‘मोशे’ हे नाव ऐकताच तुमच्या डोळ्यांसमोर कोणते चित्र उभे राहते? तुम्ही कदाचित म्हणाल . . .

• एक तान्हे बाळ ज्याला त्याच्या आईने एका बंद टोपलीत ठेवून नाईल नदीत लपवले होते.

• एक मुलगा जो फारोच्या मुलीचा पुत्र म्हणून इजिप्तमध्ये ऐशआरामात वाढला, पण आपण मुळात इस्राएली आहोत हे तो कधीच नाही विसरला.

• एक मनुष्य जो ४० वर्षे मिद्यान देशात मेंढपाळ म्हणून राहिला.

• एक असा मनुष्य जो पेटलेल्या झुडपासमोर यहोवाशी  * बोलला.

• एक असा पुरूष जो मोठे धाडस करून इजिप्तच्या राजासमोर उभा राहिला व ज्याने इस्राएल लोकांची गुलामगिरीतून सुटका करण्याची मागणी केली.

• तो मनुष्य ज्याने देवाच्या सांगण्यावरून इजिप्तवर दहा पीडा आणल्या, कारण त्या देशाच्या राजाने खऱ्‍या देवाला आव्हान केले होते.

• तो मनुष्य ज्याने मोठ्या दिमाखात इस्राएल लोकांना इजिप्तमधून बाहेर आणले.

• तो मनुष्य ज्याने देवाच्या शक्‍तीने तांबडा समुद्र दुभागला.

• तो ज्याने इस्राएल लोकांना देवाकडील दहा आज्ञा दिल्या होत्या.