Yɩɩn-sõamyã sebre 1:1-6
1 Sũ-noog soab la ned ning sẽn pa tũud nin-wẽns saglga,n pa tũud yel-wẽn-maandbã sore,+la sẽn pa zĩ nin-yaandbã zaoosẽ.+
2 La a nonga a Zeova tõogã wʋsgo.+A sikda a koɛɛg n karemd a tõogã* wĩndg la yʋngo.+
3 Yẽ na n yɩɩ wa tɩɩg b sẽn sel kʋɩlg noore,tɩɩg sẽn womd biis a womb wakate,t’a vãadã me pa kʋɩtẽ ye.
Bũmb ning fãa yẽ sẽn maand na n yãka nenga.+
4 La nin-wẽnsã pa woto ye.B yaa wa wudg sobg sẽn dɩkdã.
5 Yaa rẽ yĩng la nin-wẽnsã sẽn pa na n paam bʋʋm bʋʋdã kaoob wakatã,+tɩ yel-wẽn-maandbã me pa na n kell n pa nin-tɩrsã sʋkã.+
6 Bala a Zeova mii nin-tɩrsã sore,+la nin-wẽnsã sor pa na n le zĩnd ye.+
Vẽnegr toor-toore
^ Bɩ, “n bʋgsd a tõogã zug.”
