Yãmb karma Gũusg Gasg nins b sẽn yiis yaoolmã sõma bɩ? Bɩ y ges y sã n tõe n leoka sogs-kãensã:

Siglgã taoor lʋɩtb sull sã n kõ saglse, tigims sul yel-gɛtbã la tigimsã kãsem-dãmb manesem segd n yɩɩ wãna?

B segd n tũu saglsã tao-tao. Yɩta sõma tɩ b ned kam fãa sok a meng yaa: ‘Mam manesmã kõta m tẽed-n-taasã raood tɩ bãmb me maand sɩd ne a Zeova bɩ? Siglgã taoor lʋɩtb sã n kõ-d saglse, m tũuda tao-tao bɩ?’—w16-MM 1/11 s.n. 14.

Wakat-bʋg la kiris-neb hakɩɩkã lebg Babilond-kãsengã yembse?

Yɩɩ a Zeezi tʋm-tʋmdbã kũum poore. Yel-gɛtb kẽer wa n kɩtame tɩ taoor-sobendã lebg wa naam buudu. Kiris-neb ne yʋʋrã taoor dãmb ne goosneema wã wa n naaga taab n tʋmdẽ, tɩ rẽ kɩt tɩ b tũudmã paam pãnga, hal tɩ yaa wa b lima kiris-neb hakɩɩkã sẽn yaa bõn-bu-sõngã, tɩ nebã pa le wʋmd b koeesã ye. La sẽn deng yʋʋmd 1914, sẽn paam-b vʋʋsem sõng zaeebã ra zoe n sɩnga Babilond-kãsengã pʋgẽ yiibu.—w16-MM 1/11 s.n. 24-26.

Bõe n wilgd tɩ ned vɩɩ “wa yĩngã sẽn datã,” wall t’a kẽnda “wa sɩɩgã sẽn datã”? (Rom. 8:6)

Ned sã n “vɩ wa yĩngã sẽn datã,” yaa a mengã raabã n pak-a n yɩɩd t’a tũud rẽ, n maand a sẽn date. Wakat fãa a yamã bee bũmb nins a sẽn datã zugu, t’a tar rẽ yell goama. La ned sã n kẽnd “wa sɩɩgã sẽn datã,” a sakdame t’a Zeova vʋʋsem sõngã wilg-a sore, tɩ bũmb nins yell a sẽn tagsdã zems ne a Zeova raabã. Yĩngã ratem sakr wata ne kũum, la sɩɩgã ratem sakr wata ne vɩɩm la bãane.—w16.12, s.n. 15-17.

Bõe la y tõe n maan n boog y yɩɩre?

Lʋɩɩs-y sẽn tar yõod n yɩɩdã taoore. Tẽegd-y tɩ pa bũmba fãa la y tõe ye. Modg-y n yãk-y wakat daarã pʋgẽ n vʋʋsdẽ. Get-y bũmb nins a Zeova sẽn naanã, n noogd y sũuri. Mi n maand-y kʋʋsem. Maand-y ɛspoor me.—w16.12, s.n. 22-23.

Bõe yĩng tɩ d segd n yɩ sik-m-meng soaba?

Bala, sik-m-meng soab mii a meng sõma. A sak n deegame t’a bãngrã, a minimã ne a sẽn tõe n maanã tara koaka, la tɩ bũmb kẽer me la a pa tar sor n na n maane. A manesmã ne a taabã la a no-goamã wilgda rẽ vẽenega. A pa tagsd t’a yɩɩda a taabã ye.—w17.01, s.n. 18.

Bõe n wilgd tɩ pipi kiris-nebã taoor lʋɩtb sull paamame tɩ Wẽnnaam meng ra wilgd-b sor wa a sẽn wilgd siglgã taoor lʋɩtb sull sor rũndã-rũndã wã?

B paama vʋʋsem sõngã sõngr n tõog n wʋm Wẽnnaam Gomdã võore. B paama malɛgs sõngr n tõog n ges koe-moonegã yelle. B ra tũuda Wẽnnaam Gomdã sẽn yetã n kõt b tẽed-n-taasã saglse, n wilgd-b b sẽn segd n maanega. Rũndã-rũndã me, yaa woto ne siglgã taoor sulli.—w17.02, s.n. 26-28.

Bõe zug la d tõe n bʋgs tɩ sõng-d tɩ d sɩd neẽ t’a Zeezi sẽn ki tɩ yɩ maoongã yaa kũun yõod sẽn waooge?

Ad bũmb a naase: Sẽn kõ-a tõnd kũunã, a sẽn kõ-d kũunã võore, a sẽn mong a meng bũmb ning tɩ d paam kũunã, la kũunã sẽn nafd tõnd to-to wã. D segd n bʋgsa bõn-kãensã zug neere.—wp17.2, s.n. 4-5.

Kiris-ned sã n yãk yam n na n maan bũmbu, a tõe n wa toeema a yam-yãkrã bɩ?

Yaa sɩd tɩ d sã n yeel tɩ d na n maana bũmbu, d segd n maaname. La wakat ninga, yɩta sõma tɩ d tags n ges d yam-yãkr sã n ket n yaa sõma. Niniiv nebã sẽn wa n tek yam n bas b tʋʋm-beedã, a Zeova toeema yam n pa sãam-b wa a sẽn da yeelã ye. Woto me, yɛlã sã n wa toeeme, wall yell ning pʋgẽ d sã n paam vẽenem n paase, tõe n kɩtame tɩ d toeem d yam-yãkre.—w17.03, s.n. 16-17.

Ned sã n maan-d bũmb tɩ d gilg n gom a yell wẽnga, pa sõma ye. Bõe yĩnga?

D sã n dɩk yellã n togs neb a taaba, tõe n lebga wɩdga, la rẽ na n maneg n kenga yellã. D tara bʋʋm tɩ d pa tar me, d sã n gom goam sẽn zabd bɩ sẽn sãamd sũuri, pa tõe tɩ yellã maneg a bada.—w17.04, s.n. 21.