പ്രാധാ​ന്യ​മർഹി​ക്കുന്ന സഹസ്രാ​ബ്ദ​ത്തി​നാ​യി തയ്യാ​റെ​ടു​ക്കുക!

ക്രിസ്‌തു​വി​ന്റെ ആയിര​വർഷ വാഴ്‌ച മനുഷ്യ കുടും​ബ​ത്തിന്‌ എണ്ണമറ്റ അനു​ഗ്ര​ഹങ്ങൾ കൈവ​രു​ത്തും. യേശു​വി​ന്റെ സ്‌നേ​ഹ​നിർഭ​ര​മായ മാർഗ​ദർശ​ന​ത്തിൻ കീഴിൽ മനുഷ്യ​വർഗം ഇന്നത്തെ പരിതാ​പ​ക​ര​മായ അവസ്ഥയിൽ നിന്നു മഹത്തായ പൂർണ​ത​യി​ലേക്ക്‌ ഉയർത്ത​പ്പെ​ടും. അതു നിങ്ങൾക്ക്‌ എന്ത്‌ അർഥമാ​ക്കി​യേ​ക്കാം എന്നു ചിന്തി​ച്ചു​നോ​ക്കൂ. തികഞ്ഞ ആരോ​ഗ്യം! ഓരോ ദിവസ​വും രാവിലെ, തലേ ദിവസ​ത്തെ​ക്കാൾ ഊർജ​സ്വ​ല​ത​യോ​ടെ എഴു​ന്നേൽക്കു​ന്നതു വിഭാവന ചെയ്യൂ. സന്തോ​ഷ​പ്ര​ദ​മായ ആ കാലത്തു ജീവി​ക്കു​ന്ന​തി​നു വേണ്ടി ദശലക്ഷ​ക്ക​ണ​ക്കി​നു സ്‌ത്രീ​പു​രു​ഷ​ന്മാ​രും കുട്ടി​ക​ളും നോക്കി​പ്പാർത്തി​രി​ക്കു​ന്നു. ഉറച്ച ബോധ്യ​ത്തോ​ടെ അവർ അതിനാ​യി കാത്തി​രി​ക്കു​ന്നു, അതിനാ​യി പ്രാർഥി​ക്കു​ന്നു. ആ അനു​ഗ്ര​ഹങ്ങൾ വ്യക്തി​പ​ര​മാ​യി തങ്ങൾക്ക്‌ ആസ്വദി​ക്കാ​നാ​കും എന്നു ബൈബിൾ പഠനം അവരെ ബോധ്യ​പ്പെ​ടു​ത്തി​യി​രി​ക്കു​ന്നു.

എന്നിരു​ന്നാ​ലും, ആയിര​വർഷ വാഴ്‌ച തുടങ്ങു​ന്ന​തി​നു മുമ്പ്‌, തന്റെ ഭരണത്തെ എതിർക്കുന്ന സകല​രെ​യും യേശു​ക്രി​സ്‌തു ഉന്മൂലനം ചെയ്യേ​ണ്ട​തുണ്ട്‌. ബൈബി​ളിൽ അർമ​ഗെ​ദോൻ എന്നു പേർ വിളി​ക്കുന്ന യുദ്ധത്തിൽ അവൻ അതു ചെയ്യും. (വെളി​പ്പാ​ടു 16:16, NW) ഭൂമി​യി​ലുള്ള യഥാർഥ ക്രിസ്‌ത്യാ​നി​കൾ ആ യുദ്ധത്തിൽ പോരാ​ടു​ക​യില്ല. അതു ദൈവ​ത്തി​ന്റെ യുദ്ധമാണ്‌. അത്‌ ഒരു പ്രത്യേക ഭൂപ്ര​ദേ​ശത്ത്‌ ഒതുങ്ങി​നിൽക്കു​ക​യില്ല, മറിച്ച്‌ അത്‌ ഒരു ആഗോള യുദ്ധം ആയിരി​ക്കും എന്നു ബൈബിൾ പറയുന്നു. ക്രിസ്‌തു​വി​ന്റെ ഭരണത്തെ എതിർക്കു​ന്നവർ ഛേദി​ക്ക​പ്പെ​ടും. അവരിൽ ആരും രക്ഷപ്പെ​ടു​ക​യില്ല!—യിരെ​മ്യാ​വു 25:33.

