​രാ​യാണ്‌ യേശു​വി​ന്റെ ശിഷ്യ​ന്മാ​രെ ചിത്രീ​ക​രി​ച്ചി​രി​ക്കു​ന്നത്‌. വിശ്വ​സ​നീ​യ​മായ ഒരു വൃത്താന്തം ഉളവാ​ക്കു​ന്ന​തി​ലുള്ള താത്‌പ​ര്യം മുൻനിർത്തി എഴുത്തു​കാർ ആരു​ടെ​യും—തങ്ങളു​ടെ​പോ​ലും—തെറ്റു​കു​റ്റങ്ങൾ മറച്ചു​വെ​ച്ചില്ല. ഉവ്വ്‌, ബൈബി​ളിൽ സത്യത്തി​ന്റെ  ധ്വനി​യു​ള്ള​താ​യി നിങ്ങൾ കണ്ടെത്തും.—മത്തായി 14:28-31; 16:21-23; 26:56, 69-75; മർക്കൊസ്‌ 9:33, 34; ഗലാത്യർ 2:11-14; 2 പത്രൊസ്‌ 1:16.

ഇത്രയു​മല്ല, ഇനിയു​മുണ്ട്‌. പുരാ​വ​സ്‌തു​ക​ണ്ടു​പി​ടി​ത്തങ്ങൾ വീണ്ടും വീണ്ടും ബൈബിൾ വൃത്താ​ന്തത്തെ സ്ഥിരീ​ക​രി​ക്കു​ന്നു. ഉദാഹ​ര​ണ​ത്തിന്‌, യെരു​ശ​ലേ​മി​ലെ ഇസ്രാ​യേൽ കാഴ്‌ച​ബം​ഗ്ലാവ്‌ സന്ദർശി​ക്കു​ന്ന​പക്ഷം, പൊന്തി​യൊസ്‌ പീലാ​ത്തൊ​സി​ന്റെ പേര്‌ ആലേഖനം ചെയ്‌തി​രി​ക്കുന്ന ഒരു കല്ലു നിങ്ങൾക്കു കാണാ​നാ​വും. ബൈബി​ളിൽ പരാമർശി​ച്ചി​രി​ക്കുന്ന ലുസാ​ന്യാ​സും സെർഗ്ഗ്യൊസ്‌ പൗലൊ​സും യഥാർഥ വ്യക്തി​ക​ളാണ്‌, അല്ലാതെ ആദിമ ക്രിസ്‌ത്യാ​നി​കൾ മെനെ​ഞ്ഞെ​ടുത്ത കൽപ്പിത കഥാപാ​ത്ര​ങ്ങളല്ല എന്നു മറ്റു ചില പുരാ​വ​സ്‌തു​ക​ണ്ടു​പി​ടി​ത്തങ്ങൾ സ്ഥിരീ​ക​രി​ക്കു​ന്നു. ക്രിസ്‌തീയ ഗ്രീക്കു തിരു​വെ​ഴു​ത്തു​ക​ളിൽ (പുതിയ നിയമ​ത്തിൽ) രേഖ​പ്പെ​ടു​ത്തി​യി​രി​ക്കുന്ന സംഭവ​ങ്ങളെ ജൂവനെൽ, ടാസി​റ്റസ്‌, സെനിക, പ്ലിനി ദ യംഗർ, ലൂഷൻ, കെൽസസ്‌, യഹൂദ ചരി​ത്ര​കാ​ര​നായ ജൊസീ​ഫസ്‌ എന്നിവ​രുൾപ്പെ​ടെ​യുള്ള പുരാതന എഴുത്തു​കാ​രു​ടെ ഗ്രന്ഥങ്ങൾ വേണ്ടതി​ല​ധി​കം സ്ഥിരീ​ക​രി​ക്കു​ന്നു. a

