പുനരു​ത്ഥാ​ന​ത്തെ​ക്കു​റി​ച്ചുള്ള ബൈബി​ളി​ന്‍റെ വാഗ്‌ദാ​നത്തിൽ നിങ്ങൾ വിശ്വ​സി​ക്കുന്നു​വോ? * മരി​ച്ചു​പോയ നമ്മുടെ പ്രി​യ​പ്പെട്ട​വരു​മായി വീണ്ടും കൂ​ടി​ച്ചേരുക എന്ന ആശയം പൊ​തു​വെ സ്വീ​കാ​ര്യമാണ്‌. പക്ഷേ ഇത്തരം ഒരു പ്രത്യാശ ഊട്ടി​വളർത്തു​ന്നത്‌ യാഥാർഥ്യത്തി​നു നിര​ക്കു​ന്നതാ​ണോ? ഇതിന്‌ ഉത്തരം കണ്ടെ​ത്തുന്ന​തിനു നമുക്കു യേശു​വി​ന്‍റെ അ​പ്പൊസ്‌ത​ലന്മാ​രുടെ മാതൃക പരി​ചിന്തി​ക്കാം.

അപ്പൊ​സ്‌ത​ല​ന്മാർക്ക് മരി​ച്ചവ​രുടെ പുന​രു​ത്ഥാന​ത്തിൽ ഉറച്ച​വിശ്വാ​സം ഉണ്ടാ​യി​രുന്നു. എന്തു​കൊണ്ട്? കുറഞ്ഞതു രണ്ടു കാ​രണങ്ങ​ളാൽ. ഒന്നാമത്‌, അവരുടെ പ്രത്യാശ മു​ഖ്യമാ​യി യേശു മരി​ച്ചവരിൽനിന്ന് ഉയിർപ്പി​ക്ക​പ്പെട്ടു എന്ന വസ്‌തു​തയെ അടി​സ്ഥാ​നമാ​ക്കിയാ​യി​രുന്നു. അപ്പൊസ്‌തല​ന്മാർ—‘ഒ​രേസമ​യത്ത്‌ അഞ്ഞൂ​റില​ധികം സഹോ​ദ​രന്മാ​രും’—പു​നരു​ത്ഥാനം പ്രാപിച്ച യേ​ശുവി​നെ കണ്ടു. (1 കൊരി​ന്ത്യർ 15:6) കൂടാതെ, നാലു സുവി​ശേഷങ്ങ​ളിൽ കാണു​ന്നതു​പോ​ലെ യേശു​വി​ന്‍റെ പു​നരു​ത്ഥാനം പരക്കെ അംഗീ​കരി​ക്ക​പ്പെട്ടി​രുന്നു.—മത്തായി 27:62–28:20; മർക്കോസ്‌ 16:1-8; ലൂ​ക്കോസ്‌ 24:1-53; യോ​ഹ​ന്നാൻ 20:1–21:25.

രണ്ടാമത്‌, അപ്പൊസ്‌തല​ന്മാർ യേശു നിർവ​ഹിച്ച മൂന്നു പുന​രുത്ഥാ​നങ്ങ​ളെങ്കി​ലും കണ്ടി​ട്ടുണ്ടാ​യി​രുന്നു. ആദ്യം നയിൻ പട്ട​ണത്തി​ലും പിന്നെ കഫർന്നഹൂ​മി​ലും ഒടുവിൽ ബെഥാ​ന്യ​യി​ലും. (ലൂ​ക്കോസ്‌ 7:11-17; 8:49-56; യോ​ഹ​ന്നാൻ 11:1-44) മേൽപ്പറഞ്ഞ​വയിൽ അവ​സാ​നത്തെ പു​നരു​ത്ഥാനം യേ​ശുവി​നു വളരെ അടു​പ്പ​മുള്ള ഒരു കു​ടും​ബം ഉൾപ്പെട്ടതാ​യി​രുന്നു. ഈ മാ​സിക​യുടെ പ്രാ​രം​ഭ​പേജു​കളിൽ ആ സംഭ​വത്തെ​ക്കുറി​ച്ചു പറ​ഞ്ഞിട്ടുണ്ട്. കൂടുതൽ വി​ശദാം​ശങ്ങൾ നമുക്കു പരി​ചിന്തി​ക്കാം.

