യഹോ​വ​യു​ടെ ആടുകളെ പരിപാ​ലി​ക്കുന്ന “മനുഷ്യ​രാം ദാനങ്ങൾ”

“ഉയരത്തിൽ കയറി​യ​പ്പോൾ അവൻ ബന്ദികളെ പിടി​ച്ചു​കൊ​ണ്ടു പോയി; അവൻ മനുഷ്യ​രാം ദാനങ്ങളെ നൽകി.”—എഫെസ്യർ 4:8, NW.

1. ഒരു സഹോ​ദരി തന്റെ സഭയിലെ മൂപ്പന്മാ​രെ കുറിച്ച്‌ എന്ത്‌ അഭി​പ്രായ പ്രകടനം നടത്തി?

 “ഞങ്ങളെ കുറിച്ച്‌ വളരെ​യേറെ കരുതു​ന്ന​തി​നു നന്ദി. നിങ്ങളു​ടെ ചിരി​യും ഊഷ്‌മ​ള​ത​യും താത്‌പ​ര്യ​വും എല്ലാം വളരെ ആത്മാർഥ​മാണ്‌. പറയുന്ന കാര്യങ്ങൾ ശ്രദ്ധി​ക്കാ​നും ബൈബി​ളിൽനിന്ന്‌ ഉണർവേ​കുന്ന വാക്കുകൾ പങ്കു​വെ​ക്കാ​നും നിങ്ങൾ എല്ലായ്‌പോ​ഴും ഒരുക്ക​മാണ്‌. ഞാൻ ഒരിക്ക​ലും നിങ്ങളെ നിസ്സാ​ര​രാ​യി കാണാൻ ഇടവരാ​തി​രി​ക്കട്ടെ എന്നു പ്രാർഥി​ക്കു​ന്നു.” ഒരു സഹോ​ദരി തന്റെ സഭയിലെ മൂപ്പന്മാർക്ക്‌ എഴുതി​യ​താണ്‌ അത്‌. ക്രിസ്‌തീയ ഇടയന്മാർ പ്രകട​മാ​ക്കിയ സ്‌നേഹം ആ സഹോ​ദ​രി​യു​ടെ ഹൃദയത്തെ സ്‌പർശി​ച്ചെന്നു വ്യക്തം.—1 പത്രൊസ്‌ 5:2, 3.

2, 3. (എ) യെശയ്യാ​വു 32:1, 2 അനുസ​രിച്ച്‌, അനുക​മ്പ​യുള്ള മൂപ്പന്മാർ ആട്ടിൻകൂ​ട്ടത്തെ പരിപാ​ലി​ക്കു​ന്നത്‌ എങ്ങനെ? (ബി) ഒരു മൂപ്പനെ ദാനമാ​യി കണക്കാ​ക്കാ​വു​ന്നത്‌ എപ്പോൾ?

² തന്റെ ആടുകളെ പരിപാ​ലി​ക്കാൻ യഹോവ പ്രദാനം ചെയ്‌തി​രി​ക്കുന്ന ഒരു കരുത​ലാ​ണു മൂപ്പന്മാർ. (ലൂക്കൊസ്‌ 12:32; യോഹ​ന്നാൻ 10:16) യഹോ​വ​യ്‌ക്കു തന്റെ ആടുകൾ പ്രിയ​പ്പെ​ട്ട​വ​രാണ്‌, വളരെ പ്രിയ​പ്പെ​ട്ടവർ തന്നെ. അതു​കൊ​ണ്ടാണ്‌ അവൻ അവരെ യേശു​വി​ന്റെ രക്തം​കൊ​ണ്ടു വിലയ്‌ക്കു വാങ്ങി​യത്‌. മൂപ്പന്മാർ തന്റെ ആട്ടിൻകൂ​ട്ട​ത്തോട്‌ ആർദ്ര​ത​യോ​ടെ ഇടപെ​ടു​മ്പോൾ, യഹോവ പ്രസാ​ദി​ക്കു​ന്ന​തിൽ അപ്പോൾ യാതൊ​രു അതിശ​യ​വു​മില്ല. (പ്രവൃ​ത്തി​കൾ 20:28, 29) ഈ മൂപ്പന്മാ​രെ അഥവാ ‘പ്രഭു​ക്ക​ന്മാ​രെ’ കുറി​ച്ചുള്ള പ്രാവ​ച​നിക വിവരണം ശ്രദ്ധി​ക്കുക: “ഓരോ​രു​ത്തൻ കാററി​ന്നു ഒരു മറവും പിശറി​ന്നു ഒരു സങ്കേത​വും ആയി വരണ്ട നിലത്തു നീർത്തോ​ടു​കൾപോ​ലെ​യും ക്ഷീണമുള്ള ദേശത്തു ഒരു വമ്പാറ​യു​ടെ തണൽപോ​ലെ​യും ഇരിക്കും.” (യെശയ്യാ​വു 32:1, 2) അതേ, അവർ യഹോ​വ​യു​ടെ ആടുകൾക്കു സംരക്ഷ​ണ​വും നവോ​ന്മേ​ഷ​വും ആശ്വാ​സ​വും പ്രദാനം ചെയ്യണ്ട​താണ്‌. അതു​കൊണ്ട്‌, ആട്ടിൻകൂ​ട്ട​ത്തി​ന്മേൽ അനുക​മ്പാ​പൂർവം ഇടയവേല ചെയ്യുന്ന മൂപ്പന്മാർ യഹോവ തങ്ങളിൽനി​ന്നു പ്രതീ​ക്ഷി​ക്കു​ന്ന​തു​പോ​ലെ പ്രവർത്തി​ക്കാൻ ശ്രമി​ക്കു​ന്നു.

³ ബൈബി​ളിൽ അത്തരം മൂപ്പന്മാ​രെ “മനുഷ്യ​രാം ദാനങ്ങൾ” എന്നാണു പരാമർശി​ച്ചി​രി​ക്കു​ന്നത്‌. (എഫെസ്യർ 4:8, NW) ഒരു ദാനം അഥവാ സമ്മാനം എന്നു കേൾക്കു​മ്പോൾ നമ്മുടെ മനസ്സി​ലേക്കു വരുന്നത്‌, ഒരു ആവശ്യം നിറ​വേ​റ്റാ​നോ സ്വീകർത്താ​വി​നു സന്തുഷ്ടി പ്രദാനം ചെയ്യാ​നോ നൽക​പ്പെ​ടുന്ന ഒരു സംഗതി​യാണ്‌. ആവശ്യ​മായ സഹായം പ്രദാനം ചെയ്യാ​നും ആട്ടിൻകൂ​ട്ട​ത്തി​ന്റെ സന്തുഷ്ടി ഉന്നമി​പ്പി​ക്കാ​നു​മാ​യി ഒരു മൂപ്പൻ തന്റെ പ്രാപ്‌തി​കൾ ഉപയോ​ഗി​ക്കു​മ്പോൾ അദ്ദേഹത്തെ ഒരു ദാനമാ​യി കണക്കാ​ക്കാ​വു​ന്ന​താണ്‌. അദ്ദേഹ​ത്തിന്‌ ഇത്‌ എങ്ങനെ ചെയ്യാ​നാ​കും? എഫെസ്യർ 4:7-16-ലെ പൗലൊ​സി​ന്റെ വാക്കു​ക​ളിൽ അതിനുള്ള ഉത്തരമുണ്ട്‌. തന്റെ ആടുക​ളോ​ടുള്ള യഹോ​വ​യു​ടെ സ്‌നേ​ഹ​പൂർവ​ക​മായ കരുത​ലി​നെ അത്‌ എടുത്തു കാട്ടുന്നു.

“മനുഷ്യ​രാം ദാനങ്ങൾ”—എവിടെ നിന്ന്‌?