ക്രിസ്‌തീ​യ ഗ്രീക്കു തിരു​വെ​ഴു​ത്തു​ക​ളിൽ നൽകി​യി​രി​ക്കുന്ന വിവര​ണങ്ങൾ ഒന്നാം നൂറ്റാ​ണ്ടിൽ ജീവി​ച്ചി​രുന്ന ആയിരങ്ങൾ നിസ്സ​ന്ദേഹം സ്വീക​രി​ച്ചു. യേശു പറഞ്ഞതും ചെയ്‌ത​തു​മാ​യി റിപ്പോർട്ടു ചെയ്‌ത സംഗതി​ക​ളു​ടെ സത്യതയെ ക്രിസ്‌ത്യാ​നി​ത്വ​ത്തി​ന്റെ ശത്രു​ക്കൾപോ​ലും നിരാ​ക​രി​ച്ചില്ല. യേശു​വി​ന്റെ മരണ​ശേഷം ശിഷ്യ​ന്മാർ അവന്റെ സ്വഭാ​വ​വി​ശേ​ഷ​ത്തി​നു വർണ​പ്പൊ​ലിമ പകർന്നി​രി​ക്കാ​നുള്ള സാധ്യ​ത​യെ​ക്കു​റി​ച്ചു പ്രൊ​ഫസർ എഫ്‌. എഫ്‌. ബ്രൂസ്‌ ഇങ്ങനെ അഭി​പ്രാ​യ​പ്പെ​ടു​ന്നു: “എന്തു സംഭവി​ച്ചു, എന്തു സംഭവി​ച്ചില്ല എന്ന്‌ ഓർമ​യുള്ള, യേശു​വി​ന്റെ ശിഷ്യ​ന്മാ​രി​ല​നേ​ക​രും ജീവി​ച്ചി​രുന്ന ആ ആദിമ കാലങ്ങ​ളിൽ, ചില എഴുത്തു​കാർ വിചാ​രി​ക്കു​ന്ന​തു​പോ​ലെ യേശു​വി​ന്റെ വാക്കു​ക​ളും പ്രവൃ​ത്തി​ക​ളും മെന​ഞ്ഞെ​ടു​ക്കുക എന്നത്‌ അത്ര എളുപ്പ​മാ​യി​രു​ന്നി​രി​ക്കാൻ ഒരു സാധ്യ​ത​യു​മില്ല. തെറ്റുകൾ കുത്തി​ത്തി​രു​കി​യാൽ (മനപ്പൂർവം വസ്‌തു​തകൾ വളച്ചൊ​ടി​ക്കു​ന്ന​തി​നെ​ക്കു​റിച്ച്‌ ഒട്ടു പറയു​ക​യും​വേണ്ട) അത്‌ ഉടനടി വെളി​ച്ചത്തു കൊണ്ടു​വ​രു​വാൻ ഉറ്റു​നോ​ക്കി​യി​രു​ന്ന​വ​രു​ണ്ടാ​യി​രുന്ന സ്ഥിതിക്ക്‌ അങ്ങനെ ചെയ്യു​ന്ന​തി​നെ​ക്കു​റി​ച്ചു ശിഷ്യ​ന്മാർക്കു ചിന്തി​ക്കാൻപോ​ലും കഴിയു​ക​യി​ല്ലാ​യി​രു​ന്നു.”

അവർ വിശ്വ​സി​ക്കാ​ഞ്ഞ​തി​നു കാരണം

എന്നാൽ, ചില പണ്ഡിത​ന്മാർ സന്ദേഹി​ക​ളാ​യി തുടർന്നു. ബൈബിൾ വൃത്താ​ന്തങ്ങൾ കാൽപ്പ​നി​ക​മാ​ണെന്ന്‌ ഊഹി​ക്കവേ അവർ സോത്സാ​ഹം ഉത്തര കാനോ​നിക ഗ്രന്ഥങ്ങളെ പരി​ശോ​ധി​ക്കു​ക​യും വിശ്വാ​സ​യോ​ഗ്യ​മാ​യി അംഗീ​ക​രി​ക്കു​ക​യും ചെയ്യുന്നു! എന്തു​കൊണ്ട്‌? ഒട്ടേറെ ആധുനിക ബുദ്ധി​ജീ​വി​കൾ വിശ്വ​സി​ക്കാ​നാ​ഗ്ര​ഹി​ക്കാത്ത കാര്യങ്ങൾ ബൈബിൾ വൃത്താ​ന്ത​ത്തിൽ അടങ്ങി​യി​രി​ക്കു​ന്ന​തു​കൊ​ണ്ടാ​ണെന്നു വ്യക്തം.

