Yʋʋmd 2022 sig-noy kiuugã rasem 24 daare, yel-beed n zĩnd tẽn-bil b sẽn boond tɩ Uvalde, sẽn be Tɛgzas, Etazĩni soolmẽ wã. Zʋrnall a ye (The New York Times) pʋgẽ, b wilgame tɩ “bi-bɩɩg n dɩk bug-raoog n tão kamb 19 ne b karen-saam-dãmb a yiib n kʋ, . . . lekoll a ye pʋgẽ b sẽn boond tɩ Robb Elementary School.”

 Bʋko, yel-beed a woto lebga bũmb sẽn wae. Zʋrnall a ye (USA Today) pʋgẽ, b wilgame tɩ “rɩẽ, Etazĩni soolmẽ wã bala, sẽn ta lekol-dãmb 249 pʋsẽ la b tão neb bug-raado, la tɩ yʋʋmd 1970 wã tɛk n tãag masã, sõorã a woto buud zɩ n zĩnd ye.”

 Bõe yĩng tɩ yel-beed a woto maandẽ? Bõe la d tõe n maan tɩ yel-be-kãensã ra sãam d sũur tɩ loog noore? Nen-kɛglem tʋʋmã na n wa saame bɩ? Biiblã leokda sogs-kãensã.

•   Biiblã wilgdame tɩ tõnd vɩɩ wakat ning b sẽn boond tɩ “yaoolem wakatã,” la tɩ neb wʋsg na n yɩɩ “neb sẽn pa tar nonglem,” la “nen-kɛglem dãmba,” n tʋmd tʋʋm-beed sẽn yaa wẽng wʋsgo. Nin-kãensã “na n lebgda wẽns n paasdẽ.” (2 Tɩmote 3:1-5, 13) Y sã n dat n wʋm rẽ võor n paase, bɩ y karem sõsg ning gom-zug sẽn yaa: “La Bible a-​t-​elle prédit la mentalité et la conduite des gens de notre époque?”

 Neb wʋsg sokda b mens yaa: ‘Bõe yĩng tɩ Wẽnnaam bas tɩ yel-beed a woto maand lekol-dãmbẽ wã?’ Y sã n dat n bãng Biiblã sẽn leokd sok-kãngã to-to, bɩ y karem sõsg ning gom-zug sẽn yaa: “Bõe yĩng tɩ yel-beed paamd nin-sõmse?”

•   “Bũmb nins fãa b sẽn gʋls pĩndã gʋlsa tõnd zãmsg yĩnga, sẽn na yɩl tɩ . . . ne Gʋls-sõamyã belsgã maasem, d tõe n saag tɩ manegr n wate.”—Rom dãmbã 15:4.

 Biiblã sẽn yet bũmb ningã tõe n sõng-y lame tɩ y ra sãam y sũur tɩ loog noore, wẽnemã sẽn paamd pãng dũniyã gill zugã yĩng ye. Karm-y Réveillez-vous ! wã sõsg ning gom-zug sẽn yaa: “La violence cessera-​t-​elle un jour?”

 Roagdba, y sã n dat n bãng y sẽn tõe n sõng y kambã to-to tɩ bũmb nins b sẽn get tele wã pʋgẽ wã ra kẽes-b rabeem wʋsgo, bɩ y karem sõsg ning gom-zug sẽn yaa: “Enfants et actualités troublantes.”

•   “Rĩmã na n fãag-b-la ne namsgo, la ne wẽnga.”—Yɩɩn-sõamyã 72:14.

•   “Bãmb na n dɩka b sʋʋsã n kud wãgse, la b rɩk b kãnã n kud goeto. Buud pa na n zẽk sʋʋg n zab ne buud a to, la b kõn le zãms zabr me ye.”—Mise 4:3.

 Wẽnnaam na n maana bũmb ninsaalbã sẽn pa tõe n maane. A Rĩungã sẽn be saasẽ wã na n wa sãama bug-raadã fãa, la a kɩt tɩ nen-kɛglem tʋʋmã fãa sa. Y sã n dat n bãng Wẽnnaam Rĩungã sẽn na n wa maane, bɩ y karem sõsg ning gom-zug sẽn yaa: “Sous le royaume de Dieu, ‘la paix abondera.’”