“মরমদি হিংবা য়ৌনবা থোঙ অদু খুই অমসুং লম্বী অদু চপ্পী, অদুগা মদু ফংবা মী য়ামদে।”—মাত্থি ৭:১৪

লাইনীং-লাইশোল খুদিংমক ঈশ্বরনা য়াবা ওইদে হায়বসি করম্না খঙগনি?

• মাত্থি ৭:২১-২৩

  ধর্ম্ম খুদিংমক ঈশ্বরনা য়াবা ওইদে। মরমদি ধর্ম্ম অয়াম্বনা ঈশ্বরগী অপাম্বা তৌদে।

• মাত্থি ৭:১৩, ১৪

  অচুম্বা লাইনীং-লাইশোলনা লোম্বা নাইদবা পুন্সি ফংহনগনি। অরানবা লাইনীং-লাইশোলনা লোম্বা নাইদবা মাঙ তাকপদা তাহনগনি।

• মাত্থি ৭:১৬, ১৭

অচুম্বা লাইনীং-লাইশোল হায়বসি মদুবু ইনজরিবা মীশিংনা তৌথোরকপা থবক্তগী খঙগনি। মসিগী মতাংদা ধর্ম্ম খুদিংমক্কী মরমদা নৈনরুদ্রবসু, বাইবলনা তাক্লিবশিং অসি নৈনবা য়াই।

• ১ থেসালোনিকীয়া ২:১৩; ২ তীমোথি ৩:১৬, ১৭

  বাইবলদা য়াওরিবশিং অসি খক্তা থাজগদবনি অমসুং তম্বীগদবনি।

• মাত্থি ৪:১০; যোহান ১৭:৬

  ঈশ্বর যেহোবাবু নীংজগদবনি অমসুং মহাক্কী মিং শিজিন্নগদবনি।

• যোহান ১৩:৩৫

  অমগা অমগা নুংশিনগদবনি।

• যোহান ৩:৩৬; পাখোনচৎপশিংগী থবক ৪:১২

  যীশুগী য়াথং ইনগদবনি। মরমদি ঈশ্বরনা ঐখোয়বু যীশুগী মপান্না কনবিগনি।

• যোহান ১৮:৩৬; পাখোনচৎপশিংগী থবক ৫:২৯

  রাজনীতিগী থবকশিংদা য়াওরোইদবনি।

• মাত্থি ২৪:১৪; ৬:১০

  ঐখোয়গী সমস্যাশিং ঈশ্বরগী নিংথৌলৈবাক খক্তনা কোকহনগনি হায়বসি অতোপ্পশিংদা খঙহনগদবনি।

ঐখোয়না ঈশ্বর নীংজবা মওং অসি ঈশ্বরনা য়াবিনবা, ঐখোয়না করি তৌবা তাই?

• যাকোব ২:১৯

  ঈশ্বরদা থাজৈ হায়বা খক্তনা য়াদে। অদুবু ঈশ্বরনা বাইবলদা তাকপীরম্লিবশিং অসি ইল্লগা চৎকদবনি।

• যিশাইয়া ৫২:১১; ফোংদোকপিবা ১৭:৫

  “অচৌবা বাবিলোন” হায়নসু খঙনবা অরানবা ধর্ম্মনদি, মীশিংদা ঈশ্বরনা য়াদবা মওংগী লাইনীং-লাইশোলশিং তৌনবা তাকপী তম্বী। অরানবা ধর্ম্মনা থৱায় শিবা নাইদে, ঈশ্বরদি মীওই অহুম্না পুন্বনি (ত্রিনিতি) অমসুং নোরোক্তা মীশিংবু লাক্নৈ হায়বনচিংবা কয়া তম্বী।

• ফোংদোকপিবা ১৮:৪, ৮

  যেহোবানা অরানবা ধর্ম্ম খুদিংমক থুনমক মাঙহল্লগনি। অরানবা ধর্ম্মগা মরী লৈনবা খুদিংমক্তগী লাপথোক্কদবনি।

• মার্ক ১০:২৮-৩০

  ঐখোয়গী মাইয়োক্তা অথিঙবা কয়া লাকপা য়াই। অদুবু ঈশ্বর যেহোবানদি ঐখোয়বু থাদোকপিরোই।