1871-ൽ പ്രസി​ദ്ധീ​ക​രിച്ച തന്റെ ദി യൂണിയൻ ബൈബിൾ കംപാ​നി​യ​നിൽ എസ്‌. ഓസ്റ്റിൻ അലി​ബോൺ സന്ദേഹി​കൾക്കു മുന്നിൽ ഒരു വെല്ലു​വി​ളി ഉയർത്തി.  അദ്ദേഹം എഴുതി: “സുവി​ശേഷ ചരി​ത്ര​ത്തി​ന്റെ സത്യതയെ സംശയി​ക്കുന്ന ഏവനോ​ടും സീസർ കാപ്പി​റേ​റാ​ളി​ലാ​ണു മരിച്ച​തെന്ന്‌ അല്ലെങ്കിൽ 800-ൽ കാറൽമാൻ ചക്രവർത്തി​യെ ലിയോ III-ാമൻ പാപ്പാ പടിഞ്ഞാ​റി​ന്റെ ചക്രവർത്തി​യാ​യി കിരീ​ട​ധാ​രണം നടത്തി​യെന്നു വിശ്വ​സി​ക്കാൻ അയാൾക്ക്‌ എന്തു കാരണ​മാണ്‌ ഉള്ളത്‌ എന്നു ചോദി​ക്കുക . . . ഈ മനുഷ്യ​രെ​ക്കു​റി​ച്ചു നടത്തുന്ന സകല പ്രസ്‌താ​വ​ന​ക​ളും . . . നാം വിശ്വ​സി​ക്കു​ന്നു; എന്തെന്നാൽ അവയുടെ സത്യത സംബന്ധി​ച്ചു നമുക്കു ചരി​ത്ര​പ​ര​മായ തെളി​വുണ്ട്‌. . . . ഇതു​പോ​ലുള്ള തെളിവു നൽകി​യി​ട്ടും ആരെങ്കി​ലും വിശ്വ​സി​ക്കാൻ വിസമ്മ​തി​ക്കു​ന്നു​വെ​ങ്കിൽ അങ്ങനെ​യു​ള്ള​വരെ മുരട​ത്ത​മുള്ള മഠയന്മാ​രാ​യി അല്ലെങ്കിൽ ആശയ്‌ക്കു വകയി​ല്ലാത്ത വിവര​ദോ​ഷി​ക​ളാ​യി നാം ഉപേക്ഷി​ക്കു​ന്നു. അപ്പോൾ, വിശുദ്ധ തിരു​വെ​ഴു​ത്തു​ക​ളു​ടെ പ്രാമാ​ണി​കത സംബന്ധി​ച്ചു വേണ്ടത്ര തെളി​വു​കൾ നിരത്തി​യി​ട്ടും തങ്ങൾക്കു ബോധ്യ​പ്പെ​ട്ടി​ല്ലെന്ന്‌ അവകാ​ശ​പ്പെ​ടു​ന്ന​വ​രെ​ക്കു​റി​ച്ചു നാം എന്താണു പറയേ​ണ്ടത്‌? . . . തങ്ങളുടെ ദുരഭി​മാ​നം താഴ്‌ത്തു​ക​യും വ്യത്യസ്‌ത ജീവിതം നയിക്കാൻ പ്രേരി​പ്പി​ക്കു​ക​യും ചെയ്യുന്ന ഒന്നു വിശ്വ​സി​ക്കാൻ അവർ ആഗ്രഹി​ക്കു​ന്നില്ല.”

