മൺപാ​ത്ര​ങ്ങ​ളി​ലെ ഞങ്ങളുടെ നിധി

“സാധാ​ര​ണ​യിൽ കവിഞ്ഞ ഈ ശക്തി ഞങ്ങളിൽനി​ന്നു​തന്നെ ഉള്ളതല്ല, പിന്നെ​യോ ദൈവ​ത്തി​ന്റേത്‌ ആകേണ്ട​തി​നു ഞങ്ങൾക്ക്‌ ഈ നിധി​യു​ള്ളത്‌ മൺപാ​ത്ര​ങ്ങ​ളിൽ ആകുന്നു.”—2 കൊരി​ന്ത്യർ 4:7, NW.

1. യേശു​വി​ന്റെ മാതൃക നമുക്ക്‌ എങ്ങനെ പ്രോ​ത്സാ​ഹനം ആകണം?

 ഇവിടെ ഭൂമി​യിൽ യഹോ​വ​യാൽ രൂപ​പ്പെ​ടു​ത്ത​പ്പെ​ട്ടു​കൊ​ണ്ടി​രി​ക്കെ, യേശു​വി​നു മനുഷ്യ​വർഗ​ത്തി​ന്റെ ദൗർബ​ല്യ​ങ്ങൾ നേരിട്ട്‌ അനുഭ​വി​ച്ച​റി​യാൻ കഴിഞ്ഞു. അവൻ ദൃഢമായ വിശ്വ​സ്‌തത പാലി​ച്ച​തി​ന്റെ മാതൃക നമ്മെ എത്രമാ​ത്രം പ്രോ​ത്സാ​ഹി​പ്പി​ക്കണം! അപ്പൊ​സ്‌തലൻ നമ്മോടു പറയുന്നു: “അതിന്നാ​യി​ട്ട​ല്ലോ നിങ്ങളെ വിളി​ച്ചി​രി​ക്കു​ന്നതു. ക്രിസ്‌തു​വും നിങ്ങൾക്കു വേണ്ടി കഷ്ടം അനുഭ​വി​ച്ചു, നിങ്ങൾ അവന്റെ കാൽച്ചു​വടു പിന്തു​ട​രു​വാൻ ഒരു മാതൃക വെച്ചേച്ചു പോയി​രി​ക്കു​ന്നു.” (1 പത്രൊസ്‌ 2:21) അത്തരം രൂപ​പ്പെ​ടു​ത്ത​ലി​നു വഴങ്ങി​ക്കൊ​ടു​ത്തു​കൊണ്ട്‌, യേശു ലോക​ത്തി​ന്മേൽ വിജയം വരിച്ചു. ജയിച്ച​ട​ക്കു​ന്നവർ ആയിത്തീ​രാൻ അവൻ തന്റെ അപ്പൊ​സ്‌ത​ല​ന്മാ​രെ ധൈര്യ​പ്പെ​ടു​ത്തു​ക​യും ചെയ്‌തു. (പ്രവൃ​ത്തി​കൾ 4:13, 31; 9:27, 28; 14:3; 19:8) അവരോ​ടുള്ള അവസാന പ്രസം​ഗ​ത്തി​ന്റെ സമാപ​ന​ത്തിൽ അവൻ എത്ര മഹത്തായ പ്രോ​ത്സാ​ഹ​ന​മാ​ണു നൽകി​യത്‌! അവൻ ഇങ്ങനെ പ്രഖ്യാ​പി​ച്ചു: “നിങ്ങൾക്കു എന്നിൽ [“ഞാൻ മുഖാ​ന്തരം,” NW] സമാധാ​നം ഉണ്ടാ​കേ​ണ്ട​തി​ന്നു ഇതു നിങ്ങ​ളോ​ടു സംസാ​രി​ച്ചി​രി​ക്കു​ന്നു; ലോക​ത്തിൽ നിങ്ങൾക്കു കഷ്ടം ഉണ്ടു; എങ്കിലും ധൈര്യ​പ്പെ​ടു​വിൻ; ഞാൻ ലോകത്തെ ജയിച്ചി​രി​ക്കു​ന്നു.”—യോഹ​ന്നാൻ 16:33.

2. ലോക​ത്തി​ന്റെ അന്ധകാ​ര​ത്തി​നു നേർവി​പ​രീ​ത​മാ​യി, നമുക്ക്‌ എന്തു പ്രകാ​ശനം ഉണ്ട്‌?

²  സമാന​മാ​യി, “ഈ വ്യവസ്ഥി​തി​യു​ടെ ദൈവം” വരുത്തി​യി​രി​ക്കുന്ന അന്ധകാ​രത്തെ “മഹനീയ സുവാർത്ത​യു​ടെ പ്രകാശന”വുമായി വിപരീത താരത​മ്യം ചെയ്‌ത​തി​നു​ശേഷം പൗലൊസ്‌ അപ്പൊ​സ്‌തലൻ നമ്മുടെ അമൂല്യ ശുശ്രൂ​ഷയെ കുറിച്ചു പറഞ്ഞു: “സാധാ​ര​ണ​യിൽ കവിഞ്ഞ ഈ ശക്തി ഞങ്ങളിൽനി​ന്നു​തന്നെ ഉള്ളതല്ല, പിന്നെ​യോ ദൈവ​ത്തി​ന്റേത്‌ ആകേണ്ട​തി​നു ഞങ്ങൾക്ക്‌ ഈ നിധി​യു​ള്ളത്‌ മൺപാ​ത്ര​ങ്ങ​ളിൽ ആകുന്നു. ഞങ്ങൾ സകല വിധങ്ങ​ളി​ലും ഞെരു​ക്ക​പ്പെ​ടു​ന്നു, എങ്കിലും നിശ്ചല​രാ​ക്ക​പ്പെ​ടു​ന്നില്ല; വിഷമി​പ്പി​ക്ക​പ്പെ​ടു​ന്നു, എങ്കിലും യാതൊ​രു പോം​വ​ഴി​യും ഇല്ലാത്ത അവസ്ഥയിൽ ആയി​പ്പോ​കു​ന്നില്ല; പീഡി​പ്പി​ക്ക​പ്പെ​ടു​ന്നു, എങ്കിലും പരിത്യ​ക്ത​രാ​കു​ന്നില്ല; അടിച്ചു​വീ​ഴ്‌ത്ത​പ്പെ​ടു​ന്നു, എങ്കിലും നശിപ്പി​ക്ക​പ്പെ​ടു​ന്നില്ല.” (2 കൊരി​ന്ത്യർ 4:4, 7-9, NW) നാം ദുർബ​ല​രായ “മൺപാ​ത്രങ്ങ”ൾ ആണെങ്കി​ലും, സാത്താന്റെ ലോക​ത്തി​നു​മേൽ സമ്പൂർണ വിജയം വരിക്കാൻ കഴിയ​ത്ത​ക്ക​വി​ധം ദൈവം നമ്മെ തന്റെ ആത്മാവി​നാൽ രൂപ​പ്പെ​ടു​ത്തി​യി​രി​ക്കു​ന്നു.—റോമർ 8:35-39; 1 കൊരി​ന്ത്യർ 15:57, NW.

പുരാതന ഇസ്രാ​യേ​ലി​ലെ രൂപ​പ്പെ​ടു​ത്തൽ

3. യെശയ്യാ​വു യഹൂദ ജനതയു​ടെ രൂപ​പ്പെ​ടു​ത്ത​ലി​നെ വർണി​ച്ചത്‌ എങ്ങനെ?

