Еховагийн Гэрчүүд долоо хоногт хоёр удаа цуглааны танхим гэж нэрлэдэг шүтлэгийн газартаа цуглаанаа явуулдаг. Тэнд юу болдог вэ? Чамд ямар ач тустай вэ?

•  Цуглааны танхимд юу болдог вэ?

•  Чи яагаад очих хэрэгтэй вэ?

•  Үе тэнгийнхэн чинь ямар бодолтой явдаг вэ?

 Цуглааны танхим бол Библийн боловсрол олгох газар юм. Чи цуглаанд очоод:

•   Бурханы тухай үнэнийг

•   өнөөгийн үйл явдлын цаад учир шалтгааныг

•   яавал илүү сайн хүн болохыг

•    хэрхэн жинхэнэ найзтай болохыг мэдэж авна.

 Чамд сонирхуулахад: Еховагийн Гэрчүүдийн цуглааны танхимд Бурхны Хаант төрийн тухай голлон хэлэлцдэг (Матай 6:9, 10; 24:14; Лук 4:43).

 Цуглаан дээр сурах зүйл чамд тус болно. Еховагийн Гэрчүүдийн цуглаан дээр хэлэлцдэг Библийн зарчмууд «мэргэн ухааныг ... олж авахад» чамд тусална (Сургаалт үгс 4:5). Өөрөөр хэлбэл амьдралдаа зөв шийдвэр гаргахад чинь Библи үнэхээр тусалдаг гэсэн үг. Мөн дараах чухал асуултуудын хариуг мэдэж авна.

•   Амьдралын утга учир юу вэ?

•   Биднийг зовж байгаад Бурхан буруутай юу?

•   Хүн үхээд яадаг вэ?

 Амралтын өдөр болдог цуглаан дээр тавигддаг илтгэлийн сэдвээс заримыг дурдвал:

•   Библийг яагаад удирдлага болгох хэрэгтэй вэ?

•   Хүнд хэцүү үед хаанаас тусламж авах вэ?

•   Бурхны Хаант төр одоо бидний төлөө юу хийж байна вэ? гэх зэрэг юм.

 «Манай ангийн хөвгүүн цуглаанд ирээд гэрийнхэнтэй маань хамт суусан. Бид нар номоо дундаа үзсэн. Хүмүүсийн хариултыг биширснээ цуглааны дараа надад хэлсэн юм. Сүм дээр нь манайх шиг судлах материал байдаггүй гэсэн»​—Брэнда.

 Чамд сонирхуулахад: Цуглаан үнэ төлбөргүй, аравны нэг хураадаггүй.

 Цуглаанд очвол чи урам зоригтой болно. Библид бичсэнээр, Есүсийн дагалдагчдын цуглах ёстой нэг шалтгаан нь «бие биеэ урамшуулах» юм (Еврей 10:24, 25). Амиа л боддог өнөөгийн нийгэмд Бурхан болон бусдыг хайрладаг хүмүүстэй нөхөрлөх нь сэтгэл сэргээдэг.

 «Орой их ядарчихсан, гунигтай үе байдаг. Тийм үед цуглаанд очоод найзуудтайгаа уулзахлаар сэтгэл гоё болчихдог. Харих замдаа бөөн баяр, эрч хүчтэй болчихсон байдаг»​—Элиса.

 Чамд сонирхуулахад: Дэлхий даяар 60000 гаруй танхимд Еховагийн Гэрчүүдийн 120000 гаруй хурал цуглаан явуулдаг. Цуглаанд ирэх хүний тоо нэмэгдэхийн хэрээр жил бүр дунджаар 1500 орчим цуглааны танхим баригддаг байна. a