F’DAWN l-​aħħar snin, ix-​Xhieda taʼ Jehovah fi Franza saru l-​mira taʼ kampanja intensa biex isimhom jitħammeġ b’akkużi foloz. L-​għedewwa tagħhom użaw ħafna nofs veritajiet u tagħrif żbaljat biex il-​pubbliku jingħata impressjoni ħażina tagħhom. Fil-​bidu taʼ l-​1999, ix-​Xhieda taʼ Jehovah maʼ Franza kollha qassmu mat-​12-il miljun kopja taʼ fuljett bit-​titlu Nies taʼ Franza, Qegħdin Titqarrqu! F’dan il-​fuljett, huma ċaħdu għalkollox l-​istqarrijiet malafamanti li saru kontrihom.

Ftit tal-​jiem wara dik il-​kampanja, Mr. Jean Bonhomme, tabib li darba kien ukoll membru parlamentari, bagħat ittra miftuħa lil ġurnal lokali. Fiha kiteb: “Minn żmien għal żmien, ix-​Xhieda taʼ Jehovah jiġu jżuruni d-​dar. Jiġu jkellmuni dwar it-​tjubija u l-​imħabba universali. . . . Ma jisforzawnix. Jesprimu ruħhom bil-​kalma u joqogħdu jisimgħuni bil-​ħlewwa meta nesprimi d-​dubji tiegħi.”

Rigward il-​ħarsa spiritwali tax-​Xhieda taʼ Jehovah, Mr. Bonhomme qal: “Il-​fatt li huma maqtugħin mid-​dinja, fil-​każ tagħhom, ma tantx jistaʼ jagħmel ħsara. Mill-​banda l-​oħra, il-​mod kif ċerti politikanti huma maqtugħin mid-​dinja huwa ferm iktar taʼ theddida għall-​paċi taċ-​ċittadini u għall-​armonija tas-​soċjetà.”