Katolik-rãmbã zʋrnall a ye (Catholic News Service) yeelame tɩ yʋʋmd 2022 tʋʋlg kiuug rasem 25 wã daare, b maana mees basilique Saint-Pierre pʋgẽ, la tɩ meesã sasa, pap François yalsa bõn-naandg sẽn makd a Maari taoor “n mum a ninã la a sulg a zug n pʋʋs a sũurẽ.” A “yõka a Maari sɛɛg” n kos t’a kɩt tɩ laafɩ zĩnd dũniyã zugu. Zʋrnall a to (Vatican News) paasame tɩ “papã pʋʋsame n dɩk ninsaalbã fãa n gũnug ne a Maari sũurã sẽn yaa yɩlemdã, sẽn yɩɩd fãa, Risi la Ikrɛn nin-buiidã.”

 Yãmb tagsg yaa wãn ne a sẽn maan bũmb ningã? Zemsame tɩ d pʋʋsd bõn-naands taoore, wall tɩ d tũnugd ne-b n pʋʋsd Wẽnnaam bɩ? Ges-y Biiblã vɛrse nins sẽn pʋgdã sẽn yetã:

•   “Ra maan bõn-naandg sẽn wẽnd bũmb sẽn be saasẽ, wall sẽn be tẽngã zugu, wall sẽn be koom pʋsẽ dũniyã tẽngr ye. Ra wõgemd bõn-kãens taoor n waoog-b ye. Bala, mam yaa Sẽn-Ka-Saab sẽn yaa yãmb Wẽnnaam. Mam yaa Wẽnnaam sẽn yaa sũ-kiir soaba. Mam kɩtdame tɩ ba-rãmb nins sẽn kis maamã yel-wẽnã sɩbgr zĩnd b kambã ne b yagensã zutu, hal n tãag zamaan a tãabẽ soabã ne a naasẽ soabã.”—Yikri 20:4, 5.

•   “Bu-zẽmsã wẽn-naandsã yaa wanzuri, la sãnem, n yaa ninsaalb nus n naane. Wẽn-naandsã tara noore, la b ka gomd ye, b tara nini, la a b ka ne ye. Bãmb tara tʋba, la b ka wʋmd ye. Bãmb tara yõya, la b ka wʋmd yũug ye. B tara nusi, la b ka tõe n sɩɩs bũmb ye, b tara nao, la b ka kẽnd ye. Koɛɛg ka tõe n yi bãmb kokorẽ ye. Sẽn naan-b bãmbã ne sẽn teeg-b bãmbã fãa na n yɩɩ wa bãmba.”—Yɩɩn-sõamyã 115:4-8.

•   “Mam yaa Sẽn-Ka-Saabo, mam yʋʋr la woto. Mam kõn dɩk m ziirã n kõ ned a to ye, la m kõn dɩk m waoogrã n kõ wẽn-naands ye.”—Ezayi 42:8.

•   “Bɩ y zoe bõn-naands pʋʋsgo.”—1 Korẽnt rãmbã 10:14.

•   “Zãag-y y mens ne bõn-naands pʋʋsgo.”—1 Zã 5:21.

 Y sã n dat n bãng Biiblã sẽn yet bũmb ning bõn-naandsã tall n pʋʋsã wɛɛngẽ n paas bɩ y karem sõsg ning gom-zug sẽn yaa: “D’après la bible—Les images religieuses” wall y ges video ning gom-zug sẽn yaa: Wẽnnaam datame tɩ d tũnugd ne bõn-naands n pʋʋsd-a bɩ? wã.

 Ad sõss a taab sẽn wilgd Biiblã sẽn yet bũmb ning bõn-kãens wɛɛngẽ:

•   “A Maari ra pa mi rao ye: Bõe la Biiblã yet a zugu?”

•   “Devrait-on prier la Vierge Marie ?”

•   “Miracles et apparitions — Des manifestations divines?”

•   “La paix dans le monde : comment sera-t-elle établie ?”

Crédit photographique : Vincenzo Pinto/AFP via Getty Images