4. സങ്കീർത്തനം 68:18-ന്റെ നിവൃ​ത്തി​യിൽ, യഹോവ ‘ഉയരത്തിൽ കയറി​യത്‌’ എങ്ങനെ, “മനുഷ്യ രൂപത്തി​ലുള്ള ദാനങ്ങൾ” ആരായി​രു​ന്നു?

⁴ പൗലൊസ്‌ “മനുഷ്യ​രാം ദാനങ്ങൾ” എന്ന പദപ്ര​യോ​ഗം ഉപയോ​ഗി​ച്ച​പ്പോൾ അവൻ, യഹോ​വയെ കുറി​ച്ചുള്ള ദാവീദ്‌ രാജാ​വി​ന്റെ പിൻവ​രുന്ന വാക്കുകൾ ഉദ്ധരി​ക്കു​ക​യാ​യി​രു​ന്നു: “നീ ഉയരത്തിൽ കയറി​യി​രി​ക്കു​ന്നു; നീ ബന്ദികളെ പിടി​ച്ചു​കൊ​ണ്ടു പോയി​രി​ക്കു​ന്നു; നീ മനുഷ്യ രൂപത്തിൽ ദാനങ്ങൾ എടുത്തി​രി​ക്കു​ന്നു.” (സങ്കീർത്തനം 68:18, NW) ഇസ്രാ​യേ​ല്യർ വാഗ്‌ദത്ത ദേശത്ത്‌ എത്തി കുറെ വർഷങ്ങൾ കഴിഞ്ഞ്‌ യഹോവ ആലങ്കാ​രി​ക​മാ​യി സീയോൻ മലയിൽ ‘കയറുക’യും യെരൂ​ശ​ലേ​മി​നെ, ദാവീദ്‌ രാജാ​വാ​യി ഭരിക്കുന്ന ഇസ്രാ​യേൽ രാജ്യ​ത്തി​ന്റെ തലസ്ഥാ​ന​മാ​ക്കു​ക​യും ചെയ്‌തു. എന്നാൽ, “മനുഷ്യ രൂപത്തി​ലുള്ള ദാനങ്ങൾ” ആരായി​രു​ന്നു? ദേശം കീഴട​ക്കി​യ​പ്പോൾ ബന്ദിക​ളാ​യി പിടി​ക്ക​പ്പെട്ട പുരു​ഷ​ന്മാ​രാ​യി​രു​ന്നു അവർ. പിൽക്കാ​ലത്ത്‌, സമാഗമന കൂടാ​ര​ത്തി​ലെ വേലയിൽ സഹായി​ക്കാ​നാ​യി ഈ ബന്ദിക​ളിൽ ചിലർ ലേവ്യർക്കു നൽക​പ്പെട്ടു.—എസ്രാ 8:20.

5. (എ) സങ്കീർത്തനം 68:18-ന്‌ ക്രിസ്‌തീയ സഭയിൽ ഒരു നിവൃത്തി ഉണ്ടെന്ന്‌ പൗലൊസ്‌ സൂചി​പ്പി​ക്കു​ന്നത്‌ എപ്രകാ​രം? (ബി) ഏതു വിധത്തി​ലാണ്‌ യേശു ‘ഉയരത്തിൽ കയറി​യത്‌’?

⁵ സങ്കീർത്ത​ന​ക്കാ​രന്റെ വാക്കു​കൾക്ക്‌ ക്രിസ്‌തീയ സഭയിൽ ഒരു വലിയ നിവൃത്തി ഉണ്ടെന്ന്‌ എഫെസ്യർക്കുള്ള ലേഖന​ത്തിൽ പൗലൊസ്‌ സൂചി​പ്പി​ക്കു​ന്നു. സങ്കീർത്തനം 68:18 പരാവർത്തനം ചെയ്‌തു​കൊണ്ട്‌ പൗലൊസ്‌ എഴുതു​ന്നു: “ക്രിസ്‌തു സൗജന്യ ദാനം അളന്നത്‌ അനുസ​രിച്ച്‌ ഇപ്പോൾ നമ്മിൽ ഓരോ​രു​ത്ത​നും അനർഹദയ ലഭിച്ചി​രി​ക്കു​ന്നു. അതു​കൊണ്ട്‌ അവൻ പറയുന്നു: ‘ഉയരത്തിൽ കയറി​യ​പ്പോൾ അവൻ ബന്ദികളെ പിടി​ച്ചു​കൊ​ണ്ടു പോയി; അവൻ മനുഷ്യ​രാം ദാനങ്ങളെ നൽകി.’” (എഫെസ്യർ 4:7, 8, NW) ദൈവ​ത്തി​ന്റെ പ്രതി​നി​ധി എന്ന നിലയിൽ യേശു​വിന്‌ പൗലൊസ്‌ ഈ സങ്കീർത്തനം ബാധക​മാ​ക്കു​ന്നു. തന്റെ വിശ്വസ്‌ത ഗതിയാൽ യേശു “ലോകത്തെ ജയിച്ച​ടക്കി.” (യോഹ​ന്നാൻ 16:33, NW) മാത്ര​വു​മല്ല, ദൈവം അവനെ മരിച്ച​വ​രു​ടെ ഇടയിൽനിന്ന്‌ ഉയിർപ്പി​ച്ച​തോ​ടെ അവൻ മരണത്തി​ന്റെ​യും സാത്താ​ന്റെ​യും മേൽ വിജയം വരിച്ചു. (പ്രവൃ​ത്തി​കൾ 2:24; എബ്രായർ 2:14) പൊ.യു. 33-ൽ, പുനരു​ത്ഥാ​നം പ്രാപിച്ച യേശു “സ്വർഗ്ഗാ​ധി​സ്വർഗ്ഗ​ത്തി​ന്നു മീതെ” കയറി, അതായത്‌ മറ്റെല്ലാ സ്വർഗീയ സൃഷ്ടി​ക​ളെ​ക്കാ​ളും ഉന്നതനാ​യി. (എഫെസ്യർ 4:9, 10; ഫിലി​പ്പി​യർ 2:9-11) ഒരു ജേതാവ്‌ എന്ന നിലയിൽ യേശു ശത്രു​ക്ക​ളു​ടെ ഇടയിൽനി​ന്നു “ബന്ദികളെ” പിടിച്ചു. അത്‌ എങ്ങനെ?

6. സ്വർഗാ​രോ​ഹണം ചെയ്‌ത യേശു പൊ.യു. 33 പെന്ത​ക്കോ​സ്‌തു മുതൽ സാത്താന്റെ ഭവനം കൊള്ള​യ​ടി​ച്ചു തുടങ്ങി​യത്‌ എങ്ങനെ, അവൻ “ബന്ദികളെ” എന്തു ചെയ്‌തു?

