KAPITLU 37

Għandi Nitgħammed?

Immarka veru jew falz:

Biex taqdi lil Ġeħova trid titgħammed.

□ Veru

□ Falz

Il-​magħmudija qiegħda biex tgħinek ma tagħmilx żbalji.

□ Veru

□ Falz

Bil-​magħmudija tistaʼ ssalva.

□ Veru

□ Falz

Jekk ma tkunx mgħammed ma tkunx responsabbli għal dak li tagħmel quddiem Alla.

□ Veru

□ Falz

Jekk sħabek qed jitgħammdu jfisser li int għandek titgħammed ukoll.

□ Veru

□ Falz

HU NORMALI li taħseb dwar il-​magħmudija jekk tobdi lil Alla, tipprova tkun ħabib tiegħu, u titkellem m’oħrajn dwaru. Biex tara jekk intix lest biex titgħammed, aħseb dwar is-​sentenzi li għadek kif weġibt.

● Biex taqdi lil Ġeħova trid titgħammed.

Veru. Ġesù kmanda lid-​dixxipli tiegħu biex jitgħammdu. (Mattew 28:19, 20) Anke Ġesù stess tgħammed. Biex timita lil Ġesù, trid tiddeċiedi li titgħammed meta tkun ċert u matur biżżejjed.

● Il-​magħmudija qiegħda biex tgħinek ma tagħmilx żbalji.

Falz. Il-​magħmudija hi mod kif turi lill-​oħrajn li int iddedikajt lilek innifsek lil Ġeħova. Dan ifisser li tlabt lil Ġeħova u wegħedtu li se taqdih. Din il-​wegħda mhux bħal xi kuntratt. Din ma twaqqfekx milli tagħmel xi affarijiet li tixtieq imma ma tistax. Minflok, int tiddedika lilek innifsek lil Ġeħova għax trid tobdih.

● Bil-​magħmudija tistaʼ ssalva.

Veru. Il-​Bibbja tgħid li biex insalvaw il-​magħmudija hi importanti. (1 Pietru 3:​21) Imma dan ma jfissirx li jekk titgħammed, awtomatikament se ssalva. Int titgħammed għax tħobb lil Ġeħova u trid taqdih b’qalbek kollha għal dejjem.​—Marku 12:29, 30.

● Jekk ma tkunx mgħammed ma tkunx responsabbli quddiem Alla għal dak li tagħmel.

Falz. Ġakbu 4:​17 jgħid: “Jekk wieħed ikun jaf kif jagħmel dak li hu sewwa u ma jagħmlux, ikun qed jidneb”​—kemm jekk ikun mgħammed u kemm jekk le. Mela jekk taf x’inhu tajjeb u int matur biżżejjed biex tkun taf xi trid tagħmel b’ħajtek, ikun tajjeb li titkellem mal-​ġenituri jew maʼ ħu jew oħt matura. Huma se jgħinuk tkun lest biex titgħammed.

● Jekk sħabek qed jitgħammdu jfisser li int għandek titgħammed ukoll.

Falz. Inti trid tiddeċiedi jekk għandekx titgħammed. (Salm 110:3) Għandek titgħammed biss meta tifhem x’jiġifieri li tkun wieħed mix-​Xhieda taʼ Ġeħova u meta tkun ċert li lest għal din ir-​responsabbiltà.​—Ekkleżjasti 5:​4, 5.

Il-​Magħmudija Tbiddillek Ħajtek

Il-​magħmudija se ġġib ħafna affarijiet sbieħ f’ħajtek. Imma fl-​istess ħin, li żżomm il-​wegħda li għamilt lil Ġeħova hi responsabbiltà kbira.

Int lest biex tiddedika lilek innifsek lil Ġeħova? Jekk iva, int se tkun ferħan għax se taqdi lil Ġeħova u bil-​mod kif tgħix ħajtek turih li tħobbu.​—Mattew 22:36, 37.

FIL-​KAPITLU LI JMISS

Tgħallem x’miri tistaʼ tagħmel biex tuża ħajtek bl-​aħjar mod.

SKRITTURA PRINĊIPALI

‘Ippreżentaw ġisimkom bħala sagrifiċċju ħaj, qaddis, aċċettabbli għal Alla, jiġifieri, servizz sagru bil-​qawwa tar-​raġuni tagħkom.’​—Rumani 12:1.

SUĠĠERIMENT

Għid lill-​ġenituri biex jgħinuk issib uħud fil-​kongregazzjoni li jistgħu jgħinuk tersaq eqreb taʼ Ġeħova.​—Atti 16:​1-​3.

KONT TAF . . .

Il-​magħmudija hi parti importanti ħafna biex ikollok “il-​marka” tas-​salvazzjoni.—Eżekjel 9:4-​6.

L-​AZZJONI LI SE NIEĦU!

