သင်​မှတ်မိ​သလော

မကြာသေးမီ​က​ထုတ်ဝေ​ခဲ့​သော ကင်းမျှော်စင်​စာစောင်​များ​ကို​ဖတ်ရှု​ရ​၍ တန်ဖိုး​ထား​လေးမြတ်​ခဲ့​ပါသလော။ သို့ ဖြစ်​လျှင် အောက်ပါ​မေးခွန်းများကို သင်​ဖြေဆို​နိုင်၊ မ​နိုင် စမ်း​ကြည့်​ပါ–

• တစ်စုံ​တစ်ဦး​နှင့် သဘောထား​ကွဲလွဲ​မှု​ကို​ဖြေရှင်း​ရာ​တွင် အဘယ်အရာက​အခြေခံ​ဖြစ်သနည်း။

ဦးဆုံး ကျွန်ုပ်​တို့အားလုံး အတွေးအခေါ်​မှား​များနှင့် စိတ်​နေ​စိတ်ထား​မှား​များ​ရှိ​နိုင်​ကြောင်းကို အသိအမှတ်ပြု​သင့်​သည်။ ထို့နောက် ပြဿနာ​၏​ဇာစ်​မြစ်​သည် အခြားသူ​မဟုတ်ဘဲ မိမိ​ကိုယ်တိုင်​ဟုတ်မဟုတ် အလေးအနက်​သုံးသပ်​သင့်​သည်။—၈/၁၅၊ စာမျက်နှာ ၂၃။

• တမန်​တော် ၃:၂၁ တွင်​ဖော်ပြ​ထားသော “အသစ်​ပြုပြင်​တော်​မူ​သော​ကပ်ကာလ” သည် အဘယ်​အချိန်၌​ဖြစ်​မည်​နည်း။

အသစ်​ပြုပြင်ခြင်း​သည် အဆင့်​နှစ်ဆင့်​ဖြစ်သည်။ ပထမ​မှာ ၁၉၁၉ မှ​စ၍ ဖြစ်ပျက်​ဆဲ​ရှိသည့် ဝိညာဉ်​ရေးရာ​ပရဒိသု​သို့ အသစ်​ပြုပြင်ခြင်း​ဖြစ်သည်။ နောက်ထပ်​အသစ်​ပြုပြင်ခြင်း​မှာ ကျွန်ုပ်​တို့၏​ကမ္ဘာ​မြေကြီးကို ပကတိ​ပရဒိသု​အခြေအနေ​သို့ ပြန်လည်​ထူထောင်​လာသော​အခါ​ဖြစ်သည်။—၉/၁၊ စာမျက်နှာ ၁၇၊ ၁၈။

• နယပုံပြင် ၆:၆-၈ တွင်​ဖော်ပြ​ထား​သကဲ့သို့ ပုရွက်ဆိတ်​သည် မည်သို့​ဦးစီး​မရှိ​သနည်း၊ သို့သော်လည်း ကျွန်ုပ်​တို့အတွက် မည်သို့​ပုံသက်သေ​ကောင်း​ပေး​သနည်း။

ပုရွက်ဆိတ်​အုံ​တစ်ခု​တွင် ပုရွက်ဆိတ်​ဘုရင်မ​တစ်ကောင်​ရှိသည်၊ သို့သော် ၎င်း​သည် ဥ​ဥ​ပေးဖို့​နှင့် ပုရွက်ဆိတ်​အုံ​၏​မိခင်​အနေ​ဖြင့်​သာ ဘုရင်မ​ဖြစ်နေ​သည်။ ပုရွက်ဆိတ်​များသည် လုံ့လ​ဝီရိယ​ရှိကြသည်​ဖြစ်၍ ကျွန်ုပ်​တို့​လည်း ကြီးကြပ်​ပေး​သူ​မရှိသည့်​အခါ​၌​ပင် ကျွန်ုပ်​တို့၏​အလုပ် တိုးတက်စေ​ဖို့ ကြိုးပမ်း​အားထုတ်​နေ​သင့်​သည်။—၉/၁၅၊ စာမျက်နှာ ၂၆။

• ယောရှိ​သည် တိုက်ပွဲ​တွင် အကြီးအကျယ်​ဒဏ်ရာ​ရခဲ့​သည်​ဖြစ်​ရာ ၄ ဓမ္မ​ရာဇဝင် ၂၂:၂၀ ၌ မှတ်တမ်း​တင်ထား​သည့်​အတိုင်း “ငြိမ်​ဝပ်” စွာ​သူ​သေဆုံး​မည်​ဟူသော ဟု​လ​ဒ​၏​ပရောဖက်ပြုချက်​သည် မှန်ကန်​ခဲ့​သလော။