³ യഹോവ വ്യക്തി​കളെ മാത്രമല്ല, മുഴു ജനത​യെ​യും രൂപ​പ്പെ​ടു​ത്തു​ന്നു. ഉദാഹ​ര​ണ​ത്തിന്‌, പുരാതന ഇസ്രാ​യേൽ യഹോ​വ​യു​ടെ രൂപ​പ്പെ​ടു​ത്ത​ലി​നു കീഴ്‌പെ​ട്ട​പ്പോൾ അവർക്ക്‌ അഭിവൃ​ദ്ധി ഉണ്ടായി. എന്നാൽ അവസാനം ഇസ്രാ​യേൽ മനംത​ഴ​മ്പിച്ച്‌ അനുസ​ര​ണ​ക്കേ​ടി​ന്റെ ഗതി സ്വീക​രി​ച്ച​പ്പോൾ, ഇസ്രാ​യേ​ലി​നെ രൂപ​പ്പെ​ടു​ത്തി​യവൻ അവർക്കു​മേൽ “കഷ്ടം” വരുത്തി. (യെശയ്യാ​വു 45:9) പൊ.യു.മു. 8-ാം നൂറ്റാ​ണ്ടിൽ, യെശയ്യാവ്‌ ഇസ്രാ​യേ​ലി​ന്റെ കൊടും​പാ​പത്തെ കുറിച്ചു സംസാ​രി​ച്ചു​കൊണ്ട്‌ യഹോ​വ​യോ​ടു പറഞ്ഞു: “യഹോവേ, നീ ഞങ്ങളുടെ പിതാവു; ഞങ്ങൾ കളിമ​ണ്ണും നീ ഞങ്ങളെ മനയു​ന്ന​വ​നും ആകുന്നു; ഞങ്ങൾ എല്ലാവ​രും നിന്റെ കൈപ്പ​ണി​യ​ത്രേ; . . . ഞങ്ങൾക്കു മനോ​ഹ​ര​മാ​യി​രു​ന്ന​തൊ​ക്കെ​യും ശൂന്യ​മാ​യി കിടക്കു​ന്നു.” (യെശയ്യാ​വു 64:8-11) ഇസ്രാ​യേൽ തീർത്തും നാശ​യോ​ഗ്യ​മായ ഒരു പാത്ര​മാ​യി രൂപ​പ്പെ​ടു​ത്ത​പ്പെ​ട്ടി​രു​ന്നു.

4. യിരെ​മ്യാവ്‌ എന്തു ദൃഷ്ടാന്തം പ്രകടി​പ്പി​ച്ചു കാണിച്ചു?

⁴ ഒരു നൂറ്റാ​ണ്ടി​നു​ശേഷം, കണക്കു​തീർപ്പിൻ ദിവസം സമീപി​ച്ച​പ്പോൾ, യഹോവ യിരെ​മ്യാ​വി​നോട്‌ ഒരു മൺകുടം എടുത്ത്‌ യെരൂ​ശ​ലേ​മി​ലെ പ്രായ​മേ​റിയ  പുരു​ഷ​ന്മാ​രിൽ ചില​രോ​ടൊ​പ്പം ഹിന്നോം താഴ്‌വ​ര​യി​ലേക്കു പോകാൻ പറഞ്ഞിട്ട്‌ ഇങ്ങനെ കൽപ്പിച്ചു: “നിന്നോ​ടു​കൂ​ടെ പോന്ന പുരു​ഷ​ന്മാർ കാൺകെ നീ ആ മൺകുടം ഉടെച്ചു അവരോ​ടു പറയേ​ണ്ട​തെ​ന്തെ​ന്നാൽ: സൈന്യ​ങ്ങ​ളു​ടെ യഹോവ ഇപ്രകാ​രം അരുളി​ച്ചെ​യ്യു​ന്നു: നന്നാക്കി​ക്കൂ​ടാ​ത​വണ്ണം കുശവന്റെ പാത്രം ഉടെച്ചു​ക​ള​ഞ്ഞ​തു​പോ​ലെ ഞാൻ ഈ ജനത്തെ​യും ഈ നഗര​ത്തെ​യും ഉടെച്ചു​ക​ള​യും.”—യിരെ​മ്യാ​വു 19:10, 11.

5. ഇസ്രാ​യേ​ലി​ന്റെ​മേ​ലുള്ള യഹോ​വ​യു​ടെ ന്യായ​വി​ധി എത്ര വ്യാപ​ക​മാ​യി​രു​ന്നു?

⁵ പൊ.യു.മു. 607-ൽ, നെബൂ​ഖ​ദ്‌നേസർ യെരൂ​ശ​ലേ​മി​നെ​യും അതിന്റെ ആലയ​ത്തെ​യും നശിപ്പി​ക്കു​ക​യും ശേഷി​ക്കുന്ന യഹൂദ​ന്മാ​രെ ബാബി​ലോ​നി​ലേക്കു തടവു​കാ​രാ​യി പിടി​ച്ചു​കൊ​ണ്ടു പോകു​ക​യും ചെയ്‌തു. എന്നാൽ 70 വർഷത്തെ പ്രവാ​സ​ത്തി​നു​ശേഷം, അനുതാ​പം പ്രകട​മാ​ക്കിയ യഹൂദ​ന്മാർക്ക്‌ യെരൂ​ശ​ലേ​മും അതിന്റെ ആലയവും പുനർനിർമി​ക്കു​ന്ന​തി​നു വേണ്ടി മടങ്ങാൻ കഴിഞ്ഞു. (യിരെ​മ്യാ​വു 25:11) എന്നിരു​ന്നാ​ലും, പൊ.യു. ഒന്നാം നൂറ്റാണ്ട്‌ ആയപ്പോ​ഴേ​ക്കും, ആ ജനത വലിയ കുശവനെ വീണ്ടും ഉപേക്ഷി​ച്ചു​ക​ഴി​ഞ്ഞി​രു​ന്നു. അവസാനം അവർ അധമത്വ​ത്തി​ന്റെ അഗാധ​ത്തി​ലേക്ക്‌ ഇറങ്ങി ഏറ്റവും വലിയ കുറ്റം ചെയ്‌തു, ദൈവ​ത്തി​ന്റെ​തന്നെ പുത്രനെ വധിച്ചു. പൊ.യു. 70-ൽ യെരൂ​ശ​ലേ​മി​നെ​യും ആലയ​ത്തെ​യും നശിപ്പിച്ച്‌ യഹൂദ വ്യവസ്ഥി​തി​യെ തുടച്ചു​നീ​ക്കു​ന്ന​തി​നു​വേണ്ടി ദൈവം ലോക​ശ​ക്തി​യായ റോമി​നെ തന്റെ വധനിർവാ​ഹ​ക​നാ​യി ഉപയോ​ഗി​ച്ചു. “വിശു​ദ്ധി​യും മഹത്വവു”മുള്ള ജനതയാ​യി ഇസ്രാ​യേൽ യഹോ​വ​യു​ടെ കൈയാൽ ഇനി​യൊ​രി​ക്ക​ലും രൂപ​പ്പെ​ടു​ത്ത​പ്പെ​ടു​ക​യില്ല. a

ഒരു ആത്മീയ ജനതയെ രൂപ​പ്പെ​ടു​ത്തൽ

6, 7. (എ) ആത്മീയ ഇസ്രാ​യേ​ലി​ന്റെ രൂപ​പ്പെ​ടു​ത്ത​ലി​നെ പൗലൊസ്‌ വർണി​ക്കു​ന്നത്‌ എങ്ങനെ? (ബി) “കരുണാ​പാ​ത്രങ്ങ”ളിൽ മൊത്തം എത്ര പേരുണ്ട്‌, അതിന്റെ ഘടന എങ്ങനെ?

⁶ യേശു​വി​നെ സ്വീക​രിച്ച യഹൂദ​ന്മാർ ഒരു പുതിയ ജനതയു​ടെ, ‘ദൈവ​ത്തി​ന്റെ’ ആത്മീയ ‘ഇസ്രാ​യേ​ലി​ന്റെ’ അടിസ്ഥാന അംഗങ്ങൾ എന്ന നിലയിൽ രൂപ​പ്പെ​ടു​ത്ത​പ്പെട്ടു. (ഗലാത്യർ 6:16) അപ്പോൾ പൗലൊ​സി​ന്റെ വാക്കുകൾ എത്ര ഉചിത​മാണ്‌: “അല്ല, കുശവന്നു അതേ പിണ്ഡത്തിൽനി​ന്നു ഒരു പാത്രം മാനത്തി​ന്നും മറെറാ​രു പാത്രം അപമാ​ന​ത്തി​ന്നും ഉണ്ടാക്കു​വാൻ മണ്ണിന്മേൽ അധികാ​രം ഇല്ലയോ? എന്നാൽ ദൈവം തന്റെ കോപം കാണി​പ്പാ​നും ശക്തി വെളി​പ്പെ​ടു​ത്തു​വാ​നും . . . തേജസ്സി​ന്നാ​യി മുന്നൊ​രു​ക്കിയ കരുണാ​പാ​ത്ര​ങ്ങ​ളായ നമ്മിൽ തന്റെ തേജസ്സി​ന്റെ ധനം വെളി​പ്പെ​ടു​ത്തു​വാ​നും ഇച്ഛിച്ചി​ട്ടു നാശ​യോ​ഗ്യ​മായ കോപ​പാ​ത്ര​ങ്ങളെ വളരെ ദീർഘ​ക്ഷ​മ​യോ​ടെ സഹിച്ചു.”—റോമർ 9:21-24.