Biex inkun lest għall-​magħmudija, mill-​Bibbja nixtieq nitgħallem iżjed dwar: ․․․․․

X’nixtieq insaqsi lill-​ġenitur(i) tiegħi dwar dan is-​suġġett? ․․․․․

INT X’TAĦSEB?

● Il-​magħmudija għala hija deċiżjoni importanti ħafna?

● Ħafna żgħażagħ għala jitgħammdu kmieni wisq?

● Ħafna żgħażagħ għala ma jridux jitgħammdu?

[Kumment]

Il-​magħmudija għenitni biex ma nagħmilx affarijiet li se jeffettwawli ħajti b’mod ħażin.”—Holly

[Kaxxa/Stampa]

Mistoqsijiet Dwar il-Magħmudija

Xi tfisser il-​magħmudija? Il-​magħmudija tfisser li l-​iżjed ħaġa importanti hi li tobdi lil Ġeħova u mhux tagħmel li tixtieq.

Xi jfisser li tiddedika ħajtek lil Ġeħova? Ifisser li twiegħed lil Ġeħova li se ttih ħajtek u taqdih. (Mattew 16:24) Qabel ma titgħammed għandek titlob lil Ġeħova u tgħidlu li mil-​llum ‘il quddiem se taqdi lilu.

X’għandek tagħmel qabel titgħammed? Għandek tobdi dak li jgħid Alla fil-​Bibbja u titkellem m’oħrajn dwar dak li temmen. Għandek tipprova ssir ħabib t’Alla billi titolbu u tistudja l-​Bibbja. Int għandek tiddeċiedi tridx taqdi lil Ġeħova, mhux għax ħaddieħor jisforzak.

Kemm irid ikolli żmien biex nitgħammed? L-​età mhux l-​iżjed ħaġa importanti, imma li tifhem b’mod ċar xi jfisser li tiddedika ħajtek lil Ġeħova.

X’nistaʼ nagħmel jekk nixtieq nitgħammed imma l-​ġenituri jriduni nistenna? Forsi jixtiquk li tkun taf iżjed xi jfisser li taqdi lil Ġeħova. Ismaʼ minnhom u uża dan il-​ħin biex issir ħabib aħjar taʼ Ġeħova.—1 Samwel 2:26.

[Kaxxa]

Eżerċizzju

Tixtieq Titgħammed?

Aqra l-​mistoqsijiet u s-​sentenzi li ġejjin biex tara jekk intix lest biex titgħammed. Aqra l-​iskritturi kollha qabel twieġeb.

Kif qed turi li tafda lil Ġeħova?​—Salm 71:5. ․․․․․

Kif qed turi li taf x’inhu tajjeb u ħażin?​—Ebrej 5:14. ․․․․․

Titlob regolarment? ․․․․․

Dwar xiex titlob? U t-​talb tiegħek juri li tħobb lil Ġeħova?​—Salm 17:6. ․․․․․

Ikteb x’tixtieq tagħmel biex it-​talb tiegħek ikun aħjar. ․․․․․

Tistudja l-​Bibbja regolarment?​—Ġożwè 1:8. ․․․․․

X’qed tistudja mill-​Bibbja? ․․․․․

Ikteb x’tistaʼ tagħmel biex tistudja l-​Bibbja aħjar. ․․․․․

Inti titkellem m’oħrajn dwar il-​Bibbja? (Pereżempju: Taf tispjega x’tgħid il-​Bibbja lill-​oħrajn? Terġaʼ titkellem maʼ dawk li wrew interess? Qed tipprova tibda studju tal-​Bibbja?)

□ Iva □ Le

Tmur service anke meta l-​ġenituri ma jkunux jistgħu?​—Atti 5:42.

□ Iva □ Le

Ikteb x’tixtieq tagħmel biex is-​servizz tiegħek ikun aħjar.​—2 Timotju 2:15. ․․․․․

Tattendi l-​laqgħat kollha?​—Ebrej 10:25. ․․․․․

Kif tieħu sehem fil-​laqgħat? ․․․․․

Jekk il-​ġenituri jħalluk, tmur il-​laqgħat anke meta ma jkunux jistgħu?

□ Iva □ Le

Int tobdi lil Ġeħova minn qalbek?​—Salm 40:8.

□ Iva □ Le

Tiftakar xi drabi meta ġejt influwenzat biex tagħmel xi ħaġa ħażina imma m’għamilthiex?​—Rumani 12:2. ․․․․․

X’se tagħmel biex tibqaʼ tħobb lil Ġeħova?​—Ġuda 20, 21. ․․․․․

Se tibqaʼ taqdi lil Ġeħova anke jekk il-​ġenituri jew il-​ħbieb tiegħek ma jibqgħux?​—Mattew 10:36, 37.

□ Iva □ Le

[Stampa]

Il-magħmudija hi deċiżjoni importanti u rridu naħsbu sew dwarha