ဟေရှာယ ၅၅:၁-၁၃
၅၅ ရေငတ်နေသူအပေါင်းတို့၊+ ရေရှိရာကို လာကြ။+
ငွေမရှိသူတို့၊ လာကြ။ ဝယ်စားကြ။
ငွေမပေးဘဲ၊ အဖိုးအခ မပေးဘဲ+ စပျစ်ဝိုင်နဲ့ နို့ကို ဝယ်ကြ။+
၂ စားစရာမဟုတ်တဲ့အရာအတွက် ဘာလို့ ငွေကုန်ခံနေတာလဲ။
အဆာမပြေနိုင်တဲ့အရာအတွက် ဘာလို့ ချွေးနှဲစာကို ဖြုန်းနေတာလဲ။
ငါပြောတာကို အသေအချာ နားထောင်ကြ။ ကောင်းတဲ့အစာကိုပဲ စားကြ။+
ဒါဆိုရင် အဆီအနှစ်ပြည့်ဝတဲ့ အစာကို မင်းတို့ မြိန်ရေရှက်ရေ စားရလိမ့်မယ်။+
၃ နားစွင့်ကြ။ ငါ့ဆီ လာကြ။+
နားထောင်ကြ။ ဒါဆို မင်းတို့ ဆက်အသက်ရှင်လိမ့်မယ်။
ငါက မင်းတို့နဲ့ ထာဝရပဋိညာဉ် ဖွဲ့မယ်။+
ဒါဝိဒ်ကို ကတိပေးခဲ့တဲ့ ခိုင်မြဲတဲ့မေတ္တာမျိုး မင်းတို့ကို ပြမယ်။ အဲဒီမေတ္တာဟာ ယုံကြည်စိတ်ချထိုက်တယ်။+
၄ ကြည့်ပါ။ လူမျိုးတွေအတွက် သက်သေအဖြစ် သူ့ကို ငါခန့်လိုက်ပြီ။+
လူမျိုးတွေအတွက် ခေါင်းဆောင်အဖြစ်၊+ အမိန့်ပေးသူအဖြစ်+ ခန့်လိုက်ပြီ။
၅ ကြည့်ပါ။ မင်းက မသိတဲ့လူမျိုးတစ်မျိုးကို ခေါ်လာလိမ့်မယ်။
မင်းကိုမသိတဲ့ လူမျိုးထဲက လူတွေကလည်း အစ္စရေးတို့ရဲ့ သန့်ရှင်းတဲ့အရှင် ယေဟောဝါဘုရားကြောင့်+ မင်းဆီ ပြေးလာလိမ့်မယ်။
မင်းကို ဘုရားဂုဏ်တင်မှာ ဖြစ်လို့ပဲ။+
၆ ယေဟောဝါကို တွေ့နိုင်တုန်းမှာ ရှာကြ။+
အနားမှာရှိနေတုန်း ခေါ်ပြီး ဆုတောင်းကြ။+
၇ လူဆိုးက မိမိလမ်းစဉ်ကို စွန့်ပါစေ။+
လူယုတ်မာကလည်း မိမိအကြံအစည်တွေကို စွန့်ပါစေ။
ကရုဏာပြမယ့် ယေဟောဝါဆီ ပြန်လှည့်လာပါစေ။+
ဘုရားသခင်က အကြွင်းမဲ့ ခွင့်လွှတ်လိမ့်မယ်။+
၈ ယေဟောဝါ ပြောတာက– “ငါ့အကြံအစည်ဟာ မင်းတို့ရဲ့ အကြံအစည်နဲ့ မတူဘူး။+
ငါ့လမ်းစဉ်လည်း မင်းတို့ရဲ့လမ်းစဉ်နဲ့ မတူဘူး။
၉ မိုးကောင်းကင်ဟာ မြေကြီးထက် မြင့်မားသလို ငါ့လမ်းစဉ်ဟာ မင်းတို့ရဲ့လမ်းစဉ်ထက်၊
ငါ့အကြံအစည်ဟာ မင်းတို့ရဲ့ အကြံအစည်ထက် မြင့်မားတယ်။+
၁၀ မိုးတွေ၊ နှင်းတွေဟာ ကောင်းကင်ကနေ ကျလာပြီးနောက် မြေကြီးစိုစွတ်အောင်၊ သီးနှံဖြစ်ထွန်းအောင် မလုပ်ပေးဘဲ၊
မျိုးကြဲသူအတွက် မျိုးစေ့၊ စားသုံးသူအတွက် စားစရာမပေးဘဲ ပြန်တက်သွားရိုးထုံးစံ မရှိဘူး။
၁၁ ငါ့နှုတ်ထွက်စကားလည်း အဲဒီလိုပဲ ဖြစ်မယ်။+
မပြည့်စုံဘဲ ငါ့ဆီပြန်လာမှာ မဟုတ်ဘူး။+
ငါအလိုရှိရာ မှန်သမျှကို ကျိန်းသေ ပြီးမြောက်စေမယ်။+
ငါစေခိုင်းတဲ့အတိုင်း ကျိန်းသေ အောင်မြင်မယ်။
၁၂ မင်းတို့ ဝမ်းသာအားရ ထွက်သွားရလိမ့်မယ်။+
ချောချောမောမော ပြန်လာမယ်။+
မင်းတို့ပြန်ရောက်လာတဲ့အခါ တောင်တန်းတောင်ကုန်းတွေ ပျော်မြူးပြီး ရွှင်လန်းစွာ ကြွေးကြော်မယ်။+
တောသစ်ပင်တွေလည်း လက်ခုပ်တီးမယ်။+
၁၃ ဆူးချုံအစား ဂျူနီပါထင်းရှူးပင် ပေါက်လာမယ်။+
ဆူးဖက်ယားပင်အစား မုရတုပင်* ပေါက်လာမယ်။
ဒါဟာ ပျက်စီးမသွားမယ့် ထာဝရအထောက်အထား ဖြစ်မယ်။
ငါယေဟောဝါလည်း ဂုဏ်သတင်း ကျော်စောလိမ့်မယ်။”+
အောက်ခြေမှတ်ချက်များ
^ အရွက်ပြောင်လက်ပြီး အပွင့်ဖြူဖွေး မွှေးကြိုင်တဲ့ ချုံပင်။