തുടർന്ന്‌ യേശു, പിശാ​ചായ സാത്താ​ന്റെ​യും അവന്റെ ഭൂതങ്ങ​ളു​ടെ​യും നേർക്കു തന്റെ ശ്രദ്ധ തിരി​ക്കും. വെളി​പ്പാ​ടു പുസ്‌ത​ക​ത്തി​ന്റെ എഴുത്തു​കാ​രൻ കണ്ട പിൻവ​രുന്ന രംഗം ഒന്നു വിഭാവന ചെയ്യൂ: “അനന്തരം ഒരു ദൂതൻ [യേശു​ക്രി​സ്‌തു] അഗാധ​ത്തി​ന്റെ താക്കോ​ലും ഒരു വലിയ ചങ്ങലയും കയ്യിൽ പിടി​ച്ചു​കൊ​ണ്ടു സ്വർഗ്ഗ​ത്തിൽനി​ന്നു ഇറങ്ങു​ന്നതു ഞാൻ കണ്ടു. അവൻ പിശാ​ചും സാത്താ​നും എന്നുള്ള പഴയ പാമ്പായ മഹാസർപ്പത്തെ പിടിച്ചു ആയിരം ആണ്ടേക്കു ചങ്ങലയി​ട്ടു.” (വെളി​പ്പാ​ടു 20:1, 2) പിന്നീട്‌, സാത്താ​നും അവന്റെ ഭൂതങ്ങ​ളും എന്നേക്കു​മാ​യി നശിപ്പി​ക്ക​പ്പെ​ടും.—മത്തായി 25:41.

‘ആർക്കും എണ്ണാനാ​കാത്ത ഒരു മഹാപു​രു​ഷാ​രം’ അർമ​ഗെ​ദോ​നെ അതിജീ​വി​ക്കും. (വെളി​പ്പാ​ടു 7:9) “ജീവജ​ല​ത്തി​ന്റെ ഉറവു​കളി”ൽ നിന്നു പൂർണ പ്രയോ​ജനം നേടേ​ണ്ട​തി​നു ക്രിസ്‌തു അവരെ നയിക്കും—ഒരു ഇടയൻ തന്റെ ആടുകളെ ജീവര​ക്ഷാ​ക​ര​മായ നീരു​റ​വ​ക​ളി​ലേക്കു നയിക്കു​ന്നതു പോ​ലെ​തന്നെ. (വെളി​പ്പാ​ടു 7:17) തങ്ങളുടെ ആത്മീയ പുരോ​ഗ​തി​ക്കു തടസ്സം വരുത്താൻ സാത്താ​നും ഭൂതങ്ങ​ളും ഇല്ലാത്ത ഈ ചുറ്റു​പാ​ടിൽ അർമ​ഗെ​ദോൻ അതിജീ​വകർ തങ്ങളുടെ പാപപൂർണ​മായ പ്രവണ​തകൾ തരണം ചെയ്‌തു പൂർണ​ത​യിൽ എത്തി​ച്ചേ​രാൻ ക്രമേണ സഹായി​ക്ക​പ്പെ​ടും!