“നിന്‍റെ സ​ഹോ​ദരൻ ഉയിർത്തെഴു​ന്നേൽക്കും.” യേശു മാർത്ത​യോടു പറ​ഞ്ഞതാണ്‌ ഈ വാക്കുകൾ. അവളുടെ സ​ഹോദ​രനായ ലാസർ മരി​ച്ചിട്ട് നാലു ദിവസം കഴി​ഞ്ഞി​രുന്നു. മാർത്ത​യ്‌ക്ക് ആദ്യം യേശു​വി​ന്‍റെ ഈ വാ​ക്കുക​ളുടെ അർഥം മനസ്സി​ലാ​യിരു​ന്നില്ല. “അവൻ ഉയിർത്തെഴു​ന്നേൽക്കു​മെന്ന് എനി​ക്കറി​യാം” എന്ന് അവൾ മറുപടി പറ​ഞ്ഞെങ്കി​ലും ആ സംഭവം ഭാ​വി​യിൽ എന്നോ നടക്കും എന്നേ അവൾ കരു​തിയി​രു​ന്നുള്ളു. “ഞാൻതന്നെ പുന​രു​ത്ഥാന​വും ജീവനും ആകുന്നു” എന്ന യേശു​വി​ന്‍റെ വാക്കുകൾ കേൾക്കു​കയും തുടർന്ന് അവൻ അവളുടെ സ​ഹോദ​രനെ മരി​ച്ചവരിൽനിന്ന് ഉയിർപ്പി​ച്ചതു കാ​ണുക​യും ചെയ്‌ത​പ്പോൾ അവൾക്കു​ണ്ടായ ആശ്ചര്യം ഒന്നു സങ്കൽപ്പി​ച്ചു നോക്കൂ!—യോ​ഹ​ന്നാൻ 11:23-25.

തന്‍റെ മരണ​ത്തെത്തു​ടർന്നുള്ള നാലു ദിവസം ലാസർ എവി​ടെയാ​യി​രുന്നു? ആ നാലു ദിവസം താൻ മറ്റെ​വി​ടെയോ ജീ​വി​ച്ചിരു​ന്നു​വെന്നു സൂ​ചിപ്പി​ക്കുന്ന രീ​തി​യിൽ ലാസർ യാ​തൊ​ന്നും പറഞ്ഞില്ല. സ്വർഗത്തി​ലേക്കു പോയ ഒരു അമർത്യാ​ത്മാവ്‌ ലാസ​റിനു​ണ്ടാ​യിരു​ന്നില്ല. ദൈവ​ത്തി​ന്‍റെ അടുത്ത്‌ സ്വർഗീയാ​നന്ദം ആസ്വ​ദി​ച്ചു​കഴി​യുക​യായി​രുന്ന ലാ​സറി​നെ ഭൂമി​യി​ലേക്കു തി​രിച്ചു​കൊ​ണ്ടു​വരി​കയാ​യിരു​ന്നില്ല യേശു അവനെ ഉയിർപ്പി​ച്ച​പ്പോൾ ചെയ്‌തത്‌. അങ്ങ​നെ​യെങ്കിൽ ആ നാലു ദിവസം ലാസർ എവി​ടെയാ​യി​രുന്നു? അതെ, അവൻ കല്ലറയിൽ ഗാ​ഢനി​ദ്ര​യിലാ​യി​രുന്നു.—സഭാ​പ്ര​സംഗി 9:5, 10.