അതേ, ചില സന്ദേഹി​കൾ ക്രിസ്‌തീയ ഗ്രീക്കു തിരു​വെ​ഴു​ത്തു​കൾ നിരാ​ക​രി​ക്കു​ന്നതു ഗൂഢചി​ന്താ​ഗ​തി​യോ​ടെ​യാണ്‌. അവരുടെ കാര്യ​ത്തിൽ വിശ്വാ​സ്യ​തയല്ല പ്രശ്‌നം. മറിച്ച്‌, അതിന്റെ പ്രമാ​ണ​ങ്ങ​ളാണ്‌. ഉദാഹ​ര​ണ​ത്തിന്‌, യേശു തന്റെ അനുഗാ​മി​ക​ളോ​ടു പറഞ്ഞു: “ഞാൻ ലോക​ത്തി​ന്റെ ഭാഗമ​ല്ലാ​ത്ത​തു​പോ​ലെ അവരും ലോക​ത്തി​ന്റെ ഭാഗമല്ല.” (യോഹ​ന്നാൻ 17:14, NW) എന്നാൽ, ക്രിസ്‌ത്യാ​നി​ക​ളെന്ന്‌ അവകാ​ശ​പ്പെ​ടുന്ന നിരവ​ധി​യാ​ളു​കൾ ഈ ലോക​ത്തി​ന്റെ രാഷ്‌ട്രീയ കാര്യ​ങ്ങ​ളിൽ മുഴു​കി​യി​രി​ക്കു​ക​യാണ്‌, രക്തപങ്കില യുദ്ധങ്ങ​ളിൽ ഏർപ്പെ​ട്ടു​കൊ​ണ്ടു​പോ​ലും. ബൈബിൾപ്ര​മാ​ണ​ങ്ങ​ളു​മാ​യി ഒത്തു​പോ​കു​ന്ന​തി​നു പകരം ബൈബിൾ തങ്ങളുടെ പ്രമാ​ണ​ങ്ങ​ളു​മാ​യി ഒത്തു​പോ​കാൻ അനേക​രും ആഗ്രഹി​ക്കു​ന്നു.

ധാർമി​ക​ത​യു​ടെ കാര്യ​വും പരിചി​ന്തി​ക്കുക. ദുർന്ന​ടപ്പ്‌ ആചരി​ക്കു​ന്നതു വെച്ചു​പൊ​റു​പ്പി​ക്കു​ന്നു​വെന്ന കാരണ​ത്താൽ തുയ​ഥൈര സഭയെ യേശു ശക്തമായി ഗുണ​ദോ​ഷി​ച്ചു. “ഞാൻ ഉൾപൂ​വു​ക​ളെ​യും [“വൃക്കക​ളെ​യും,” NW] ഹൃദയ​ങ്ങ​ളെ​യും ആരായു​ന്നവൻ . . . നിങ്ങളു​ടെ പ്രവൃ​ത്തി​ക്കു തക്കവണ്ണം ഞാൻ നിങ്ങൾക്കു ഏവർക്കും പകരം ചെയ്യും,” അവൻ അവരോ​ടു പറഞ്ഞു. b (വെളി​പ്പാ​ടു 2:18-23) എങ്കിലും ക്രിസ്‌ത്യാ​നി​ക​ളെന്ന്‌ അവകാ​ശ​പ്പെ​ടുന്ന അനേകർ ധാർമിക നിലവാ​ര​ങ്ങളെ തൂത്തെ​റി​യു​ന്നു​വെ​ന്നതു വാസ്‌ത​വ​മല്ലേ? തങ്ങളുടെ അധാർമിക നടത്ത പരിത്യ​ജി​ക്കു​ന്ന​തി​നു​പ​കരം യേശു പറഞ്ഞതു പരിത്യ​ജി​ക്കാ​നാ​യി​രി​ക്കും അവർക്കു താത്‌പ​ര്യം.