မှန်ကန်​ခဲ့​ပါ​သည်၊ ဗာဗုလုန်​လူမျိုး​တို့သည် ယေရုရှလင်​မြို့ကို​ဝိုင်းရံ​၍ ဖျက်ဆီး​ခဲ့​ချိန် ဘီ.စီ.အီး. ၆၀၉-၆၀၇ ခုနှစ် ဘေးဆိုး​မ​ဆိုက်​မီ​သေဆုံး​ခဲ့​သည့်​သဘောဖြင့် ငြိမ်​ဝပ်​စွာ​သူ​သေဆုံး​ခဲ့​သည်။—၉/၁၅၊ စာမျက်နှာ ၃၀။

• ရှောလမုန်က ဇနီး​တစ်ဦး​ကို “စုံမက်​တတ်သော​သမင်​မ၊ နှစ်လိုဖွယ်​သော​ဒရယ်​မ [“တောင်ဆိတ်၊” က​ဘ]” အဖြစ်​ဖော်ပြခြင်း​သည် မည်သို့​ချီးမွမ်း​ခြင်း​ဖြစ်သနည်း။ (သု. ၅:၁၈၊ ၁၉)

တောင်ဆိတ်​မ​သည် နူးညံ့​သိမ်မွေ့​သော​သဘောသဘာဝ​နှင့် လှပ​ကျော့​ရှင်း​သော​ဟန်ပန်​ရှိသည်။ သို့သော် ၎င်း​သည် အစားအစာ​ရှားပါး​သည့် ကျောက်ဆောင်​ပေါများ၊ ခရီး​မ​ပေါက်​နိုင်သော​နေရာများ​တွင် အသက်ရှင်​၍ မွေးဖွား​နိုင်​သည်။—၁၀/၁၊ စာမျက်နှာ ၃၀၊ ၃၁။

• ဟင်နရီ​ဂ​ရူး​နှင့် ဂျော့ဂျ်​စ​တော​စ်​တို့​ကား မည်သူ​များ​နည်း။

ဤ​သူ​နှစ်ဦး​တို့သည် ၁၈၀၀ ပြည့်လွန်​နှစ်များ​တွင် အသက်ရှင်ခဲ့​ကြ​ပြီး စိတ်​ထက်သန်​သော ကျမ်းစာ​ကျောင်းသား​များ​ဖြစ်​ခဲ့​ကြသည်။ သုံးပါး​တစ်ဆူ​သည် မသေ​နိုင်သော​စိုးလ်​နှင့် မီးငရဲ​အယူဝါဒ​များ​ကဲ့သို့ ကျမ်းစာ​နှင့်​မညီညွတ်​ကြောင်း ဂ​ရူး​သိရှိ​ခဲ့​သည်။ အချို့​သူတို့သည် မြေကြီးပေါ်​တွင် အဆုံးမဲ့​အသက်​ရရှိ​မည်​ကို စ​တော​စ်​သဘောပေါက်ခဲ့​သည်။ သူတို့​နှစ်ဦးစလုံး​မှာ ၁၈၇၉ တွင်​ဤ​မဂ္ဂဇင်း​ကို​စတင်​ထုတ်ဝေ​ခဲ့​သော ချားလ်စ် တေ​ဇ် ရပ်စဲ​လ်​ထက် အရင်​ကျ​သူများ​ဖြစ်​ကြ​၏။—၁၀/၁၅၊ စာမျက်နှာ ၂၆-၃၀။

• ယေဟောဝါသက်သေ​များသည် မိမိ​ကိုယ်နှိုက်​၏​သွေး​ကို​အသုံးပြု​သော ဆေးကု​ထုံး​များ​ကို မည်သို့​ရှုမြင်ကြ​သနည်း။

သူတို့သည် မိမိတို့၏​ယုံကြည်ချက်များ​ကို ကျမ်းစာ​ပေါ်​အခြေပြု​ကာ မိမိ​ကိုယ်နှိုက်​၏​အသွေးကို သိုလှောင်​၍ ပြန်​သွင်း​ခြင်း​မပြု​ကြ​ပါ။ ခရစ်ယာန်​ယောက်​တိုင်း​သည် ခွဲစိတ်​ကုသ​နေစဉ်၊ ဆေးစစ်​ခံ​နေစဉ် သို့​မဟုတ် လောလောလတ်လတ်​ကုထုံး​တို့​ဖြင့်​ကုသ​နေစဉ် မိမိ၏​ကိုယ်ပိုင်​သွေး​ကို မည်သို့​ပြုလုပ်​မည်​နှင့်​စပ်လျဉ်း၍ မိမိ​ဘာသာ​ဆုံးဖြတ်​ကြသည်။ သွေး​နှင့်​ပတ်သက်​၍ ကျမ်းစာ​မည်သို့​ဆို​ကြောင်း ဆင်ခြင်​သုံးသပ်​ကာ မိမိသည် ဘုရားသခင်​ထံ လုံးလုံး​ဆက်ကပ်​အပ်နှံ​ထား​ကြောင်း သူ​သတိရ​သင့်​သည်။—၁၀/၁၅၊ စာမျက်နှာ ၃၀၊ ၃၁။

