Biiblã wilgdame tɩ Armagedõ pa zabr sẽn na n zĩnd tẽnsã ne taab sʋk ye. Yaa dũniyã gill zabr sẽn na n zĩnd ninsaalbã goosneema-rãmbã ne Wẽnnaam sʋka.

•   “Goam zĩn-dãmb sẽn vẽnege, . . . B yiime n dabd dũniyã gill rĩm-dãmbã nengẽ, n na n tigm-b Wẽnnaam Sẽn-tõe-a-fãa wã ra-kãsengã zabrã yĩnga. . . . B tigma rĩm-dãmbã zĩig b sẽn boond ne Ebre tɩ Armagedõ.”—Vẽnegre 16:14, 16.

 Yaa Ebre gom-bil ning sẽn yaa Har Meghid·dohnʹ wã la b sẽn lebg tɩ “Armagedõ” wã, t’a võorã yaa “Megido tãnga.” Megido ra yaa galʋ tẽng sẽn da be pĩnd wẽndẽ Israyɛlle. Rẽ n so tɩ neb kẽer tagsdẽ tɩ Armagedõ zabrã na n sɩnga Israyɛlle. La zĩig ka be Megido bɩ Moyẽnoriyã n yalem wʋsg n sek a na tõog n deeg “dũniyã gill rĩm-dãmbã” ne b sodaasã fãa ye.

 Goam nins sẽn be Vẽnegr sebrã pʋgẽ wã yaa ‘bãna,’ bɩ sẽn makd bũmbu. (Vẽnegre 1:1) Armagedõ pa zĩig sẽn sɩd be ye. Yaa makr sẽn bilgd tẽnsã sẽn na n naag taab n kɩɩs Wẽnnaam naamã tɛkem-tɛkem.—Vẽnegre 19:11-16, 19-21.