အဓိကစကားလုံးတွေကို ခွဲထုတ်ပါ။ ကျမ်းချက်ဖတ်ပြီးတဲ့အခါ သင်ပြောနေတဲ့ အဓိကအချက်နဲ့ တိုက်ရိုက်ဆက်နွှယ်တဲ့ စကားလုံးတွေကို ပေါ်လွင်စေပါ။ အဲဒီစကားလုံးတွေကို ထပ်ပြောနိုင်တယ်။ ဒါမှမဟုတ် အဓိကစကားလုံးတွေကို သိမြင်နိုင်ဖို့ မေးခွန်းတစ်ခု မေးနိုင်တယ်။

မှတ်မိစေချင်တဲ့ အချက်ကို အလေးပေးပါ။ ကျမ်းချက်ဖတ်ရတဲ့အကြောင်းရင်းကို ပြောထားတယ်ဆိုရင် ကျမ်းချက်ပါ အဓိကစကားလုံးတွေက အဲဒီအကြောင်းရင်းနဲ့ ဘယ်လိုဆက်စပ်တယ်ဆိုတာ ရှင်းပြပါ။

သက်ဆိုင်ပုံကို ရိုးရိုးရှင်းရှင်း ပြောပါ။ အဓိကအချက်နဲ့ မသက်ဆိုင်တဲ့ အသေးစိတ်အချက်တွေကို မပြောပါနဲ့။ အကြောင်းအရာကို နားထောင်နေသူတွေ ဘယ်လောက်အထိ သိထားတယ်ဆိုတဲ့အချက်ပေါ် မူတည်ပြီး သင် အချက်အလက် ဘယ်လောက်ထပ်ပြောမယ်ဆိုတာ ဆုံးဖြတ်ပါ။ ဒါမှ နားထောင်နေသူတွေဟာ အချက်အလက်ကို ရှင်းရှင်းလင်းလင်း နားလည်နိုင်မယ်။