⁷ പുനരു​ത്ഥാ​നം പ്രാപിച്ച യേശു ഈ “കരുണാ​പാ​ത്ര​ങ്ങളു”ടെ എണ്ണം 1,44,000 ആയിരി​ക്കു​മെന്നു പിന്നീട്‌ വെളി​പ്പെ​ടു​ത്തി. (വെളി​പ്പാ​ടു 7:4; 14:1) സ്വാഭാ​വിക ഇസ്രാ​യേ​ലിൽനി​ന്നു​ള്ളവർ ആ എണ്ണം തികയ്‌ക്കാ​തി​രു​ന്ന​തു​കൊണ്ട്‌, യഹോവ തന്റെ കരുണ ജാതി​കൾക്കു നീട്ടി​ക്കൊ​ടു​ത്തു. (റോമർ 11:25, 26) പറക്കമു​റ്റാത്ത ക്രിസ്‌തീയ സഭ പെട്ടെന്നു വളർന്നു. 30 വർഷത്തി​നു​ള്ളിൽ സുവാർത്ത “ആകാശ​ത്തിൻകീ​ഴെ സകലസൃ​ഷ്ടി​ക​ളു​ടെ​യും ഇടയിൽ ഘോഷി”ക്കപ്പെട്ടു. (കൊ​ലൊ​സ്സ്യർ 1:23) ഇതുമൂ​ലം, പലയി​ട​ങ്ങ​ളി​ലാ​യുള്ള അനേകം പ്രാ​ദേ​ശിക സഭകളെ ഉചിത​മായ മേൽനോ​ട്ട​ത്തിൻ കീഴിൽ കൊണ്ടു​വ​രേണ്ട ആവശ്യം വന്നു.

8. ആദ്യ ഭരണസം​ഘ​ത്തിൽ ആരെല്ലാം ഉണ്ടായി​രു​ന്നു, ഈ സംഘം എങ്ങനെ വിപു​ല​മാ​ക്ക​പ്പെട്ടു?

⁸ യേശു 12 അപ്പൊ​സ്‌ത​ല​ന്മാ​രെ ആദ്യ ഭരണസം​ഘം ആയിത്തീ​രാൻ സജ്ജരാ​ക്കി​യി​രു​ന്നു, ശുശ്രൂ​ഷ​യ്‌ക്ക്‌ അവരെ​യും മറ്റുള്ള​വ​രെ​യും പരിശീ​ലി​പ്പി​ച്ചി​രു​ന്നു. (ലൂക്കൊസ്‌ 8:1; 9:1, 2; 10:1, 2) പൊ.യു. 33-ലെ പെന്ത​ക്കൊ​സ്‌തിൽ, ക്രിസ്‌തീയ സഭ സ്ഥാപി​ത​മാ​യി. കാല​ക്ര​മേണ ഭരണസം​ഘം വിപു​ല​മാ​ക്ക​പ്പെട്ടു. അതിൽ ‘യെരൂ​ശ​ലേ​മി​ലെ അപ്പൊ​സ്‌ത​ല​ന്മാ​രും മൂപ്പന്മാ​രും’ ഉൾപ്പെ​ടു​ത്ത​പ്പെട്ടു.  ഒരു അപ്പൊ​സ്‌തലൻ ആയിരു​ന്നി​ല്ലെ​ങ്കി​ലും, യേശു​വി​ന്റെ അർധസ​ഹോ​ദ​ര​നായ യാക്കോബ്‌ ദീർഘ​കാ​ലം അതിന്റെ അധ്യക്ഷ​നാ​യി സേവി​ച്ചി​രു​ന്ന​താ​യി കാണുന്നു. (പ്രവൃ​ത്തി​കൾ 12:17; 15:2, 6, 13; 21:18) യൂസി​ബി​യസ്‌ പറയു​ന്നത്‌ അനുസ​രിച്ച്‌, അപ്പൊ​സ്‌ത​ല​ന്മാർ പ്രത്യേ​കി​ച്ചും പീഡന​ത്തിന്‌ ഇരകൾ ആയിത്തീ​രു​ക​യും മറ്റു പ്രദേ​ശ​ങ്ങ​ളി​ലേക്കു ചിതറി​ക്ക​പ്പെ​ടു​ക​യും ചെയ്‌തു. അതു​കൊണ്ട്‌ ഭരണസം​ഘ​ത്തി​ന്റെ ഘടനയ്‌ക്കു തദനു​സൃ​ത​മായ മാറ്റം വരുത്തി.

9. സങ്കടക​ര​മായ ഏതു സംഭവ​വി​കാ​സം ഉടലെ​ടു​ക്കു​മെന്ന്‌ യേശു മുൻകൂ​ട്ടി​പ്പ​റഞ്ഞു?

⁹ ഒന്നാം നൂറ്റാ​ണ്ടി​ന്റെ അന്ത്യ​ത്തോ​ട​ടുത്ത്‌, ‘ശത്രു​വായ പിശാച്‌’ ‘സ്വർഗ​രാ​ജ്യ’ത്തിന്റെ കോത​മ്പു​തു​ല്യ അവകാ​ശി​കൾക്കി​ട​യിൽ ‘കള വിതയ്‌ക്കാൻ’ തുടങ്ങി. ഈ സങ്കടക​ര​മായ സംഭവ​വി​കാ​സം “ലോകാ​വ​സാന”ത്തിലെ കൊയ്‌ത്തു​വരെ അനുവ​ദി​ക്ക​പ്പെ​ടു​മെന്ന്‌ യേശു പ്രവചി​ച്ചി​രു​ന്നു. പിന്നെ വീണ്ടും ‘നീതി​മാൻമാർ തങ്ങളുടെ പിതാ​വി​ന്റെ രാജ്യ​ത്തിൽ സൂര്യ​നെ​പ്പോ​ലെ പ്രകാ​ശി​ക്കു’മായി​രു​ന്നു. (മത്തായി 13:24, 25, 37-43) അത്‌ എപ്പോ​ഴാ​യി​രി​ക്കും?

ഇന്ന്‌ ദൈവ​ത്തി​ന്റെ ഇസ്രാ​യേ​ലി​നെ രൂപ​പ്പെ​ടു​ത്തൽ

10, 11. (എ) ദൈവ​ത്തി​ന്റെ ഇസ്രാ​യേ​ലി​ന്റെ ആധുനി​ക​കാല രൂപ​പ്പെ​ടു​ത്തൽ ആരംഭി​ച്ചത്‌ എങ്ങനെ? (ബി) ക്രൈ​സ്‌തവ ലോക​ത്തി​ന്റെ​യും ഉത്സാഹി​ക​ളായ ബൈബിൾ വിദ്യാർഥി​ക​ളു​ടെ​യും പഠിപ്പി​ക്ക​ലു​കൾ തമ്മിൽ എന്തു വൈരു​ധ്യ​ങ്ങൾ ഉണ്ടായി​രു​ന്നു?

¹⁰ 1870-ൽ, ചാൾസ്‌ റ്റെയ്‌സ്‌ റസ്സൽ ഐക്യ​നാ​ടു​ക​ളി​ലെ പെൻസിൽവേ​നി​യ​യി​ലെ പിറ്റ്‌സ്‌ബർഗിൽ ഒരു ബൈബിൾ അധ്യയന കൂട്ടം രൂപീ​ക​രി​ച്ചു. 1879-ൽ അദ്ദേഹം, ഇന്ന്‌ വീക്ഷാ​ഗോ​പു​രം എന്ന്‌ അറിയ​പ്പെ​ടുന്ന മാസിക പ്രസി​ദ്ധീ​ക​രി​ക്കാൻ തുടങ്ങി. അന്ന്‌ അതു പ്രതി​മാ​സ​പ്പ​തിപ്പ്‌ ആയിരു​ന്നു. ബൈബിൾ വിദ്യാർഥി​കൾ എന്ന്‌ അറിയ​പ്പെ​ടാൻ ഇടയായ അവർ ആത്മാവി​ന്റെ അമർത്യത, നരകാഗ്നി, ശുദ്ധീ​ക​ര​ണ​സ്ഥലം, ത്രിത്വ​ദൈവം, ശിശു​ക്ക​ളു​ടെ സ്‌നാ​പനം എന്നിങ്ങ​നെ​യുള്ള ക്രൈ​സ്‌തവ ലോക​ത്തി​ലെ പഠിപ്പി​ക്ക​ലു​കൾ തിരു​വെ​ഴു​ത്തു വിരു​ദ്ധ​മാ​ണെ​ന്നും അവ പുറജാ​തീ​യ​രിൽനിന്ന്‌ ഉത്ഭവി​ച്ച​താ​ണെ​ന്നും ഗ്രഹിച്ചു.

