यशया ५५:१-१३
५५ तहानलेल्या सर्व लोकांनो,+ या आणि पाणी प्या!+
पैसे नसलेले तुम्ही सर्व जण या आणि अन्‍न घ्या!
या आणि पैसे न देता द्राक्षारस व दूध+ मोफत घ्या.+
२ जे अन्‍न नाही त्यासाठी तुम्ही पैसे का खर्च करता?
आणि ज्यापासून काही समाधान मिळत नाही, त्यावर आपली कमाई का खर्च करता?
माझं लक्षपूर्वक ऐका आणि चांगलं ते खा,+म्हणजे चमचमीत अन्‍न खाऊन तुम्हाला आनंद मिळेल.+
३ माझ्याकडे या आणि माझ्या बोलण्याकडे कान द्या.+
ऐका, म्हणजे तुम्ही जिवंत राहाल.
मी तुमच्यासोबत सर्वकाळासाठी करार करीन;+मी दावीदला एकनिष्ठ प्रेमाचं जे अभिवचन दिलं, त्यानुसार मी तुमच्यासोबत करार करीन. ते अभिवचन भरवशालायक* आहे.+
४ पाहा! मी त्याला राष्ट्रांसाठी साक्षीदार बनवलं आहे.+
मी त्याला राष्ट्रांचं नेतृत्व करणारा+ आणि शासक+ म्हणून नेमलं आहे.
५ बघ! ज्या राष्ट्राला तू ओळखत नाहीस, त्या राष्ट्राला तू बोलावशील.
आणि ज्या राष्ट्रातले लोक तुला ओळखत नाहीत, ते तुझ्याकडे धाव घेतील.
इस्राएलचा पवित्र देव, तुझा देव यहोवा+ याच्यामुळे असं होईल.
कारण तो तुला वैभवशाली करेल.+
६ जोपर्यंत यहोवाला शोधण्याचा काळ आहे, तोपर्यंत त्याला शोधा.+
तो जवळ आहे तोपर्यंत त्याला हाक मारा.+
७ दुष्ट माणसाने आपला दुष्ट मार्ग सोडून द्यावा,+आणि वाईट माणसाने आपले वाईट विचार सोडून द्यावेत;त्याने यहोवाकडे परत यावं, म्हणजे तो त्याच्यावर दया करेल,+त्याने आमच्या देवाकडे परत यावं, कारण तो मोठ्या मनाने क्षमा करेल.+
८ यहोवा म्हणतो: “माझे विचार तुमच्या विचारांसारखे नाहीत,+आणि माझे मार्ग तुमच्या मार्गांसारखे नाहीत.
९ कारण आकाश जसं पृथ्वीपेक्षा उंच आहे,तसे माझे मार्ग तुमच्या मार्गांपेक्षा,आणि माझे विचार तुमच्या विचारांपेक्षा उंच आहेत.+
१० पाहा! जसा पाऊस आणि बर्फ आकाशातून खाली पडतो,आणि पृथ्वीला भिजवल्याशिवाय, तिच्यातून पीक उत्पन्‍न करून ते वाढवल्याशिवाय;तसंच, पेरणाऱ्‍याला बी आणि खाणाऱ्‍याला भाकर दिल्याशिवाय परत वर जात नाही,
११ तसं माझ्या तोंडून निघालेलं वचन होईल.+
ते माझी इच्छा पूर्ण केल्याशिवाय,+आणि ज्या कामासाठी मी ते पाठवलंय,ते पूर्ण केल्याशिवाय माझ्याकडे परत येणार नाही.+
१२ तुम्ही आनंदाने बाहेर निघाल,+आणि तुम्हाला शांतीने परत आणलं जाईल.+
तुमच्यासमोर डोंगर आणि टेकड्या आनंदाने जयघोष करतील,+आणि रानातली झाडं हर्षाने टाळ्या वाजवतील.+
१३ काटेरी झुडपाच्या जागी गंधसरूचं झाड उगवेल,+आणि खाजकुइलीच्या झाडाच्या जागी मेंदीचं झाड उगवेल.
यामुळे यहोवाच्या नावाचा गौरव होईल,*+आणि कधीही नष्ट होणार नाही असं सर्वकाळाचं ते चिन्ह होईल.”
