BABG A 4
Israɛll pipi rĩmã yãkr n tãag b sẽn yõg-b n kẽng yembd Babilonnã
A Sayull n yɩ Israɛll pipi rĩma. La a Zeova wa n bas-a lame n yãk a Davɩɩd t’a ledg-a. D na n goma a Davɩɩd yell wʋsgo. A sẽn wa n yaa bi-bɩɩga, a zaba ne nin-wobg a Goliate. Kaoosg zugẽ, a wa n zoeeme, bala rĩm a Sayull da maanda sũ-kiir ne-a. Pʋg-sõng a Abigayill me kɩtame t’a pa maan wẽng ye.
Rẽ poore, d na n goma a Davɩɩd biig a Salomo yelle. A Davɩɩd kũumã poore, a Salomo n lebg Israɛll rĩma. A Sayull rɩɩ a naamã yʋʋm 40, a Davɩɩd ne a Salomo me yɩɩ woto. A Salomo kũumã poore, Israɛll soolmã welga zĩis a yiibu. A yembr bee rɩtg t’a ye be goabga.
Rɩtg soabã yaa buud piiga, tɩ goabg soabã yaa buud a yiibu. Rɩtg soabã kaoosa yʋʋm kobs-yi la pis-nu la a yopoe tɩ Asiri nebã yaool n wa sãam-a. Yʋʋm koabg la pis-tã la a tãab poore, b sãama goabg soabã me. Wakat kãnga, b talla Israɛll nebã n kẽng yembd Babilon. Dẽnd babg a naasã gomda yel-kãsems sẽn zĩnd yʋʋm kobs-nu la piig pʋgẽ yelle.
BAB-KÃNGÃ PƲGẼ
KIBAR 56
Saul—Israɛll pipi rĩmã
Sẽn yaa Wẽnnaam n yãk a Sayull n wa raag-a n basã, d tõe n dɩka a yam a kibarã pʋgẽ.
KIBAR 58
A Davɩɩd ne a Goliate
A Davɩɩd sẽn tõog a Goliatã pa ne loaabg bal ye. Yaa ne zab-teoog pãng sẽn yɩɩd loaabg hal zĩig sẽn zare.
Kibar 59
A Davɩɩd kong n zoeeme
A Sayull da nooma ne a Davɩɩde, la wa yik n maanda sũ-kiir ne-a, n pʋd n dat n kʋ-a. Bõe yĩnga?
KIBAR 60
A Davɩɩd ne a Abigayille
A Abigayill boola a sɩdã tɩ yalma, la a sõng-a lame t’a põs kũum wakat bilfu.
KIBAR 61
A Davɩɩd lebga rĩma
A Davɩɩd wilgame ne bũmb nins a sẽn maane, la a sẽn tõdg t’a kõn maan b rãmbã fãa t’a tõe n yɩɩ Israɛll rĩma.
KIBAR 62
Zu-loees n kẽ na-zakã
Ne a kongr a ye bala, a Davɩɩd baoa zu-loees n kõ a meng la a zakã rãmb tɩ nan watẽ.
KIBAR 64
A Salomo mee wẽnd-doogã
Baa a Salomo sẽn da tar yam wʋsgã, b tõogame t’a sak n maan bũmb sẽn wẽnga, la yalemdo.
KIBAR 67
A Zozafat teega a Zeova
Bõe yĩng tɩ sodaas rigd zabre, tɩ yɩɩn-yɩɩndb sẽn pa tar zab-teed be taoore?
KIBAR 70
Zĩm-bedr n vel a Zonas
A Zonaas bãngame t’a Zeova sã n yeel tɩ d maan bũmbu, d segd n maaname.
KIBAR 73
Israɛll yaoolem rĩm-sõngo
A Zozɩas sẽn wa n nan yaa bi-bɩɩga, a maana bũmb sẽn baood raoodo.
KIBAR 74
No-rɛɛs a Zeremi
A Zeremi ra tagsdame tɩ yẽ paooda ne a yɩ no-rɛɛsa, la Wẽnnaam da miime t’a tõeeme.
KIBAR 75
A Daniɛll ne a zo-rãmbã
B tõog n maana sẽn yaa sõma baa ne b sẽn da pa le be ne b zagsã rãmbã.
KIBAR 76
B sãama Zerizalɛm
Bõe yĩng tɩ Wẽnnaam bas tɩ Babilon nebã sẽn yaa Israɛll bɛɛbã sãam Zerizalɛm?
