“মরমদি নঙোন্দা হিংবগী ঈফুৎ লৈ।”—থাগৎ ঈশৈ ৩৬:৯

পুন্সিবু মমল লৈনা লৌজৈ হায়বসি করম্না উৎকনি?

• পাখোনচৎপশিংগী থবক ১৭:২৮; ফোংদোকপিবা ৪:১১

  পুন্সি হায়বসি ঈশ্বর যেহোবাগী মমল য়াম্লবা খুদোলনি। মরম অসিনা, ঐখোয়না মসিবু মমল লৈনা লৌজগদবনি।

• খোঙশানবা ২১:২২, ২৩; অনীশুবা ৱায়েন ৫:১৭

  মী হাৎপা অমসুং অঙাং য়ৈথবা হায়বসি লাল্লি।

• ১ যোহান ৩:১১, ১২, ১৫

  অতোপ্পবু য়েংথিবা হায়বসি লাল্লি।

• ২ কোরিন্থীয়া ৭:১

  ফত্তবা হৈনবীশিং, খুদম ওইনা চুরুপ থকপা অমসুং নিশা চাবনচিংবা তৌরোইদবনি।

• থাগৎ ঈশৈ ১১:৫

  শাথীবা মওংগী হরাও কুম্মৈ অমসুং শান্ন-খোৎনবশিংদা য়াওরোইদবনি।

“মরমদি জিব পূম্নমক্কী হিংবদি মশাগী ঈদনি। মশাগী ঈদু মশাগী হিংবনি।”—লেবীশিং ১৭:১৪

ঈ অমসুং পুন্সিগী মতাংদা ঈশ্বরনা করি হায়রম্বগে?

• মৈহৌরোন ৪:১০; অনীশুবা ৱায়েন ১২:২৩

  ঈ হায়বসি পুন্সিগা চাংদম্নৈ।

• মৈহৌরোন ৯:৩, ৪

  ঐখোয়না শা চাবা য়াই। অদুবু শাদুগী ঈদি চারোইদবনি।

• পাখোনচৎপশিংগী থবক ১৫:২৮, ২৯; ২১:২৫

  ঈশ্বরনা ঈদগী লাপথোকউ হায়রিবা য়াথং অসিদা, ঐখোয়না অনা লায়েংগী মতাংদা ঈ কাপ্পসু চিংই।

• হিব্রু ১১:৬

  ঐখোয়গী পুন্সিদা খ্বাইদগী মরুওইরিবসি যেহোবাগা ঐখোয়গা লৈনবা মরী অদুনি।

“যীশু খৃষ্টগী ঈনা পাপ পূম্নমক্তগী ঐখোয়বু শেংদোকপি।”—১ যোহান ১:৭

যীশুনা পুন্সি কত্থোকপিখিবা অদুনা ঐখোয়দা করম্না কান্নবা পীবগে?

• লেবীশিং ১৭:১১

  মমাঙঙৈদা, ইস্রায়েল মচাশিংনা পাপ তৌখিবা মতমদা, মখোয়না যেহোবাদা ঙাকপিনবা হায়জবা য়ারম্মী। মদুগীদমক মখোয়না শা অমা কত্তুনা, পুরোহিত্তা শাদুগী ঈ খরা লাৎনপুংদা চাইথোকহল্লম্মী।

• মাত্থি ২০:২৮; হিব্রু ৯:১১-১৪

  যীশুনা পৃথিবীদা লাক্তুনা, ঐখোয়গী পাপশিং কোকপিনবা মহাক্কী ঈ, হায়বদি মহাক্কী পুন্সি কত্থোকপিখি। মদুনা হান্নগী শা কৎপগী নিয়ম অদুগী মহুৎ শিনখ্রে।

• যোহান ৩:১৬

  যীশুগী পুন্সি অসি মমল য়াম্না য়াম্মী। মদুমক্না, যীশুবু অমুক হিংগৎহনদুনা স্বর্গদা পুবিখ্রবা মতুংদা যেহোবানা, যীশুদা থাজবা মীওই খুদিংমক্তা লোম্বা নাইদনা হিংবগী খুদোংচাবা পীবিখি।