¹¹ അതിലും പ്രധാ​ന​മാ​യി, ബൈബിൾ സത്യത്തെ അതിയാ​യി സ്‌നേ​ഹി​ച്ചി​രുന്ന ഇവർ യേശു​വി​ന്റെ മറുവില യാഗത്തി​ലൂ​ടെ​യുള്ള വീണ്ടെ​ടുപ്പ്‌, ദൈവ​രാ​ജ്യ​ത്തിൻ കീഴിലെ സമാധാ​ന​പൂർണ​മായ പറുദീ​സ​യി​ലെ നിത്യ​ജീ​വ​നി​ലേ​ക്കുള്ള പുനരു​ത്ഥാ​നം എന്നിങ്ങ​നെ​യുള്ള അടിസ്ഥാന ബൈബിൾ പഠിപ്പി​ക്ക​ലു​കൾ പുനഃ​സ്ഥാ​പി​ച്ചു. സർവോ​പരി, അഖിലാ​ണ്ഡ​ത്തി​ന്റെ കർത്താ​വായ യഹോ​വ​യാം ദൈവ​ത്തി​ന്റെ പരമാ​ധി​കാ​ര​ത്തി​ന്റെ ഔചി​ത്യ​സം​സ്ഥാ​പനം ആസന്നമാ​യി​രി​ക്കു​ന്നു എന്നതിന്‌ ഊന്നൽ നൽക​പ്പെട്ടു. “സ്വർഗ്ഗ​സ്ഥ​നായ ഞങ്ങളുടെ പിതാവേ, നിന്റെ നാമം വിശു​ദ്ധീ​ക​രി​ക്ക​പ്പെ​ടേ​ണമേ; നിന്റെ രാജ്യം വരേണമേ; നിന്റെ ഇഷ്ടം സ്വർഗ്ഗ​ത്തി​ലെ​പ്പോ​ലെ ഭൂമി​യി​ലും ആകേണമേ” എന്ന കർതൃ​പ്രാർഥ​ന​യ്‌ക്ക്‌ ഉത്തരം ലഭിക്കാ​നുള്ള സമയമാ​യി​ക്കൊ​ണ്ടി​രി​ക്കു​ന്നു എന്നു ബൈബിൾ വിദ്യാർഥി​കൾ വിശ്വ​സി​ച്ചു. (മത്തായി 6:9, 10) ദൈവ​ത്തി​ന്റെ പരിശു​ദ്ധാ​ത്മാ​വി​നാൽ അവർ സമാധാന പ്രേമി​ക​ളായ ക്രിസ്‌ത്യാ​നി​ക​ളു​ടെ ഒരു ലോക​വ്യാ​പക സമൂഹ​മാ​യി രൂപ​പ്പെ​ടു​ത്ത​പ്പെ​ടുക ആയിരു​ന്നു.

12. ബൈബിൾ വിദ്യാർഥി​കൾ ഒരു പ്രധാ​ന​പ്പെട്ട തീയതി ഗ്രഹി​ക്കാൻ ഇടയാ​യത്‌ എങ്ങനെ?

¹² ദാനീ​യേൽ 4-ാം അധ്യാ​യ​ത്തി​ന്റെ​യും മറ്റു പ്രവച​ന​ങ്ങ​ളു​ടെ​യും ഒരു ആഴമായ പഠനം മിശി​ഹൈക രാജാവ്‌ എന്ന നിലയി​ലുള്ള യേശു​വി​ന്റെ സാന്നി​ധ്യം സമീപി​ച്ചി​രി​ക്കു​ക​യാ​ണെന്ന്‌ ബൈബിൾ വിദ്യാർഥി​കളെ ബോധ്യ​പ്പെ​ടു​ത്തി. 1914-ൽ “ജനതക​ളു​ടെ നിയമിത  കാലം” തികയു​മെന്ന്‌ അവർ ഗ്രഹിച്ചു. (ലൂക്കൊസ്‌ 21:24, NW; യെഹെ​സ്‌കേൽ 21:26, 27) ബൈബിൾ വിദ്യാർഥി​കൾ ഐക്യ​നാ​ടു​ക​ളിൽ ഉടനീളം ബൈബിൾ ക്ലാസ്സുകൾ (പിൽക്കാ​ലത്ത്‌ സഭകൾ എന്ന്‌ അറിയ​പ്പെട്ടു) രൂപീ​ക​രി​ച്ചു​കൊണ്ട്‌ പെട്ടെ​ന്നു​തന്നെ തങ്ങളുടെ പ്രവർത്തനം വ്യാപ​ക​മാ​ക്കി. 20-ാം നൂറ്റാ​ണ്ടി​ന്റെ ആരംഭ​ത്തോ​ടെ, അവർ ബൈബിൾ വിദ്യാ​ഭ്യാ​സ വേല യൂറോ​പ്പി​ലേ​ക്കും ഓസ്‌​ട്രേ​ലി​യ​യി​ലേ​ക്കും സമീപ പ്രദേ​ശ​ങ്ങ​ളി​ലേ​ക്കും വ്യാപി​പ്പി​ക്കുക ആയിരു​ന്നു. നല്ല സംഘാ​ടനം ആവശ്യ​മാ​യി​ത്തീർന്നു.

13. ബൈബിൾ വിദ്യാർഥി​കൾ എന്തു നിയമാം​ഗീ​കാ​രം നേടി, സൊ​സൈ​റ്റി​യു​ടെ ആദ്യത്തെ പ്രസി​ഡന്റ്‌ എന്തു നിസ്‌തുല സേവനം അനുഷ്‌ഠി​ച്ചു?

¹³ ബൈബിൾ വിദ്യാർഥി​കൾക്കു നിയമ​സാ​ധുത ലഭിക്കാ​നാ​യി 1884-ൽ ഐക്യ​നാ​ടു​ക​ളിൽ സീയോ​ന്റെ വാച്ച്‌ ടവർ ട്രാക്‌റ്റ്‌ സൊ​സൈറ്റി, പെൻസിൽവേ​നി​യ​യി​ലെ പിറ്റ്‌സ്‌ബർഗ്‌ ആസ്ഥാന​മാ​ക്കി, കോർപ്പ​റേ​ഷ​നാ​യി രൂപീ​കൃ​ത​മാ​യി. അതിന്റെ ഡയറക്ടർമാർ ദൈവ​രാ​ജ്യ​ത്തെ കുറി​ച്ചുള്ള ആഗോള പ്രസംഗ പ്രവർത്ത​ന​ത്തി​നു മേൽനോ​ട്ടം വഹിച്ചു​കൊണ്ട്‌ ഒരു കേന്ദ്ര ഭരണസം​ഘ​മാ​യി സേവിച്ചു. സൊ​സൈ​റ്റി​യു​ടെ ആദ്യത്തെ പ്രസി​ഡ​ന്റാ​യി​രുന്ന ചാൾസ്‌ റ്റി. റസ്സൽ ആറു വാല്യ​ങ്ങ​ളുള്ള വേദാ​ധ്യ​യന പത്രിക എഴുതു​ക​യും വ്യാപ​ക​മായ പ്രസം​ഗ​പ​ര്യ​ട​നങ്ങൾ നടത്തു​ക​യും ചെയ്‌തു. മാത്രമല്ല, ബൈബിൾ പഠനം ആരംഭി​ക്കു​ന്ന​തി​നു​മു​മ്പു താൻ സ്വരൂ​പി​ച്ചി​രുന്ന വമ്പിച്ച സമ്പാദ്യം മുഴു​വ​നും അദ്ദേഹം ലോക​വ്യാ​പക രാജ്യ​വേ​ല​യ്‌ക്കാ​യി സംഭാവന ചെയ്‌തു. യൂറോ​പ്പിൽ ലോക മഹായു​ദ്ധം കൊടു​മ്പി​രി​കൊ​ണ്ടി​രി​ക്കു​മ്പോൾ 1916-ൽ, പ്രസംഗ യാത്ര​യി​ലാ​യി​രി​ക്കെ, ക്ഷീണി​ത​നായ റസ്സൽ സഹോ​ദരൻ മരണമ​ടഞ്ഞു. ദൈവ​രാ​ജ്യ​ത്തെ കുറി​ച്ചുള്ള സാക്ഷ്യം വിപു​ല​മാ​ക്കു​ന്ന​തിന്‌ അദ്ദേഹം സർവസ്വ​വും ചെലവ​ഴി​ച്ചു.

