D sã n wa lebg n na n tɩ kaag neda, wall d zãmsda ned Biiblã, d segd n sõng-a lame t’a wʋm sẽn tar yõod n yɩɩdã võore. D sã n dɩk makre, na n kɩtame tɩ zãmsgã kẽ a sũurã sõma, la sõng-a me t’a wa tõog n tẽeg bũmb nins a sẽn bãngã nana-nana.

Y sã n wa segend n na n tɩ kaag neda, wall n tɩ zãms ned Biiblã, yãk-y zãmsgã zĩis nins sẽn tar pãnga, y sẽn dat n dɩk makr t’a wʋm a võor sõma wã. Bãng-y tɩ pa yel-bõonesã la y segd n dɩk makr n bilg ye. Rẽ poore, bɩ y bao makr sẽn yaa nana, la zems ne nebã sẽn yãt b daar fãa vɩɩmã pʋgẽ wã. (Mat. 5:14-16; Mark 2:21; Luk 14:7-11) Tẽeg-y a soaba sẽn tʋmd tʋʋmd ninga, a sẽn yitẽ, a tũudmã, a buudã, la yɛl a taaba. (Luk 5:2-11; Zã 4:7-15) Y sã n wa neẽ t’a wʋma bũmb ning y sẽn dat t’a wʋmã võor sõma hal t’a sũur noomẽ, yãmb me sũur na n yɩɩ noogo.

GES-Y VIDEO WÃ: D SÃ N SÕNGD NEBÃ TƖ B LEBGD KAREN-BIISI, D PAAMDA SŨ-NOOGO—PAAS-Y Y KOE-MOONEGÃ MINIM: RƖK-Y MAKR TƖ B BÃNG SẼN TAR YÕODÃ. RẼ POOR BƖ Y LEOK SOGSGÃ:

• Bõe yĩng tɩ Biibl karen-biisã tõe n dat sõngr sẽn na yɩl n wʋm Biiblã vɛrse-rãmb võore?

• Wãn to la a Liza rɩk makre, n bilg Rom dãmb 5:12 sẽn yetã?

• D sã n bãng n dɩk makre, wãn to la rẽ nafd sẽn kelgd-b tõndã?

• D koe-moonegã pʋgẽ, bõe yĩng tɩ d segd n tʋm ne video-rãmb la tʋʋm-teed a taab a Zeova siglgã sẽn yiisd nebã zãmsg yĩngã?