⁶ യേശു ഭൂമി​യിൽ ആയിരു​ന്ന​പ്പോൾ, ഭൂതങ്ങ​ളു​ടെ അധീന​ത​യിൽ ആയിരു​ന്ന​വരെ വിടു​വി​ച്ചു​കൊണ്ട്‌ സാത്താന്റെ മേലുള്ള തന്റെ അധികാ​രം പ്രകടി​പ്പി​ച്ചു. യേശു സാത്താന്റെ ഭവനം ആക്രമിച്ച്‌ അവനെ പിടി​ച്ചു​കെട്ടി അവന്റെ വസ്‌തു​വ​കകൾ പിടി​ച്ചെ​ടു​ത്തതു പോലെ ആയിരു​ന്നു അത്‌. (മത്തായി 12:22-29) പുനരു​ത്ഥാ​നം പ്രാപി​ക്കു​ക​യും ‘സ്വർഗ്ഗ​ത്തി​ലും ഭൂമി​യി​ലു​മുള്ള സകല അധികാ​ര​വും’ ലഭിക്കു​ക​യും ചെയ്‌തി​രി​ക്കുന്ന യേശു എത്രവ​ലിയ പിടി​ച്ചെ​ടു​ക്ക​ലാ​വും നടത്തു​ക​യെന്ന്‌ ഒന്നു സങ്കൽപ്പി​ച്ചു നോക്കൂ! (മത്തായി 28:18) സ്വർഗാ​രോ​ഹണം ചെയ്‌ത യേശു ദൈവ​ത്തി​ന്റെ പ്രതി​നി​ധി എന്ന നിലയിൽ ദീർഘ​കാ​ല​മാ​യി പാപത്തി​ന്റെ​യും മരണത്തി​ന്റെ​യും അടിമ​ത്ത​ത്തി​ലും സാത്താന്റെ നിയ​ന്ത്ര​ണ​ത്തി​ലും ആയിരുന്ന മാനുഷ ‘ബന്ദികളെ പിടി​ച്ചെ​ടു​ക്കുക’ വഴി, പൊ.യു. 33-ലെ പെന്ത​ക്കോ​സ്‌തു മുതൽ സാത്താന്റെ ഭവനം കൊള്ള​യ​ടി​ക്കാൻ തുടങ്ങി. ഈ ‘ബന്ദികൾ’ “ദൈ​വേഷ്ടം മനസ്സോ​ടെ ചെയ്‌തു”കൊണ്ട്‌ സ്വമന​സ്സാ​ലെ “ക്രിസ്‌തു​വി​ന്റെ ദാസൻമാ”രായി. (എഫെസ്യർ 6:6) ഫലത്തിൽ, യഹോ​വയെ പ്രതി​നി​ധീ​ക​രി​ച്ചു​കൊണ്ട്‌ യേശു അവരെ സാത്താന്റെ നിയ​ന്ത്ര​ണ​ത്തിൽ നിന്നു വിടു​വിച്ച്‌ സഭയ്‌ക്ക്‌ “മനുഷ്യ​രാം ദാനങ്ങ”ളായി നൽകി. തന്റെ കൺമു​മ്പിൽനിന്ന്‌ അവരെ പിടി​ച്ചെ​ടു​ത്ത​പ്പോൾ നിസ്സഹാ​യ​നായ സാത്താന്‌ ഉണ്ടായ ക്രോധം ഒന്നു സങ്കൽപ്പി​ച്ചു നോക്കൂ!

7. (എ) സഭയിൽ ‘മനുഷ്യ​രാം ദാനങ്ങൾ’ ഏതു വിധങ്ങ​ളിൽ സേവി​ക്കു​ന്നു? (ബി) മൂപ്പനാ​യി സേവി​ക്കുന്ന ഓരോ വ്യക്തി​ക്കും യഹോവ ഏത്‌ അവസരം നൽകി​യി​രി​ക്കു​ന്നു?

⁷ ഇന്ന്‌ സഭയിൽ അത്തരം “മനുഷ്യ​രാം ദാനങ്ങളെ” നാം കാണു​ന്നു​ണ്ടോ? തീർച്ച​യാ​യും! ദൈവ​ജ​ന​ത്തി​ന്റെ ഭൂവ്യാ​പ​ക​മാ​യുള്ള 87,000-ത്തിൽപ്പരം സഭകളിൽ ‘സുവി​ശേ​ഷ​കൻമാ​രാ​യും ഇടയൻമാ​രാ​യും ഉപദേ​ഷ്ടാ​ക്കൻമാ​രാ​യും’ കഠിനാ​ധ്വാ​നം ചെയ്‌തു​കൊണ്ട്‌ അവർ മൂപ്പന്മാർ എന്ന നിലയിൽ സേവി​ക്കു​ന്നതു നാം കാണുന്നു. (എഫെസ്യർ 4:11) മൂപ്പന്മാർ ആട്ടിൻകൂ​ട്ട​ത്തോ​ടു  മോശ​മാ​യി പെരു​മാ​റു​ന്നതു സാത്താന്‌ അങ്ങേയറ്റം സന്തോ​ഷ​മാ​യി​രി​ക്കും. എന്നാൽ ദൈവം അവരെ ക്രിസ്‌തു​വി​ലൂ​ടെ സഭയ്‌ക്കു നൽകി​യി​രി​ക്കു​ന്നത്‌ അതിനാ​യി​ട്ടല്ല. പകരം, സഭയുടെ ക്ഷേമത്തി​നു വേണ്ടി​യാണ്‌ യഹോവ ഈ മനുഷ്യ​രെ നൽകി​യി​രി​ക്കു​ന്നത്‌. തങ്ങളെ ഭരമേൽപ്പി​ച്ചി​രി​ക്കുന്ന ആടുക​ളു​ടെ കാര്യ​ത്തിൽ അവർ അവനോ​ടു കണക്കു ബോധി​പ്പി​ക്കേ​ണ്ട​താണ്‌. (എബ്രായർ 13:17) നിങ്ങൾ ഒരു മൂപ്പനാ​യി സേവി​ക്കു​ന്നെ​ങ്കിൽ, സഹോ​ദ​ര​ങ്ങൾക്കു നിങ്ങൾ ഒരു ദാനം അഥവാ അനു​ഗ്രഹം ആണെന്നു തെളി​യി​ക്കാ​നുള്ള അത്ഭുത​ക​ര​മായ ഒരു അവസരം യഹോവ നിങ്ങൾക്കു നൽകി​യി​രി​ക്കു​ന്നു. നാലു സുപ്ര​ധാന ഉത്തരവാ​ദി​ത്വ​ങ്ങൾ നിറ​വേ​റ്റി​ക്കൊണ്ട്‌ നിങ്ങൾക്ക്‌ അതു ചെയ്യാ​നാ​കും.

‘യഥാസ്ഥാ​ന​പ്പെ​ടു​ത്തൽ’ ആവശ്യ​മു​ള്ള​പ്പോൾ

8. ഏതു വിധങ്ങ​ളി​ലാ​ണു ചില​പ്പോ​ഴൊ​ക്കെ നമുക്ക്‌ എല്ലാവർക്കും യഥാസ്ഥാ​ന​പ്പെ​ടു​ത്തൽ ആവശ്യ​മാ​യി​രി​ക്കു​ന്നത്‌?

⁸ ഒന്നാമ​താ​യി, “വിശു​ദ്ധ​ന്മാ​രു​ടെ യഥാസ്ഥാ​ന​പ്പെ​ടു​ത്ത​ലി​നാ”യിട്ടാണ്‌ “മനുഷ്യ​രാം ദാനങ്ങളെ” നൽകി​യി​രി​ക്കു​ന്നത്‌ എന്നു പൗലൊസ്‌ പറയുന്നു. (എഫെസ്യർ 4:12, NW) ‘യഥാസ്ഥാ​ന​പ്പെ​ടു​ത്തൽ’ എന്നു പരിഭാ​ഷ​പ്പെ​ടു​ത്തി​യി​രി​ക്കുന്ന ഗ്രീക്കു നാമപദം എന്തി​നെ​യെ​ങ്കി​ലും “ശരിയായ സ്ഥാന​ത്തേക്കു കൊണ്ടു​വരു”ന്നതിനെ അർഥമാ​ക്കു​ന്നു. അപൂർണ മനുഷ്യർ എന്ന നിലയിൽ നമുക്ക്‌ എല്ലാവർക്കും ഇടയ്‌ക്കി​ടെ യഥാസ്ഥാ​ന​പ്പെ​ടു​ത്തൽ ആവശ്യ​മാണ്‌, അതായത്‌ നമ്മുടെ ചിന്ത​യെ​യോ മനോ​ഭാ​വ​ങ്ങ​ളെ​യോ നടത്ത​യെ​യോ ദൈവ​ത്തി​ന്റെ ചിന്ത​യോ​ടും ഹിത​ത്തോ​ടു​മുള്ള ബന്ധത്തിൽ “ശരിയായ സ്ഥാന​ത്തേക്കു കൊണ്ടുവ”രേണ്ടത്‌ ആവശ്യ​മാണ്‌. ആവശ്യ​മായ മാറ്റങ്ങൾ വരുത്താൻ നമ്മെ സഹായി​ക്കാ​നാ​യി യഹോവ സ്‌നേ​ഹ​പൂർവം “മനുഷ്യ​രാം ദാനങ്ങളെ” നൽകി​യി​രി​ക്കു​ന്നു. അവർ ഇത്‌ എങ്ങനെ​യാ​ണു ചെയ്യു​ന്നത്‌?

