Sõdb sebre 23:1-30
23 A Balaam yeela a Balak yaa: “Maan-y tẽn-kug a yopoe ka,+ la y bao lols a yopoe ne pe-raad a yopoe n wa kõ maam.”
2 A Balak yɩɩ tao-tao n maan wa a Balaam sẽn yeelã. Yẽ ne a Balaam yõka loalg la pe-raoog n maan maoong tẽn-kugr fãa zugu.+
3 A Balaam yeela a Balak yaa: “Yaas-y y maoong sẽn yõogd bugmã sɛɛg ka, tɩ m zãag bilfu. Tõe t’a Zeova na n vẽnega a meng ne maam. A sẽn yeel maam bũmb ning fãa, m na n togs-y lame.” Dẽ, a Balaam tɩ rʋʋ kunkubr bũmb sẽn pa yit a zugu.
4 Wẽnnaam vẽnega a meng ne a Balaam+ t’a yeel-a yaa: “Mam maana tẽn-kug a yopoe wã n tong taaba, la m kʋ loalg ne pe-raoog n maan maoong tẽn-kugr fãa zugu.”
5 A Zeova ninga goam a Balaam noorẽ wã, la a yeele:+ “Leb a Balak nengẽ, la yaa woto la fo segd n yeele.”
6 Dẽ, a lebame n tɩ mik t’a Balak ne Mowaab nanambsã fãa yasa a Balak maoong sẽn yõogd bugmã sɛɛgẽ.
7 A togsa Wẽnnaam koɛɛgã n yeele:+
“Mowaab rĩm a Balak tɩ talla maam Aram n wa.+B tɩ talla maam yaang tãensẽ wã n wa. B yeelame:
‘Wa n kãab-y a Zakoob yagensã wẽng n kõ-ma.
Wa n sãbs-y Israyɛll nebã.’+
8 Mam na n yɩɩ wãn n kãab neb Wẽnnaam sẽn pa kãab wẽnga?
Mam na n yɩɩ wãn n sãbs neb a Zeova sẽn pa sãbse?+
9 Mam bee pĩis zut n ne-ba.Mam bee kunkubã zut n ne-ba.
B yaa nin-buiid sẽn tilg b sik-zĩigã toore.+B pa naag b mens ne bu-zẽmsã ye.+
10 Ãnda n tõe n sõd a Zakoob yagensã+ sẽn yaa wʋsg wa tomã n sa?Wall a sõd Israyɛll nebã pʋɩɩr a ye pʋɩ a naas zug meng n sa?
Bɩ m* ki nin-tɩrg kũum,la bɩ m baasgã yɩ wa bãmb baasgã.”
11 A Balak yeela a Balaam yaa: “Yaa bõe la yãmb sẽn maan maam woto wã? Mam boola yãmb tɩ y wa kãab mam bɛɛbã wẽnga. La yãmb pa maand baa fʋɩ tɩ pa b bark ningr ye.”+
12 T’a sok yaa: “Mam pa segd n togs bũmb ning fãa a Zeova sẽn ning mam noorẽ wã sɩda?”+
13 A Balak yeel-a lame: “M bõos tɩ y tũ maam n kẽng zĩig a to y sẽn tõe n yã-ba. Yãmb na n yãa b neb kẽer bala. Yãmb pa na n yã b fãa ye. Yaas-y be n kãab-b wẽng n kõ-ma.”+
14 Woto, a tall-a lame n kẽng Zofim weoogẽ wã, Pisga tãngã zugu,+ n maan tẽn-kug a yopoe, la a kʋ loalg ne pe-raoog tẽn-kugr fãa zugu.+
15 A Balaam yeela a Balak yaa: “Yaas-y y maoong sẽn yõogd bugmã sɛɛg ka, tɩ m na n kẽngame n tɩ gom ne Wẽnnaam.”
16 A Zeova vẽnega a meng ne a Balaam, n ning goam a Balaam noorẽ wã,+ la a yeele: “Leb a Balak nengẽ, la yaa woto la fo segd n yeele.”
17 A lebame n tɩ mik t’a Balak ne Mowaab nanambsã fãa yasa a Balak maoong sẽn yõogd bugmã sɛɛg n gũudẽ. T’a Balak sok-a yaa: “A Zeova yeelame tɩ bõe?”
18 A togsa Wẽnnaam koɛɛgã n yeele:+
“Balake, yik-y n kelg-y-yã.
A Zipoor biiga, kelg-y maam.
19 Wẽnnaam pa ninsaal n yagd ziri ye.+A pa ãdem-biig n toeemd yam ye.*+
A sã n yeel bũmbu, a pa na n maan-a sɩda?
A sã n gome, a pa na n pids a gomdã sɩda?+
20 Mam waa ka n na n ning barka.Wẽnnaam ninga barka.+ Mam pa tõe n toeem dẽ ye.+
21 A pa sakd tɩ b maan a Zakoob yagensã tɩɩm ye.A pa sakd tɩ bũmb maan Israyɛll nebã ye.
A Zeova sẽn yaa bãmb Wẽnnaamã bee ne-ba.+Wẽnnaam yaa rĩm b sʋka, tɩ b zẽkd b koees n pẽgd-a.
22 Wẽnnaam yiis-b-la Ezɩpti.+
Wẽnnaam yaa wa we-naaf yɩɩl b yĩnga.+
23 Bũmb kae n wilgd tɩ wẽng n na n paam a Zakoob yagensã ye.+Bag-bʋgd pa tõe n yã bũmb sẽn yaa wẽng Israyɛll nebã zug ye.+
Masã menga, b tõe n yeela a Zakoob yagensã sẽn yaa Israyɛll nebã wɛɛngẽ yaa:
‘Ges-y bũmb ning Wẽnnaam sẽn maanã!’
24 Ad buud ning sẽn na n yik wa gɩgemdã.A na n tẽega a meng wa gɩgemde.+
A pa na n leb n gãand t’a pa wãb rũng a sẽn yõke,la a yũ b sẽn kʋ b rãmbã zɩɩm ye.”
25 T’a Balak yeel a Balaam yaa: “Yãmb sã n pa tõe n kãab-b wẽnga, bɩ y ra ning-b bark wɛ!”
26 A Balaam soka a Balak yaa: “Mam pa yeel yãmb tɩ ‘m na n maana bũmb ning fãa a Zeova sẽn na n yeelã’ sɩda?”+
27 T’a Balak yeel a Balaam: “M bõos tɩ y wa tɩ m tall-y n kẽng zĩig a to. Tõe tɩ beenẽ, na n taa Wẽnnaam yam t’a bas tɩ y kãab-b wẽng n kõ-ma.”+
28 Woto, a Balak talla a Balaam n tɩ rʋ Pewoor tãngã sẽn teesd Zesimonnã.*+
29 Dẽ, a Balaam yeela a Balak yaa: “Maan-y tẽn-kug a yopoe ka, la y bao lols a yopoe ne pe-raad a yopoe n wa kõ maam.”+
30 A Balak maana wa a Balaam sẽn yeelã. A yõka loalg ne pe-raoog n maan maoong tẽn-kugr fãa zugu.
