Mise sebre 1:1-16
1 A Zeova goma ne Moresɛt rao a Mise,*+ a Zotam+ ne a Akaaz+ la a Ezekɩyaas+ sẽn yaa Zida rĩm-dãmbã+ wakatẽ. Ad vẽnegr a sẽn paam Samari la Zerizalɛm wɛɛngẽ:
2 “Yãmb a buud toɛy-toɛyã fãa neba, kelg-y-yã!
Foom a tẽngã ne bũmb nins sẽn be fo pʋgẽ wã, kelg-y neere.Bɩ a Zeova sẽn yaa Zu-soab sẽn ka to wã kõ kaset n ning yãmb taale.+Bɩ a Zeova pa a ro-sõngẽ wã n maan dẽ.
3 Bala ade! A Zeova yita a zĩigẽ wã.A na n sigame n tag tẽngã zĩ-zãntsã.
4 Tãensã na n yẽnega a naoã tẽngre,+tɩ londã* me pãrwa siribd* sẽn be bugum taoore,la wa koom b sẽn daag tãng sigdgẽ.
5 Rẽ fãa yaa a Zakoob yagensã kɩɩsgã yĩnga,la Israyɛll buudã neb yel-wẽnã yĩnga.+
A Zakoob yagensã kɩɩsgã yaa bõe?
Pa Samari sɩda?+
Zida zĩ-zãntsã yaa bõe?+
Pa Zerizalɛm sɩda?
6 Mam na n kɩtame tɩ Samari lebg raboog sẽn be weoogẽ,la zĩig b sẽn tõe n sel viyn tɩɩse.M na n loba* a kugã longẽ wã,la m kɩt t’a yẽbgrã puki.
7 B na n wãa a bõn-naandsã b sẽn peesã fãa zõm-zõme.+B na n yõoga kũun nins fãa a sẽn koos a meng n paamã* bugum.+
Mam na n sãama a bõn-naandsã fãa.
Bala yaa a yoobã yaood n kɩt t’a paam bõn-kãens fãa.Bõn-kãens na n le yɩɩ pʋg-yoaadb yaoodo.”
8 Bõn-kãng yĩnga, mam na n kaasame la m wũuni.+Mam na n kẽna beell la na-zaala.+
Mam na n yãba wa we-baaga,la m maan sũ-sãang wa naneoongo.
9 Bala a sãmpogrã pa tõe n maag ye.+A zãagame n ta hal Zida.+
Toogã piuugame n ta mam nin-buiidã rignoorẽ, hal Zerizalɛm.+
10 “Ra togs-y rẽ Gat pʋgẽ ye.Yãmb pa segd n yãb baa bilf ye.
Bilm-y tomã pʋgẽ Bɛt-afra.*
11 Yãmb a Safɩɩr neba,* loog-y y bɛɛla, la ne yãnde.
Zaanan nebã* pa yi ye.
Wiisg rãamd n na n zĩnd Bɛt-ezɛlle. A pa na n le teel yãmb ye.
12 Bala Marot nebã* ra gũuda sẽn yaa sõma,la sẽn yaa wẽng n yi a Zeova nengẽ n sig Zerizalɛm rignoorẽ wã.
13 Yãmb a Lakiis+ neba,* rɩk-y saarã* n balg wed-moosã.
Yãmb yɩɩ Siyõ bi-puglã yel-wẽndã sɩngre,bala b yãa Israyɛll nebã kɩɩsg toor-toorã yãmb sʋka.+
14 Rẽ n so tɩ yãmb na n kõ Moresɛt-gat nebã kũun tɩ y pʋʋs taab wẽnd-na-wat-ne.*
Akziib+ nebã* ra yaa bũmb sẽn belgd Israyɛll rĩm-dãmbã.
15 Yãmb a Maresa+ neba,* mam na n kɩtame tɩ sẽn tõogd-a zabrã* wa yãmb nengẽ.+
Israyɛll ziirã na n taa hal Adulam.+
16 Põng-y y zutã. Wõrs-y y zoobdã y kambã y sẽn nongã yĩnga.
Põng-y y zutã tɩ lebg wa yɩbreng* zugu,bala b tall-b lame n loog yembd n bas yãmba.”+
Vẽnegr toor-toore
^ Yaa Mikayɛll (“Ãnda n yaa wa Wẽnnaam?”) wall Mikaya (“Ãnda n yaa wa a Zeova?”) bool-koɛɛga.
^ Bɩ, “tẽn-nabã.”
^ Wõnda yaa bũmb sĩ wã sẽn maand b sɩɩdã yĩnga. A pa zaeed yẽnegr ye.
^ Ebre, “kiiga.”
^ Bɩ, “a yoobã yaood fãa.”
^ Bɩ, “a Afra roogẽ wã.”
^ Ebre, “pagba.”
^ Ebre, “pagbã.”
^ Ebre, “pagbã.”
^ Ebre, “pagba.”
^ Yaa bũmb sẽn wõnd sarɛt tɩ wed-moos tatẽ.
^ Ebre, “rotã.”
^ Bɩ, “Wẽnd na taase.”
^ Ebre, “pagba.”
^ Bɩ, “sẽn zabd n deegd-a wã.”
^ Ebre wã gom-bilã tõe n makda sɩlg me.
