၁ ယေဟောဝါသည် အာဒံနှင့်ဧဝကိုဖန်ဆင်း၍ ပရဒိသုတွင် ထာဝစဉ်အသက်ရှင်နိုင်သည့်အလားအလာကို ပေးထားသည်။ စာတန်သည် ဘုရားသခင်၏နာမတော်ကို ကဲ့ရဲ့ရှုတ်ချ၍ ကိုယ်တော်၏အုပ်ချုပ်ပိုင်ခွင့်ကို စောဒကတက်သည်။ အာဒံနှင့်ဧဝသည် စာတန်၏ပုန်ကန်မှုတွင်ပါဝင်ရာ သူတို့ ကိုယ်တိုင်နှင့် သူတို့၏သားစဉ်မြေးဆက်များအပေါ် အပြစ်နှင့်သေခြင်း ကျရောက်လာသည်

၂ ယေဟောဝါသည် ပုန်ကန်သူများကို စီရင်ချက်ချပြီးနောက် စာတန်ကိုချေမှုန်းမည့်၊ ပုန်ကန်မှုနှင့်အပြစ်၏ဆိုးကျိုးအားလုံးကို ဖယ်ရှားမည့် ကယ်နုတ်ရှင် သို့မဟုတ် အမျိုးအနွယ်ကို ပေါ်ထွန်းစေမည်ဟု ကတိပေးသည်

၃ အာဗြဟံနှင့်ဒါဝိဒ်သည် ဘုရင်အဖြစ်ထာဝစဉ်အုပ်စိုးမည့် အမျိုးအနွယ် သို့မဟုတ် မေရှိယ၏ ဘိုးဘေးများဖြစ်လာမည်ဟု ယေဟောဝါကတိပြုသည်

၄ မေရှိယသည် အပြစ်နှင့်သေခြင်းမှ ကယ်နုတ်ပေးမည်ဖြစ်ကြောင်း ကြိုဟောရန် ပရောဖက်များကို ယေဟောဝါလမ်းညွှန်သည်။ မေရှိယသည် တွဲဖက်အုပ်စိုးသူများနှင့်အတူ ဘုရားသခင့်နိုင်ငံတော်ဘုရင်အဖြစ် အုပ်စိုးကာ စစ်မှုများ၊ အဖျားအနာနှင့်သေခြင်းကိုပင် အဆုံးတိုင်စေလိမ့်မည်

၅ ယေဟောဝါသည် သားတော်ကို မြေကြီးသို့စေလွှတ်သည်။ ယေရှုသည် မေရှိယဖြစ်ကြောင်း ယေဟောဝါဖော်ပြသည်။ ယေရှုသည် ဘုရားသခင့်နိုင်ငံတော်အကြောင်း ဟောပြော၍ မိမိ၏အသက်ကို ပူဇော်သကာအဖြစ် ပေးဆက်သည်။ ထို့နောက် ယေဟောဝါသည် ယေရှုကို နာမ်ဝိညာဉ်ပုဂ္ဂိုလ်အဖြစ် ထမြောက်စေသည်

၆ ယေဟောဝါသည် သားတော်ကို ကောင်းကင်ဘုရင်အဖြစ်နန်းတင်ပြီး ဤလောကစနစ်နောက်ဆုံးနေ့ရက်များ၏အစကို အချက်ပေးဖော်ပြသည်။ ယေရှုသည် မြေကြီး ပေါ်ရှိ မိမိနောက်လိုက်များ ကမ္ဘာတစ်ခွင်တွင် ဘုရားသခင့်နိုင်ငံတော်အကြောင်း ဟောပြောနေသည်ကို လမ်းညွှန် ပေးသည်

၇ ယေဟောဝါသည် မြေကြီးပေါ်တွင် မိမိနိုင်ငံတော် အုပ်ချုပ်မှုစတင်ရန် သားတော်ကိုညွှန်ကြားသည်။ ဘုရားသခင့်နိုင်ငံတော်သည် ဆိုးသွမ်းသောအုပ်ချုပ်မှုအားလုံးကို ချေမှုန်းပြီးနောက် ပရဒိသုကိုတည်ထောင်ပေးသည်၊ သစ္စာရှိ လူသားများကို စုံလင်သည့်အဖြစ်ရရှိစေသည်။ ယေဟောဝါ၏အုပ်ချုပ်ပိုင်ခွင့်သည် သံသယကင်းရှင်းပြီး ကိုယ်တော်၏နာမတော်သည် ထာဝစဉ်သန့်ရှင်းမြင့်မြတ်သွားသည်