သီချင်း ၁၃
ကျေးဇူးတော်ချီးမွမ်းပတ္ထနာ
၁။ ကရုဏာရှင်ယေဟောဝါ ချီးမွမ်းထိုက်လှ၊
အသံကိုမြှင့်ချီးမြှောက် မြတ်ဘုရားအား။
တောင်းဆုနားညောင်းရှင် ကျွန်ုပ်တို့ဦးချ၊
ကိုယ်တော့်စောင့်ရှောက်မှုအောက် ဝင်တိုးဝှေ့ကြ။
နေ့တိုင်းမှားယွင်းမှုများ အားနည်းကြောင်းပြ၊
ပြစ်မှားခြင်းများတွက် ခွင့်လွှတ်မှုကိုရှာ။
ချစ်သားမြတ်သွေးဖြင့် ကျွန်တို့အားရွေးထား၊
ကိုယ်တော်သွန်သင်ပေးခြင်း ခံရလိုပါ။
၂။ ကိုယ်တော့်အလင်းတော်တွင် သင်ပြပေးဖို့
ကိုယ်တော်ခေါ်ဖိတ်သူများ ပျော်ရွှင်ဝမ်းသာ။
ကိုယ်တော်အားသိရန် သင်ပြပေးပါ။
အိမ်တော်မြတ်၌ အမြဲနေရလိုပါ။
ထိတ်လန့်အံ့သြဖွယ် တန်ခိုးကြီးလက်တော်၊
ကျွန်တော်များရဲရင့်ဖို့ ထောက်မနေမြဲ။
ကယ်တင်ရှင်၏နိုင်ငံ ဘယ်တော့မကျ၊
ထို့ကြောင့် ကိုယ်တော့်ကျွန်များ လိုက်ဟောပြောကြ။
၃။ ဝမ်းမြောက်ခြင်းတိုးရန် စောင်မတော်မူပါ၊
မြေတစ်ခွင်ကိုယ်တော့်ဝတ်ပြုရေးပျံ့စေ။
ကောင်းမြတ်ခြင်းများဖြင့်ကိုယ်တော့်အုပ်ချုပ်ရေး၊
ဝမ်းနည်း၊ ဒုက္ခ၊ ဖျားနာ၊ သေခြင်း ကင်းစေ။
ဆိုးညစ်မှုအားလုံး ချစ်သားဖျက်ဆီးပြီး၊
ကောင်းချီးရသတ္တဝါတွေ ဝမ်းမြောက်သံပေး။
ကျေးဇူးတေးကျူး အောင်သံပေး၍ဟစ်ကြွေး၊
“ချီးမွမ်းယေဟောဝါ ဘုန်းတော်ကြီးမင်းပေ။”