9. തെറ്റു ചെയ്‌ത ആടിനെ ഒരു മൂപ്പന്‌ എങ്ങനെ യഥാസ്ഥാ​ന​പ്പെ​ടു​ത്താൻ കഴിയും?

⁹ ചില​പ്പോൾ തെറ്റു ചെയ്‌ത, ഒരുപക്ഷേ അറിയാ​തെ ‘വല്ല തെറ്റി​ലും അകപ്പെ​ട്ടു​പോയ’ ഒരു ആടിനെ ഒരു മൂപ്പൻ സഹായി​ക്കേ​ണ്ടത്‌ ഉണ്ടായി​രി​ക്കാം. അദ്ദേഹ​ത്തിന്‌ എങ്ങനെ അതു ചെയ്യാ​നാ​കും? “അങ്ങനെ​യു​ള്ള​വനെ സൌമ്യ​ത​യു​ടെ ആത്മാവിൽ യഥാസ്ഥാ​ന​പ്പെ​ടു​ത്തു​വിൻ” എന്ന്‌ ഗലാത്യർ 6:1 പറയുന്നു. അതു​കൊണ്ട്‌, ഒരു മൂപ്പൻ ബുദ്ധി​യു​പ​ദേശം നൽകു​മ്പോൾ തെറ്റു ചെയ്‌ത ആളിനെ പരുക്കൻ വാക്കുകൾ ഉപയോ​ഗി​ച്ചു കഠിന​മാ​യി ശകാരി​ക്കില്ല. ബുദ്ധി​യു​പ​ദേശം, അതു സ്വീക​രി​ക്കുന്ന വ്യക്തിയെ പ്രോ​ത്സാ​ഹി​പ്പി​ക്കു​ന്നത്‌ ആയിരി​ക്കണം, അല്ലാതെ “പേടി​പ്പി​ക്കുന്ന”ത്‌ ആയിരി​ക്ക​രുത്‌. (2 കൊരി​ന്ത്യർ 10:9; ഇയ്യോബ്‌ 33:7 താരത​മ്യം ചെയ്യുക.) പ്രസ്‌തുത വ്യക്തിക്ക്‌ അപ്പോൾത്തന്നെ ലജ്ജ തോന്നു​ന്നു​ണ്ടാ​കണം. അതു​കൊണ്ട്‌, സ്‌നേ​ഹ​മുള്ള ഒരു ഇടയൻ വ്യക്തി​യു​ടെ ആത്മവീ​ര്യം കെടു​ത്തു​ക​യില്ല. ബുദ്ധി​യു​പ​ദേ​ശ​മോ ശക്തമായ ശാസന​പോ​ലു​മോ ശുദ്ധമായ ആന്തര​ത്തോ​ടെ​യും സ്‌നേ​ഹ​ത്തോ​ടെ​യും നൽക​പ്പെ​ടു​മ്പോൾ, അതു തെറ്റു ചെയ്‌ത വ്യക്തി​യു​ടെ ചിന്തയെ അല്ലെങ്കിൽ നടത്തയെ വീണ്ടും ശരിയായ ദിശയി​ലേക്കു കൊണ്ടു​വ​രി​ക​യും അങ്ങനെ ആ വ്യക്തി പുനഃ​സ്ഥി​തീ​ക​രി​ക്ക​പ്പെ​ടു​ക​യും ചെയ്‌തേ​ക്കാം.—2 തിമൊ​ഥെ​യൊസ്‌ 4:2.

10. മറ്റുള്ള​വരെ യഥാസ്ഥാ​ന​പ്പെ​ടു​ത്തു​ന്ന​തിൽ ഉൾപ്പെ​ട്ടി​രി​ക്കു​ന്നത്‌ എന്ത്‌?

¹⁰ നമ്മുടെ യഥാസ്ഥാ​ന​പ്പെ​ടു​ത്ത​ലി​നാ​യി “മനുഷ്യ​രാം ദാനങ്ങളെ” നൽകി​യ​പ്പോൾ യഹോ​വ​യു​ടെ ഉദ്ദേശ്യം അവർ ആത്മീയ നവോ​ന്മേഷം പകരു​ന്ന​വ​രും തന്റെ ജനത്തിന്‌ അനുക​രി​ക്കാൻ പറ്റിയ​വ​രും ആയിരി​ക്കണം എന്നായി​രു​ന്നു. (1 കൊരി​ന്ത്യർ 16:17, 18; ഫിലി​പ്പി​യർ 3:17) തെറ്റായ ഗതിയിൽ പോകു​ന്ന​വരെ തിരു​ത്തു​ന്നതു മാത്രമല്ല, ശരിയായ ഗതിയിൽ ഉറച്ചു​നിൽക്കാൻ വിശ്വ​സ്‌തരെ സഹായി​ക്കു​ന്ന​തും യഥാസ്ഥാ​ന​പ്പെ​ടു​ത്തു​ന്ന​തിൽ ഉൾപ്പെ​ട്ടി​രി​ക്കു​ന്നു. a ഇന്ന്‌, നമ്മെ നിരു​ത്സാ​ഹി​ത​രാ​ക്കാൻ പോന്ന ധാരാളം പ്രശ്‌നങ്ങൾ ഉള്ളതി​നാൽ ഉറച്ചു​നിൽക്കാൻ അനേകർക്കും പ്രോ​ത്സാ​ഹനം ആവശ്യ​മാണ്‌. തങ്ങളുടെ ചിന്തയെ ദൈവ​ത്തി​ന്റെ ചിന്തയു​മാ​യി യോജി​പ്പി​ലാ​ക്കാൻ ചിലർക്ക്‌ ആർദ്ര​മായ സഹായം ആവശ്യ​മു​ണ്ടാ​യി​രി​ക്കാം. ദൃഷ്ടാ​ന്ത​ത്തിന്‌, തങ്ങൾക്ക്‌ എന്തോ പോരാ​യ്‌മ​യോ അയോ​ഗ്യ​ത​യോ ഉണ്ടെന്നുള്ള രൂഢമൂ​ല​മായ വികാ​ര​ങ്ങ​ളു​മാ​യി ചില വിശ്വസ്‌ത ക്രിസ്‌ത്യാ​നി​കൾ മല്ലിടു​ന്നു. ദൈവ​ത്തിന്‌ തങ്ങളെ ഒരിക്ക​ലും സ്‌നേ​ഹി​ക്കാൻ കഴിയി​ല്ലെ​ന്നും അവനെ സേവി​ക്കാൻ തങ്ങൾ എത്ര ശ്രമി​ച്ചാ​ലും അത്‌ അവന്‌ ഒരിക്ക​ലും സ്വീകാ​ര്യ​മാ​യി​രി​ക്കി​ല്ലെ​ന്നും “വിഷാ​ദി​ത​രായ” അത്തരക്കാർ കരുതി​യേ​ക്കാം. (1 തെസ്സ​ലൊ​നീ​ക്യർ 5:14, NW) എന്നാൽ ഇത്തരം ചിന്താ​ഗതി, തന്റെ ആരാധ​കരെ കുറി​ച്ചുള്ള ദൈവ​ത്തി​ന്റെ യഥാർഥ വികാ​ര​ങ്ങ​ളു​മാ​യി യോജി​പ്പി​ലല്ല.

11. തങ്ങൾ അയോ​ഗ്യ​രാ​ണെന്ന ചിന്ത നിമിത്തം അസ്വസ്ഥ​രാ​കു​ന്ന​വരെ സഹായി​ക്കാൻ മൂപ്പന്മാർക്ക്‌ എന്തു ചെയ്യാ​നാ​കും?

