Библийг уншаад утгыг нь сайн ойлгоход тустай багаж хэрэгсэл олон бий. Гэхдээ бидний зорилго бол зөвхөн мэдлэгээ тэлэх биш. Харин Еховагийн зан чанарын талаарх сайхан эрдэнэсийг олж мэдээд түүнийг илүү их хайрлахыг зорилго болгодог. Ингэхийн тулд өөрөөсөө «Сая уншсан зүйлээс Еховагийн тухай юу мэдэж болох вэ?» гэж асуугаарай.

Еховагийн гол чанарууд болох хайр, мэргэн ухаан, хүч, шударга ёсны талаар судлаарай. Гэхдээ Еховагийн чанарууд энэ дөрвөөр хязгаарлагдахгүй. Өөр зан чанаруудынх нь талаар хэрхэн судлах вэ?

«Еховагийн Гэрчүүдэд зориулсан судалгааны лавлах»-аас «Ехова Бурхан» гэсэн сэдвийг сонгоод, дараа нь «Еховагийн зан чанар» гэсэн дэд гарчгийг олоорой. Тэгээд тэндээс уншиж буй Библийн зүйлээсээ мэдэж авсан Еховагийн зан чанарыг олоод судлаарай.