वैज्ञानिक काय सांगू शकत नाहीत

प्ले

असं म्हणता येईल, की या अफाट विश्‍वात ज्या गोष्टी आपण पाहू शकतो, त्यांच्या जवळजवळ प्रत्येक पैलूचा अभ्यास वैज्ञानिकांनी केला आहे. तरीसुद्धा असे काही महत्त्वाचे प्रश्‍न आहेत ज्यांची उत्तरं त्यांच्याकडे नाही.

विश्‍वाची आणि जीवनाची सुरुवात कशी झाली याबद्दल वैज्ञानिकांना ठामपणे सांगता आलं आहे का? याचं थेट उत्तर नाही असं आहे. काही जण असं म्हणतात, की विश्‍वोत्पत्ती शास्त्राचा अभ्यास करणारे वैज्ञानिक विश्‍वाची उत्पत्ती कशी झाली याबद्दल सांगू शकतात. पण डार्टमाऊथ कॉलेजमधले खगोलशास्त्राचे प्राध्यापक मार्सेलो ग्लेझर a असं म्हणतात, की “विश्‍वाची उत्पत्ती कशी झाली याबद्दल आजपर्यंत काहीच स्पष्टीकरण आपण दिलेलं नाही.”

तसंच, जीवनाच्या उत्पत्तीबद्दल सायन्स न्यूज  मॅगझीनमधल्या एका लेखात असं म्हटलं आहे: “पृथ्वीवर जीवनाची सुरुवात नेमकी कशी झाली याचं अचूक उत्तर देणं, कदाचित अशक्य आहे. कारण पृथ्वीच्या सुरुवातीच्या काळात नेमकं काय-काय घडलं याबद्दलचे बहुतेक भूशास्त्रीय पुरावे केव्हाच नष्ट झाले आहेत.” या विधानांवरून कळतं, की या विश्‍वाची आणि जीवनाची सुरुवात कशी झाली याचं उत्तर विज्ञान आजपर्यंत देऊ शकलेलं नाही.

त्यामुळे तुम्हाला कदाचित असा प्रश्‍न पडेल, की ‘जर पृथ्वीवरच्या जीवसृष्टीची रचना करण्यात आली आहे, तर तिचा रचानाकार कोण आहे?’ तुम्हाला कदाचित असेही प्रश्‍न पडले असतील, की ‘जर खरंच एक बुद्धिमान आणि प्रेमळ निर्माणकर्ता आहे, तर तो मानवांचं दुःख पाहूनसुद्धा काही करत का नाही? किंवा एकमेकांपेक्षा अगदीच उलट असणाऱ्‍या पद्धतींनी तो मानवांना आपली उपासना का करू देतो? आणि त्याचे उपासक वाईट कामं करतात तेव्हा तो ते का खपवून घेतो?’

साहजिकच, विज्ञानाकडे या प्रश्‍नांची उत्तरं नाहीत. पण याचा अर्थ या प्रश्‍नांची तर्काला पटणारी उत्तरंच नाहीत असा होत नाही. उलट बऱ्‍याच लोकांना बायबलमध्ये या प्रश्‍नांची समाधानकारक उत्तरं मिळाली आहेत.

बायबलचं परीक्षण केल्यावर काही वैज्ञानिक निर्माणकर्त्याला का मानू लागले आहेत, हे जर तुम्हाला जाणून घ्यायचं असेल तर jw.org/mr या वेबसाईटला भेट द्या. आणि त्यात जीवनाच्या सुरुवातीबद्दल मतं ही व्हिडिओ मालिका शोधा.

विज्ञानामुळे आणि बायबलमुळे त्यांना खातरी पटली

ग्यॉरगी एन. कॉयदन, रसायनशास्त्रज्ञ

“मी प्रयोग शाळेत सहसा वेगवेगळ्या रेणूंना ‘एकत्र जोडण्याचं’ काम करतो. ही गोष्ट चेस खेळण्यासारखी आहे. चेस खेळताना आपल्याला पुढच्या चाली आधीच ठरवाव्या लागतात. तुमची एक जरी चाल चुकली तर सगळा खेळ बिघडू शकतो. तसंच, प्रयोग करताना माझी एक जरी पायरी चुकली की रेणूंची संपूर्ण रचना बिघडून जाते. माझं काम गुंतागुंतीचं असलं तरी वेगवेगळे रेणू तयार करण्यासाठी एका जिवंत पेशीच्या आत ज्या हजारो रासायनिक प्रक्रिया सुरू असतात, त्याच्यापुढे ते काहीच नाही. म्हणूनच मी असं मानतो, की या जीवसृष्टीच्या मागेही कोणीतरी महान रसायनशास्त्रज्ञ, एक महान निर्माणकर्ता असला पाहिजे.

बायबलचा अभ्यास केल्यावर माझ्या लक्षात आलं, की हे काही साधंसुधं पुस्तक नाही. बायबलचं लिखाण पूर्ण होऊन जवळजवळ २,००० वर्षं झाली असली, तरी त्यातला सल्ला आजही तितकाच मोलाचा आहे. कुटुंबातल्या आणि कामावरच्या लोकांसोबतचे, तसंच आपसातले वाद कसे मिटवायचे, याबद्दल त्यात जे काही सागितलं आहे ते खरंच खूप उपयोगी आहे. असा भरवशालायक सल्ला मानवांपेक्षा बुद्धिमान असलेलाच कोणीतरी देऊ शकतो, या निष्कर्षावर मी पोचलोय.”

यान-डे स्यू, गर्भशास्त्रज्ञ

“गर्भाशयात भ्रूणाची वाढ होत असताना, सगळ्या पेशी एकमेकांसोबत मिळून काम करत असतात. आणि त्यामुळेच काही विशिष्ट पेशींपासून नसा, स्नायू, हाडं, रक्‍त, मांसल भाग आणि शेवटी एक संपूर्ण जीव तयार होतो. पण नेमकी कोणती यंत्रणा भ्रूणाच्या वाढ घडवून आणते, हे अजूनही एक कोडंच आहे. मला तरी असंच वाटतं, की जीवनाची सुरूवात एका बुद्धिमान रचनाकाराने केली आहे.

आईच्या पोटात गर्भाची वाढ कशी होते याबद्दल बायबलमध्ये स्तोत्र १३९:१५, १६ या वचनांमध्ये जे सांगितलं आहे आणि अलीकडच्या दशकात याबद्दल शास्त्रज्ञांना जे समजलं आहे ते अगदी मिळतं-जुळतं आहे. बायबलमध्ये हजारो वर्षांपूर्वी दिलेलं हे वर्णन स्वतः निर्माणकर्त्याने सांगितल्याशिवाय इतकं अचूक कसं काय असू शकतं?”