14. ജെ.എഫ്‌. റഥർഫോർഡ്‌ ‘നല്ല പോർ പൊരു​തി’യത്‌ എങ്ങനെ? (2 തിമൊ​ഥെ​യൊസ്‌ 4:7)

¹⁴ മിസ്സു​രി​യിൽ കുറച്ചു​കാ​ലം ഒരു ജഡ്‌ജി ആയിരുന്ന ജോസഫ്‌ എഫ്‌. റഥർഫോർഡ്‌ അടുത്ത പ്രസി​ഡന്റ്‌ ആയിത്തീർന്നു. അദ്ദേഹം നിർഭ​യ​മാ​യി ബൈബിൾ സത്യം ഉയർത്തി പിടി​ച്ച​തി​ന്റെ ഫലമായി, ക്രൈ​സ്‌ത​വ​ലോ​ക​ത്തി​ലെ പുരോ​ഹി​ത​വർഗം രാഷ്‌ട്രീ​യ​ക്കാ​രെ കൂട്ടു​പി​ടിച്ച്‌ ‘നിയമം ഉപയോ​ഗി​ച്ചു പ്രശ്‌നങ്ങൾ സൃഷ്ടി’ച്ചു. 1918 ജൂൺ 21-ാം തീയതി റഥർഫോർഡ്‌ സഹോ​ദ​ര​നെ​യും മറ്റ്‌ ഏഴ്‌ പ്രമുഖ ബൈബിൾ വിദ്യാർഥി​ക​ളെ​യും, 10-ഓ 20-ഓ വർഷം വീതമുള്ള പല തടവു​ശി​ക്ഷകൾ നൽകി ദീർഘ​കാ​ല​ത്തേക്കു ജയിലി​ല​ടച്ചു. എന്നാൽ അവർ അതി​നെ​തി​രെ കോട​തി​യിൽ പൊരു​തി. (സങ്കീർത്തനം 94:20, NW; ഫിലി​പ്പി​യർ 1:7) 1919 മാർച്ച്‌ 26-ന്‌ അപ്പീൽ കോടതി അവരെ മോചി​പ്പി​ക്കു​ക​യും രാജ്യ​ദ്രോ​ഹി​ക​ളെന്ന വ്യാജാ​രോ​പ​ണ​ത്തിൽനി​ന്നു പിന്നീട്‌ അവരെ പൂർണ​മാ​യും മുക്തരാ​ക്കു​ക​യും ചെയ്‌തു. b ഈ അനുഭവം അവരെ സത്യത്തി​ന്റെ ശക്തരായ വക്താക്ക​ളാ​യി രൂപ​പ്പെ​ടു​ത്താൻ ഉതകി. മഹാ ബാബി​ലോ​ന്റെ എതിർപ്പി​ലും സുവാർത്ത ഘോഷി​ക്കാ​നുള്ള ആത്മീയ പോരാ​ട്ട​ത്തിൽ വിജയം വരിക്കാൻ അവർ, യഹോ​വ​യു​ടെ സഹായ​ത്തോ​ടെ, സാധ്യ​മായ എല്ലാ മാർഗ​ങ്ങ​ളും ഉപയോ​ഗി​ച്ചു. ആ പോരാ​ട്ടം 1999 എന്ന ഈ വർഷം​വരെ തുടർന്നി​രി​ക്കു​ന്നു.—മത്തായി 23-ാം അധ്യാ​യ​വും യോഹ​ന്നാൻ 8:38-47-ഉം താരത​മ്യം ചെയ്യുക.

15. 1931എന്ന വർഷം ചരി​ത്ര​പ​ര​മാ​യി പ്രധാ​ന​മാ​യി​രു​ന്നത്‌ എന്തു​കൊണ്ട്‌?

¹⁵ 1920-കളിലും 1930-കളിലും വലിയ കുശവന്റെ നടത്തി​പ്പിൻകീ​ഴിൽ ദൈവ​ത്തി​ന്റെ അഭിഷിക്ത ഇസ്രാ​യേൽ രൂപ​പ്പെ​ടു​ത്ത​പ്പെ​ട്ടു​കൊ​ണ്ടി​രു​ന്നു. തിരു​വെ​ഴു​ത്തു​ക​ളിൽ നിന്നുള്ള പ്രാവ​ച​നിക വെളിച്ചം, യഹോ​വ​യ്‌ക്കു മഹത്ത്വം കരേറ്റി​ക്കൊ​ണ്ടും യേശു​വി​ന്റെ മിശി​ഹൈക രാജ്യ​ത്തി​ന്മേൽ ശ്രദ്ധ കേന്ദ്രീ​ക​രി​ച്ചു​കൊ​ണ്ടും ഒളിമി​ന്ന​ലു​കൾ വിതറി. 1931-ൽ, ബൈബിൾ വിദ്യാർഥി​കൾ യഹോ​വ​യു​ടെ സാക്ഷികൾ എന്ന പുതിയ പേർ ആഹ്ലാദ​പൂർവം കൈ​ക്കൊ​ണ്ടു.—യെശയ്യാ​വു 43:10-12; മത്തായി 6:9, 10; 24:14.

16. 16-ഉം 19-ാം പേജിലെ ചതുര​വും. 1,44,000-ൽപ്പെട്ട​വ​രു​ടെ എണ്ണം പൂർത്തി​യാ​യത്‌ എപ്പോ​ഴാ​യി​രു​ന്നു, ഇതിന്‌ എന്തു തെളിവ്‌ ഉണ്ട്‌?

¹⁶ 1930-കളിൽ, “വിളി​ക്ക​പ്പെ​ട്ട​വ​രും തിര​ഞ്ഞെ​ടു​ക്ക​പ്പെ​ട്ട​വ​രും വിശ്വ​സ്‌ത​രു​മായ”വരുടെ എണ്ണം—1,44,000—പൂർത്തി​യാ​യ​താ​യി കാണ​പ്പെട്ടു. (വെളി​പ്പാ​ടു 17:14; 19-ാം പേജിലെ ചതുരം കാണുക.) ഒന്നാം നൂറ്റാ​ണ്ടി​ലും ക്രൈ​സ്‌തവ ലോക​ത്തി​ന്റെ വലിയ വിശ്വാ​സ​ത്യാ​ഗ​ത്തി​ന്റേ​തായ അന്ധകാര യുഗത്തിൽ “കള”കളിൽനി​ന്നും അഭിഷി​ക്ത​രിൽപ്പെട്ട എത്ര പേർ കൂട്ടി​വ​രു​ത്ത​പ്പെട്ടു എന്നു നമുക്ക്‌ അറിയില്ല. എന്നാൽ 1935-ലെ ലോക​വ്യാ​പക അത്യു​ച്ച​മാ​യി​രുന്ന 56,153 പേരിൽ മൊത്തം 52,465 പ്രസാ​ധകർ സ്‌മാരക ചിഹ്നങ്ങ​ളിൽ പങ്കുപ​റ്റി​ക്കൊ​ണ്ടു തങ്ങളുടെ സ്വർഗീയ പ്രത്യാശ പ്രകട​മാ​ക്കു​ക​യു​ണ്ടാ​യി. പിന്നെ​യും കൂട്ടി​വ​രു​ത്ത​പ്പെ​ടേ​ണ്ടി​യി​രുന്ന അനേക​രു​ടെ​യും പ്രത്യാശ എന്തായി​രി​ക്കു​മാ​യി​രു​ന്നു?

“ഇതാ! ഒരു മഹാപു​രു​ഷാ​രം”

17. 1935-ൽ ചരി​ത്ര​പ്ര​ധാ​ന​മായ എന്തു സംഭവ​വി​കാ​സം ഉണ്ടായി?

