Yɩɩn-sõamyã sebre 16:1-11
A Davɩɩd yɩɩlle.*
16 Mam Wẽnnaam, kogl-y maam bala yaa yãmb nengẽ la mam solg-yã.+
2 Mam yeela a Zeova yaa: “Yãmb a Zeova yaa mam bõn-sõma wã fãa yẽgre.
3 Tẽngã nin-sõamyã wã,neb nins sẽn segd ne waoogrã kõta maam sũ-noog wʋsgo.”+
4 Neb nins sẽn tũud wẽnnaam-dãmb a taabã paasda b sũ-sãamse.+
Mam pa na n tol n pʋdg zɩɩm n kõ-b tɩ yɩ maoongo,mam noorã me pa na n pʋd b yʋyã ye.+
5 A Zeova yaa mam pʋɩɩre, mam pʋɩɩr b sẽn kõ maam.+ A yaa wa bõn-yũudl sẽn kõt sũ-noogo.+
Yãmb kogenda mam rogem-pʋɩɩrã.
6 B maga zĩis sẽn yaa sõma n kõ maam.
Mam sũur sɩd nooma ne m rogem-pʋɩɩrã.+
7 Mam na n pẽga a Zeova, soab ning sẽn kõ maam saglsã.+
Baa yʋngo, mam tagsa nins sẽn zulmã* remsda maam.+
8 Mam ningda a Zeova m taoor wakat fãa.+
A sẽn be mam nug-rɩtgã yĩnga, mam pa na n tol n maan yɩɩr ye.+
9 Rẽ n so tɩ mam sũurã noomẽ, tɩ m mengã tõr* tar sũ-noogo,
tɩ mam* vɩ ne bãane.
10 Bala yãmb pa na n bas maam* Yaoogã* pʋgẽ ye.+
Yãmb pa na n bas tɩ y sɩd soabã pa bokã pʋg ye.*+
11 Yãmb kɩtdame tɩ mam bãngd vɩɩm sorã.+
Sũ-noog wʋsg bee yãmb taoore.+Sũ-noog bee yãmb nug-rɩtg wakat sẽn kõn sa yĩnga.
Vẽnegr toor-toore
^ Ebre, “miktam.” Tõe tɩ rat n yeelame tɩ “gʋlsem.”
^ Ebre, “mam yiimã.”
^ Ebre, “tɩ mam ziirã.”
^ Bɩ, “mam yĩn-nemsã.”
^ Bɩ, “mam sɩɩgã.”
^ Ges-y gom-biis võor bilgrã zĩigẽ.
^ Ebre, “yã bokã ye.” Pa rẽ bɩ, “põog bokã pʋgẽ ye.”