ബൈബി​ളി​ലെ യേശു​വി​നെ അംഗീ​ക​രി​ക്കാ​തി​രി​ക്കാൻ പ്രവണ​ത​കാ​ട്ടുന്ന പണ്ഡിത​ന്മാർ തങ്ങളുടെ ഭാവന​യ്‌ക്കൊത്ത ഒരു യേശു​വി​നെ മെന​ഞ്ഞെ​ടു​ത്തി​രി​ക്കു​ന്നു. സുവി​ശേഷ എഴുത്തു​കാ​രെ വ്യാജ​മാ​യി കുറ്റ​പ്പെ​ടു​ത്തുന്ന കെട്ടു​ക​ഥകൾ ഉണ്ടാക്കി​യെ​ടു​ക്കു​ന്ന​തി​ന്റെ പാപം അവർക്കുണ്ട്‌. യേശു​വി​ന്റെ ജീവി​ത​വു​മാ​യി ബന്ധപ്പെട്ടു തങ്ങൾ സ്വീക​രി​ക്കാ​നാ​ഗ്ര​ഹി​ക്കുന്ന ഭാഗം അവർ മുറു​കെ​പ്പി​ടി​ച്ചി​ട്ടു ശേഷം ഭാഗം  തള്ളിക്ക​ള​യു​ന്നു. എന്നിട്ട്‌, തങ്ങളു​ടേ​തായ വിശദാം​ശങ്ങൾ അതി​നോ​ടു കൂട്ടി​ച്ചേർക്കു​ന്നു. വാസ്‌ത​വ​ത്തിൽ, അവരുടെ അലഞ്ഞു​തി​രി​ഞ്ഞു നടക്കുന്ന യോഗീ​വ​ര്യൻ അല്ലെങ്കിൽ സാമൂ​ഹിക പരിഷ്‌കർത്താവ്‌, അവർ തേടി​ക്കൊ​ണ്ടി​രി​ക്കു​ന്ന​താ​യി അവകാ​ശ​പ്പെ​ടുന്ന ചരി​ത്ര​പു​രു​ഷ​നായ യേശു അല്ല; പ്രത്യുത, അവരുടെ യേശു, ഗർവി​ഷ്‌ഠ​മായ പണ്ഡിത ചിന്താ​ഗ​തി​യു​ടെ ഒരു ഭാവനാ​സൃ​ഷ്ടി മാത്ര​മാണ്‌.

യഥാർഥ യേശു​വി​നെ കണ്ടെത്തൽ

സത്യത്തി​നും നീതി​ക്കും​വേണ്ടി ആത്മാർഥ വിശപ്പു​ള്ള​വ​രു​ടെ ഹൃദയ​ങ്ങളെ തൊട്ടു​ണർത്താൻ യേശു ശ്രമിച്ചു. (മത്തായി 5:3, 6; 13:10-15) അത്തരക്കാർ യേശു​വി​ന്റെ ഈ ക്ഷണത്തോ​ടു പ്രതി​ക​രി​ക്കു​ന്നു: “അദ്ധ്വാ​നി​ക്കു​ന്ന​വ​രും ഭാരം ചുമക്കു​ന്ന​വ​രും ആയു​ള്ളോ​രേ, എല്ലാവ​രും എന്റെ അടുക്കൽ വരുവിൻ; ഞാൻ നിങ്ങളെ ആശ്വസി​പ്പി​ക്കും. ഞാൻ സൌമ്യ​ത​യും താഴ്‌മ​യും ഉള്ളവൻ ആകയാൽ എന്റെ നുകം ഏററു​കൊ​ണ്ടു എന്നോടു പഠിപ്പിൻ; എന്നാൽ നിങ്ങളു​ടെ ആത്മാക്കൾക്കു ആശ്വാസം കണ്ടെത്തും. എന്റെ നുകം മൃദു​വും എന്റെ ചുമടു ലഘുവും ആകുന്നു.”—മത്തായി 11:28-30.

ആധുനിക പണ്ഡിത​ന്മാർ എഴുതി​വി​ടുന്ന ഗ്രന്ഥങ്ങ​ളി​ലല്ല യഥാർഥ യേശു​വി​നെ കണ്ടെത്താ​നാ​വുക; മനുഷ്യ​നിർമിത പാരമ്പ​ര്യ​ങ്ങ​ളു​ടെ വിളനി​ല​മാ​യി​ത്തീർന്നി​രി​ക്കുന്ന ക്രൈ​സ്‌ത​വ​ലോ​ക​ത്തി​ലും അവനെ കണ്ടെത്താ​നാ​വില്ല. നിങ്ങളു​ടെ പക്കലുള്ള ബൈബി​ളി​ന്റെ പ്രതി​യിൽ ചരി​ത്ര​പു​രു​ഷ​നായ യേശു​വി​നെ നിങ്ങൾക്കു കണ്ടെത്താ​നാ​വും. അവനെ​ക്കു​റി​ച്ചു കൂടു​ത​ല​റി​യാൻ നിങ്ങൾ ആഗ്രഹി​ക്കു​ന്നു​വോ? നിങ്ങളെ അതിനു സഹായി​ക്കു​ന്ന​തിൽ യഹോ​വ​യു​ടെ സാക്ഷി​കൾക്കു സന്തോ​ഷ​മേ​യു​ള്ളൂ.