മരണത്തെ ഒരു ഉറ​ക്കത്തോട്‌, അതായത്‌ പുന​രു​ത്ഥാന​ത്താൽ ഉണർത്താൻ കഴിയുന്ന ഒന്നി​നോട്‌, യേശു താ​രത​മ്യം ചെ​യ്യു​ന്നെന്ന് ഓർക്കുക. വിവരണം ഇങ്ങനെ പറയുന്നു:  ‘“നമ്മുടെ സ്‌നേഹി​തനായ ലാസർ വി​ശ്രമി​ക്കുക​യാണ്‌; അവനെ നി​ദ്രയിൽനിന്ന് ഉണർത്താൻ ഞാൻ അവി​ടേക്കു പോ​കു​ന്നു” എന്നു പറഞ്ഞു. അപ്പോൾ ശി​ഷ്യ​ന്മാർ അവ​നോട്‌, “കർത്താവേ, വി​ശ്രമി​ക്കുക​യാ​ണെങ്കിൽ അവൻ സുഖം പ്രാ​പി​ക്കും” എന്നു പറഞ്ഞു. യേ​ശു​വോ അവന്‍റെ മരണ​ത്തെക്കു​റി​ച്ചത്രേ പറഞ്ഞത്‌. എന്നാൽ ഉറങ്ങി​വി​ശ്രമി​ക്കു​ന്നതി​നെക്കു​റി​ച്ചാണ്‌ അവൻ പറ​ഞ്ഞ​തെന്ന് അവർ കരുതി. അപ്പോൾ യേശു അവ​രോ​ടു സ്‌പഷ്ടമാ​യി പറഞ്ഞു: “ലാസർ മരി​ച്ചു​പോയി.”’ (യോ​ഹ​ന്നാൻ 11:11-14) ലാ​സറി​നെ ഉയിർപ്പി​ച്ചു​കൊണ്ട് യേശു അവന്‍റെ ജീവൻ തിരികെ കൊ​ടു​ക്കുക​യും അവനെ വീണ്ടും സ്വ​ന്തകു​ടും​ബ​ത്തോട്‌ ചേർക്കു​കയും ചെയ്‌തു. ആ കുടും​ബ​ത്തിനു യേശു നൽകിയ എത്ര അമൂ​ല്യ​മായ സമ്മാനം!

ഭൂമി​യി​ലാ​യി​രു​ന്ന​പ്പോൾ യേശു നടത്തിയ പുന​രുത്ഥാ​നങ്ങൾ, ഭാ​വി​യിൽ അവൻ ദൈവ​രാ​ജ്യ​ത്തി​ന്‍റെ രാജാ​വാ​യിരി​ക്കു​മ്പോൾ എന്തു ചെയ്യും എന്നതിന്‍റെ ഒരു പൂർവവീ​ക്ഷണമാ​യി​രുന്നു. * സ്വർഗ​ത്തിലി​രു​ന്നു​കൊണ്ട് ഭൂ​മിയു​ടെ മേൽ ഭരണം നട​ത്തു​മ്പോൾ യേശു കല്ല​റകളി​ലുള്ള എല്ലാ​വ​രെയും ജീ​വനി​ലേക്കു വരുത്തും. അതു​കൊ​ണ്ടാണ്‌ അവൻ ഇങ്ങനെ പറഞ്ഞത്‌: ‘ഞാൻതന്നെ പു​നരു​ത്ഥാനം ആകുന്നു.’ നിങ്ങൾക്കു പ്രി​യങ്കര​രായ​വരെ വീണ്ടും കാ​ണു​മ്പോൾ ഉണ്ടാകുന്ന സന്തോഷം ഒന്ന് ഓർത്തു​നോക്കൂ! പു​നരു​ത്ഥാനം പ്രാ​പിക്കു​ന്നവ​രുടെ സ​ന്തോഷ​മോ?—ലൂ​ക്കോസ്‌ 8:56.

