ကယ်လီဖိုးနီးယားတောင်ပိုင်း တောမီးလောင်တဲ့နေရာ ခြောက်နေရာမှာ မီးသတ်သမားတွေ ကြိုးစားပြီး မီးငြိမ်းသတ်နေကြပါတယ်။ လော့စ်အိန်ဂျလစ်၊ ရီဗာဆိုက်၊ ဆန်ဒီယေဂို၊ ဆန်တာ ဘာဘရာ၊ ဗင်တူရာနယ်မြေတွေမှာ တောမီးလောင်တာ ဧက ၂၅၀,၀၀၀ ကျော်သွားပြီ။

ကြေညာသူ ၄၈၄ ယောက်ဟာ နေအိမ်တွေကနေ ထွက်ခွာရကြောင်း၊ အများစုဟာ ဘေးကင်းတဲ့ဒေသမှာရှိတဲ့ ညီအစ်ကို/မတွေ၊ ဆွေမျိုးသားချင်းတွေရဲ့ အိမ်မှာ နေထိုင်ကြကြောင်း ကနဦးသတင်းတွေက ဖော်ပြတယ်။ ညီအစ်ကို/မတွေရဲ့ နေအိမ် ခြောက်လုံး မီးလောင်ပျက်စီးသွားပြီး နေအိမ်သုံးလုံး တစ်စိတ်တစ်ပိုင်း ပျက်စီးသွားတယ်။ ဒေသခံ အကြီးအကဲတွေနဲ့ တိုက်နယ်ကြီးကြပ်မှူးတွေက မီးဘေးသင့် ညီအစ်ကို/မတွေကို ကျမ်းစာနဲ့ အားပေးနှစ်သိမ့်ပေးပြီး လိုအပ်တဲ့ အကူအညီတွေ ပေးကြတယ်။

ညီအစ်ကို/မတွေအတွက် ကျွန်တော်တို့ ဆက်ဆုတောင်းပေးနေကြပါတယ်။ ပညာအလိမ္မာ ၁:၃၃ မှာပါတဲ့ “ငါ့စကားကို နားထောင်သူကတော့ ဘေးကင်းလုံခြုံစွာ နေရလိမ့်မယ်။ ဘေးဆိုးကို မကြောက်ဘဲ အေးချမ်းစွာ နေရလိမ့်မယ်” ဆိုတဲ့စကားတွေ ပြည့်စုံလာမယ့်နေ့ကိုလည်း စောင့်မျှော်နေကြပါတယ်။

Media Contact:

David A. Semonian, Office of Public Information, +1-845-524-3000