¹⁷ ഐക്യ​നാ​ടു​ക​ളി​ലെ വാഷി​ങ്‌ടൺ ഡി.സി.-യിൽ 1935 മേയ്‌ 30 മുതൽ ജൂൺ 3 വരെ നടത്തപ്പെട്ട  ഒരു കൺ​വെൻ​ഷ​നിൽവച്ച്‌ റഥർഫോർഡ്‌ സഹോ​ദരൻ “മഹാസം​ഘം” എന്ന ശീർഷ​ക​ത്തി​ലുള്ള ചരിത്ര പ്രധാ​ന​മായ ഒരു പ്രസംഗം നടത്തി. c ആത്മീയ ഇസ്രാ​യേ​ലി​ലെ 1,44,000 പേരുടെ മുദ്ര​യി​ടൽ സമാപി​ക്കാ​റാ​കു​മ്പോൾ, “ഒരു മനുഷ്യ​നും എണ്ണുവാൻ സാധി​ക്കാത്ത” ഈ കൂട്ടം പ്രത്യ​ക്ഷ​പ്പെ​ടു​മാ​യി​രു​ന്നു. ഇവരും യേശു എന്ന “കുഞ്ഞാ​ടി​ന്റെ രക്ത”ത്തിന്റെ വീണ്ടെ​ടു​പ്പു ശക്തിയിൽ വിശ്വാ​സം പ്രകട​മാ​ക്കു​ക​യും ആരാധ​ന​യ്‌ക്കുള്ള യഹോ​വ​യു​ടെ ആലയ ക്രമീ​ക​ര​ണ​ത്തിൽ വിശുദ്ധ സേവനം അർപ്പി​ക്കു​ക​യും ചെയ്യും. ഒരു കൂട്ടമെന്ന നിലയിൽ, അവർ “മഹോ​പ​ദ്ര​വ​ത്തിൽനി​ന്നു” ജീവ​നോ​ടെ “പുറത്തു​വ​രുക”യും “മേലാൽ മരണം ഉണ്ടായി​രി​ക്കു​ക​യി​ല്ലാത്ത” ഭൗമിക പറുദീസ അവകാ​ശ​മാ​ക്കു​ക​യും ചെയ്യും. ആ കൺ​വെൻ​ഷനു മുമ്പു പല വർഷങ്ങ​ളോ​ളം ഈ കൂട്ടത്തെ യോനാ​ദാ​ബു​കൾ എന്നാണ്‌ വിളി​ച്ചി​രു​ന്നത്‌.—വെളി​പ്പാ​ടു 7:9-17; 21:4, NW; യിരെ​മ്യാ​വു 35:10.

18. 1938 എന്ന വർഷം നിർണാ​യ​ക​മാ​യി​രു​ന്നത്‌ ഏതെല്ലാം വിധങ്ങ​ളിൽ?

¹⁸ ഈ രണ്ടു കൂട്ടങ്ങ​ളെ​യും വ്യക്തമാ​യി തിരി​ച്ച​റി​യുന്ന കാര്യ​ത്തിൽ 1938 എന്ന വർഷം നിർണാ​യ​ക​മാ​യി​രു​ന്നു. 1938 മാർച്ച്‌ 15, ഏപ്രിൽ 1 വീക്ഷാ​ഗോ​പുര (ഇംഗ്ലീഷ്‌) ലക്കങ്ങൾ “അവന്റെ ആട്ടിൻകൂ​ട്ടം” എന്ന ശീർഷ​ക​ത്തിൽ രണ്ടു ഭാഗങ്ങ​ളുള്ള ഒരു അധ്യയ​ന​പാ​ഠം അവതരി​പ്പി​ച്ചു. അത്‌ അഭിഷിക്ത ശേഷി​പ്പി​ന്റെ​യും അവരുടെ സഹകാ​രി​ക​ളായ മഹാപു​രു​ഷാ​ര​ത്തി​ന്റെ​യും ആപേക്ഷിക സ്ഥാനങ്ങൾ വ്യക്തമാ​ക്കി. പിന്നീട്‌ ജൂൺ 1-ഉം ജൂൺ 15-ഉം ലക്കങ്ങൾ യെശയ്യാ​വു 60:17-നെ അടിസ്ഥാ​ന​മാ​ക്കി “സംഘടന”യെ കുറി​ച്ചുള്ള അധ്യയന ലേഖനങ്ങൾ പ്രസി​ദ്ധീ​ക​രി​ച്ചു. മെച്ച​പ്പെ​ട്ട​തും ദിവ്യ​നി​യ​മി​ത​വും ദിവ്യാ​ധി​പ​ത്യ​പ​ര​വു​മായ ഒരു ക്രമീ​ക​രണം നിലവിൽ വരുന്ന​തി​നു​വേണ്ടി പ്രാ​ദേ​ശിക ദാസന്മാ​രു​ടെ നിയമനം ഭരണസം​ഘം നടത്തു​ന്ന​തിന്‌ അഭ്യർഥി​ക്കാൻ എല്ലാ സഭക​ളോ​ടും ആവശ്യ​പ്പെട്ടു. സഭകൾ അപ്രകാ​രം ചെയ്‌തു.

19. 19-ഉം അടിക്കു​റി​പ്പും. കഴിഞ്ഞ 60-തിലധി​കം വർഷമാ​യി “വേറെ ആടുകൾ”ക്കായുള്ള പൊതു​വായ ക്ഷണം തുടരു​ക​യാ​ണെന്ന്‌ ഏതു വസ്‌തു​തകൾ സ്ഥിരീ​ക​രി​ക്കു​ന്നു?

¹⁹ 1939-ലെ യഹോ​വ​യു​ടെ സാക്ഷി​ക​ളു​ടെ വാർഷി​ക​പു​സ്‌ത​ക​ത്തി​ലെ റിപ്പോർട്ട്‌ ഇങ്ങനെ പ്രസ്‌താ​വി​ച്ചു: “ഭൂമി​യിൽ ഇപ്പോ​ഴുള്ള യേശു​ക്രി​സ്‌തു​വി​ന്റെ അഭിഷിക്ത അനുഗാ​മി​കൾ കുറച്ചു പേരേ ഉള്ളൂ. അവരുടെ എണ്ണം ഒരിക്ക​ലും വർധി​ക്കു​ക​യില്ല. തിരു​വെ​ഴു​ത്തു​ക​ളിൽ ഇവരെ ദൈവ​ത്തി​ന്റെ സംഘട​ന​യായ സീയോ​ന്റെ സന്തതി​യു​ടെ ‘ശേഷിപ്പ്‌’ എന്നാണു വിശേ​ഷി​പ്പി​ച്ചി​രി​ക്കു​ന്നത്‌. (വെളി. 12:17) കർത്താവ്‌ ഇപ്പോൾ, ‘മഹാസംഘ’ത്തിലെ അംഗങ്ങൾ ആയിത്തീ​രുന്ന തന്റെ ‘വേറെ ആടുകളെ’ കൂട്ടി​വ​രു​ത്തി​ക്കൊ​ണ്ടി​രി​ക്കു​ക​യാണ്‌. (യോഹ 10:16) ഇപ്പോൾ കൂട്ടി​വ​രു​ത്ത​പ്പെ​ടു​ന്നവർ ശേഷി​പ്പി​ന്റെ സഹകാ​രി​ക​ളും സഹപ്ര​വർത്ത​ക​രും ആണ്‌. ഈ സമയം മുതൽ, ആ ‘മഹാസം​ഘം’ കൂട്ടി​ച്ചേർക്ക​പ്പെ​ടു​ന്ന​തു​വരെ ‘വേറെ ആടുകളി’ൽപ്പെട്ട​വ​രു​ടെ എണ്ണം വർധി​ച്ചു​കൊ​ണ്ടി​രി​ക്കും.” മഹാപു​രു​ഷാ​ര​ത്തി​ന്റെ കൂട്ടി​വ​രു​ത്ത​ലി​നാ​യി കരുതാൻ അഭിഷിക്ത ശേഷിപ്പ്‌ രൂപ​പ്പെ​ടു​ത്ത​പ്പെട്ടു കഴിഞ്ഞി​രു​ന്നു. ഇവരും ഇപ്പോൾ രൂപ​പ്പെ​ടു​ത്ത​പ്പെ​ടണം. d

20. 1942 മുതൽ ഏതെല്ലാം സംഘട​നാ​പ​ര​മായ മാറ്റങ്ങൾ നടന്നി​രി​ക്കു​ന്നു?