¹¹ മൂപ്പന്മാ​രേ, അത്തരം ആളുകളെ സഹായി​ക്കാൻ നിങ്ങൾക്ക്‌ എന്തു ചെയ്യാ​നാ​കും? യഹോവ തന്റെ ഓരോ ദാസനു വേണ്ടി​യും കരുതു​ന്നു എന്നതി​നുള്ള തിരു​വെ​ഴു​ത്തു​പ​ര​മായ തെളിവ്‌ അവരു​മാ​യി ദയാപൂർവം പങ്കു​വെ​ക്കു​ക​യും പ്രസ്‌തുത ബൈബിൾ വാക്യങ്ങൾ അവർക്കു വ്യക്തി​പ​ര​മാ​യി ബാധക​മാ​കു​ന്നു​വെന്ന  വിശ്വാ​സം പകരു​ക​യും ചെയ്യുക. (ലൂക്കൊസ്‌ 12:6, 7, 24) തന്നെ സേവി​ക്കാൻ യഹോവ അവരെ “ആകർഷി​ച്ചി”രിക്കു​ന്ന​തി​നാൽ അവൻ അവരെ ഉറപ്പാ​യും മൂല്യ​മു​ള്ള​വ​രാ​യി കാണുന്നു എന്നു മനസ്സി​ലാ​ക്കാൻ അവരെ സഹായി​ക്കുക. (യോഹ​ന്നാൻ 6:44) അവർ ഒറ്റയ്‌ക്ക​ല്ലെന്ന്‌ ഉറപ്പു നൽകുക. യഹോ​വ​യു​ടെ അനേകം വിശ്വസ്‌ത ദാസർക്ക്‌ സമാന​മായ വികാ​രങ്ങൾ ഉണ്ടായി​രു​ന്നി​ട്ടുണ്ട്‌. ഒരിക്കൽ അങ്ങേയറ്റം വിഷാദ ചിത്തനായ ഏലീയാ പ്രവാ​ചകൻ മരിക്കാൻ ആഗ്രഹി​ച്ചു. (1 രാജാ​ക്ക​ന്മാർ 19:1-4) സ്വന്തം ഹൃദയം തങ്ങളെ “കുററം വിധി​ക്കുന്ന”തായി ഒന്നാം നൂറ്റാ​ണ്ടിൽ ചില അഭിഷിക്ത ക്രിസ്‌ത്യാ​നി​കൾക്കു തോന്നി. (1 യോഹ​ന്നാൻ 3:19) ബൈബിൾ കാലങ്ങ​ളി​ലെ വിശ്വ​സ്‌തർക്ക്‌ “നമ്മു​ടേതു പോലുള്ള വികാ​രങ്ങൾ” ഉണ്ടായി​രു​ന്നെന്ന്‌ അറിയു​ന്നത്‌ ആശ്വാ​സ​ദാ​യ​ക​മാണ്‌. (യാക്കോബ്‌ 5:17, NW) നിങ്ങൾക്കു വീക്ഷാ​ഗോ​പു​ര​ത്തി​ലെ​യും ഉണരുക!യിലെ​യും പ്രോ​ത്സാ​ഹ​ജ​ന​ക​മായ ലേഖനങ്ങൾ നിരാശ അനുഭ​വി​ക്കു​ന്ന​വ​രോട്‌ ഒപ്പം പുനര​വ​ലോ​കനം ചെയ്യാ​വു​ന്ന​തു​മാണ്‌. അത്തരം ആളുക​ളു​ടെ ആത്മവി​ശ്വാ​സം പുനഃ​സ്ഥാ​പി​ക്കാ​നുള്ള നിങ്ങളു​ടെ സ്‌നേ​ഹ​പൂർവ​ക​മായ ശ്രമങ്ങൾ “മനുഷ്യ​രാം ദാനങ്ങ”ളായി നിങ്ങളെ നൽകിയ ദൈവം ശ്രദ്ധി​ക്കാ​തി​രി​ക്കില്ല.—എബ്രായർ 6:10.

ആട്ടിൻകൂ​ട്ടത്തെ ‘കെട്ടു​പണി ചെയ്യൽ’

12. “ക്രിസ്‌തു​വി​ന്റെ ശരീരത്തെ കെട്ടു​പണി ചെയ്യുക” എന്ന പ്രയോ​ഗം എന്താണു സൂചി​പ്പി​ക്കു​ന്നത്‌, ആട്ടിൻകൂ​ട്ടത്തെ കെട്ടു​പണി ചെയ്യു​ന്ന​തി​ന്റെ താക്കോൽ എന്താണ്‌?

¹² രണ്ടാമ​താ​യി, “ക്രിസ്‌തു​വി​ന്റെ ശരീരത്തെ കെട്ടു​പണി ചെയ്യുക”യെന്ന ലക്ഷ്യ​ത്തോ​ടെ​യാണ്‌ “മനുഷ്യ​രാം ദാനങ്ങളെ” നൽകി​യി​രി​ക്കു​ന്നത്‌. (എഫെസ്യർ 4:12, NW) പൗലൊസ്‌ ഇവിടെ ഒരു ആലങ്കാ​രിക പ്രയോ​ഗം നടത്തു​ക​യാ​യി​രു​ന്നു. “കെട്ടു​പണി ചെയ്യുക” എന്നു പറയു​മ്പോൾ നിർമാണ പ്രവർത്ത​ന​മാ​ണു മനസ്സി​ലേക്കു വരുക. “ക്രിസ്‌തു​വി​ന്റെ ശരീര”മാണെ​ങ്കിൽ ആളുകളെ, അഭിഷിക്ത ക്രിസ്‌തീയ സഭയിലെ അംഗങ്ങളെ, പരാമർശി​ക്കു​ന്നു. (1 കൊരി​ന്ത്യർ 12:27; എഫെസ്യർ 5:23, 29, 30) ആത്മീയ​മാ​യി ശക്തരായി വളരാൻ മൂപ്പന്മാർ തങ്ങളുടെ സഹോ​ദ​ര​ങ്ങളെ സഹായി​ക്കേ​ണ്ട​തുണ്ട്‌. അവരുടെ ലക്ഷ്യം ആട്ടിൻകൂ​ട്ടത്തെ ‘ഇടിച്ചു​ക​ള​യുക’ എന്നതല്ല പിന്നെ​യോ ‘പണിയുക’ എന്നതാണ്‌. (2 കൊരി​ന്ത്യർ 10:8) ആട്ടിൻകൂ​ട്ടത്തെ കെട്ടു​പണി ചെയ്യാ​നുള്ള താക്കോൽ സ്‌നേ​ഹ​മാണ്‌, എന്തെന്നാൽ “സ്‌നേഹം കെട്ടു​പണി ചെയ്യുന്നു.”—1 കൊരി​ന്ത്യർ 8:1, NW.

13. സമാനു​ഭാ​വം ഉണ്ടായി​രി​ക്കുക എന്നാൽ എന്ത്‌, മൂപ്പന്മാർ സമാനു​ഭാ​വം കാണി​ക്കു​ന്നതു പ്രധാ​ന​മാ​യി​രി​ക്കു​ന്നത്‌ എന്തു​കൊണ്ട്‌?