[അടിക്കു​റി​പ്പു​കൾ]

[6-ാം പേജിലെ ചതുരം]

വിമർശനത്തിന്റെ നൂറ്റാ​ണ്ടു​കൾ

ക്രിസ്‌തീയ ഗ്രീക്കു തിരു​വെ​ഴു​ത്തു​ക​ളു​ടെ വിമർശ​ന​ത്തി​നു വേരു​മു​ള​ച്ചത്‌, 200-ലധികം വർഷം മുമ്പ്‌ ഹെർമാൻ സാമു​വെൽ റൈമാ​റുസ്‌ (1694-1768) എന്ന ജർമൻ തത്ത്വചി​ന്തകൻ ഇങ്ങനെ ഉറപ്പിച്ചു പറഞ്ഞ​തോ​ടെ​യാണ്‌: “തങ്ങളുടെ ലേഖന​ങ്ങ​ളി​ലെ അപ്പോ​സ്‌ത​ല​ന്മാ​രു​ടെ പഠിപ്പി​ക്ക​ലും യേശു തന്റെ ജീവി​ത​കാ​ലത്തു പ്രഘോ​ഷി​ക്കു​ക​യും പഠിപ്പി​ക്കു​ക​യും ചെയ്‌ത കാര്യ​ങ്ങ​ളും തമ്മിൽ പരിപൂർണ​മായ അന്തരം കൽപ്പി​ക്കു​ന്ന​തിൽ ഞങ്ങൾക്കു ന്യായ​മുണ്ട്‌.” റൈമാ​റു​സി​ന്റെ കാലം​മു​തൽ, സമാന​മായ വിധത്തിൽ ചിന്തി​ക്കാൻ നിരവധി പണ്ഡിത​ന്മാർ പഠിപ്പി​ക്ക​പ്പെ​ട്ടി​രി​ക്കു​ന്നു.

മുൻകാ​ല​ങ്ങ​ളിൽ അനേകം വിമർശ​ക​രും തങ്ങൾ വിശ്വാ​സ​ത്യാ​ഗി​ക​ളാ​ണെന്നു കരുതി​യി​രു​ന്നി​ല്ലെന്ന്‌ യഥാർഥ യേശു (ഇംഗ്ലീഷ്‌) എന്ന പുസ്‌തകം പ്രസ്‌താ​വി​ക്കു​ന്നു. മറിച്ച്‌, “സിദ്ധാ​ന്ത​ത്തി​ന്റെ​യും അന്ധവി​ശ്വാ​സ​ത്തി​ന്റെ​യും ചങ്ങലക​ളിൽനി​ന്നു മോചി​ത​രായ യഥാർഥ ക്രിസ്‌ത്യാ​നി​ക​ളാ​യി അവർ സ്വയം കരുതി.” അതികൃ​ത്തിപ്പ്‌ “ക്രിസ്‌ത്യാ​നി​ത്വ​ത്തി​ന്റെ ശുദ്ധീ​ക​രി​ക്ക​പ്പെട്ട രൂപ”മായി അവർ വിചാ​രി​ച്ചു.

