Għalliem fi skola elementari f’Cassano Murge, l-​Italja, qassam xi stikers lill-​istudenti tiegħu biex jiħduhom id-​dar. Dawn l-​istikers, magħmulin bil-​ħsieb li jiġu mwaħħlin fuq il-​bieb taʼ barra, kellhom dan il-​messaġġ miktub fuqhom: “Aħna Kattoliċi. Ix-​Xhieda taʼ Jehovah huma mitluba li ma jħabbtux dan il-​bieb.”

Xi wħud mill-​ġenituri taʼ l-​istudenti, għalkemm m’humiex Xhieda taʼ Jehovah, oġġezzjonaw bil-​kbir għall-​azzjoni taʼ dan l-​għalliem. Skond il-​gazzetta Muoviti Muoviti, il-​ġenituri pprotestaw ‘li l-​għoti taʼ dan it-​tip taʼ messaġġ lit-​tfal kien se jwassal biex huma jwarrbu lil kulmin ma jkunx jaħsibha bħalhom, jew li jeskludu lil xi ħadd għax ikun taʼ reliġjon “differenti.”’ Waħda mill-​ġenituri li kitbet lill-​gazzetta, qalet li l-​istiker hija bħal “żerriegħa taʼ ħaxixa ħażina, il-​prodott taʼ l-​injoranza u l-​istupidaġni.”

Bħalma juri dan ir-​rapport, ħafna nies li huma imparzjali jirrikonoxxu l-​perikli taʼ li jiżirgħu żrieragħ taʼ preġudizzju. Huma jirrispettaw ukoll il-​ministeru Kristjan li qed jagħmlu x-​Xhieda taʼ Jehovah fl-​Italja u fid-​dinja kollha. Għax ma tistaqsix lix-​Xhieda taʼ Jehovah ‘il-​għala tat-​tama li għandhom’? Huma se jkunu ħerqanin li jiddiskutu dan miegħek “bir-​rispett” kollu.—1 Pietru 3:​15, 16.