ကမ္ဘာတစ်ဝန်းမှာ နားမကြားသူ သန်း ၇၀ လောက်ရှိပြီး အများစုက လက်သင်္ကေတပြစကား ၂၀၀ ကျော်အနက် တစ်ခုခုနဲ့ ဆက်သွယ်ပြောဆိုကြတယ်။ ဝမ်းနည်းစရာက နားမကြားသူတွေ မမျှမတ ဆက်ဆံခံနေရတယ်။ အောက်ပါ အချက်အလက်ကို သတိပြုကြည့်ပါ–

•   “ကမ္ဘာတစ်ဝန်းမှာ နားမကြားသူ၊ အကြားအာရုံချို့ယွင်းသူတွေရဲ့ အခွင့်အရေး လျစ်လျူရှုခံနေရတယ်။”—အမျိုးသား နားမကြားအဖွဲ့အစည်း၊ အမေရိကန်ပြည်ထောင်စု။

•   “ဖွံ့ဖြိုးဆဲနိုင်ငံတွေမှာရှိတဲ့ နားမကြားသူတွေဟာ အဆင်းရဲဆုံးသူတွေပါ။ သူတို့အတွက် သင့်တော်တဲ့ ပညာရေး၊ အလုပ်အကိုင်နဲ့ အချက်အလက်တွေရဖို့ တအားခက်တယ်။”—ကမ္ဘာ့နားမကြား အဖွဲ့အစည်း။

 နားမကြားသူတွေနဲ့ပတ်သက်ပြီး ဘုရား ဘယ်လို ခံစားရသလဲ။ နားမကြားသူတွေအကြောင်း ကျမ်းစာအဆိုက ဘာလဲ။ ဒီနေ့အချိန်မှာ နားမကြားသူတွေကို ယေဟောဝါသက်သေတွေ ဘယ်လို ကူညီပေးနေသလဲ။

နားမကြားသူတွေကို ဘုရား ရှုမြင်ပုံ

 ယေဟောဝါ aဟာ နားမကြားသူတွေကို ဂရုစိုက်စောင့်ရှောက်တဲ့ ဘုရားဖြစ်တယ်လို့ ကျမ်းစာ ဆိုတယ်။ ဘုရားက နားမကြားသူတွေကို တန်းတူညီတူ ဆက်ဆံခံရစေချင်တယ်။ ဘုရားပြင်ဆင်ပေးတဲ့ ပညာရေးကနေ အကျိုးရစေချင်တယ်။

 ကျမ်းချက်– “နားမကြားသူကို မကျိန်ဆဲနဲ့။”—ဝတ်ပြုရာ ၁၉:၁၄။

 ကျမ်းချက်– “ဘုရားသခင် မျက်နှာမလိုက်” ဘူး။—တမန်တော် ၁၀:၃၄။

 ကျမ်းချက်– “ယေရှုက မြို့ရွာအနှံ့ လှည့်လည်သွားလာပြီး . . . နိုင်ငံတော် သတင်းကောင်း ဟောတယ်။”—မဿဲ ၉:၃၅။

 ကျမ်းချက်– ယေရှုက “နားမကြားသူကိုတောင် နားကြားအောင်၊ စကားမပြောနိုင်သူကိုတောင် စကားပြောအောင် လုပ်” ပေးခဲ့တယ်။—မာကု ၇:၃၇။