ക്രിസ്‌ത്യാ​നി​ത്വം മനുഷ്യ​നിർമിത പാരമ്പ​ര്യ​ങ്ങ​ളു​ടെ വിളനി​ല​മാ​യി​ത്തീർന്നി​രി​ക്കു​ന്നു എന്നതാണു ദുഃഖ​ക​ര​മായ വസ്‌തുത. അമർത്ത്യ​ദേഹി, ത്രിത്വം, അഗ്നിന​രകം എന്നീ ഉപദേ​ശ​ങ്ങ​ളെ​ല്ലാം ബൈബി​ളി​നു വിരു​ദ്ധ​മായ ഏതാനും ചില പഠിപ്പി​ക്ക​ലു​കൾ മാത്ര​മാണ്‌. എന്നാൽ സത്യത്തെ ഈ വിധത്തിൽ ദുഷി​പ്പി​ച്ച​തി​നു ക്രിസ്‌തീയ ഗ്രീക്കു തിരു​വെ​ഴു​ത്തു​ക​ളു​ടെ എഴുത്തു​കാർ ഉത്തരവാ​ദി​ക​ളാ​യി​രു​ന്നില്ല. നേരേ​മ​റിച്ച്‌, ഒന്നാം നൂറ്റാ​ണ്ടി​ന്റെ മധ്യത്തിൽ വ്യാജ​പ​ഠി​പ്പി​ക്ക​ലു​ക​ളു​ടെ ആദ്യ കണങ്ങൾക്കെ​തി​രെ അവർ പോരാ​ടി. ക്രിസ്‌ത്യാ​നി​ക​ളെന്ന്‌ അവകാ​ശ​പ്പെ​ടു​ന്ന​വ​രു​ടെ​യി​ട​യിൽ വിശ്വാ​സ​ത്യാ​ഗം “ഇപ്പോഴെ വ്യാപ​രി​ക്കു​ന്നു​ണ്ടു” എന്നു പൗലൊസ്‌ അന്നെഴു​തി. (2 തെസ്സ​ലൊ​നീ​ക്യർ 2:3, 7) ക്രിസ്‌തീയ ഗ്രീക്കു തിരു​വെ​ഴു​ത്തു​ക​ളിൽ അടങ്ങി​യി​രി​ക്കു​ന്നതു ചരി​ത്ര​പ​ര​വും ഉപദേ​ശ​പ​ര​വു​മായ വൃത്താ​ന്ത​മാ​ണെന്നു നമുക്ക്‌ ഉറപ്പു​ള്ള​വ​രാ​യി​രി​ക്കാ​വു​ന്ന​താണ്‌.

[7-ാം പേജിലെ ചതുരം]

സുവിശേഷങ്ങൾ എഴുത​പ്പെ​ട്ടത്‌ എന്ന്‌?

സുവി​ശേ​ഷങ്ങൾ എഴുത​പ്പെ​ട്ടത്‌ അവയിൽ വിവരി​ച്ചി​രി​ക്കുന്ന സംഭവങ്ങൾ നടന്നു വളരെ​ക്കാ​ലം കഴിഞ്ഞാ​ണെ​ന്നും തന്മൂലം പിശകു​കൾ കടന്നു​കൂ​ടാൻ സകല സാധ്യ​ത​ക​ളു​മു​ണ്ടെ​ന്നും പുതിയ നിയമത്തെ വിമർശി​ക്കുന്ന പലരും ഉറപ്പിച്ചു പറയുന്നു.

എന്നാൽ മത്തായി, മർക്കൊസ്‌, ലൂക്കൊസ്‌ എന്നിവ നേരത്തെ എഴുത​പ്പെ​ട്ട​താ​യി തെളി​വു​കൾ സൂചി​പ്പി​ക്കു​ന്നു. മത്തായി​യു​ടെ സുവി​ശേ​ഷ​ത്തി​ന്റെ ചില കയ്യെഴു​ത്തു​പ്ര​തി​ക​ളി​ലെ ചുവ​ടെ​ഴു​ത്തു സൂചി​പ്പി​ക്കു​ന്ന​ത​നു​സ​രിച്ച്‌ അതിന്റെ മൂല​ലേ​ഖനം പൊ. യു. 41-ഓടെ എഴുത​പ്പെട്ടു. ലൂക്കൊസ്‌, പൊ. യു. 66-നും 58-നുമി​ട​യ്‌ക്ക്‌ എഴുത​പ്പെ​ട്ടി​രി​ക്കാ​നാ​ണു സാധ്യത. കാരണം പ്രവൃ​ത്തി​ക​ളു​ടെ പുസ്‌ത​ക​ത്തി​ന്റെ (സാധ്യ​ത​യ​നു​സ​രിച്ച്‌ പൊ. യു. 61-ഓടെ എഴുത്തു പൂർത്തി​യാ​യി) എഴുത്തു​കാ​ര​നായ ലൂക്കൊസ്‌ “ഒന്നാമത്തെ ചരിത്രം,” അതായത്‌ സുവി​ശേഷം, നേര​ത്തെ​തന്നെ എഴുതി​യ​താ​യി അതു സൂചി​പ്പി​ക്കു​ന്നു. (പ്രവൃ​ത്തി​കൾ 1:1) മർക്കൊ​സി​ന്റെ സുവി​ശേഷം, പൗലൊസ്‌ അപ്പോ​സ്‌ത​ലന്റെ ആദ്യത്തെ അല്ലെങ്കിൽ രണ്ടാമത്തെ കാരാ​ഗൃ​ഹ​വാ​സ​ക്കാ​ലത്ത്‌—സാധ്യ​ത​യ​നു​സ​രി​ച്ചു പൊ. യു. 60-നും 65-നുമി​ട​യ്‌ക്ക്‌—എഴുത​പ്പെ​ട്ട​താ​യി കരുതി​പ്പോ​രു​ന്നു.

