လက်စားချေခွင့်ရှိတယ်လို့ ထင်ရင်တောင် အဲဒီလိုလုပ်တာက ကျမ်းစာပေးတဲ့ အကြံဉာဏ်နဲ့ ဆန့်ကျင်တယ်။ “‘သူလုပ်ခဲ့သလို ငါပြန်လုပ်မယ်။ သူ့လုပ်ရပ်အတွက် ငါလက်တုံ့ပြန်မယ်’ လို့ မပြောနဲ့” ဆိုပြီး ကျမ်းစာ ဆိုတယ်။ (ပညာအလိမ္မာ ၂၄:၂၉) လက်စားချေချင်တဲ့ လူအတော်များများကို အကူအညီဖြစ်စေတဲ့ အကြံဉာဏ်တွေ ကျမ်းစာထဲမှာပါတယ်။

ဒီဆောင်းပါးမှာ

•  လက်စားချေဖို့ ကြိုးစားတာ ဘာမှားသလဲ

•  ဘုရား ဘယ်လို ပြစ်ဒဏ်စီရင်မလဲ

•  လက်စားချေချင်စိတ်ကို ဘယ်လို ဖျောက်ဖျက်နိုင်မလဲ

•  လက်စားချေတာနဲ့ပတ်သက်ပြီး မှားယွင်းတဲ့ ယူဆချက်များ

 တစ်ယောက်ယောက်က ကိုယ့်ကို နာကြည်းအောင်၊ စိတ်ထိခိုက်အောင် လုပ်တယ်ဆိုရင် သူ့ကို စိတ်ဆိုးတာ၊ ပြစ်ဒဏ်ခံစေချင်တာ သဘာဝပါ။ ဒါပေမဲ့ ကလဲ့စားချေတာဟာ ကျမ်းစာပြောတာနဲ့ မကိုက်ညီဘူး။ ဘာကြောင့်လဲ။

 ကိုယ်တိုင် ကလဲ့စားချေတာကို ဘုရားသခင် မကြိုက်ဘူး။ ကျမ်းစာထဲမှာ ယေဟောဝါ aဘုရား ဒီလို ပြောထားတယ်- “လက်စားချေတာဟာ ငါ့ကိစ္စပါ။ မတရားမှုအတွက် ငါ လက်တုံ့ပြန်ပေးမှာပါ။” (ရောမ ၁၂:၁၉) ဖြစ်နိုင်မယ်ဆိုရင် ကလဲ့စားချေမယ့်အစား ပြဿနာကို အေးအေးဆေးဆေး ဖြေရှင်းဖို့ ကျမ်းစာက အားပေးတယ်။ (ရောမ ၁၂:၁၈) အတတ်နိုင်ဆုံး ကြိုးစားဖြေရှင်းပေမဲ့ မအောင်မြင်ရင်ကော။ မတရားမှုအားလုံးကို ယေဟောဝါ ဖြေရှင်းပေးမယ်ဆိုတာ ယုံကြည်စိတ်ချဖို့ ကျမ်းစာက သတိပေးဆုံးမထားတယ်။—ဆာလံ ၄၂:၁၀၊ ၁၁။

 လူတွေကို ပြစ်ဒဏ်စီရင်ဖို့ အစိုးရအာဏာစက်တွေကို ဘုရားသခင် လောလောဆယ် ခွင့်ပြုထားတယ်။ (ရောမ ၁၃:၁-၄) အချိန်တန်တဲ့အခါ ရက်စက်ကြမ်းကြုတ်သူ အားလုံးကို ဘုရားသခင် တရားစီရင်ပါတော့မယ်။ ဆင်းရဲဒုက္ခတွေကို ဖယ်ရှားပစ်ပါတော့မယ်။—ဟေရှာယ ၁၁:၄။

•   စိတ်လိုက်မာန်ပါ လုပ်တာကို ရှောင်ပါ။ (ပညာအလိမ္မာ ၁၇:၂၇) လူတွေက ဒေါသထွက်နေတုန်း လုပ်မိ၊ ပြောမိတာတွေကို နောက်ပိုင်းမှ နောင်တရတတ်ကြတယ်။ မတုံ့ပြန်ခင် အချိန်ယူ စဉ်းစားသူတွေက မှန်ကန်တဲ့ဆုံးဖြတ်ချက်တွေ ချနိုင်ကြတယ်။—ပညာအလိမ္မာ ၂၉:၁၁။

•   အကြောင်းစုံကို သိဖို့ကြိုးစားပါ။ (ပညာအလိမ္မာ ၁၈:၁၃) ပြစ်မှားခံရတယ်ဆိုရင် ကိုယ့်ကိုယ်ကိုယ် ဒီလိုမေးသင့်တယ်။ ‘သူ ဘာကြောင့် ဒီလို လုပ်တယ်ဆိုတာ ငါမသိတဲ့ အကြောင်း တစ်ခုခုများ ရှိသလား။ သူ စိတ်အနှောင့်အယှက် ဖြစ်နေလို့များလား။ သူ မသိလိုက်ဘဲ လုပ်မိသွားတာလား။’ တစ်ခါတလေ တမင်တကာ လုပ်ပုံပေါက်ပေမဲ့ မတော်တဆ လုပ်မိတဲ့အမှား ဖြစ်နိုင်တယ်။

 မှားယွင်းတဲ့ ယူဆချက်- ကျမ်းစာက ကိုယ်တိုင် ကလဲ့စားချေခွင့် မပြုတဲ့အတွက် တိုက်ခိုက်ခံရတဲ့အခါ မခုခံရဘူး။

 အမှန်- တိုက်ခိုက်ခံရတဲ့အခါ ခုခံပိုင်ခွင့်ရှိတယ်။ အာဏာပိုင်တွေဆီက အကူအညီ တောင်းလို့ရတယ်။ ဒါပေမဲ့ ဖြစ်နိုင်တဲ့အခါတိုင်း အကြမ်းဖက်နည်းနဲ့ တုံ့ပြန်တာကို ရှောင်သင့်တယ်လို့ ကျမ်းစာဆိုတယ်။—ပညာအလိမ္မာ ၁၇:၁၄။