 ကျမ်းချက်– “နားမကြားသူတွေ နားကြားလာမယ်။”—ဟေရှာယ ၃၅:၅။

 အဓိပ္ပာယ်– နားမကြားသူတွေ နားကြားလာမယ်လို့ ယေဟောဝါ ကြိုဟောထားတယ်။—ဟေရှာယ ၂၉:၁၈။

နားမကြားသူတွေကို ယေဟောဝါသက်သေတွေ ကူညီပေးပုံ

 ယေဟောဝါသက်သေတွေက ကမ္ဘာတစ်ဝန်းက နားမကြားသူတွေကို ဘုရားကတိပြုထားတဲ့ မျှော်လင့်ချက်အကြောင်း ဝေမျှနေကြတယ်။ ဘယ်လိုနည်းနဲ့လဲ။ ကျမ်းစာ၊ ကျမ်းစာလေ့လာဖို့ အထောက်အကူပြတဲ့ ဗီဒီယိုတွေကို လက်သင်္ကေတပြစကား ၁၀၀ ကျော်နဲ့ ထုတ်ဝေခြင်း၊ လက်သင်္ကေတပြစကားနဲ့ ကျမ်းစာပညာပေးအစီအစဉ်၊ ခရစ်ယာန်အစည်းအဝေးတွေ ပြင်ဆင်ပေးခြင်းအားဖြင့်ပါ။ ဘုရားဆီက အကူအညီ ရယူချင်သူတိုင်း အဲဒီအရာတွေ အခမဲ့ရရှိနိုင်တယ်။ ဘာကြောင့်လဲ။ “အခမဲ့ ရထားတဲ့အတွက် အခမဲ့ ပေးကမ်းကြပါ” လို့ ယေရှုမိန့်မှာထားလို့ပါ။—မဿဲ ၁၀:၈။

 အွန်လိုင်းမှာ ကြည့်ဖို့ ဒါမှမဟုတ် ကူးယူဖို့ အောက်ပါအတိုင်း လုပ်ဆောင်နိုင်တယ်–

 JW.ORG ဝက်ဘ်ဆိုက်။ ဝက်ဘ်ဆိုက်စာမျက်နှာ အပေါ်ထိပ်မှာတွေ့ရတဲ့ ဘာသာစကား သင်္ကေတကို နှိပ်ပြီး ကိုယ်ကြည့်ချင်တဲ့ လက်သင်္ကေတပြစကားကို ရှာပါ။

 JW Library Sign Language အက်ပ်။ ဒီအက်ပ်ကို အခမဲ့ ကူးယူနိုင်တယ်။ လက်သင်္ကေတပြစကားနဲ့ ဗီဒီယိုတွေ ကူးယူနိုင်တယ် ဒါမှမဟုတ် တိုက်ရိုက်ကြည့်ရှုနိုင်တယ်။

ကျမ်းစာပညာပေး အစီအစဉ်များ

 လက်သင်္ကေတပြစကားနဲ့ ကျမ်းစာ။ အမေရိကန် လက်သင်္ကေတပြစကားနဲ့ ထုတ်ဝေတဲ့ ကမ္ဘာသစ်ဘာသာပြန်ကျမ်းဟာ လက်သင်္ကေတပြစကားနဲ့ ထုတ်ဝေတဲ့ ကမ္ဘာ့ပထမဆုံးကျမ်းစာ ဖြစ်တယ်။ ကမ္ဘာသစ်ဘာသာပြန်ကျမ်းကို တစ်အုပ်လုံးအနေနဲ့ဖြစ်စေ၊ တစ်စိတ်တစ်ပိုင်းအနေနဲ့ဖြစ်စေ လက်သင်္ကေတပြစကားများစွာနဲ့ ရနိုင်ပါတယ်။ ဘာသာစကားအရေအတွက် နှစ်တိုင်း တိုးနေပါတယ်။ (ဘာသာစကားစာရင်း ကြည့်ဖို့ ဒါမှမဟုတ် ကျမ်းစာကို အွန်လိုင်းကနေကြည့်ဖို့ “ လက်သင်္ကေတပြစကားနဲ့ ထုတ်ဝေထားတဲ့ ကမ္ဘာသစ်ဘာသာပြန်ကျမ်း” လေးထောင့်ကွက်ကို ကြည့်ပါ။)

•   လက်သင်္ကေတပြစကားနဲ့ ကျမ်းစာထုတ်လုပ်ပုံကို သိနိုင်ဖို့ အမေရိကန် လက်သင်္ကေတပြ ဘာသာစကား (ASL) နဲ့ ကမ္ဘာသစ်ဘာသာပြန်ကျမ်း အပြည့်အစုံ ရနိုင်ပြီ ဗီဒီယိုကို ကြည့်ပါ။

•   ကျမ်းစာဖတ်ရှုတဲ့ အတွေ့အကြုံ တိုးတက်စေဖို့ JW Library Sign Language အက်ပ်ကို ကူးယူပါ။ ကြည့်ချင်တဲ့ကျမ်းချက် တစ်ချက်ချင်းစီ ရွေးချယ်နိုင်တယ်။

•   ဒမီထရိုနဲ့ ဗီတာဟာ နားမကြား မိဘတွေ ဖြစ်ပြီး သူတို့ရဲ့ ကလေးသုံးယောက်ကတော့ နားကြားတယ်။ လက်သင်္ကေတပြစကားနဲ့ ကျမ်းစာဗီဒီယိုကို နေ့တိုင်းကြည့်ရှုလို့ သူတို့ အကျိုးရရှိပုံကို ရှုစားကြည့်ပါ။

