Dewteronomju 33:1-29
33 Issa din hi l-barka li Mosè, il-qaddej tal-Alla l-veru, qal lill-Iżraelin qabel ma miet.
2 Hu qal:
“Ġeħova ġie mis-Sinaj,U idda fuqhom mis-Segħir.
Idda bil-glorja mir-reġjun muntanjuż tal-Faran,U miegħu kien hemm għaxriet t’eluf t’anġli qaddisin,U fuq il-lemin tiegħu kien hemm il-gwerriera tiegħu.
3 Hu kien jgħożż il-poplu tiegħu;Il-qaddisin kollha tiegħu qegħdin f’idejh.
Huma joqogħdu bilqiegħda ħdejn saqajh;Huma jisimgħu kliemu.
4 (Mosè tana liġi,Bħala wirt tal-kongregazzjoni taʼ Ġakobb.)
5 U Alla sar re f’Ġesurun*Meta nġabru l-kapijiet tal-poplu,Flimkien mat-tribujiet kollha t’Iżrael.
6 Ħa jgħix Ruben u ma jmutx,U ħa ma jsirux ftit l-irġiel tat-tribù tiegħu.”
7 U hu qal din il-barka għal Ġuda:
“Ġeħova, ismaʼ leħen Ġuda,U jalla ġġibu lura għand niesu.
Hu ddefenda b’idejh* dak li hu tiegħu,U jalla tgħinu kontra l-avversarji tiegħu.”
8 Dwar Levi qal:
“Alla, it-Tummim u l-Urim huma tar-raġel leali lejk,Li int għaddejtu minn prova f’Massah.
Int bdejt tiġġieled miegħu ħdejn l-ilmijiet taʼ Meriba.
9 L-irġiel Leviti ma wrewx konsiderazzjoni għal missierhom u ommhom.
Lanqas lil ħuthom ma rrikonoxxew,U injoraw lit-tfal tagħhom stess.
Għax huma obdew kelmtek,U baqgħu jżommu mal-patt tiegħek.
10 Ħa jgħallmu lil Ġakobb id-deċiżjonijiet ġudizzjali tiegħekU lil Iżrael il-Liġi tiegħek.
Ħa joffru l-inċens bħala riħa pjaċevoli għalikU offerta sħiħa fuq l-artal tiegħek.
11 Ġeħova, bierek is-saħħa tiegħu,U jalla tieħu pjaċir b’xogħol idejh.
Kisser saqajn* dawk li jqumu kontrih,Sabiex dawk li jobogħduh ma jerġgħux iqumu.”
12 Dwar Benjamin qal:
“Ħa jgħix il-maħbub taʼ Ġeħova fis-sigurtà ħdejh.
Waqt li jipprovdilu kenn il-jum kollu,Hu se jgħix fuq spallejh.”
13 Dwar Ġużeppi qal:
“Jalla artu tkun imbierka minn ĠeħovaBl-affarijiet mill-aqwa tas-sema,Bin-nida u bl-ilmijiet mill-għejun taʼ taħt l-art,
14 Bl-affarijiet mill-aqwa li jikbru bix-xemxU bl-affarijiet mill-aqwa tal-ħsad taʼ kull xahar,
15 Bl-aqwa nett tal-affarijiet mill-muntanji tal-qedem*U bl-affarijiet mill-aqwa tal-għoljiet li jibqgħu,
16 Bl-affarijiet mill-aqwa tal-art u kulma fiha,U bl-approvazzjoni taʼ Dak li deher fin-nar tal-għollieqa.
Jalla dawn il-barkiet jinżlu fuq ras Ġużeppi,Jalla joqogħdu fuq il-qorriegħa taʼ ras il-magħżul minn fost ħutu.
17 Il-ġmiel tiegħu hu bħal dak tal-ewwel ferħ taʼ barri,U l-qrun tiegħu huma bħall-qrun taʼ barri salvaġġ.
Bihom se jimbotta* l-popliKollha kemm huma sa truf l-art.
Dawn huma l-għaxriet tal-eluf t’Efrajm,U huma l-eluf taʼ Manasse.”
18 Dwar Żebulun qal:
“Ifraħ Żebulun, meta toħroġ,U anki int, Issakar, fit-tined tiegħek.
19 Huma se jgħajtu lill-popli lejn il-muntanja.
Hemmhekk joffru s-sagrifiċċji tal-ġustizzja.
Għax jieħdu mill-ġid abbundanti tal-ibħraU mill-ħażniet* moħbijin tar-ramel.”
20 Dwar Gad qal:
“Imbierek dak li qed iwessaʼ l-fruntieri taʼ Gad.
Hu joqgħod hemm bħal iljun,Lest biex iqaċċat l-id u r-ras.
21 Hu jagħżel l-ewwel sehem għalih.
Dan hu s-sehem li l-wieħed li jagħti l-liġi refaʼ għalih.
Il-kapijiet tal-poplu jinġabru flimkien.
Hu se jagħmel dak li hu sew f’isem ĠeħovaU d-deċiżjonijiet ġudizzjali tiegħu m’Iżrael.”
22 Dwar Dan qal:
“Dan hu ferħ taʼ ljun.
Hu joħroġ jaqbeż mill-Basan.”
23 Dwar Naftali qal:
“Naftali se jkun sodisfatt bl-approvazzjoniU mimli bil-barka taʼ Ġeħova.
Ħu f’idejk il-Punent u n-Nofsinhar.”
24 Dwar Aser qal:
“Imbierek bit-tfal ikun Aser.
Ħa jkun approvat minn ħutu,U ħa jdaħħal* siequ fiż-żejt.
25 Tal-ħadid u tar-ram huma l-istaneg tal-bibien tiegħek,U tkun fis-sigurtà għomrok kollu.*
26 M’hemm ħadd bħall-Alla l-veru taʼ Ġesurun,Li jivvjaġġa fis-sema biex jgħinekU li jiġi fuq is-sħab fil-kobor tiegħu.
27 Alla hu refuġju minn żmien il-qedem,L-idejn dejjiema tiegħu huma taħtek.
Hu jkeċċi l-għadu minn quddiemek,U jgħid, ‘Ġibhom fix-xejn!’
28 Iżrael se jgħix fis-sigurtà,U dawk li se jiġu minn* Ġakobb se jkunu protettiF’art taʼ ċereali* u nbid ġdid,Li fiha s-sema tqattar in-nida.
29 Ferħan int, Iżrael!
Min hemm bħalek,Poplu li jgawdi s-salvazzjoni minn Ġeħova,It-tarka taʼ protezzjoni tiegħek,U x-xabla kbira tiegħek?
L-għedewwa tiegħek ibaxxu rashom quddiemek,U int tirfes fuq daharhom.”*
Noti taʼ taħt
^ Ifisser “Wieħed Ġust,” titlu onorarju għal Iżrael.
^ Jew “Dirgħajh iġġieldu għal.”
^ Jew “ġenbejn.”
^ Jew forsi “mill-muntanji tal-Lvant.”
^ Jew “se jweġġaʼ.”
^ Jew “mit-teżori.”
^ Jew “jaħsel.”
^ Letteralment “U bħal jiemek se tkun saħħtek.”
^ Letteralment “l-għajn tal-ilma taʼ.”
^ Ċereali huma żrieragħ li jinkludu xgħir (barley) u qamħ.
^ Jew forsi “l-postijiet għoljin tagħhom.”
