থৌরম অসি কয়াম কুইনা পাঙথোকপগে?

থৌরম অসি চাউরাক্না পুং অমরোম চঙনা পাঙথোকই।

থৌরম অসি কদায়দা পাঙথোক্কনি?

অকুপ্পা মরোলগীদমক, থৌরম য়াওবীনিংলিবা মফমদুগী যেহোবাগী সাক্ষীশিংগা পাউ ফাওনবিয়ু।

থৌরমসি য়াওবদা শেল তিংগদ্রা?

শেল তিংলোই।

থৌরম মনুংদা শেল খায়গদ্রা?

শেল খায়রোই।

থৌরমসি য়াওবদা শেৎকদবা অখন্নবা ফিজোল লৈব্রা?

থৌরমসি য়াওনবগীদমক অখন্নবা ফিজোল শেৎকদবনি হায়বদি লৈতে। অদুগা নহাক্কী ফিজোলদু কা হেন্না নানবা নত্রগা তাঙবা ওইগদবনি হায়বসু লৈতে। অদুবু যেহোবাগী সাক্ষীশিংনা বাইবলগী পাউতাক মতুংইন্না, শেৎপা চাবা মতমদা কা হেন্দবা অমসুং অতোপ্পশিংবু ইকায়খুম্নবা হায়বা নিয়মদু ইন্নবা হোৎনজৈ। (১ তীমোথি ২:৯)

নীংশিং থৌরম অসিদা করি করি তৌবগে?

থৌরম অসি ঈশৈ অমা শক্লগা হৌগনি। মদুগী মতুংদা যেহোবাগী সাক্ষী অমনা ঈশ্বরদা হায়জগনি। অদুগা যীশুনা করিগী মহাক্কী পুন্সি কত্থোকখ্রিবনো, ঈশ্বর অমসুং খৃষ্টনা ঐখোয়গীদমক তৌবিখিবশিং অসিদগী ঐখোয়না করম্না কান্নবা ফংবগে হায়বসিগী মরমদা ভাষন অমা পীগনি। মদুগী মতুংদা ঈশৈ অমা অমুক শক্লগা অমসুং ঈশ্বরদা হায়জরগা থৌরম অসি লোইশিনগনি।

হেন্না কুপথনা খঙবীনিংলবদি “যেহোবাগী সাক্ষীশিংনা যীশুনা শিখিবগী নীংশিং থৌরম অসি অতোপ্পা ধর্ম্মশিংনা তৌবা মওংগা মান্নদবা মওংদা পাঙথোক্লিবা করিগীনো?” (ইংলিশ) হায়রিবা হীরম অসি পাবিয়ু।

লাক্কদবা চহিশিংগী ওইনদি নীংশিং থৌরম অসি করম্বা নুমিৎশিংদা পাঙথোক্কনি?

২০২৫: এপ্রিল ১২, থাংজ

২০২৬: এপ্রিল ২, শগোলশেন