• ဤ​နှစ်​အစောပိုင်း​၌​ပြုလုပ်​ခဲ့​သော စစ်တမ်း​တစ်ခု​က ကမ္ဘာ​တစ်ဝန်း ယေဟောဝါသက်သေ​များ​အကြား​တွင် အဘယ်အရာ​အထူး​လိုအပ်ကြောင်း ဖော်ပြ​ခဲ့​သနည်း။

ငွေကြေး​ချို့တဲ့သော ဖွံ့ဖြိုးဆဲ​နိုင်ငံ​များ​တွင် ဘုရားသခင့်​နိုင်ငံတော်​ခန်းမ​ပေါင်း ၁၁,၀၀၀ ကျော်​လို​သည်။ နိုင်ငံ​များစွာ​ရှိ ခရစ်ယာန်​များ​ထံ​မှ​အလှူငွေများ​ကို သင့်လျော်​သော အစည်းအဝေး​ကျင်းပ​ရာ​နေရာများ ဆောက်လုပ်​ခြင်း​၌ ထောက်ပံ့​ပေးဖို့ ရည်ရွယ်​ထား​သည်။—၁၁/၁၊ စာမျက်နှာ ၃၀။

• သမ္မာကျမ်းစာ​တွင် ဝတ်ပြုရေး​နှင့်​ပတ်သက်​၍ အသုံးပြု​ထားသော မူရင်း​စကားလုံး​အချို့​ကား အဘယ်နည်း။

တစ်ခု​မှာ “လူထု​အမှုဆောင်ခြင်း” ဟု​ပြန်ဆို​ထားသော လီ​တို​ယိ​အာ​ဖြစ်သည်။ အခြား​တစ်ခု​မှာ “မြင့်မြတ်​သော​အမှုဆောင်ခြင်း” ဟု​ဘာသာပြန်​ထာ​သော လာ​ထ​ရီ​အာ​ဖြစ်၏။ (ဟေဗြဲ ၁၀:၁၁; လုကာ ၂:၃၆၊ ၃၇)—၁၁/၁၅၊ စာမျက်နှာ ၁၁-၁၂။

• အာဒံ၊ ဧဝ​တို့​နှင့်​ပတ်သက်သော ကျမ်းစာ​မှတ်တမ်း​မှ ကျွန်ုပ်​တို့​သင်ယူ​နိုင်​သည့် အခြေခံကျ​သော​သင်ခန်းစာ​တစ်ခု​ကား အဘယ်နည်း။

ဘုရားသခင်​ထံ​မှ အမှီအခို​ကင်း​ရေး​အတွက် အရေး​ဆို​ခြင်း​မှန်သမျှ​သည် လုံးလုံး​မိုက်မဲ​၏။—၁၁/၁၅၊ စာမျက်နှာ ၂၄-၇။

• ဘုရားသခင်​သည် မိမိ၏​ကျေးကျွန်​များ​ကို ခွန်အား​ပေး​တော်​မူ​ကြောင်း အဘယ်​ကျမ်း​ဆိုင်ရာ​အထောက်အထား​ရှိ​သနည်း။

ယေဟောဝါ​ဘုရားသခင်​သည် ခွန်အား​နှင့်​ပြည့်စုံစေခြင်း​သည် အမှန်​ဖြစ်​ကြောင်း ဒါဝိဒ်၊ ဟဗက္ကုတ်​နှင့် ပေါလု​တို့အားလုံး​က ကိုယ်တိုင်​အထောက်အထား​များ​ပေး​ခဲ့​ကြသည်။ (ဆာလံ ၆၀:၁၂; ဟဗက္ကုတ် ၃:၁၉; ဖိလိပ္ပိ ၄:၁၃) ထို့​ကြောင့် ဘုရားသခင်​သည် ကျွန်ုပ်​တို့ကို​ခွန်အား​ပေး​လို​သည့်​ဆန္ဒ​ရှိပြီး တတ်​လည်း​တတ်နိုင်​တော်​မူ​ကြောင်း ယုံကြည်​စိတ်ချ​နိုင်​ပါ​သည်။—၁၂/၁၊ စာမျက်နှာ ၁၀၊ ၁၁။