SAK 93
A Zeezi lebg n looga saasẽ
A Zeezi ne a karen-biisã tigma taaba, t’a kõ-b tʋʋm-kãseng n yeel-b yaa: ‘Sõng-y neb buud fãa tɩ b lebg mam karen-biisi. Zãms-y bãmb bũmb nins mam sẽn wilg yãmbã, la y lis-ba.’ Rẽ poore, a yeel-b lame yaa: ‘Ra yĩm-y ye. Mam na n zĩnda ne yãmb wakat fãa.’
A Zeezi sẽn vʋʋgã, a vẽnega a meng Galɩle la Zerizalɛm t’a karen-biis wʋsg yã-a. A maana woto rasem 40. A zãms-b-la bũmb wʋsgo, la a maan yel-soalem wʋsg me. Rẽ poore, yẽ ne a tʋm-tʋmdbã sega taab Oliiv tɩɩs tãngã zugu, t’a yeel-b yaa: ‘Kell-y n pa-y Zerizalɛm, n gũ bũmb ning m Ba sẽn yeel t’a na n kõo yãmbã.’
Tʋm-tʋmdbã ra pa wʋmd a Zeezi goamã võor ye. B sok-a lame yaa: ‘Yaa masã la fo na n lebg Israyɛll Rĩm bɩ?’ T’a Zeezi leoke: ‘A Zeova sẽn yãk wakat ning n na n kɩt tɩ mam lebg Rĩmã nan pa ta ye. Ka la bilfu, yãmb na n paama vʋʋsem sõngã, n lebg mam kaset rãmba. Moon-y koɛɛgã Zerizalɛm, Zide, Samaari, la dũniyã gill fãa.’
Rẽ poore, a Zeezi zẽkame n loog saasẽ, tɩ sawat lud-a. A karen-biisã ra ket n getame, la a Zeezi menemame.
Karen-biisã siga Oliiv tɩɩs tãngã n leb Zerizalɛm. B ra tigimda taab wakat fãa yĩngr doog pʋgẽ, la b pʋʋsdẽ. B ra gũudame t’a Zeezi vẽneg-b tɩ b bãng bũmb a taab n paase.
“Wẽnnaam soolmã koe-no-kãngã na n moona dũni gill fãa, tɩ yɩ kaset soolem toay-toayã fãa nebã yĩnga. Dẽ, wakat sɛɛb na yaool n ta.”—Matye 24:14
Découvrez aussi…
A ZEEZI YAA SORE, LA SƖDA, LA VƖƖM
Neb kʋʋng yãa a Zeezi tɩ Pãntekotã pa ta ye
A Zeezi vʋʋgrã poore, la nand t’a leb saasẽ, a wilga a karen-biisã n yɩlem tɩ b na n paama vʋʋsem sõngã, la a wilg-b b sẽn segd n maan to-to tɩ naf-ba.
