နိုင်ငံတော် သတင်းကောင်းကို လစဉ် တက်တက်ကြွကြွ ဟောပြောနေသူတွေကိုပဲ ယေဟောဝါသက်သေတွေအဖြစ် ရေတွက်ပါ တယ်။ (မဿဲ ၂၄:၁၄) အဲဒီထဲမှာ နှစ်ခြင်းခံပြီးသား ယေဟောဝါသက်သေတွေရော၊ နှစ်ခြင်းမခံရသေးပေမဲ့ ဟောပြောခြင်းလုပ်ငန်းမှာ ပါဝင်ဖို့ အရည်အချင်း ပြည့်မီသူတွေရော ပါဝင်တယ်။

 မလှူဒါန်းရပါဘူး။ လူတစ်ယောက် ယေဟောဝါသက်သေ ဖြစ်တာ၊ အဖွဲ့အစည်းမှာ တာဝန် ဒါမှမဟုတ် အခွင့်ထူး ရတာက ငွေကြေး လှူဒါန်းတာနဲ့ မသက်ဆိုင်ဘူး။ (တမန်တော် ၈:၁၈-၂၀) တကယ်တော့ အလှူငွေအများစုကို ဘယ်သူဘယ်ဝါ လှူမှန်း မသိပါဘူး။ ယေဟောဝါသက်သေ အားလုံးက ကမ္ဘာချီလုပ်ငန်းအတွက် မိမိတို့ရဲ့ အချိန်၊ ခွန်အား၊ ပစ္စည်းဥစ္စာတွေကို စေတနာရှိသလောက်၊ အခြေအနေခွင့်ပြုသလောက် ပေးလှူကြတယ်။—၂ ကောရိန္သု ၉:၇။

 ယေဟောဝါသက်သေတွေက လစဉ် ဟောပြောခြင်းလုပ်ငန်း မှတ်တမ်းကို သက်ဆိုင်ရာ အသင်းတော်ဆီ ပေးရတယ်။ ဒီမှတ်တမ်းကို ကိုယ့်ဆန္ဒအလျောက် ပေးကြတာ။

 အသင်းတော် မှတ်တမ်းတွေကို စာရင်းပြုစုပြီးနောက် စုစုပေါင်းကို ဒေသခံဌာနခွဲဆီ ပို့ပေးတယ်။ ဌာနခွဲက တစ်နိုင်ငံလုံး မှတ်တမ်း စုစုပေါင်းကို ကမ္ဘာ့ဌာနချုပ်ဆီ ပို့ပေးတယ်။

 လုပ်ငန်းတော်နှစ် a အကုန်မှာ အဲဒီနှစ်အတွင်း တစ်နိုင်ငံစီရဲ့ အများဆုံး ယေဟောဝါသက်သေ အရေအတွက်ကို ဆုံးဖြတ်တယ်။ အဲဒီအရေအတွက်တွေကို ပေါင်းလိုက်တဲ့အခါ တစ်ကမ္ဘာလုံးရဲ့ အရေအတွက်ကို သိရတယ်။ ကျွန်တော်တို့ရဲ့ ဝက်ဘ်ဆိုက် “ကမ္ဘာတစ်ဝန်း” ကဏ္ဍမှာ တစ်နိုင်ငံစီအတွက် အသေးစိတ် မှတ်တမ်းကို ထုတ်ပြန်ထားပါတယ်။ ဒီမှတ်တမ်းတွေက ကျွန်တော်တို့ကို အားရှိစေပါတယ်။—တမန်တော် ၂:၄၁။ ၄:၄။ ၁၅:၃။

 ယေဟောဝါသက်သေ အရေအတွက်ထဲမှာ သူတို့တွေ မပါပါဘူး။ ဒါပေမဲ့ သူတို့ကို အသင်းတော်က လှိုက်လှိုက်လှဲလှဲ ကြိုဆိုပါတယ်။ သူတို့အများစုဟာ ခရစ်တော်ရဲ့ သေခြင်း အောက်မေ့ရာနေ့ အစီအစဉ်ကို တက်ရောက်ကြတယ်။ သူတို့ရဲ့ အရေအတွက်ကို သိနိုင်ဖို့ဆိုရင် အောက်မေ့ရာနေ့ အစီအစဉ်တက်ရောက်သူ အရေအတွက်နဲ့ ယေဟောဝါသက်သေ အရေအတွက်ကို နှိုင်းယှဉ်ကြည့်နိုင်ပါတယ်။ ၂၀၂၃ ခုနှစ်မှာ အောက်မေ့ရာနေ့ အစီအစဉ်ကို တက်ရောက်သူ ၂၀,၄၆၁,၇၆၇ ယောက် ရှိတယ်။

 ယေဟောဝါသက်သေတွေရဲ့ အစည်းအဝေးတွေကို မတက်ရောက်သူ အများစုဟာ အခမဲ့ ကျမ်းစာလေ့လာမှု အစီအစဉ်ကနေ အကျိုးရနိုင်ပါတယ်။ ၂၀၂၃ ခုနှစ်အတွင်း လစဉ် ကျမ်းစာသင်အံမှုပေါင်း ၇,၂၈၁,၂၁၂ ခု ကျင်းပခဲ့တယ်။

 အစိုးရက လူတွေကို ဘယ်ဘာသာရေးအဖွဲ့ကလဲဆိုတာ မေးပြီးမှ အရေအတွက်ကို ဆုံးဖြတ်လေ့ရှိတယ်။ ဥပမာ၊ ယူအက်စ် သန်းခေါင်စာရင်းဌာနက စာရင်းကောက်တဲ့အခါ “လျှောက်ထားသူဟာ ဘယ်ဘာသာဝင်အဖြစ် ကိုယ့်ကိုယ်ကိုယ် ယူမှတ်သလဲဆိုတာပေါ် မူတည်ပြီး ဆုံးဖြတ်တယ်။” ဒါကြောင့် ထွက်ပေါ်လာတဲ့ အရေအတွက်ဟာ အဖြစ်မှန်ပေါ် မဟုတ်ဘဲ ကိုယ်ပိုင်ယူဆချက်အပေါ် အခြေခံတယ်။ ယေဟောဝါသက်သေတွေကျတော့ ဟောပြောခြင်းလုပ်ငန်းမှာ ပါဝင်ပြီး မှတ်တမ်းပေးသူတွေကိုပဲ ရေတွက်တယ်။ ကိုယ့်ကိုယ်ကိုယ် ယေဟောဝါသက်သေပါလို့ ပြောရုံပြောနေသူတွေကို ထည့်မတွက်ဘူး။