Wa a Zeova sẽn da sigl Israyɛll nin-buiidã pĩnd wẽndẽ wã, rũndã-rũndã me, a siginda a Kaset rãmbã, tɩ b tʋmd tʋʋmd a sẽn kõ-ba. Dũniyã gill zugu, Betɛll-dãmbã, tigimsã, tigims sulã, la koe-moondbã sulã fãa naagda taab n tʋmdẽ, koe-noogã mooneg na kẽng taoor yĩnga. D taasda ned buud fãa koɛɛgã, baa neb sẽn pa gomd tõnd buud-gomdã.—Vẽn. 14:6, 7.

Tags-y n ges-y y sã n pa tõe n zãms buud-gomde, n paam n sõng ned t’a bãng a Zeova. Baa y sã n pa tar sẽk n na n tolg n zãms buud-gomde, ne JW Language aplikasiyõ wã maasem, y tõe n zãmsa y sẽn na n taas ned koe-noogã to-to koɛɛg-koɛɛga. Rẽ, y sã n sɩd paam ned n sõs ne, y tõe n paama sũ-noog ning pipi kiris-nebã sẽn da paame, b sẽn gom “Wẽnnaam bõn-kãsemsã yell” ne bu-zẽms neb b buud-goamã pʋgẽ wã.—Tʋʋ. 2:7-11.

GES-Y VIDEO WÃ: LEBG A ZEOVA ZOA—MOON KOƐƐGÃ NE BUUD-GOMD A TO. RẼ POOR BƖ Y LEOK SOGSGÃ:

• Sasa bʋg la JW Language aplikasiyõ wã tõe n sõng-yã?

• Wilg-y bũmb kẽer sẽn be JW Language aplikasiyõ wã pʋgẽ.

• Yãmb moonega zĩigẽ, nebã wae n gomda buud-gom-bʋse?

• Y sã n seg ned sẽn dat koɛɛgã n kelge, n yaool n gomd buud-gom-zẽnga, bõe la y tog n maane?—od 100-101 s. 39-41