 ကျမ်းစာအကြောင်း သင်ပေးတဲ့ ဗီဒီယိုများ။ ကျမ်းစာရဲ့ လက်တွေ့ကျအကြံပြုချက်ကို နားလည်သဘောပေါက်ပြီး လက်တွေ့ကျင့်သုံးနိုင်အောင် လက်သင်္ကေတပြစကားနဲ့ ဗီဒီယိုတွေကို အောက်ပါကဏ္ဍအလိုက် ယေဟောဝါသက်သေတွေ ထုတ်လုပ်နေပါတယ်–

•   အိမ်ထောင်သည်၊ မိသားစု

•   ဆယ်ကျော်သက်၊ လူငယ်

•   ကလေး

 တစ်ဦးချင်း ကျမ်းစာလေ့လာနိုင်တဲ့ အစီအစဉ်။ ကျမ်းစာသင်ပေးသူနဲ့အတူ သင်အချိန်ပေးနိုင်သလောက် လက်သင်္ကေတပြစကားနဲ့ ကျမ်းစာလေ့လာပါ။ အခမဲ့ကျမ်းစာလေ့လာမှု အစီအစဉ်ကို ဘယ်လိုလုပ်သလဲဆိုတာ ပြပေးဖို့ တောင်းဆိုပါ။

 ဖိလစ်ပိုင်က ဂျေစန် စဲနာဂျိုနန် ကျမ်းစာလေ့လာတဲ့အတွက် ဘုရားနဲ့ ဘယ်လိုရင်းနှီးလာတယ်ဆိုတာ လေ့လာကြည့်ပါ။

 မာရီယို အန်တူနက်ဇ်ဟာ ဟွန်ဒူးရပ်စ်နိုင်ငံက ဓမ္မဆရာတစ်ယောက်ပါ။ “ကျွန်တော့်မှာ အဖြေထက် မေးခွန်းက ပိုများနေတယ်” ဆိုတဲ့ ဆောင်းပါးမှာ သူ သိချင်နေတဲ့ ကျမ်းစာမေးခွန်းတွေရဲ့ အဖြေ ရရှိခဲ့ပုံအကြောင်း ဖတ်ကြည့်ပါ။

 အစည်းအဝေးများ၊ အစည်းအဝေးကြီးများ။ ကမ္ဘာတစ်ဝန်းမှာ လက်သင်္ကေတပြစကားနဲ့ အသင်းတော်တွေ၊ အုပ်စုတွေ ရှိပါတယ်။ နားမကြားသူတွေ အပတ်တိုင်း အတူစုဝေးပြီး သင်ယူကြတယ်၊ ဝတ်ပြုကြတယ်။ လက်သင်္ကေတပြစကားနဲ့ ကျမ်းစာပညာပေး အစည်းအဝေးကြီးတွေကိုလည်း နှစ်တိုင်း စီစဉ်ပေးပါတယ်။ အစည်းအဝေးတွေ၊ အစည်းအဝေးကြီးတွေမှာ မျက်မမြင် နားမကြားသူတွေအတွက် အထိအတွေ့ လက်သင်္ကေတစကားနဲ့ ဘာသာပြန်ပေးပါတယ်။ မျက်မမြင်စာကိုလည်း အခမဲ့ ထုတ်လုပ်ပေးပါတယ်။

•   အနီးဆုံး အသင်းတော်ကို ရှာပါ။

•   နှစ်စဉ်ကျင်းပတဲ့ ခရိုင်အစည်းအဝေး၊ တိုက်နယ်အစည်းအဝေးတွေအကြောင်း လေ့လာကြည့်ပါ။

•   နှစ်တစ်နှစ်ရဲ့ အရေးအကြီးဆုံး အခါသမယဖြစ်တဲ့ ယေရှုခရစ်ရဲ့ သေခြင်း အောက်မေ့ရာနေ့ကို တက်ရောက်ပါ။

 ဟိုစေး လူးဝစ် အာယာလာဟာ မက္ကဆီကိုမှာ နေတယ်။ နားမကြားသူအဖြစ် မွေးဖွားလာပြီး နောက်ပိုင်း မျက်စိပါ မမြင်တော့ဘူး။ ဒါပေမဲ့ နောက်ပိုင်း ကျမ်းစာကို ထိထိရောက်ရောက် သွန်သင်ပေးနိုင်သူ ဖြစ်လာတယ်။ ဘာကြောင့်လဲဆိုတာ လေ့လာကြည့်ပါ။