Yɩɩn-sõamyã sebre 139:1-24
Yɩɩlã taoor soab yĩnga. A Davɩɩd yɩɩlle.
139 Zeova, yãmb feesa maam neere, n mi maam.+
2 Yãmb mii mam zĩndg wakate, la m yikr wakate.+
Yãmb bee yɩɩg n mi mam tagsa wã.+
3 Mam sã n wa togd sore, la m gãandg wakate, yãmb geta* maam.Yãmb mii mam soayã fãa sõma.+
4 Zeova, nand tɩ mam zɩlemdã yiis gomde,yãmb zoe n mi-a-la neere.+
5 Yãmb gũbgda maam poorẽ la taoore.Yãmb tika maam ne y nugu.
6 Bãngr a woto võor yɩɩda mam sẽn tõe n wʋme.*
A zẽkame n yɩɩd mam sẽn tõe n ta.*+
7 Yɛ la mam tõe n kẽng n põs yãmb vʋʋsmã?Yɛ la mam tõe n zoe n kẽnge, n zãag ne yãmb nengã?+
8 Mam sã n dʋ saasẽ, yãmb na n zĩnda be.Mam sã n tɩʋ m gãagã Yaoogẽ* wã, yãmb na n zĩnda be.+
9 Mam sã n yɩk ne tõd-beoog pɩgsn tɩ zĩnd mogr ning sẽn zãr n yɩɩdã noore,
10 baa beenẽ, yãmb nugã na n wilga maam sore.Yãmb nug-rɩtgã na n gãda maam.+
11 Mam sã n yeele: “Yaa vẽeneg tɩ likã na n solga maam,”
yʋngã sẽn gũbg maamã lebgda vẽenem.
12 Baa lik pa na n yɩ lik wʋsg ne yãmb ye.La yʋngã na n yɩɩ vẽeneg wa wĩndga.+Ne yãmba, lik ne vẽenem yaa a yembre.+
13 Bala yãmb n naan mam yiimã.Yãmb kogla* maam m ma wã pʋgẽ.+
14 Mam pẽgda yãmba, bala yãmb sẽn naan maam to-to wã seka rabeem, la be rasãnde.+
Yãmb tʋʋmã yaa kãsemse.+Mam mii* rẽ vẽenega.
15 Yãmb sẽn wa n maand maam zĩ-soalgdgẽ wã,yãmb sẽn wa n wʋgd maam tẽngã zĩ-zulumsẽ wã,mam kõabã pa solg ne yãmb ye.+
16 Yãmb ninã yãa maam m sẽn wa n be m ma wã pʋgẽ wã.Mam yĩngã wil fãa ra gʋlsa yãmb sebrã pʋgẽ,n wilgd b maanegã raya,tɩ b baa a ye nan kae meng ye.
17 Ne maam, yãmb tagsa wã tara yõod wʋsgo!+
Mam Wẽnnaam, b sõorã sɩd labsa!+
18 Mam sã n mak n na n sõd-ba, b sõorã yɩɩda bĩisrã.+
Mam sã n wa neke, m ket n bee ne yãmba.*+
19 Mam Wẽnnaam, yãmb sã n da kʋ nin-wẽnsã,+
nen-kɛglem dãmbã* ra na n loog n basa maam,
20 rat n yeel tɩ neb nins sẽn gomd yãmb wẽng ne yamleoogã.*B yaa yãmb zabd-n-taas sẽn paoogd yãmb yʋʋrã.+
21 Zeova, mam pa kis sẽn kis-b yãmbã sɩda?+Mam yam pa yi sẽn kɩɩsd-b yãmbã sɩda?+
22 Mam tolg n kis-b-la ne m sũur fãa.+B lebga mam bɛɛb meng-menga.
23 Mam Wẽnnaam, fees-y maam neer n bãng mam sũurã.+
Fees-y maam n bãng mam tagsa nins sẽn wat ne yɩɩrã.+
24 Ges-y bõn-wẽng sã n pa be mam pʋgẽ,+la y wilg-m sor+ wakat sẽn kõn sa wã sor zugu.
Vẽnegr toor-toore
^ Ebre, “makda.”
^ Bɩ, “A yaa wʋsg n yɩɩd mam sẽn tõe n make.”
^ Bɩ, “kẽesda maam rabeem wʋsgo.”
^ Ges-y gom-biis võor bilgrã zĩigẽ.
^ Pa rẽ bɩ, “wʋga.”
^ Bɩ, “Mam sɩɩgã mii.”
^ Pa rẽ bɩ, “mam na n ket n sõt-b lame.”
^ Bɩ, “zɩɩm taal sẽn be b rãmb zutã.”
^ Bɩ, “wa sẽn zems b tagsgã.”