²⁰ 1942 ജനുവ​രി​യിൽ, രണ്ടാം ലോക​മ​ഹാ​യു​ദ്ധം കൊടു​മ്പി​രി​കൊ​ണ്ടി​രി​ക്കു​മ്പോൾ, ജോസഫ്‌ റഥർഫോർഡ്‌ സഹോ​ദരൻ മരിച്ചു. തുടർന്ന്‌ നാഥാൻ നോർ സഹോ​ദരൻ പ്രസി​ഡന്റ്‌ ആയി. സൊ​സൈ​റ്റി​യു​ടെ ഈ മൂന്നാ​മത്തെ പ്രസി​ഡന്റ്‌ സഭകളിൽ ദിവ്യാ​ധി​പത്യ സ്‌കൂ​ളു​ക​ളും മിഷന​റി​മാ​രെ പരിശീ​ലി​പ്പി​ക്കു​ന്ന​തി​നുള്ള ഗിലെ​യാദ്‌ സ്‌കൂ​ളും സ്ഥാപി​ച്ചത്‌ എല്ലാവ​രും സ്‌നേ​ഹ​പൂർവം ഓർക്കു​ന്നു. 1944-ലെ സൊ​സൈ​റ്റി​യു​ടെ വാർഷിക യോഗ​ത്തിൽ, സൊ​സൈ​റ്റി​യു​ടെ ചാർട്ടർ ഭേദഗതി ചെയ്യു​ക​യാ​ണെന്ന്‌ അദ്ദേഹം പ്രഖ്യാ​പി​ച്ചു. പരിഷ്‌ക​രിച്ച രീതി അനുസ​രിച്ച്‌ അംഗത്വം ഭൗതിക സംഭാ​വ​ന​കളെ  അല്ല, മറിച്ച്‌ ആത്മീയ​തയെ അടിസ്ഥാ​ന​മാ​ക്കി ആകുമാ​യി​രു​ന്നു. അടുത്ത 30 വർഷത്തിൽ ലോക​വ്യാ​പ​ക​മാ​യി വയൽപ്ര​വർത്ത​ക​രു​ടെ എണ്ണം 1,56,299-ൽനിന്ന്‌ 21,79,256 ആയി ഉയർന്നു. 1971-75 കാലഘ​ട്ടത്ത്‌ സംഘട​നാ​പ​ര​മായ കൂടുതൽ മാറ്റങ്ങൾ ആവശ്യ​മാ​യി. പ്രസി​ഡ​ന്റാ​യി സേവി​ക്കുന്ന കേവലം ഒരാൾക്ക്‌ ഭൂവ്യാ​പ​ക​മായ രാജ്യ​വേ​ല​യ്‌ക്കു സമഗ്ര​മായ മേൽനോ​ട്ടം വഹിക്കാൻ സാധി​ക്കു​ക​യി​ല്ലാ​യി​രു​ന്നു. അധ്യക്ഷ​സ്ഥാ​നം മാറി​മാ​റി ലഭിക്കുന്ന ക്രമീ​ക​ര​ണ​ത്തോ​ടെ ഭരണസം​ഘ​ത്തി​ന്റെ അംഗ സംഖ്യ 18 അഭിഷിക്ത അംഗങ്ങൾ ആയി ഉയർത്തി. ഇപ്പോൾ അവരിൽ ഏകദേശം പകുതി പേരു​ടെ​യും ഭൗമിക ജീവിതം അവസാ​നി​ച്ചി​രി​ക്കു​ന്നു.

21. ചെറിയ ആട്ടിൻകൂ​ട്ട​ത്തി​ലെ അംഗങ്ങളെ രാജ്യ​ത്തി​നാ​യി യോഗ്യ​രാ​ക്കി​യി​രി​ക്കു​ന്നത്‌ എന്ത്‌?

²¹ ചെറിയ ആട്ടിൻകൂ​ട്ട​ത്തി​ലെ ശേഷി​ക്കുന്ന അംഗങ്ങൾ അനേകം പതിറ്റാ​ണ്ടു​ക​ളി​ലെ പരി​ശോ​ധ​ന​ക​ളി​ലൂ​ടെ രൂപ​പ്പെ​ടു​ത്ത​പ്പെ​ട്ടി​രി​ക്കു​ന്നു. അവർ നല്ല ധൈര്യ​മു​ള്ള​വ​രും ‘ആത്മാവി​ന്റെ’ സംശയാ​തീ​ത​മായ ‘സാക്ഷ്യം’ ലഭിച്ചി​ട്ടു​ള്ള​വ​രും ആകുന്നു. യേശു അവരോട്‌ ഇങ്ങനെ പറഞ്ഞി​രി​ക്കു​ന്നു: “നിങ്ങൾ ആകുന്നു എന്റെ പരീക്ഷ​ക​ളിൽ എന്നോ​ടു​കൂ​ടെ നിലനി​ന്നവർ. എന്റെ പിതാവു എനിക്കു രാജ്യം നിയമി​ച്ചു​ത​ന്ന​തു​പോ​ലെ ഞാൻ നിങ്ങൾക്കും നിയമി​ച്ചു​ത​രു​ന്നു. നിങ്ങൾ എന്റെ രാജ്യ​ത്തിൽ എന്റെ മേശയി​ങ്കൽ തിന്നു​കു​ടി​ക്ക​യും സിംഹാ​സ​ന​ങ്ങ​ളിൽ ഇരുന്നു യിസ്രാ​യേൽ ഗോത്രം പന്ത്രണ്ടി​നെ​യും ന്യായം വിധി​ക്ക​യും ചെയ്യും.”—റോമർ 8:16, 17; ലൂക്കൊസ്‌ 12:32; 22:28-30.

22, 23. ചെറിയ ആട്ടിൻകൂ​ട്ട​വും വേറെ ആടുക​ളും രൂപ​പ്പെ​ടു​ത്ത​പ്പെ​ടു​ന്നത്‌ എങ്ങനെ?

²² ഭൂമി​യിൽ ആത്മാഭി​ഷിക്ത ശേഷി​പ്പി​ന്റെ എണ്ണം കുറയു​ന്നത്‌ അനുസ​രിച്ച്‌, മഹാപു​രു​ഷാ​ര​ത്തിൽപ്പെട്ട പക്വത​യുള്ള സഹോ​ദ​ര​ന്മാർക്ക്‌ ലോക​വ്യാ​പ​ക​മാ​യുള്ള മിക്കവാ​റും എല്ലാ സഭകളു​ടെ​യും ആത്മീയ മേൽനോ​ട്ടം നൽക​പ്പെ​ട്ടി​രി​ക്കു​ന്നു. പ്രായ​മേ​റിയ അഭിഷിക്ത സാക്ഷി​ക​ളിൽ അവസാ​ന​ത്ത​വ​രു​ടെ ഭൗമിക ജീവി​ത​ഗതി അവസാ​നി​ക്കു​ന്നത്‌ അനുസ​രിച്ച്‌ വേറെ ആടുക​ളി​ലെ പ്രഭു​ക്ക​ളായ സരിമു​കൾക്ക്‌ ഭൂമി​യി​ലെ പ്രഭു​വർഗം എന്ന നിലയി​ലുള്ള ഭരണ ചുമത​ലകൾ നിർവ​ഹി​ക്കാൻ മതിയായ പരിശീ​ലനം ലഭിച്ചി​രി​ക്കും.—യെഹെ​സ്‌കേൽ 44:3; യെശയ്യാ​വു 32:1.

²³ ചെറിയ ആട്ടിൻകൂ​ട്ട​വും വേറെ ആടുക​ളും ഒരു​പോ​ലെ മാനമായ ഉപയോ​ഗ​ത്തി​നുള്ള പാത്ര​ങ്ങ​ളാ​യി രൂപ​പ്പെ​ടു​ത്ത​പ്പെ​ട്ടു​കൊ​ണ്ടി​രി​ക്കു​ക​യാണ്‌. (യോഹ​ന്നാൻ 10:14-16) നമ്മുടെ പ്രത്യാശ “പുതിയ ആകാശ”ത്തിലോ “പുതിയ ഭൂമി”യിലോ ആയാലും, നമുക്കു യഹോ​വ​യു​ടെ പിൻവ​രുന്ന ക്ഷണത്തോ​ടു മുഴു​ഹൃ​ദ​യ​ത്തോ​ടെ പ്രതി​ക​രി​ക്കാം: “ഞാൻ സൃഷ്ടി​ക്കു​ന്ന​തി​നെ​ക്കു​റി​ച്ചു നിങ്ങൾ സന്തോ​ഷി​ച്ചു എന്നേക്കും ഘോഷി​ച്ചു​ല്ല​സി​പ്പിൻ; ഇതാ, ഞാൻ [സ്വർഗീയ] യെരു​ശ​ലേ​മി​നെ ഉല്ലാസ​പ്ര​ദ​മാ​യും അതിലെ ജനത്തെ ആനന്ദ​പ്ര​ദ​മാ​യും സൃഷ്ടി​ക്കു​ന്നു.” (യെശയ്യാ​വു 65:17, 18) ദുർബല മനുഷ്യ​രായ നമുക്ക്‌, ‘സാധാ​ര​ണ​യിൽ കവിഞ്ഞ ശക്തി’യാൽ—ദൈവ​ത്തി​ന്റെ പരിശു​ദ്ധാ​ത്മാ​വി​ന്റെ ശക്തിയാൽ—രൂപ​പ്പെ​ടു​ത്ത​പ്പെ​ട്ടു​കൊണ്ട്‌ എല്ലായ്‌പോ​ഴും താഴ്‌മ​യോ​ടെ സേവി​ക്കാം.—2 കൊരി​ന്ത്യർ 4:7; യോഹ​ന്നാൻ 16:13.