സുവി​ശേ​ഷങ്ങൾ നേരത്തെ എഴുത​പ്പെ​ട്ട​താ​ണെ​ന്നു​ള്ള​തി​നോ​ടു പ്രൊ​ഫസർ ക്രേഗ്‌ ബ്ലോം​ബെർഗ്‌ യോജി​ക്കു​ന്നു. ഒന്നാം നൂറ്റാ​ണ്ടി​ന്റെ അവസാനം എഴുത​പ്പെട്ട യോഹ​ന്നാ​ന്റെ സുവി​ശേഷം ചേർത്താ​ലും “പല പുരാതന ജീവച​രി​ത്ര​ങ്ങ​ളോ​ടു​മുള്ള താരത​മ്യ​ത്തിൽ, നാം അപ്പോ​ഴും യഥാർഥ സംഭവങ്ങൾ നടന്ന കാലഘ​ട്ട​ത്തിന്‌ ഏറെ സമീപ​മാണ്‌” എന്ന്‌ അദ്ദേഹം അഭി​പ്രാ​യ​പ്പെ​ടു​ന്നു. ഉദാഹ​ര​ണ​ത്തിന്‌, മഹാനായ അലക്‌സാ​ണ്ട​റി​ന്റെ ജീവച​രി​ത്ര ഗ്രന്ഥകർത്താ​ക്ക​ളിൽ ആദ്യത്തെ രണ്ടു​പേ​രായ ആരിയ​നും പ്ലൂട്ടാർക്കും അതെഴു​തി​യത്‌ ബി. സി. (ക്രിസ്‌തു​വി​നു​മുമ്പ്‌) 323-ൽ അലക്‌സാ​ണ്ടർ മരിച്ച്‌ നാനൂ​റി​ല​ധി​കം വർഷങ്ങൾക്കു​ശേ​ഷ​മാ​യി​രു​ന്നു. എന്നിട്ടും ചരി​ത്ര​കാ​ര​ന്മാർ പൊതു​വേ അവരെ വിശ്വാ​സ​യോ​ഗ്യ​രാ​യി പരിഗ​ണി​ക്കു​ന്നു. കാലത്തി​ന്റെ കുത്തൊ​ഴു​ക്കിൽ, അലക്‌സാ​ണ്ട​റി​ന്റെ ജീവി​ത​ത്തെ​പ്പറ്റി നിറം​പി​ടി​പ്പിച്ച കഥകൾ വികാ​സം​പ്രാ​പി​ക്കു​ക​യു​ണ്ടാ​യി. എന്നാൽ അവയിൽ മിക്കതും ആ രണ്ടു ഗ്രന്ഥകാ​ര​ന്മാർക്കും ശേഷം പല നൂറ്റാ​ണ്ടു​ക​ളി​ലൂ​ടെ​യാ​ണു രംഗ​പ്ര​വേശം ചെയ്‌തത്‌.” തീർച്ച​യാ​യും, ക്രിസ്‌തീയ ഗ്രീക്കു തിരു​വെ​ഴു​ത്തു​ക​ളു​ടെ ചരി​ത്ര​ഭാ​ഗങ്ങൾ ചുരു​ങ്ങി​യ​പക്ഷം ലൗകിക ചരി​ത്ര​ങ്ങ​ളു​ടെ​യ​ത്ര​യെ​ങ്കി​ലും വിശ്വാ​സ​യോ​ഗ്യ​മാണ്‌.

[8-ാം പേജിലെ ചിത്രം]

വരാനിരിക്കുന്ന ഭൗമി​ക​പ​റു​ദീ​സ​യിൽ സകലരും അത്യന്തം സന്തുഷ്ട​രാ​യി​രി​ക്കും