 ക്രിസ്‌തു​വി​ന്റെ സ്‌നേ​ഹ​നിർഭ​ര​മായ ഭരണത്തിൻ കീഴിൽ, ജീവിത സാഹച​ര്യ​ങ്ങൾ പടിപ​ടി​യാ​യി മെച്ച​പ്പെ​ട്ടു​കൊ​ണ്ടി​രി​ക്കും. യഹോ​വ​യാം ദൈവം യേശു​ക്രി​സ്‌തു മുഖാ​ന്തരം, വേദന​യ്‌ക്കും ദുഃഖ​ത്തി​നു​മുള്ള സകല കാരണ​ങ്ങ​ളും നീക്കി​ക്ക​ള​യും. അവൻ “അവരുടെ കണ്ണിൽനി​ന്നു കണ്ണുനീർ എല്ലാം തുടെ​ച്ചു​ക​ള​യും. ഇനി മരണം ഉണ്ടാക​യില്ല; ദുഃഖ​വും മുറവി​ളി​യും കഷ്ടതയും ഇനി ഉണ്ടാക​യില്ല.” (വെളി​പ്പാ​ടു 21:4, 5) “അന്നു കുരു​ട​ന്മാ​രു​ടെ കണ്ണു തുറന്നു​വ​രും; ചെകി​ട​ന്മാ​രു​ടെ ചെവി അടഞ്ഞി​രി​ക്ക​യു​മില്ല. അന്നു മുടന്തൻ മാനി​നെ​പ്പോ​ലെ ചാടും; ഊമന്റെ നാവും ഉല്ലസിച്ചു ഘോഷി​ക്കും; മരുഭൂ​മി​യിൽ വെള്ളവും നിർജ്ജ​ന​പ്ര​ദേ​ശത്തു തോടു​ക​ളും പൊട്ടി പുറ​പ്പെ​ടും” എന്നു പറഞ്ഞു​കൊണ്ട്‌ യെശയ്യാ പ്രവാ​ചകൻ ചിത്രം കൂടുതൽ വ്യക്തമാ​ക്കു​ന്നു. (യെശയ്യാ​വു 35:5, 6) മാത്രമല്ല, മരിച്ചവർ “ആബാല​വൃ​ദ്ധം,” വീണ്ടും ഒരിക്ക​ലും മരി​ക്കേ​ണ്ട​തി​ല്ലാത്ത ജീവി​ത​ത്തി​ലേക്കു തിരി​ച്ചു​വ​രും!—വെളി​പ്പാ​ടു 20:12.

ഇപ്പോൾ പോലും, അർമ​ഗെ​ദോ​നെ അതിജീ​വി​ക്കാ​നി​രി​ക്കുന്ന “മഹാപു​രു​ഷാ​രം” കൂട്ടി​ച്ചേർക്ക​പ്പെ​ടു​ക​യാണ്‌. അവർ ക്രിസ്‌തു​വി​ന്റെ സഹസ്രാബ്ദ വാഴ്‌ച​യ്‌ക്കാ​യി തയ്യാറാ​യി​ക്കൊ​ണ്ടി​രി​ക്കു​ന്നു. ആ വാഴ്‌ച എന്നു തുടങ്ങു​മെന്ന്‌ അവർക്ക്‌ അറിയി​ല്ലെ​ങ്കി​ലും, ദൈവ​ത്തി​ന്റെ തക്ക സമയത്ത്‌ അത്‌ ആനയി​ക്ക​പ്പെ​ടും എന്ന്‌ അവർക്ക്‌ ഉറപ്പുണ്ട്‌. നിങ്ങൾക്കും അതിൽ ഒരാളാ​യി​രി​ക്കാ​നാ​കും, പക്ഷേ നിങ്ങൾ അതിനാ​യി തയ്യാറാ​കേ​ണ്ട​തുണ്ട്‌. നിങ്ങളു​ടെ വസ്‌തു​വ​കകൾ വിറ്റു മറ്റൊരു ഭൂപ്ര​ദേ​ശ​ത്തേക്കു മാറി​ത്താ​മ​സി​ച്ചു​കൊ​ണ്ടല്ല മറിച്ച്‌, ബൈബിൾ പഠനത്തി​ലൂ​ടെ യഹോ​വ​യാം ദൈവ​ത്തെ​യും അവന്റെ ഉദ്ദേശ്യ​ങ്ങ​ളെ​യും കുറിച്ചു സൂക്ഷ്‌മ​മായ അറിവു സമ്പാദി​ച്ചു​കൊ​ണ്ടാണ്‌ അതു ചെയ്യേ​ണ്ടത്‌. സൗജന്യ​മാ​യി, നിങ്ങൾക്കു യാതൊ​രു കടപ്പാ​ടും വരുത്താ​തെ, ബൈബി​ളി​ന്റെ പഠനം നിങ്ങൾക്കും കുടും​ബ​ത്തി​നും എങ്ങനെ പ്രയോ​ജനം ചെയ്യു​മെന്നു കാണിച്ചു തരാൻ യഹോ​വ​യു​ടെ സാക്ഷികൾ സന്തോ​ഷ​മു​ള്ള​വ​രാണ്‌. കൂടു​ത​ലായ വിവരങ്ങൾ ലഭ്യമാ​ക്കു​ന്ന​തിൽ ഈ മാസി​ക​യു​ടെ പ്രസാ​ധ​കർക്കു സന്തോ​ഷ​മേ​യു​ള്ളൂ.

