Yamna thunamak Ishworna semba anouba leingak aduna prithibi pumbada sashan touragani. Matamduda prithibi asi meeoiba khudingmakna nungsi channana leiminnaba mapham ama oiragani. Aduga mee khudingmakna aphaba amasung nungainingai oiba thabak ngakta tougani. Ishworna Jishu Christabu prithibi pumbagi mathakta sashan tounaba leingakpa oina khangatle. Mahakti ngasi palliba leingakpasing asigumna oide. Mahakti meeoibasinggi apamba khangbiba amasung makhoigi phanabata khanbiba leingakpani. Mahakki leingakti nungsibada yumpham oigani. Mahakti thoujal heiba, meenungsi chaoba amasung achumba touba leingakpa oigani.—Jishaiya 11:4

Anouba taibangpandudadi meeoibasinggi marakta lam amasung jat kuchuna maram oiraga tokhai tokhai tanaba haibadu leiraroi. Meeoibasinggi marakta apunbagi saktam leiragani. (Phongdokpiba 7:9, 10) Prithibida hingliba meeoiba khudingmakna Ishworbu nungsiba amasung makhoi masen amaga amaga nungsinaba haibadu oiragani. Aduga makhoi khudingmakna ingthana amasung amatta oina thabak tougani. Asumna Ishworna ahanbada thambikhiba prithibi asibu phajaraba mapham ama oihanba amasung masibu ngak selhanbagi pandam adu makhoina mapung phahallagani.—Thagat Ishei 115:16

Ishworgi Leingakna prithibisida sashan tourakpa matam adudadi Sembiba Mapu masamakna mahousagi oina thokpa amang atagi thoudoksing leihallaroi amasung ising, nungsit, aying asa, nongju nungsagi khalsu kaihandana thambiragani. (Thagat Ishei 24:1, 2) Masi oithokkani haibasi Jishuna prithibida leiringei matamda utlammi. Ishworna pibiba panggalna Jishuna samudragi imaida hourakkhiba akiba phanglaba nonglei nungsit amabu irai laina phahankhi. (Mark 4:39, 41) Maram asina, Jishuna Ningthou oina panba matam adudadi mahousagi oiba khudongthiba thoudoksing thokkani haibagi kiningai oidre. Matam adudadi Ishworna thambikhiba pandam matunginna, meeoibasingga sa-ngasingga phaoba nungsi channana leiminnaragani.—Hosiya 2:18

Meeoiba khudingmak hakchang phana leigani. Kanamatta naba, ahal oirakpa amasung siba haibadu leiraroi. (Jishaiya 35:5, 6) Prithibi asi ahanba meeoiba matei manao aduna leiramba Edengi ingkholgumna luba nanba amasung phajaraba mapham ama oiragani. Maphamduda meeoiba khudingmakna nungaina leiba phanggani. Aduga hairiba anouba taibangpan adudadi pothok chathok marang kaigani amasung chana thaknabagi awatpa leiroi. (Meihouron 2:9) Mamangeigi matamda meesingda chana thaknabagi awat apa leihankhidabagum anouba taibangpandudasu Ishworna awatpa amatta leihallaroi.—Levising 26:4, 5

Ishworgi leingak adugi makhadadi meeoibasinggi marakta shanti leiba amasung makhoi amaga amaga nungsi channana leiminnaba haibadu oiragani. Makhoi masen amana amabu namthanaba hotnaba nattraga laan tounaba haibasu leiraroi. Ishworna meeoiba khudingmakki darkar oibasingdu pibigani. Maramdi Bibleda mahakna asumna washakli: “Makhoi mee khudingna magi magi anggur pambi makhada amasung magi magi heiyit pambi makhada phamthagani, kana amatana makhoibu kihalloi.”—Mica 4:3, 4

Mee amattana leipham leiroi haibagi awaba leiraroi maramdi meepum khudingmakki masagi yum leigani. Aduga makhoina su-nomjabagi mahei makhoina chagani. Maramdi Biblegi matunginna, Ishworna pubirakkadouriba anouba taibangpan aduda leiba meeoi amattana “arembada nomloi” haina khanghalli.—Jishaiya 65:21-23

Bibleda asumna hairi: “Malem asi Jehovahgi maramda wakhal tabana thangani” haibadi Jehovahgi lousing gyanna thangani.(Jishaiya 11:9) Pumnamakki Sembiba Mapu Jehovahna khwaidagi lousing leibani. Aduna anouba taibangpan adudadi meeoiba khudingmakna mahakki maphamdagi tamjaba phanggani. Adudasu nattana mahakna sembikhiba phajaraba khutsemsinggi maramdasu tamjaba phanggani. Makhoina phangjaba lousingdu laangi khutsu khutlai saba amasung atoppasinggi mangnaba thabak toubada sijinnaroi.(Jishaiya 2:4) Madugi mahutta makhoi masen ingthana leiminnaduna, prithibi asibu phajaraba mapham ama oihanduna masibu ngak senbagi thabaksing punna touminnagani.—Thagat Ishei 37:11

Ishworna prithibisi meeoibasingna nungaina hingnaba haiduna yamna cheksinna amasung phajana sembikhibani. Meeoibasingna prithibi asida matam chuppagi oina hingduna leiba haibasi mahakna pamkhi. (Thagat Ishei 37:29; Jishaiya 45:18) Hairiba mahakna ahoubada thamkhiba pandam adu thunghannabagidamak Ishworna “asibabu matam pumnamakki oina yotsingani.” (Jishaiya 25:8) Bibleda Ishworna asumnasu washakli, “amuk hanna siba, waba, tengthaba, kappa amasung naba leiraroi.” (Phongdokpiba 21:4) Phattaba taibangpan asi manghanba matamda Ishworna kanbihouba meeoising aduna lakkadouriba anouba taibangpan aduda matam chuppagi oina hingba phangjagani. Adudasu nattana Ishworna masing yamlaba leikhidraba meeoi kayabusu amuk hanna hinggathanbiduna lomba naidana hingjanaba tanja pibigani.—Johan 5:28, 29; Pakhonchatpasinggi Thabak 24:15

 Houjik houjiksu prithibi pumbada meeoi lakh kayaromna yamna thuna lakkadouraba anouba taibangpan aduda hingba phangnabagidamak sem sari. Makhoina Ishwor Jehovah amasung mahakna thabirakkhiba Jishu Christagi maramda phajana khangnaba hotnei. Makhoina mapungphadaba meeoiba oirabasu anouba taibangpan aduda hingba phangnabagidamak Ishworna makhoibu karamba meesaksing oihanningbage haibadu khangnaba amasung oinaba hotnari.—Johan 17:3

Nahaksu ngasigi taibangpansigi aroiba lakpa matamda hinghouba aduga yamna thuna lakkadouraba anouba taibangpan aduda hingba soidana pamgani. Masigi matangda henna khangnabagidamak Jehovahgi Sakhisingga tannabiyu. Makhoina nahakka loinana Matam Chuppagi Oina Nungaina Hingjou! (English) hairiba lairik asi sijinnaduna Bibleda iramliba waphamsing asigi maramda khanna neinaminnabada yamna haraojagani.Madugidamak mamal tingba leite.