¹³ ആട്ടിൻകൂ​ട്ടത്തെ കെട്ടു​പണി ചെയ്യാൻ മൂപ്പന്മാ​രെ സഹായി​ക്കുന്ന സ്‌നേ​ഹ​ത്തി​ന്റെ ഒരു വശമാണ്‌ സമാനു​ഭാ​വം. സമാനു​ഭാ​വം ഉണ്ടായി​രി​ക്കു​ക​യെ​ന്നാൽ മറ്റുള്ള​വ​രോ​ടു വികാ​ര​വാ​യ്‌പ്‌ ഉണ്ടായി​രി​ക്കുക, അവരുടെ പരിമി​തി​കൾ പരിഗ​ണി​ച്ചു​കൊണ്ട്‌ അവരുടെ വികാര വിചാ​രങ്ങൾ മനസ്സി​ലാ​ക്കുക എന്നാണ്‌. (1 പത്രൊസ്‌ 3:8) മൂപ്പന്മാർ സമാനു​ഭാ​വം ഉള്ളവരാ​യി​രി​ക്കു​ന്നതു പ്രധാനം ആയിരി​ക്കു​ന്നത്‌ എന്തു​കൊണ്ട്‌? “മനുഷ്യ​രാം ദാനങ്ങളെ” നൽകുന്ന യഹോവ സമാനു​ഭാ​വ​മുള്ള ദൈവ​മാണ്‌ എന്നതാണു മുഖ്യ കാരണം. തന്റെ ദാസന്മാർ ദുരി​ത​മോ വേദന​യോ അനുഭ​വി​ക്കു​മ്പോൾ അവന്‌ അവരോ​ടു വികാ​ര​വാ​യ്‌പു തോന്നു​ന്നു. (പുറപ്പാ​ടു 3:7; യെശയ്യാ​വു 63:9) നമ്മുടെ പരിമി​തി​കൾ സംബന്ധിച്ച്‌ അവനു പരിഗ​ണ​ന​യുണ്ട്‌. (സങ്കീർത്തനം 103:14) അപ്പോൾ, മൂപ്പന്മാർക്ക്‌ എങ്ങനെ​യാ​ണു സമാനു​ഭാ​വം കാണി​ക്കാൻ കഴിയുക?

14. മൂപ്പന്മാർക്ക്‌ ഏതു വിധങ്ങ​ളിൽ മറ്റുള്ള​വ​രോ​ടു സമാനു​ഭാ​വം കാട്ടാൻ കഴിയും?

¹⁴ നിരു​ത്സാ​ഹി​ത​നായ ഒരുവൻ മൂപ്പന്മാ​രെ സമീപി​ക്കു​മ്പോൾ അവർ ശ്രദ്ധി​ക്കു​ന്നു, ആ വ്യക്തി​യു​ടെ വികാ​ര​ങ്ങളെ മാനി​ക്കു​ന്നു. തങ്ങളുടെ സഹോ​ദ​ര​ങ്ങ​ളു​ടെ പശ്ചാത്ത​ല​വും വ്യക്തി​ത്വ​വും സാഹച​ര്യ​ങ്ങ​ളും മനസ്സി​ലാ​ക്കാൻ അവർ ശ്രമി​ക്കു​ന്നു. തുടർന്ന്‌, അവർ കെട്ടു​പണി ചെയ്യുന്ന തിരു​വെ​ഴു​ത്തു​പ​ര​മായ സഹായം നൽകു​മ്പോൾ അതു സ്വീക​രി​ക്കാൻ എളുപ്പ​മാ​ണെന്ന്‌ ആടുകൾ കണ്ടെത്തു​ന്നു. കാരണം, അവരെ ശരിക്കും മനസ്സി​ലാ​ക്കു​ക​യും അവർക്കു​വേണ്ടി കരുതു​ക​യും ചെയ്യുന്ന ഇടയന്മാ​രിൽ നിന്നാണ്‌ അതു വരുന്നത്‌. (സദൃശ​വാ​ക്യ​ങ്ങൾ 16:23) മറ്റുള്ള​വ​രു​ടെ പരിമി​തി​ക​ളും അവ മൂലം ഉളവാ​കുന്ന വികാ​ര​ങ്ങ​ളും പരിഗ​ണി​ക്കാ​നും സമാനു​ഭാ​വം മൂപ്പന്മാ​രെ പ്രേരി​പ്പി​ക്കു​ന്നു. ഉദാഹ​ര​ണ​ത്തിന്‌, ഒരുപക്ഷേ വാർധ​ക്യ​മോ അനാ​രോ​ഗ്യ​മോ നിമിത്തം ദൈവ​സേ​വ​ന​ത്തിൽ കൂടുതൽ ചെയ്യാൻ കഴിയാ​ത്തതു ഹേതു​വാ​യി മനസ്സാ​ക്ഷി​ബോ​ധ​മുള്ള ചില ക്രിസ്‌ത്യാ​നി​കൾക്കു കുറ്റ​ബോ​ധം തോന്നി​യേ​ക്കാം. ചിലർക്കാ​ണെ​ങ്കിൽ തങ്ങളുടെ ശുശ്രൂഷ മെച്ച​പ്പെ​ടു​ത്താൻ പ്രോ​ത്സാ​ഹനം ആവശ്യ​മാ​യി​രി​ക്കാം. (എബ്രായർ 5:12; 6:1) മറ്റുള്ള​വരെ കെട്ടു​പണി ചെയ്യുന്ന ‘ഇമ്പമാ​യുള്ള വാക്കുകൾ’ കണ്ടെത്താൻ സമാനു​ഭാ​വം മൂപ്പന്മാ​രെ പ്രേരി​പ്പി​ക്കും. (സഭാ​പ്ര​സം​ഗി 12:10) യഹോ​വ​യു​ടെ ആടുകളെ കെട്ടു​പണി ചെയ്യു​ക​യും പ്രചോ​ദി​പ്പി​ക്കു​ക​യും ചെയ്യു​മ്പോൾ, ദൈവ​സേ​വ​ന​ത്തിൽ ആകുന്ന​തെ​ല്ലാം ചെയ്യാൻ അവനോ​ടുള്ള സ്‌നേഹം അവരെ പ്രേരി​പ്പി​ക്കും!

ഐക്യം ഉന്നമി​പ്പി​ക്കുന്ന പുരു​ഷ​ന്മാർ

15. ‘വിശ്വാ​സ​ത്തി​ലെ ഐക്യത’ എന്ന പ്രയോ​ഗ​ത്തി​ന്റെ വിവക്ഷ എന്ത്‌?

¹⁵ മൂന്നാ​മ​താ​യി, ‘നാം എല്ലാവ​രും വിശ്വാ​സ​ത്തി​ലും ദൈവ​പു​ത്ര​നെ​ക്കു​റി​ച്ചുള്ള പരിജ്ഞാ​ന​ത്തി​ലു​മുള്ള ഐക്യത പ്രാപി​ക്കാ’നാണ്‌ “മനുഷ്യ​രാം ദാനങ്ങളെ” നൽകി​യി​രി​ക്കു​ന്നത്‌. (എഫെസ്യർ 4:12) ‘വിശ്വാ​സ​ത്തി​ലെ ഐക്യത’ എന്ന പ്രയോ​ഗം വിശ്വാ​സ​ങ്ങ​ളു​ടെ  മാത്രമല്ല വിശ്വാ​സി​ക​ളു​ടെ​യും ഐക്യത്തെ സൂചി​പ്പി​ക്കു​ന്നു. അപ്പോൾ, ദൈവം നമുക്ക്‌ “മനുഷ്യ​രാം ദാനങ്ങളെ” നൽകി​യി​രി​ക്കു​ന്ന​തി​ന്റെ മറ്റൊരു കാരണം അതാണ്‌—അവന്റെ ജനത്തി​നി​ട​യിൽ ഐക്യം ഉന്നമി​പ്പി​ക്കാൻ. അവർ എങ്ങനെ​യാണ്‌ അതു ചെയ്യു​ന്നത്‌?

16. മൂപ്പന്മാർ തങ്ങളുടെ ഇടയിൽത്തന്നെ ഐക്യം നിലനിർത്തേ​ണ്ടതു പ്രധാനം ആയിരി​ക്കു​ന്നത്‌ എന്തു​കൊണ്ട്‌?

