मीखा २:१-१३
२ “जे दुसऱ्‍यांचं नुकसान करण्याचे कट रचतात,जे बिछान्यावर पडल्या-पडल्या दुष्ट योजना करतात, त्यांचा धिक्कार असो!
पहाट होताच ते त्या योजना पूर्ण करतात,कारण त्यांच्या हातात तसं करण्याची ताकद असते.+
२ ते शेतांची हाव धरतात आणि ती बळकावतात;+घरांचा लोभ धरतात आणि ती ताब्यात घेतात;ते एखाद्याची फसवणूक करून त्याचं घर,+आणि त्याचा वारसा हिरावून घेतात.
३ म्हणून यहोवा म्हणतो:
‘आता मी या घराण्याविरुद्ध एक असं संकट आणीन,+ ज्यातून तुम्ही वाचू शकणार नाही.*+
तुम्ही पुन्हा कधी गर्विष्ठपणे चालणार नाही,+ कारण ती संकटाची वेळ असेल.+
४ त्या दिवशी लोक तुमच्याबद्दल एक म्हण वापरतील,आणि ते तुमच्यासाठी मोठ्याने शोक करतील.+
ते म्हणतील: “आम्ही पूर्णपणे उद्ध्‌वस्त झालो आहोत!+
त्याने आमच्या लोकांचा हिस्सा आमच्याकडून काढून परक्यांना दिला आहे.+
त्याने आमची शेतं विदेश्‍यांना दिली आहेत.”
५ त्यामुळे यहोवाच्या मंडळीत जमीन वाटून देण्यासाठी,मोजायची दोरी ताणून धरायला तुमच्यामध्ये कोणी नसेल.
६ ते घोषणा करतात, “प्रचार थांबवा!
या गोष्टींबद्दल प्रचार करू नका;आमचा अपमान होणार नाही!”
७ हे याकोबच्या घराण्या, तू म्हणतोस:
“यहोवा* उतावीळ झाला आहे का?
हे सगळं त्यानेच केलंय का?”
माझ्या शब्दांमुळेच नीतीने चालणाऱ्‍यांचं भलं होत नाही का?
८ पण अलीकडे माझेच लोक शत्रूंसारखे उठले आहेत;जे युद्धावरून परत येणाऱ्‍यांसारखे न घाबरता चालतात,त्यांचे मौल्यवान दागिने तुम्ही उघडपणे हिसकावून घेता.
९ माझ्या लोकांच्या स्त्रियांना तुम्ही त्यांच्या सुंदर घरांमधून बाहेर काढता;त्यांच्या मुलांपासून तुम्ही माझं वैभव कायमचं हिरावून घेता.
१० उठा आणि चालते व्हा, हे आराम करायचं ठिकाण नाही.
कारण अशुद्धतेमुळे+ देशाचा नाश, खूप दुःखदायक नाश होणार आहे.+
११ जर एखादा माणूस व्यर्थ गोष्टींमागे चालून आणि फसवणूक करून, असं खोटं बोलला:
“मी तुम्हाला द्राक्षारसाबद्दल आणि मद्याबद्दल प्रचार करीन,”
तर असाच प्रचारक या लोकांना आवडेल!+
१२ हे याकोब, मी नक्कीच तुझ्या सर्व लोकांना गोळा करीन;मी इस्राएलच्या उरलेल्यांना नक्कीच जमा करीन.+
मेंढवाड्यातल्या मेंढरांप्रमाणे, मी त्यांना एकतेत ठेवीन,ते कुरणातल्या* कळपासारखे असतील;+तिथे लोकांचा गोंगाट असेल.’+
१३ राजा त्यांच्यापुढे जाऊन भिंतीला खिंडार* पाडेल,ते खिंडार मोठं करतील आणि फाटकातून बाहेर पडतील.+
त्यांचा राजा त्यांच्यापुढे चालेल,यहोवा त्या सर्वांचं नेतृत्व करेल.”+
तळटीपा
^ शब्दशः “तुम्ही तुमच्या माना काढणार नाही.”
^ किंवा “यहोवाची पवित्र शक्‍ती.”
^ किंवा “गुरं चारण्याच्या जमिनीवरच्या.”
^ किंवा “भगदाड.”