[7-ാം പേജിലെ ചതുരം]

ആയിര​വർഷ വാഴ്‌ച—അക്ഷരീ​യ​മോ അതോ പ്രതീ​കാ​ത്മ​ക​മോ?

വെളി​പ്പാ​ടു പുസ്‌ത​ക​ത്തി​ന്റെ അധിക​ഭാ​ഗ​വും പ്രതീ​കാ​ത്മക ഭാഷയിൽ എഴുത​പ്പെ​ട്ടി​രി​ക്കു​ന്ന​തി​നാൽ ഒരു ചോദ്യം ഉയർന്നു​വ​രു​ന്നു. വെളി​പ്പാ​ടിൽ സൂചി​പ്പി​ച്ചി​രി​ക്കുന്ന, ക്രിസ്‌തു​വി​ന്റെ ആയിര​വർഷ വാഴ്‌ചയെ കുറി​ച്ചെന്ത്‌? അത്‌ അക്ഷരീയ കാലഘ​ട്ടത്തെ സൂചി​പ്പി​ക്കു​ന്നു​വോ അതോ പ്രതീ​കാ​ത്മക കാലഘ​ട്ടത്തെ സൂചി​പ്പി​ക്കു​ന്നു​വോ?

അക്ഷരീ​യ​മായ ആയിരം വർഷ കാലഘ​ട്ട​ത്തെ​യാണ്‌ അർഥമാ​ക്കി​യി​രി​ക്കു​ന്നത്‌ എന്നതിന്‌ എല്ലാവിധ സൂചന​ക​ളും ഉണ്ട്‌. ഇതു പരിചി​ന്തി​ക്കുക: മനുഷ്യ​വർഗത്തെ ന്യായം വിധി​ക്കുന്ന ക്രിസ്‌തു​വി​ന്റെ ആയിര​വർഷ വാഴ്‌ചയെ പൗലൊസ്‌ അപ്പൊ​സ്‌തലൻ ഒരു ദിവസം എന്ന്‌ പരാമർശി​ക്കു​ന്നു. (പ്രവൃ​ത്തി​കൾ 17:31; വെളി​പ്പാ​ടു 20:4) യഹോ​വ​യ്‌ക്ക്‌ ഒരു ദിവസം (24 മണിക്കൂർ) ആയിരം സംവത്സരം പോലെ ആണെന്നു പത്രൊസ്‌ അപ്പൊ​സ്‌തലൻ എഴുതി. (2 പത്രൊസ്‌ 3:8) തന്മൂലം, പ്രസ്‌തുത ന്യായ​വി​ധി “ദിവസം” അക്ഷരാർഥ​ത്തിൽ ആയിരം വർഷം ദീർഘി​ച്ചത്‌ ആയിരി​ക്കും എന്നു പറയാൻ ന്യായ​മായ കാരണ​ങ്ങ​ളുണ്ട്‌. കൂടാതെ, മൂല ഭാഷ അനുസ​രിച്ച്‌ വെളി​പ്പാ​ടു 20:3, 5-7-ൽ നാം നാലു തവണ കേവലം ‘ആയിരം ആണ്ട്‌’ എന്നല്ല മറിച്ച്‌, ‘ഈ ആയിരം ആണ്ട്‌’ എന്നു വായി​ക്കു​ന്നു. അത്‌ ഒരു സുനി​ശ്ചിത ദൈർഘ്യ​മുള്ള കാലഘ​ട്ടത്തെ സൂചി​പ്പി​ക്കു​ന്ന​താ​യി കാണ​പ്പെ​ടു​ന്നു.