¹⁶ ആദ്യമാ​യി, അവർ തങ്ങളുടെ ഇടയിൽത്തന്നെ ഐക്യം നിലനിർത്തണം. ഇടയന്മാർക്ക്‌ ഇടയിൽ ഭിന്നിപ്പ്‌ ഉണ്ടെങ്കിൽ ആടുകൾ അവഗണി​ക്ക​പ്പെ​ട്ടേ​ക്കാം. ആട്ടിൻകൂ​ട്ട​ത്തി​ന്മേൽ ഇടയവേല ചെയ്യാൻ ചെലവ​ഴി​ക്കാ​മാ​യി​രുന്ന വിലപ്പെട്ട സമയം നിസ്സാര കാര്യ​ങ്ങളെ ചൊല്ലി​യുള്ള നീണ്ട യോഗ​ങ്ങൾക്കും വാഗ്വാ​ദ​ങ്ങൾക്കും വേണ്ടി അനാവ​ശ്യ​മാ​യി വിനി​യോ​ഗി​ക്ക​പ്പെ​ട്ടേ​ക്കാം. (1 തിമൊ​ഥെ​യൊസ്‌ 2:8) മൂപ്പന്മാർ വളരെ വിഭിന്ന വ്യക്തി​ത്വ​ങ്ങ​ളു​ള്ളവർ ആയതി​നാൽ തങ്ങൾ ചർച്ച ചെയ്യുന്ന എല്ലാ കാര്യ​ങ്ങ​ളി​ലും അവർ താനേ യോജി​ക്ക​ണ​മെ​ന്നില്ല. അവർക്കു വ്യത്യസ്‌ത അഭി​പ്രാ​യങ്ങൾ ഉള്ളതോ, തുറന്ന മനസ്സോ​ടെ​യുള്ള ഒരു ചർച്ചയിൽ അവ സമചി​ത്ത​ത​യോ​ടെ പ്രകടി​പ്പി​ക്കു​ന്നതു പോലു​മോ ഐക്യ​ത്തിന്‌ എതിരല്ല. മുൻവി​ധി ഇല്ലാതെ, ആദര​വോ​ടെ അന്യോ​ന്യം ശ്രദ്ധി​ച്ചു​കൊണ്ട്‌ മൂപ്പന്മാർ തങ്ങളുടെ ഐക്യം കാത്തു​സൂ​ക്ഷി​ക്കു​ന്നു. ബൈബിൾ തത്ത്വങ്ങൾ ഒന്നും ലംഘി​ക്ക​പ്പെ​ടാത്ത പക്ഷം, മൂപ്പന്മാ​രു​ടെ സംഘത്തി​ന്റെ അന്തിമ തീരു​മാ​ന​ത്തി​നു വഴങ്ങാ​നും അതിനെ പിന്താ​ങ്ങാ​നും ഓരോ മൂപ്പനും മനസ്സൊ​രു​ക്കം ഉള്ളവനാ​യി​രി​ക്കണം. “സമാധാന”പരവും “ന്യായ​യുക്ത”വും [NW] ആയ “ഉയരത്തിൽനി​ന്നുള്ള ജ്ഞാന”ത്താലാണു തങ്ങൾ നയിക്ക​പ്പെ​ടു​ന്ന​തെന്ന്‌ അവരുടെ വഴക്കമുള്ള മനോ​ഭാ​വം പ്രകട​മാ​ക്കു​ന്നു.—യാക്കോബ്‌ 3:17, 18.

17. സഭയിൽ ഐക്യം കാത്തു​സൂ​ക്ഷി​ക്കാൻ മൂപ്പന്മാർക്ക്‌ എങ്ങനെ സഹായി​ക്കാ​നാ​കും?

¹⁷ സഭയിൽ ഐക്യം ഉന്നമി​പ്പി​ക്കാ​നും മൂപ്പന്മാർ ജാഗ്ര​ത​യു​ള്ള​വ​രാണ്‌. ഹാനി​ക​ര​മായ കുശു​കു​ശുപ്പ്‌, തെറ്റായ ലക്ഷ്യങ്ങൾ ആരോ​പി​ക്കാ​നുള്ള പ്രവണത, വഴക്കി​ടുന്ന മനോ​ഭാ​വം തുടങ്ങിയ ഭിന്നി​പ്പി​ക്കുന്ന സ്വാധീ​നങ്ങൾ സമാധാ​ന​ത്തി​നു ഭീഷണി​യാ​കു​മ്പോൾ അവർ സത്വരം സഹായ​ക​ര​മായ ബുദ്ധി​യു​പ​ദേശം നൽകുന്നു. (ഫിലി​പ്പി​യർ 2:2, 3) ദൃഷ്ടാ​ന്ത​ത്തിന്‌, അമിത​മാ​യി വിമർശി​ക്കു​ക​യോ മറ്റുള്ള​വ​രു​ടെ കാര്യ​ങ്ങ​ളിൽ അനാവ​ശ്യ​മാ​യി തലയി​ടു​ക​യോ ചെയ്യുന്ന സ്വഭാ​വ​ക്കാ​രെ കുറിച്ച്‌ മൂപ്പന്മാർ ജാഗ്ര​ത​യു​ള്ളവർ ആയിരു​ന്നേ​ക്കാം. (1 തിമൊ​ഥെ​യൊസ്‌ 5:13; 1 പത്രൊസ്‌ 4:15) ഇത്തരം പ്രവർത്തന ഗതി, ദൈവം നമ്മെ പഠിപ്പി​ച്ചി​രി​ക്കു​ന്ന​തി​നു വിരു​ദ്ധ​മാ​ണെ​ന്നും ‘ഓരോ​രു​ത്തൻ താന്താന്റെ ചുമടു ചുമ​ക്കേ​ണ്ടത്‌’ ആണെന്നും മനസ്സി​ലാ​ക്കാൻ മൂപ്പന്മാർ അവരെ സഹായി​ക്കും. (ഗലാത്യർ 6:5, 7; 1 തെസ്സ​ലൊ​നീ​ക്യർ 4:9-12) യഹോവ അനേകം കാര്യങ്ങൾ നമ്മുടെ വ്യക്തിഗത മനസ്സാ​ക്ഷി​ക്കു വിടു​ന്നെ​ന്നും അത്തരം കാര്യ​ങ്ങ​ളിൽ നാം ആരും മറ്റുള്ള​വരെ വിധി​ക്ക​രു​തെ​ന്നും തിരു​വെ​ഴു​ത്തു​കൾ ഉപയോ​ഗിച്ച്‌ അവർ വിശദീ​ക​രി​ക്കും. (മത്തായി 7:1, 2; യാക്കോബ്‌ 4:10-12) ഐക്യ​ത്തിൽ ഒത്തൊ​രു​മി​ച്ചു സേവി​ക്കു​ന്ന​തിന്‌, പരസ്‌പര വിശ്വാ​സ​വും ആദരവും കളിയാ​ടുന്ന ഒരു അന്തരീക്ഷം സഭയിൽ ഉണ്ടായി​രി​ക്കണം. ആവശ്യ​മു​ള്ള​പ്പോൾ തിരു​വെ​ഴു​ത്തു ബുദ്ധി​യു​പ​ദേശം നൽകി​ക്കൊണ്ട്‌ ‘മനുഷ്യ​രാം ദാനങ്ങൾ’ സമാധാ​ന​വും ഐക്യ​വും കാത്തു​സൂ​ക്ഷി​ക്കാൻ നമ്മെ സഹായി​ക്കു​ന്നു.—റോമർ 14:19.

ആട്ടിൻകൂ​ട്ടത്തെ സംരക്ഷി​ക്കൽ

18, 19. (എ) ‘മനുഷ്യ​രാം ദാനങ്ങൾ’ നമ്മെ ആരിൽനി​ന്നു സംരക്ഷി​ക്കു​ന്നു? (ബി) ആടുകളെ മറ്റ്‌ ഏത്‌ അപകട​ത്തിൽനി​ന്നും സംരക്ഷി​ക്കേ​ണ്ട​തുണ്ട്‌, ആടുകളെ സംരക്ഷി​ക്കാൻ മൂപ്പന്മാർ പ്രവർത്തി​ക്കു​ന്നത്‌ എങ്ങനെ?