യേശു മാർത്ത​യോട്‌ പറഞ്ഞു, “എന്നിൽ വിശ്വ​സി​ക്കു​ന്നവൻ മരി​ച്ചാ​ലും ജീ​വി​ക്കും. ജീവി​ച്ചി​രുന്ന് എന്നിൽ വിശ്വ​സി​ക്കു​ന്നവൻ ഒരു​നാ​ളും മരി​ക്ക​യില്ല.” (യോ​ഹ​ന്നാൻ 11:25, 26) യേശു​വി​ന്‍റെ ആയി​രം​വർഷ വാഴ്‌ചക്കാ​ലത്ത്‌ അവൻ പുന​രു​ത്ഥാന​ത്തിൽ വരുത്തുന്ന ആളു​കൾക്ക് എക്കാ​ല​വും ജീ​വിക്കാ​നുള്ള അവസ​രമുണ്ടാ​യിരി​ക്കും—അവർ അവനിൽ യഥാർഥവി​ശ്വാ​സം പ്ര​കടി​പ്പിക്കു​ന്നി​ടത്തോ​ളം​കാലം.

പുനരു​ത്ഥാ​ന​ത്തെ​ക്കു​റി​ച്ചു ശ്ര​ദ്ധേയ​മായ ഈ കാര്യങ്ങൾ പറ​ഞ്ഞതി​നു ശേഷം യേശു മാർത്ത​യോട്‌ അവളുടെ ഹൃദയ​ത്തി​ലു​ള്ളത്‌ എന്താ​ണെന്ന് അറിയാൻ ഇങ്ങനെ ചോ​ദി​ച്ചു: “നീ ഇതു വിശ്വ​സി​ക്കുന്നു​വോ?” അതിന്‌ അവൾ അവ​നോട്‌, “ഉവ്വ് കർത്താവേ, ലോ​കത്തി​ലേക്കു വരാ​നി​രുന്ന ദൈ​വപു​ത്ര​നായ ക്രിസ്‌തു നീ​യാകു​ന്നു എന്നു ഞാൻ വിശ്വ​സി​ക്കുന്നു” എന്നു പറഞ്ഞു. (യോ​ഹ​ന്നാൻ 11:26, 27) നിങ്ങ​ളെ​ക്കുറിച്ച് എന്ത്? പുന​രു​ത്ഥാന​ത്തിൽ മാർത്തയ്‌ക്കു​ണ്ടാ​യിരു​ന്നതു​പോ​ലുള്ള വി​ശ്വാ​സം വളർത്തി​യെടു​ക്കാൻ നിങ്ങൾ ആഗ്ര​ഹിക്കു​ന്നു​വോ? മനു​ഷ്യ​വർഗത്തെ​ക്കുറി​ച്ചുള്ള ദൈ​വോ​ദ്ദേ​ശ്യം സം​ബന്ധി​ച്ചു പരി​ജ്ഞാ​നം നേടുക എന്നതാണ്‌ ആദ്യപടി. (യോ​ഹ​ന്നാൻ 17:3; 1 തിമൊ​ഥെ​യൊസ്‌ 2:4) അത്തരം പരി​ജ്ഞാന​ത്തിനു നമ്മെ വിശ്വാ​സ​ത്തി​ലേക്കു നയിക്കാൻ കഴിയും. ഈ വിഷ​യത്തെ​ക്കുറി​ച്ചു ബൈബിൾ എന്തു പറ​യു​ന്നെന്ന് അറിയാൻ യ​ഹോവ​യുടെ സാക്ഷി​ക​ളോടു ചോ​ദിക്കാ​നാ​കും. പു​നരു​ത്ഥാനം എന്ന അമൂ​ല്യ​വി​ഷയ​ത്തെക്കു​റിച്ചു നി​ങ്ങളു​മായി സം​സാരി​ക്കാൻ അവർക്കു സ​ന്തോ​ഷമേ ഉള്ളൂ. ▪ (w14-E 01/01)