D WILG TƖ D YAA KIRIS-NEB HAKƖƖKA
A Zeova ne Kiristã maasem yĩng la d sẽn na n wa paam lohorem meng-mengã
Zu-loe-bʋs la yãmb maood ne daar ne a to fãa? Yãmb yaa zak soaba, tɩ y zɩɩbã yaa ka tɛk bɩ? Yãmb yaa y yembr n get y kambã yell hal tɩ pa nana bɩ? Yãmb yaa bi-bɩɩg n be lekolle, tɩ y karen-bi-taasã tar-y n namsdẽ bɩ? Bãag bɩ kʋʋlem n namsd yãmb bɩ? Ned fãa tara a zu-loeese. Kiris-neb wʋsg maooda ne zu-loees ka tɛk sẽn naag taaba. La d miime tɩ ka la bilfu, d na n paama d mens ne zu-loe-kãensã fãa.—2 Kor. 4:16-18.
La nananda, d sẽn mi t’a Zeova wʋmda d yɛlã võorã, tɩ tõnd sẽn maand sɩd ne-a la d tõogd toogã noom-a lame, la t’a na n wa kɩtame tɩ d paam bark ka tɛkã belsda tõndo. (Zer. 29:11, 12) Tõnd yell paka a Zeezi me. D sã n maand bũmb nins kiris-ned sẽn tog n maanã, d tõe n basa d yam t’a na n pidsa bũmb a sẽn pʋlme. A pʋlmame yaa: ‘Mam bee ne yãmba.’ (Mat. 28:20) D sã n bao sẽk n bʋgs lohorem meng-mengã Wẽnnaam Rĩungã sẽn na n wa kɩt tɩ d paamã, na n sõng-d lame tɩ d maneg n tẽed manegre, la sõng-d tɩ d kell n tõog toogo.—Rom. 8:19-21.
GES-Y VIDEO WÃ: SAABÃ SẼN KOLGÃ YĨNGA, BƖ D KELL N DƖK A ZEEZI NAOORE: BEOOG DAARÃ SẼN NA YƖ TO-TO. RẼ POOR BƖ Y LEOK SOGSGÃ:
-
Sɩnga wãn tɩ ninsaalbã wa zãag b mens ne Wẽnnaam, la rẽ waa ne bõe?
-
Neb nins sẽn na n maan sɩd ne a Zeova wã na n wa paama bark-bʋse?
-
Bõe n kɩt tɩ d tõe n wa paam vɩ-no-kãngã?
-
Bark-bʋs la yãmb yãgd n dat n wa paam dũni-paalgã pʋgẽ?
Mams-y y yamẽ tɩ y bee dũni-paalgã pʋgẽ
