Yʋng ning b sẽn yõk a Zezi n na n kʋ wã, a yeela a tʋm-tʋmdbã tɩ b yõd n tẽegd a kũumã sẽn yɩ maoongã yelle. A rɩka bur sẽn pa ning rabɩlle, la divẽ, n maan bũmb n wilg b sẽn segd n tẽegd a kũumã yell to-to wã. Yaa rẽ la b sẽn boond tɩ Soaalã zaabr dɩɩbã. A yeela a tʋm-tʋmdbã woto: “Bɩ y maan bõn-kãngã n tẽegd mam yelle.”—Luk 22:19.

Yʋʋmd fãa, dũniyã gill zugu, a Zeova Kaset rãmbã tigimda taab n tẽegd a Zezi kũumã yelle. Rõandã, tẽegrã na n yɩɩ yʋʋmd 2014 tʋʋl-nif kiuugã, rasem 14 tẽne wã daare, wĩndgã kõom poore.

D boond-y lame tɩ y wa tẽegrã. B na n wilga a Zezi kũumã sẽn yɩ maoongã võore. Kõomã yaa zaalem. B pa na n wa pɩʋʋg nebã taoor ne bũmb n deeg ligd ye. Y sã n data, ned ning sẽn kõ yãmb seb-kãnga wã tõe n wilg-y-la tẽegrã sẽn na n yɩ zĩig ning la lɛɛr ninga. Wall y tõe n gesa tõnd sit wɛɛbã (jw.org.) pʋgẽ n paam kibaya. Tẽeg-y tɩ yaa tigsg y sẽn segd n modg n kẽnge.