“নহাক্কী নিংথৌ লৈবাক লাকসনু। স্বর্গদা নহাক্কী নিংবা তৌবগুম্না মালেমদসু তৌসনু।”—মাত্থি ৬:৯-১৩

ঈশ্বরগী নিংথৌলৈবাক করিনো?

• ফোংদোকপিবা ১১:১৫

  ঈশ্বরগী নিংথৌলৈবাক নত্রগা লৈঙাক্না স্বর্গদগী পৃথিবীদা শাসন তৌগনি।

• ১ তীমোথি ৬:১৫

  ঈশ্বরগী নিংথৌলৈবাক্কী নিংথৌদি যীশুনি।

• ফোংদোকপিবা ১৪:১, ৪

  মীওই ১,৪৪,০০০না স্বর্গদা চত্তুনা যীশুগা শাসন তৌমিন্নগনি।

• হিব্রু ৪:১৫; ৫:৮

  যীশু অমসুং মীওই ১,৪৪,০০০ অসিনা ঐখোয়দা ফাওবা ৱাখল্লোন অমসুং ঐখোয়না থেংনবা নুংঙাইতবা পুম্নমক খঙই।

“মহাক্না লাইরবশিংবু ধর্ম্মচেন্না ৱায়েনগনি।”—যিশাইয়া ১১:৪

ঈশ্বরগী নিংথৌলৈবাক্কী খ্বাইদগী ফাবা নিংথৌদি যীশুনি হায়রিবা করিগীনো?

• ১ তীমোথি ৬:১৬

  তাইবংপানগী লৈঙাকপা খুদিংমক শিবা নাই। অদুবু যীশুদি কৈদৌঙৈদা শিবা নাইরোই। মহাক্না ঐখোয়গীদমক তৌবিবা অফবা খুদিংমক মতম চুপ্পগী ওইনা লৈগনি।

• যিশাইয়া ১১:২-৪

  তাইবংপানগী লৈঙাকপা অমত্তনা তৌবা ঙমদবা অফবা থবক কয়া যীশুনা তৌবা ঙম্মী। মহাক্না তৌবা ঙম্বা অদুগুম্না তাইবংপানগী লৈঙাকপা খুদিংমক্না পুনশিল্লবসু তৌবা ঙমলোই। মহাক্তি ধর্ম্মচেনবা অমসুং থৌজাল হৈবনি।

“স্বর্গগী ঈশ্বরনা কৈদৌঙৈদসু মাঙলরোইদবা নিংথৌ লৈবাক অমা লিংখৎকনি।”—দানিয়েল ২:৪৪

ঈশ্বরগী নিংথৌলৈবাক্না করি করি তৌখ্রবগে? নিংথৌলৈবাক অসিনা তুংদা করি তৌরক্কনি?

• ফোংদোকপিবা ১২:৭-১২

  শোক ১৯১৪দা, যীশুনা নিংথৌ ওইবদগী সৈতানবু স্বর্গদগী পৃথিবীদা লংথরকখি। মরম অসিনা পৃথিবী পুম্বদা অৱা-অনা অমসুং নুংঙাইতবা থৌদোক ৱাথোক্না পীক থল্লি।

• পাউ শন্দোকপা ৮:৯; ফোংদোকপিবা ১৬:১৬

  আর্মাগেদ্দোন কৌবা লান্দা, ঈশ্বরগী নিংথৌলৈবাক্না তমথীরবা অমসুং ফত্ত্রবা তাইবংপানগী লৈঙাক পুম্নমকপু মাঙহনগনি।

• থাগৎ ঈশৈ ৩৭:১০

  ফত্তবা থবক্তা তৌদুনা লৈবা মীওই খুদিংমক মাঙহনগনি।

• ফোংদোকপিবা ২২:১-৩

  ঈশ্বরগী নিংথৌলৈবাক্না পৃথিবীদা শাসন তৌবা মতমদদি, মীওই অমত্তা নাবা নত্রগা শিবা লৈররোই। অদুগা মীওই খুদিংমক্না ঈশ্বরগী মিংবু ইকায়খুম্নগনি।