[അടിക്കു​റി​പ്പു​കൾ]

നിങ്ങൾ ഓർമി​ക്കു​ന്നു​വോ?

□ പിതാ​വി​നാ​ലുള്ള രൂപ​പ്പെ​ടു​ത്ത​ലി​നാ​യി കീഴ്‌പെ​ടു​ക​വഴി, യേശു നമുക്കു മാതൃക ആയിരി​ക്കു​ന്നത്‌ എങ്ങനെ?

□ പുരാതന ഇസ്രാ​യേ​ലിൽ എന്തു രൂപ​പ്പെ​ടു​ത്തൽ നടന്നു?

□ ‘ദൈവ​ത്തി​ന്റെ ഇസ്രാ​യേൽ’ ഇന്നുവരെ രൂപ​പ്പെ​ടു​ത്ത​പ്പെ​ട്ടി​രി​ക്കു​ന്നത്‌ എങ്ങനെ?

□ “വേറെ ആടുകൾ” എന്ത്‌ ഉദ്ദേശ്യ​ത്തിൽ രൂപ​പ്പെ​ടു​ത്ത​പ്പെ​ട്ടി​രി​ക്കു​ന്നു?

[അധ്യയന ചോദ്യ​ങ്ങൾ]

[18-ാം പേജിലെ ചതുരം]

ക്രൈസ്‌തവലോകത്തിലെ കൂടു​ത​ലായ രൂപ​പ്പെ​ടു​ത്തൽ

ഗ്രീസി​ലെ ഏഥൻസിൽനി​ന്നുള്ള ഒരു അസോ​സി​യേ​റ്റഡ്‌ പ്രസ്‌ റിപ്പോർട്ട്‌ ഗ്രീക്ക്‌ ഓർത്ത​ഡോ​ക്‌സ്‌ സഭയിൽ ഈയിടെ നിയമി​ത​നായ തലവനെ കുറിച്ച്‌ ഇപ്രകാ​രം പറയുന്നു: “അദ്ദേഹം സമാധാ​ന​ത്തി​ന്റെ സന്ദേശകൻ ആയിരി​ക്കാൻ പ്രതീ​ക്ഷി​ക്ക​പ്പെ​ടു​ന്നു. എന്നാൽ യുദ്ധത്തി​നാ​യി തയ്യാ​റെ​ടു​പ്പു നടത്തുന്ന ഒരു സൈന്യാ​ധി​പനെ പോ​ലെ​യാണ്‌ ഗ്രീക്ക്‌ ഓർത്ത​ഡോ​ക്‌സ്‌ സഭാ തലവൻ.

“‘ആവശ്യ​മെ​ങ്കിൽ രക്തം ചിന്താ​നും എന്തു ത്യാഗം ചെയ്യാ​നും ഞങ്ങൾ തയ്യാറാണ്‌. ഒരു സഭ എന്നനി​ല​യിൽ ഞങ്ങൾ സമാധാ​ന​ത്തി​നാ​യി പ്രാർഥി​ക്കു​ന്നു . . . എന്നാൽ ആവശ്യം വരുന്ന നിമിഷം ഞങ്ങൾ വിശുദ്ധ ആയുധങ്ങൾ ആശിർവ​ദി​ക്കും,’ അടുത്ത​യി​ടെ, കന്യാ​മ​റി​യ​ത്തി​ന്റെ സ്വർഗാ​രോ​ഹണ തിരു​നാ​ളിൽ—അന്നുത​ന്നെ​യാണ്‌ ഗ്രീസി​ന്റെ സായുധ സേനാ ദിനം—ആർച്ച്‌ ബിഷപ്പ്‌ ക്രി​സ്റ്റൊ​ഡൂ​ലൊസ്‌ പറഞ്ഞു.”

[19-ാം പേജിലെ ചതുരം]

“ഇനി കൂട്ടി​ച്ചേർക്ക​ലു​കൾ ഇല്ല!”

1970-ൽ ഗിലെ​യാദ്‌ ബിരു​ദ​ദാന സമയത്ത്‌, വാച്ച്‌ ടവർ സൊ​സൈറ്റി അന്നത്തെ വൈസ്‌ പ്രസി​ഡന്റ്‌ ആയിരുന്ന ഫ്രഡറിക്‌ ഫ്രാൻസ്‌ ഭൗമിക പ്രത്യാ​ശ​യുള്ള വേറെ ആടുക​ളിൽപ്പെ​ട്ടവർ ആയിരുന്ന എല്ലാ വിദ്യാർഥി​ക​ളോ​ടും സംസാ​രി​ക്കവേ, അവർക്ക്‌ അഭിഷിക്ത ശേഷി​പ്പിൽ പെട്ടവർ ആണെന്ന്‌ അവകാ​ശ​പ്പെ​ടു​ന്ന​വരെ സ്‌നാ​പ​ന​പ്പെ​ടു​ത്തേണ്ടി വന്നേക്കാ​മെന്നു പറഞ്ഞു. അത്‌ എങ്ങനെ സാധി​ക്കും? സ്‌നാപക യോഹ​ന്നാൻ വേറെ ആടുക​ളിൽപ്പെ​ട്ടവൻ ആയിരു​ന്നി​ട്ടും യേശു​വി​നെ​യും ചില അപ്പൊ​സ്‌ത​ല​ന്മാ​രെ​യും സ്‌നാ​ന​പ്പെ​ടു​ത്തി എന്ന്‌ അദ്ദേഹം വിശദ​മാ​ക്കി. എന്നിട്ട്‌, ശേഷി​പ്പി​ലു​ള്ള​വരെ കൂട്ടി​വ​രു​ത്താ​നുള്ള ക്ഷണം ഇപ്പോ​ഴു​മു​ണ്ടോ എന്ന്‌ അദ്ദേഹം ചോദി​ച്ചു. “ഇല്ല, ഇനി കൂട്ടി​ച്ചേർക്ക​ലു​കൾ ഇല്ല!” അദ്ദേഹം പറഞ്ഞു. “ആ ക്ഷണം 1931-35 കാലഘ​ട്ട​ത്തിൽത്തന്നെ അവസാ​നി​ച്ചു! ഇനി കൂട്ടി​ച്ചേർക്ക​ലു​കൾ ഇല്ല. അപ്പോൾപ്പി​ന്നെ പുതി​യ​താ​യി സഹവസി​ക്കുന്ന ചിലർ സ്‌മാരക ചിഹ്നങ്ങ​ളിൽ പങ്കുപ​റ്റു​ന്ന​തോ? അവർ ശേഷി​പ്പിൽ പെട്ടവർ ആണെങ്കിൽ, അവർ പകരം വന്നവരാണ്‌! അവർ അഭിഷിക്ത അണിക​ളി​ലേക്കു കൂട്ടി​ച്ചേർക്ക​പ്പെ​ട്ടവർ അല്ല, മറിച്ച്‌ വിശ്വാ​സം ഉപേക്ഷി​ച്ചു പോയ​വ​രു​ടെ സ്ഥാന​ത്തേക്കു പകരം വന്നവർ ആണ്‌.”

[15-ാം പേജിലെ ചിത്രം]

നാം നമ്മുടെ സേവന​മെന്ന നിധിയെ എത്രമാ​ത്രം വിലമ​തി​ക്കു​ന്നു!

[16-ാം പേജിലെ ചിത്രം]

പുരാതന ഇസ്രാ​യേൽ നാശത്തി​നു​മാ​ത്രം യോഗ്യ​മായ പാത്രം ആയിത്തീർന്നു