¹⁸ നാലാ​മ​താ​യി, “മനുഷ്യ​രു​ടെ ചതിയാ​ലും ഉപായ​ത്താ​ലും തെററി​ച്ചു​ക​ള​യുന്ന തന്ത്രങ്ങ​ളിൽ കുടു​ങ്ങി​പ്പോ​കു​വാൻ തക്കവണ്ണം ഉപദേ​ശ​ത്തി​ന്റെ ഓരോ കാററി​നാൽ അലഞ്ഞു​ഴ​ലുന്ന”തിൽ നിന്നു നമ്മെ സംരക്ഷി​ക്കാ​നാ​ണു യഹോവ നമുക്ക്‌ “മനുഷ്യ​രാം ദാനങ്ങളെ” നൽകു​ന്നത്‌. (എഫെസ്യർ 4:14) “ചതി” എന്നതിന്റെ മൂല ഗ്രീക്കു പദം “ചൂതാ​ട്ട​ത്തി​ലെ വഞ്ചന”യെ അല്ലെങ്കിൽ “ചൂതാ​ട്ട​ത്തിൽ കൃത്രി​മം കാട്ടാ​നുള്ള സാമർഥ്യ”ത്തെ അർഥമാ​ക്കു​ന്നു​വെന്നു പറയ​പ്പെ​ടു​ന്നു. വിശ്വാ​സ​ത്യാ​ഗി​കൾ എത്ര കൗശല​പൂർവ​മാ​ണു പ്രവർത്തി​ക്കു​ന്ന​തെന്ന്‌ അതു നമ്മെ ഓർമി​പ്പി​ക്കു​ന്നി​ല്ലേ? സത്യ​ക്രി​സ്‌ത്യാ​നി​കളെ വശീക​രിച്ച്‌ വിശ്വാ​സ​ത്തിൽനിന്ന്‌ അകറ്റാ​നാ​യി അവർ കൗശല​പൂർവ​മായ വാദമു​ഖ​ങ്ങ​ളി​ലൂ​ടെ തിരു​വെ​ഴു​ത്തു​കളെ വളച്ചൊ​ടി​ക്കു​ന്നു. അത്തരം “കൊടിയ ചെന്നാ​യ്‌ക്കൾ”ക്കെതിരെ മൂപ്പന്മാർ ജാഗ്രത പാലി​ക്കണം!—പ്രവൃ​ത്തി​കൾ 20:29, 30.

¹⁹ യഹോ​വ​യു​ടെ ആടുകളെ മറ്റ്‌ അപകട​ങ്ങ​ളിൽ നിന്നും സംരക്ഷി​ക്കേ​ണ്ട​തുണ്ട്‌. പുരാ​ത​ന​കാല ഇടയനായ ദാവീദ്‌ തന്റെ പിതാ​വി​ന്റെ ആട്ടിൻകൂ​ട്ടത്തെ ഇരപി​ടി​യ​ന്മാ​രിൽനി​ന്നു സധീരം സംരക്ഷി​ച്ചു. (1 ശമൂവേൽ 17:34-36) യഹോ​വ​യു​ടെ ആടുകളെ, പ്രത്യേ​കി​ച്ചും ദുർബ​ലരെ, ദ്രോ​ഹി​ക്കു​ക​യോ ഞെരു​ക്കു​ക​യോ ചെയ്‌തേ​ക്കാ​വു​ന്ന​വ​രിൽ നിന്ന്‌ ആട്ടിൻകൂ​ട്ടത്തെ സംരക്ഷി​ക്കാൻ കരുത​ലുള്ള മൂപ്പന്മാർ ധീരത പ്രകട​മാ​ക്കേണ്ട അവസരങ്ങൾ ഇന്നും ഉളവാ​യേ​ക്കാം. ദുഷ്ടത ചെയ്യാ​നാ​യി തന്ത്രവും ചതിയും ഉപായ​വു​മൊ​ക്കെ പ്രവർത്തി​ക്കുന്ന മനപ്പൂർവ പാപി​കളെ സഭയിൽനി​ന്നു പുറത്താ​ക്കാൻ മൂപ്പന്മാർ അമാന്തി​ക്കില്ല. b—1 കൊരി​ന്ത്യർ 5:9-13; സങ്കീർത്തനം 101:7 താരത​മ്യം ചെയ്യുക.

20. “മനുഷ്യ​രാം ദാനങ്ങ”ളുടെ പരിപാ​ല​ന​ത്തിൽ നമുക്ക്‌ സുരക്ഷി​ത​ത്വം തോന്നാ​വു​ന്നത്‌ എന്തു​കൊണ്ട്‌?

²⁰ “മനുഷ്യ​രാം ദാനങ്ങളെ” പ്രതി നാം എത്ര നന്ദിയു​ള്ള​വ​രാണ്‌! അവരുടെ സ്‌നേ​ഹ​പൂർവ​ക​മായ കരുത​ലിൽ നമുക്കു സുരക്ഷി​ത​ത്വം തോന്നാൻ കഴിയും. കാരണം അവർ നമ്മെ ആർദ്ര​ത​യോ​ടെ യഥാസ്ഥാ​ന​പ്പെ​ടു​ത്തു​ന്നു, സ്‌നേ​ഹ​പൂർവം കെട്ടു​പണി ചെയ്യുന്നു, നമ്മുടെ ഐക്യം കാത്തു​സൂ​ക്ഷി​ക്കു​ന്നു, നമ്മെ സധീരം സംരക്ഷി​ക്കു​ന്നു. എന്നാൽ “മനുഷ്യ​രാം ദാനങ്ങൾ” സഭയിലെ തങ്ങളുടെ ധർമത്തെ എങ്ങനെ കാണണം? നാം അവരെ വിലമ​തി​ക്കു​ന്നു​വെന്ന്‌ നമുക്ക്‌ എങ്ങനെ പ്രകട​മാ​ക്കാൻ കഴിയും? ഈ ചോദ്യ​ങ്ങൾ അടുത്ത ലേഖന​ത്തിൽ ചർച്ച ചെയ്യു​ന്ന​താ​യി​രി​ക്കും.

[അടിക്കു​റി​പ്പു​കൾ]

നിങ്ങൾ ഓർമി​ക്കു​ന്നു​വോ?

□ ആരാണ്‌ ‘മനുഷ്യ​രാം ദാനങ്ങൾ,’ ദൈവം അവരെ ക്രിസ്‌തു​വി​ലൂ​ടെ സഭയ്‌ക്കു നൽകി​യി​രി​ക്കു​ന്നത്‌ എന്തു​കൊണ്ട്‌?

□ ആട്ടിൻകൂ​ട്ടത്തെ യഥാസ്ഥാ​ന​പ്പെ​ടു​ത്താ​നുള്ള ഉത്തരവാ​ദി​ത്വം മൂപ്പന്മാർ നിർവ​ഹി​ക്കു​ന്നത്‌ എങ്ങനെ?

□ തങ്ങളുടെ സഹവി​ശ്വാ​സി​കളെ കെട്ടു​പണി ചെയ്യു​ന്ന​തിന്‌ മൂപ്പന്മാർക്ക്‌ എന്തു ചെയ്യാൻ കഴിയും?

□ മൂപ്പന്മാർക്കു സഭയുടെ ഐക്യം കാത്തു​സൂ​ക്ഷി​ക്കാൻ കഴിയു​ന്നത്‌ എങ്ങനെ?

 [അധ്യയന ചോദ്യ​ങ്ങൾ]

 [10-ാം പേജിലെ ചിത്രം]

നിരാശിതരെ പ്രോ​ത്സാ​ഹി​പ്പി​ക്കാൻ സമാനു​ഭാ​വം മൂപ്പന്മാ​രെ സഹായി​ക്കു​ന്നു

[10-ാം പേജിലെ ചിത്രം]

മൂപ്പന്മാരുടെ ഇടയിലെ ഐക്യം സഭയിലെ ഐക്യത്തെ ഉന്നമി​പ്പി​ക്കു​ന്നു