“Koronaviriisã bã-loangdgã sẽn sa wã pa rat n yeel t’a pa le tõe n wa nams nebã dũniyã gill zug ye. D kɩsa sɩd tɩ bã-loangdg a to n na n wa. D segd n segla d mens rẽ yĩnga.”—A Tedros Adhanom Ghebreyesus sẽn yaa Nasiõzĩni wã sull ning sẽn get laafɩ wã yellã taoor soabã n yeele, yʋʋmd 2023, sig-noy kiuug rasem 22.

 Koronaviriisã bã-loangdgã kɩtame tɩ neb kẽer ket n ka laafɩ, la tɩ sãnda yam ka b mens ye. Rẽ yĩnga, goosneema-rãmbã ne sigls nins sẽn get nebã laafɩ wã yell segla b mens n sa bã-loangdgã sẽn na n wa wã yĩng bɩ? Rẽ yĩnga, b tõeeme tɩ bãas a taabã sẽn namsd tõnd daar ne a to wã sa bɩ?

 Biiblã wilgdame tɩ goosneema n be n na n sõng tõnd tɩ d paam laafɩ. A yeelame tɩ “saasẽ Wẽnnaamã na n lugla rĩung” bɩ goosneemã. (Dãniyɛll 2:44) Ne goosneema-kãng maasem, “ned baa a ye pa na n yeel t’a ka laafɩ ye.” (Ezayi 33:24) Nebã fãa na n paama laafɩ la b paam keelem wa b bi-bɩɩlmã sasa keelmã.—Zoob 33:25.